(VOVWORLD) -ເປົ້າໝາຍຂອງແຜນການແມ່ນກຳນົດໜ້າທີ່ຄວາມຮັບຜິດຊອບ, ຈັດແບ່ງໜ້າທີ່ວຽກງານໃຫ້ບັນດາກະຊວງ, ອົງການທຽບເທົ່າກະຊວງ ແລະ ອົງການທີ່ຂຶ້ນກັບລັດຖະບານ ເພື່ອແນໃສ່ຜັນຂະຫຍາຍການປະຕິບັດມະຕິຢ່າງທັນການ.
 (ພາບປະກອບ: ຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ)
|
ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ຫາກໍ່ເຊັນຂໍ້ຕົກລົງປະກາດໃຊ້ແຜນການຜັນຂະຫຍາຍການປະຕິບັດມະຕິຂອງສະພາແຫ່ງຊາດກ່ຽວກັບການເຂົ້າຮ່ວມກຳລັງຮັກສາສັນຕິພາບຂອງສະຫະປະຊາຊາດ. ເປົ້າໝາຍຂອງແຜນການແມ່ນກຳນົດໜ້າທີ່ຄວາມຮັບຜິດຊອບ, ຈັດແບ່ງໜ້າທີ່ວຽກງານໃຫ້ບັນດາກະຊວງ, ອົງການທຽບເທົ່າກະຊວງ ແລະ ອົງການທີ່ຂຶ້ນກັບລັດຖະບານ ເພື່ອແນໃສ່ຜັນຂະຫຍາຍການປະຕິບັດມະຕິຢ່າງທັນການ, ຄົບຊຸດ, ເປັນເອກະພາບ ແລະ ມີປະສິດທິຜົນ.
ຕາມແຜນການແລ້ວ, ບັນດາກະຊວງ, ຂະແໜງການຕາມພາລະບົດບາດໜ້າທີ່ຄຸ້ມຄອງປະຕິບັດການກວດກາ, ສຳຫຼວດກວດກາ, ຄົ້ນຫາບັນດາເອກະສານດ້ານກົດໝາຍທີ່ບໍ່ເໝາະສົມ ຫຼື ໄປຝືນກັບຂໍ້ກຳນົດຂອງມະຕິຢ່າງທັນການ, ສະເໜີໃຫ້ຂັ້ນທີ່ມີສິດຕົກລົງ ຫຼື ຂຶ້ນກັບສິດປັບປຸງ, ເພີ່ມເຕີ່ມ, ຍົກເລີກ, ປະກາດໃຊ້ເອກະສານປ່ຽນແທນເພື່ອຮັບປະກັນຄວາມເປັນເອກະພາບ, ຄົບຊຸດ, ເໝາະສົມກັບມະຕິ.