ເວທີປາໄສໄດ້ດຶງດູດວິສາຫະກິດ, ຜູ້ຕາງໜ້າບັນດາເຄື່ອງໝາຍການຄ້າຢູ່ພາຍໃນ ແລະ ຕ່າງປະເທດ, ບັນດານັກຊ່ຽວຊານດ້ານເຄື່ອງໝາຍການຄ້າເຂົ້າຮ່ວມເປັນຈຳນວນຫຼາຍ. ເຂົ້າຮ່ວມລາຍການ, ທ່ານ ຫວູບ໋າຟຸ໋, ຫົວໜ້າກົມສົ່ງເສີມການຄ້າ, ກະຊວງອຸດສາຫະກຳການຄ້າຫວຽດນາມ, ໃຫ້ຮູ້ວ່າ.

      “ເວທີປາໄສເຄື່ອງໝາຍການຄ້າຫວຽດນາມ ໄດ້ເຕົ້າໂຮມບັນດານັກປາຖະກະຖາຢູ່ພາຍໃນ ແລະ ຕ່າງປະເທດ ຊ່ວຍບັນດາວິສາຫະກິດຫວຽດນາມ ມີຄວາມຮູ້ ແລະ ບົດຮຽນຕົວຈິງກ່ຽວກັບການສ້າງເຄື່ອງໝາຍການຄ້າໃນໄລຍະເຊື່ອມໂຍງ ແລະ ພັດທະນາການສົ່ງອອກຕື່ມອີກ, ປະກອບສ່ວນເພີ່ມມູນຄ່າເພີ່ມໃຫ້ຜະລິດຕະພັນຂອງວິສາຫະກິດ. ຂ້າພະເຈົ້າເຊື່ອໝັ້ນວ່າ, ເວທີປາໄສແມ່ນກາລະໂອກາດທີ່ດີເພື່ອໃຫ້ບັນດາວິສາຫະກິດ, ນັກຄຸ້ມຄອງຕັ້ງໜ້າແລກປ່ຽນ, ເຮັດແຈ້ງຄວາມສຳຄັນຂອງເຄື່ອງໝາຍການຄ້າໃນວິວັດການເຊື່ອມໂຍງ ແລະ ພັດທະນາການສົ່ງອອກແບບຍືນຍົງ, ຜ່ານນັ້ນ ປະກອບສ່ວນສ້າງລາຍການເຄື່ອງໝາຍການຄ້າແຫ່ງຊາດໃນໄລຍະຈະມາເຖິງແບບຍືນຍົງ”.