ຮອງນາຍົກລັດຖະມົນຕີຟ້າມບິ່ງມິງຕ້ອນຮັບຜູ້ຊ່ວຍວຽກລັດຖະມົນຕີການຕ່າງປະເທດອາເມລິກາ
(ພາບ: VGP/Hải Minh)
(vovworld) – ວັນທີ 8/5, ທ່ານຮອງນາຍົກລັດຖະມົນຕີ, ທັງເປັນລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິງ ມີການຕ້ອນຮັບທ່ານ Daniel Russel, ຜູ້ຊ່ວຍວຽກລັດຖະມົນຕີການຕ່າງປະເທດ ອາເມລິກາ ຮັບຜິດຊອບບັນຫາ ອາຊີຕາເວັນອອກ ແລະ ປາຊີຟິກ ພວມຢູ່ຢ້ຽມຢາມ ແລະ ເຮັດວຽກຢູ່ ຫວຽດນາມ. ນະທີ່ນີ້, ທ່ານຮອງນາຍົກລັດຖະມົນຕີ, ທັງເປັນລັດຖະມົນຕີກະຊວງການຕ່າງປະເທດ ຟ້າມບິ່ງມິງ ຢືນຢັນວ່າ: ຫວຽດນາມ ຖືເປັນສຳຄັນ ແລະ ປາດຖະໜາຢາກຊຸກຍູ້, ເຮັດໃຫ້ການພົວພັນຄູ່ຮ່ວມມືຮອບດ້ານ ຫວຽດນາມ - ອາເມລິກາ ເລິກເຊິ່ງກ່ວາອີກ. ເພື່ອສືບຕໍ່ຜັນຂະຫຍາຍການພົວພັນຄູ່ຮ່ວມມືຮອບດ້ານ ແລະ ກະກຽມໃຫ້ການສະເຫຼີມສະຫຼອງ 20 ປີແຫ່ງວັນຫັນການພົວພັນທາງການທູດເປັນປົກກະຕິໃນປີ 2015, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຟ້າມບິ່ງມິງ ສະເໜີໃຫ້ 2 ຝ່າຍພ້ອມກັນຊຸກຍູ້ເພື່ອບັນລຸໄດ້ບັນດາໝາກຜົນລະອຽດໃນໄລຍະຈະມາເຖິງ, ໃນນັ້ນມີການເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ຊຸກຍູ້ການຮ່ວມມືດ້ານເສດຖະກິດ - ການຄ້າ - ການລົງທຶນຜ່ານເລື່ອງ ອາເມລິກາ ສືບຕໍ່ເປີດປະຕູຕະຫຼາດໃຫ້ສິນຄ້າຂອງ ຫວຽດນາມ, ຈຳກັດບັນດາຮົ້ວກີດຂວາງດ້ານການຄ້າ, ມີວິວັດທະນາການຮັບຮອງຂໍ້ກຳນົດກົດລະບຽບເສດຖະກິດການຕະຫຼາດຂອງ ຫວຽດນາມ ພ້ອມກັບເລື່ອງສິ້ນສຸດການເຈລະຈາສັນຍາຄູ່ຮ່ວມມືຂ້າມ ປາຊີຟິກ (TPP).
ທ່ານ ຜູ້ຊ່ວຍວຽກລັດຖະມົນຕີການຕ່າງປະເທດ ອາເມລິກາ Daniel Russel ຢືນຢັນວ່າ: ເລື່ອງສ້າງຕັ້ງການພົວພັນຄູ່ຮ່ວມມືຮອບດ້ານກັບ ຫວຽດນາມ ແມ່ນສ່ວນໜຶ່ງທີ່ສຳຄັນໃນຍຸດທະສາດເພີ່ມທະວີການພົວພັນ ພາກພື້ນ ອາຊີ - ປາຊີຟິກ ຂອງທ່ານປະທານາທິບໍດີ Obama, ເຫັນດີເປັນເອກະສັນ ສົມທົບກັນເພື່ອສືບຕໍ່ ຜັນຂະຫຍາຍການພົວພັນຄູ່ຮ່ວມມຮອບດ້ານຢ່າງມີປະສິດທິຜົນ ແລະ ກະກຽມສະເຫຼີມ ສະຫຼອງ 20 ປີສຳເລັດການເຈລະຈາ TPP. ກ່ຽວກັບສະພາບການຢູ່ທະເລຕາເວັນອອກ ໃນປະຈຸບັນ, ທ່ານ Daniel Russel ໄດ້ຢ້ຳຄືນເລື່ອງໂຄສົກກະຊວງການຕ່າງປະເທດ ອາເມລິກາ ມີບົດກ່າວຄຳເຫັນກ່ຽວ ຂ້ອງເຖິງຮ້ານເຈາະນ້ຳມັນ HD 981 ຂອງ ຈີນ ແລະ ເນັ້ນໜັກວ່າ: ອາເມລິກາ ຄັດຄ້ານບັນດາ ການກະທຳເຮັດໃຫ້ປ່ຽນແປງ ສະພາບການເກົ່າ, ສົ່ງຜົນສະທ້ອນເຖິງເສລີພາບ, ຄວາມໝັ້ນຄົງ ແລະ ຄວາມປອດໄພ ການເດີນທະເລ, ກໍ່ຄືບັນດາການກະທຳນຳໃຊ້ ແລະ ນາບຂູ່ນຳໃຊ້ອາວຸດ, ຮຽກຮ້ອງ ໃຫ້ບັນດາຝ່າຍກ່ຽວຂ້ອງລະງັບໃຈ, ແກ້ໄຂບັນດາ ຜ່ານບັນດາມາດຕະການທາງການທູດ ແລະ ບົນພື້ນຖານກົດໝາຍສາກົນ.