ເສັ້ນທາງຕົ້ນແປກອາຍຸນັບຮ້ອຍປີໃນແຂວງ ຢາລາຍ

    ເສັ້ນທາງນີ້ມີຄວາມຍາວເກືອບໜຶ່ງກິໂລແມັດເທົ່ານັ້ນ ຖືກປູຢາງສະອາດສວຍງາມ. ສອງຟາກທາງແມ່ນສອງແຖວຕົ້ນແປກໃຫຍ່. ຊາວທ້ອງຖິ່ນໃຫ້ຮູ້ວ່າ ຕົ້ນແປກໄດ້ຖືກປູກໃນຕົ້ນສະຕະວັດທີ XX ຂະນະທີ່ຊາວ ຝຣັ່ງ ໄດ້ປາກົດຕົວຢູ່ດິນແດນແຫ່ງນີ້ ແລະ ໄດ້ໃຫ້ສ້າງຕັ້ງສູນປູກຊາໃຫຍ່ແຫ່ງທຳອິດຢູ່ແຂວງເຂດພູພຽງ ປໄລກູ. ຕົ້ນແປກ ແລະ ຕົ້ນຊາ ໂດຍກຳມະກອນຢູ່ສູນແຫ່ງນີ້ປູກ. ຕາມການເວລາ ແຖວຕົ້ນແປກໄດ້ເຕີບໂຕຂຶ້ນ ປົກຄຸມຄວາມເຢັນໃຫ້ເສັ້ນທາງລະຫວ່າງບ້ານຕໍ່ບ້ານ ແລະ ສ້າງເປັນທັດຊະນີຍະພາບທີ່ງົດງາມ ແລະ ເປັນໜ້າຈັບໃຈ. ລຸງ ໂດ໊ຊວັນທູ ຢູ່ຕາແສງ ເຫງຍຮຶງ ໃຫ້ຮູ້ວ່າ:

     “ກ່ອນໜ້ານີ້ ເສັ້ນທາງສາຍນີ້ພຽງແຕ່ແມ່ນສາຍທາງຄົມມະນາຄົມທຳມະດາເທົ່ານັ້ນ ແຕ່ເມື່ອການທ່ອງທ່ຽວຂະຫຍາຍຕົວ, ມີແຂກທ່ອງທ່ຽວມານີ້ຢ່າງຫຼວງຫຼາຍ. ຢູນີ້ຮອດວັນເສົາ ແລະ ວັນອາທິດ ເປັນຕົ້ນແມ່ນໃນໂອກາດວັນບຸນໃຫຍ່ ຫຼື ບຸນເຕັດ, ວັນຊາດ ແຂກມານີ້ກໍ່ຄັບຄາໜາແໜ້ນ ແລະ ຈາກນີ້ໄປຮອດພູເຂົາໄຟ ຈືດັງຢາ ແມ່ນປະມານ 7 ກິໂລແມັດ”.

     ລຸງ ດວ່ານຫິວບ໋ຽວ ເຈົ້າຂອງຮ້ານກາເຟ ເຟືອກຮີ ຢູ່ເສັ້ນທາງຕົ້ນແປກນັບຮ້ອຍປີ ໃຫ້ຮູ້ວ່າ:

     “ແຖວຕົ້ນແປກຢູ່ທີ່ນີ້ ມີອາຍຸຮ້ອຍກວ່າປີແລ້ວ. ແຖວຕົ້ນແປກໃນປັດຈຸບັນໄດ້ກາຍເປັນສະຖານທີ່ ເພື່ອໃຫ້ແຂກທ່ອງທ່ຽວມາທ່ຽວຫຼິ້ນ, ຖ່າຍຮູບເປັນທີ່ລະນຶກ, ມາຢ້ຽມຊົມ ທັດສະນະສຶກສາຢູ່ບໍລິເວນອ້ອມຂ້າງ”.

     ຊ່ວງເວລາທີ່ດີກວ່າໝູ່ ເພື່ອມາຢ້ຽມຊົມທ່ຽວຫຼິ້ນຢູ່ເສັ້ນທາງນີ້ ແມ່ນໃນເດືອນ ຕຸລາ ແລະ ພະຈິກ ຂະນະທີ່ສວນດອກໄມ້ພາກັນບານສະພັ່ງເອ້ຄວາມງາມ ແລະ ບັນດາເນື້ອທີ່ປູກກາເຟພວມກ້າວເຂົ້າສູ່ລະດູການເກັບກູ້. ຊ່ວງເວລາທີ່ເສັ້ນທາງນີ້ສວຍງາມກວ່າໝູ່ ແມ່ນໃນຮຸ່ງເຊົ້າຂະນະທີ່ດວງຕາເວັນຄ່ອຍໆຂຶ້ນ ແລະ ສົ່ງແສງແດດທຳອິດສາດສ່ອງລົງໃສ່ຕົ້ນໄມ້ໃບຫຍ້າ. ນາງ ຟ້າມທິເຟືອງນາມ ແຂກທ່ອງທ່ຽວມາຈາກ ຮ່າໂນ້ຍ ໃຫ້ຮູ້ວ່າ:

      “ຄອບຄົວຂ້າພະເຈົ້າມາທັດສະນະສຶກສາຢູ່ທີ່ນີ້ເປັນຄັ້ງທຳອິດ. ຂ້າພະເຈົ້າຮູ້ສຶກມີຄວາມປະທັບໃຈ.ອາກາດຢູ່ນີ້ເຢັນສະບາຍປອດໂປ່ງ ທິວທັດທຳມະຊາດງົດງາມເປັນໜ້າຈັບໃຈ. ນີ້ແມ່ນສະຖານທີ່ມາຖ່າຍຮູບເປັນທີ່ລະນຶກສຳລັບບັນດາຄູ່ບ່າວສາວ. ທັດຊະນີຍະພາບແມ່ນແທດເໝາະກັບບັນດາຄອບຄົວທີ່ຢາກໄປພັກຜ່ອນຢູ່ຕ່າງແຂວງ ໃນໂອກາດທ້າຍອາທິດ”.

      ເສັ້ນທາງຕົ້ນແປກອາຍຸນັບຮ້ອຍປີ ນອນຢູ່ຫ່າງຈາກໃຈກາງນະຄອນ ປໄລກູ ປະມານ 10 ກິໂລແມັດ ແລະ ຢູ່ໃກ້ກັບບັນດາສະຖານທີ່ທ່ອງທ່ຽວທີ່ລືຊື່ອື່ນໆໃນແຂວງ ຢາລາຍ ຄື ທະເລສາບ, ພູເຂົາໄຟ ຈືດັງຢາ… ອ້ານ ຮວ່າຍເຊີນ ແຂກທ່ອງທ່ຽວມາຈາກ ຮ່າໂນ້ຍ ໃຫ້ຂໍ້ສັງເກດວ່າ:

      “ສະຖານທີ່ແຫ່ງນີ້ແທດເໝາະກັບການທ່ອງທ່ຽວທາງໄກ ແລະ ແມ່ນສະຖານທີ່ມານັ່ງຫຼິ້ນ ຫຼື ຖ່າຍຮູບເປັນທີ່ລະນຶກສຳລັບໄວໜຸ່ມ ກໍ່ຄືຜູ້ອາຍຸສູງ ເມື່ອເຫັນແຖວຕົ້ນແປກອາຍຸນັບຣ້ອຍປິ ເຊິ່ງເປັນສິ່ງທີ່ຫາຍາມທີ່ສຸດ. ທັດຊະນີຍະພາບຢູ່ທີ່ນີ້ງົດງາມ ອາກາດເຢັ່ນສະບາຍປອດໂປ່ງ”.

     ຢູ່ແຄມເສັ້ນທາງຕົ້ນແປກອາຍຸນັບຮ້ອຍປີ ກໍ່ແມ່ນບັນດາສວນຊາຂຽວອຸ່ມທຸ່ມ. ເຊິ່ງເປັນການປະດັບປະດາໃຫ້ສະຖານທີ່ແຫ່ງນີ້ ເພີ່ມຄວາມງົດງາມ. ຜູ້ໜຶ່ງຢູ່ຕາແສງ ເຫງຍຮຶງ ໃຫ້ຮູ້ວ່າ:

       “ນອກຈາກແຖວຕົ້ນແປກອາຍຸນັບຮ້ອຍປີແລ້ວ, ກໍ່ຍັງມີໂນນຊາ ເພື່ອເປັນສະຖານທີ່ໃຫ້ແຂກທ່ອງທ່ຽວມາຖ່າຍຮູບເປັນທີ່ລະນຶກ. ຢູ່ໃກ້ໆນີ້ກໍ່ມີວັດ ປິ໋ວມິງ ແລະ ພູເຂົາໄຟ ຈືດັງຢາ. ແຂກທ່ອງທ່ຽວກໍ່ມານີ້ຢ່າງຫຼວງຫຼາຍ ເປັນຕົ້ນແມ່ນແຂກທ່ອງທ່ຽວ ອົດສະຕາລີ, ອາເມລິກາ, ຝຣັ່ງ…”