ທ່ານ ປະທານສະພາແຫ່ງຊາດ ເວືອງດິ່ງເຫ້ວ ກ່າວຄຳເຫັນທີ່ກອງປະຊຸມ

ກອງປະຊຸມຈະແກ່ຍາວເປັນເວລາ 3 ວັນ, ສະພາເລືອກຕັ້ງແຫ່ງຊາດຈະລາຍງານໝາກຜົນຢັ້ງຢືນ ຄຸນລັກສະນະຂອງສະມາຊິກສະພາແຫ່ງຊາດຊຸດທີ XV, ຄະນະປະຈຳສະພາແຫ່ງຊາດ ປະກອບຄຳເຫັນໃສ່ໂຄງຮ່າງການຈັດຕັ້ງ, ຈຳນວນສະມາຊິກລັດຖະບານ ອາຍຸການ 2021 – 2026, ກ່ຽວກັບວຽກງານບຸກຄະລາກອນ ເພື່ອຍື່ນສະເໜີຕໍ່ສະພາແຫ່ງຊາດ ກໍ່ຄືວຽກກະກຽມກອງປະຊຸມຄັ້ງປະຖົມມະເລີກ, ສະພາແຫ່ງຊາດຊຸດທີ XV.

        ແລະກໍ່ໃນກອງປະຊຸມຄັ້ງນີ້, ຄະນະປະຈຳສະພາແຫ່ງຊາດຈະປຶກສາຫາລື ກ່ຽວກັບການຄາດຄະເນບັນດາແຜນການພັດທະນາເສດຖະກິດ - ສັງຄົມ ໄລຍະ 5 ປີ 2021 - 2025, ແຜນການການເງິນ 5 ປີແຫ່ງຊາດໄລຍະ 2021 - 2025, ແຜນການກູ້ຢືມ, ຊຳລະໜີສາທາລະນະ ໄລຍະ 2021 – 2025, ແຜນການລົງທຶນສາທາລະນະ ໄລຍະກາງ 2021 – 2025, ປຶກສາຫາລືກ່ຽວກັບແຜນນະໂຍບາຍການລົງທຶນໂຄງການເປົ້າໝາຍແຫ່ງຊາດ ກໍ່ສ້າງຊົນນະບົດໃໝ່ ໄລຍະ 2021 – 2025 ແລະ ການລົງທຶນໂຄງການເປົ້າໝາຍແຫ່ງຊາດຫຼຸດຜ່ອນຄວາມທຸກຍາກ ແລະ ໜູນຊ່ວຍສັງຄົມແບບຍືນຍົງ ໄລຍະ 2021 – 2025.