ທ່ານ ຮ່າກິມງັອກ ເອກອັກຄະລັດຖະທູດ ຫວຽດນາມ ປະຈຳ ອາເມລິກາ ແລະ ທ່ານ Ted Yoho ສະມາຊິກສະພາຕ່ຳ ອາເມລິກາ

ທີ່ການພົບປະຫວ່າງມໍ່ໆມານີ້ລະຫວ່າງ ທ່ານ ຮ່າກິມງັອກ ເອກອັກຄະລັດຖະທູດ ຫວຽດນາມ ປະຈຳ ອາເມລິກາ ແລະ ທ່ານ Ted Yoho ສະມາຊິກສະພາຕ່ຳ ອາເມລິກາ, ສະມາຊິກຂັ້ນສູງອະນຸກຳມະການອາຊີ - ປາຊີຟິກ, ກຳມາທິການການຕ່າງປະເທດ ສະພາຕ່ຳອາເມລິກາ ຢູ່ສຳນັກງານສະພາຕ່ຳ ອາເມລິກາ, ສອງຝ່າຍໄດ້ແລກປ່ຽນກ່ຽວກັບຫຼາຍຂົງເຂດການຮ່ວມມືຂອງການພົວພັນລະຫວ່າງ ຫວຽດນາມ - ອາເມລິກາ ແລະ ບັນດາບັນຫາໃນພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ. ທ່ານ ຮ່າກິມງັອກ ແລະ ທ່ານ Ted Yoho ໄດ້ສະແດງຄວາມຊົມເຊີຍຕໍ່ບັນດາບາດກ້າວພັດທະນາຢ່າງແຮງໃນທັງໝົດ 9 ເສົາຄ້ຳຂອງການພົວພັນຄູ່ຮ່ວມມືຮອບດ້ານ, ໃນນັ້ນມີດ້ານການເມືອງ, ການຕ່າງປະເທດ, ເສດຖະກິດ - ການຄ້າ, ການປ້ອງກັນຊາດ - ປ້ອງກັນຄວາມສະຫງົບ, ແກ້ໄຂຜົນຮ້າຍຢ້ອນຫຼັງຈາກສົງຄາມ… ແລະມີຄວາມປາດຖະໜາວ່າ ສອງປະເທດຈະມີການເຄື່ອນໄຫວອັນແທດຈິງຫຼາຍຢ່າງ ແລະ ຜົນງານໃໝ່ເພື່ອສະເຫຼີມສະຫຼອງ 25 ປີແຫ່ງວັນສ້າງຕັ້ງການພົວພັນທາງການທູດ ໃນປີ 2020. ນອກຈາກນັ້ນ, ທ່ານ ຮ່າກິມງັອກ ແລະ ທ່ານ Ted Yoho ຍັງໄດ້ແລກປ່ຽນຢ່າງຈິງໃຈ ແລະ ເປີດອົກເປີດໃຈກ່ຽວກັບບັນຫາປະຊາທິປະໄຕ, ສິດທິມະນຸດ ແລະ ຖືວ່າທຸກຄວາມແຕກຕ່າງກັນອາດຈະໄດ້ຮັບການແກ້ໄຂຜ່ານການສົນທະນາຢ່າງສ້າງສັນ, ບົນຈິດໃຈຄວາມເຂົ້າອົກເຂົ້າໃຈ ແລະ ເຄົາລົບນັບຖືເຊິ່ງກັນແລະກັນ, ເຄົາລົບລະບອບການເມືອງ ແລະ ກົດໝາຍຂອງກັນ.

        ກ່ຽວກັບບັນຫາທະເລຕາເວັນອອກ, ທ່ານ Ted Yoho ໄດ້ສະແດງຄວາມວິຕົກກັງວົນຢ່າງເລິກເຊິ່ງຕໍ່ການຜັນແປໄປໃນປັດຈຸບັນຢູ່ທະເລຕາເວັນອອກເມື່ອຈີນນຳກ່ຳປັ່ນສຳຫຼວດ ແລະ ບັນດາກ່ຳປັ່ນປົກປ້ອງເຂົ້າເຂດເສດຖະກິດຈຳເພາະຂອງ ຫວຽດນາມ, ລະເມີດສິດອຳນາດອະທິປະໄຕ ແລະ ສິດອຳນາດສານຂອງ ຫວຽດນາມ. ທ່ານ Ted Yoho ໄດ້ຄັດຄ້ານຢ່າງແຮງຕໍ່ບັນດາການກະທຳລະເມີດອຳນາດອະທິປະໄຕຂອງປະເທດແຄມຟັ່ງທະເລ, ທ້າທາຍກົດໝາຍສາກົນ, ລະເມີດສົນທິສັນຍາ ສປຊ ກ່ຽວກັບ ກົດໝາຍວ່າດ້ວຍທະເລ UNCLOS  1982, ຫັນເປັນການທະການຢູ່ບັນດາເກາະທຽມທີ່ໄດ້ສ້າງຂຶ້ນຜິດກົດໝາຍຢູ່ທະເລຕາເວັນອອກ, ນຳໃຊ້ບັນດາສະຖານທີ່ນັ້ນເພື່ອຜັນຂະຫຍາຍບັນດາການເຄື່ອນໄຫວ, ເຮັດໃຫ້ເສຍຄວາມໄວ້ເນື້ອເຊື່ອໃຈ, ເຮັດໃຫ້ຄວາມເຄັ່ງຕຶງເພີ່ມຂຶ້ນ, ນາບຂູູ່ຄວາມເສລີໃນ ການເດີນເຮືອ ແລະ ການບິນ, ສົ່ງຜົນສະທ້ອນເຖິງສັນຕິພາບ, ສະຖຽນລະພາບຂອງພາກພື້ນ.