ຂົວ ປາອວນ ຕັ້ງຂ້າມແມ່ນ້ຳດາ

     ອ່າງເກັບນ້ຳ ກວິ່ງຍາຍ ມີຍອດເນື້ອທີ່ໜ້ານ້ຳ 10.500 ກວ່າເຮັກຕາ, ມິີລວງຍາວປະມານ 70 ກິໂລແມັດ , ນີ້ແມ່ນກຸ່ມເກາະດອນ, ຖ້ຳ ແລະ ປ່າດົງດິບ ນັ້ນໃນຕ້ອງເວົ້າເຖິງອ່າວ ອຸຍຟອງ ແລະ ອ່າວບິ່ງອຽນ

      ຈາກຂົວ ປາອວນ ຂີ່ເຮືອທ່ອງທ່ຽວປະມານ 40 ນາທີ ກໍ່ຈະຮອດເກາະ ຈ໊າຍຕີມ ຂຶ້ນກັບບໍລິເວນບ້ານ ຫາດເຫຼັກ ຕາແສງ ຈ່ຽງເອີນ ເມືອງ ກວິ່ງຍາຍ; ຢ້ຽມຊົມອ່າວ ອຸຍຟອງ ຂຶ້ນກັບບ້ານ ຄວາງ ຕາແສງ ປາມາພາຄີງ, ເຂດທ່ອງທ່ຽວພົ້ນຂຶ້ນບົນໜ້ານ້ຳຂຶ້ນກັບສະຫະກອນ ກວິ່ງຍາຍ ຈາແວນ.ອ່າວ ອຸຍຟອງ ຖືກອ້ອມຮອບໄດ້ວຍສາຍພູສະຫຼັບສັບຊ້ອນ ເປັນໜ້າຈັບໃຈ. ຢູທີ່ນີ້ແຂກທ່ອງທ່ຽວຈະໄດ້ເຊື່ອມຕົວເຂົ້າກັບທຳມະຊາດທີ່ໃຫຍ່ໂຕມະໂຫຖານ ເຂົ້າຮ່ວມການລະຫຼິ້ນໃນນຳ. ອ່າວ ອຸຍຟອງ ໄດ້ຮັບການລົງທຶນຈາກສະຫະກອນ ກວິ່ງຍາຍ travel ດ້ວຍເນື້ອທີ່ເກືອບ 1.000 ຕາແມັດ ເຊິ່ງລວມມີພັດຕະຄານ. ເດີ່ນບານສົ່ງໃນນ້ຳ, ເຂດຊ່ວງເຮືອ, ເຂດລ້ຽງປາໃນກະຊັງ. ທ່ານ ລາວັນຟອງ ຫົວໜ້າສະຫະກອນ ກວິ່ງຍາຍ travel ໃຫ້ຮູ້ວ່າ:

      “ພວກຂ້າພະເຈົ້າໄດ້ວາງບັນດາມາດຕະຖານ, ນຳຜະລີດຕະພັນການບໍລິການທີ່ດີ ແລະ ກປອດໄພທີ່ສຸດ ມາຮັບໃຊ້ແຂກທ່ອງທ່ຽວ. ບັນດາຜະລິດຕະພັນທ່ອງທ່ຽວຂອງບໍລິສັດສຸມໃສ່ທ່າແຮງຂອງ ກວິ່ງຍາຍ ຄືທ່ອງທ່ຽວທຳມະຊາດຢູ່ອ່າງເກັບນ້ຳ; ພ້ອມກັນນັ້ນກໍ່ເສີມຂະຫຍາຍຄວາມງາມທາງດ້ານວັດທະນະທຳທີ່ເປັນເອກະລັກ ຂອງປະຊາຊົນບັນດາເຜົ່າ”.

     ມີສະຖານທີ່ທ່ອງທ່ຽວໃໝ່ທີ່ດູດດື່ມຢູ່ ກວິ່ງຍາຍ ເຊິ່ງແຂກທ່ອງທ່ຽວບໍ່ຄວນພາດໂອກາດແວ່ຢາມ ນັ້ນແມ່ນອ່າວ ບິ່ງອຽນ ດ້ວຍເນື້ອທີ່ໜ້ານ້ຳປະມານ 1,5 ເຮັກຕາ ປະກອບດ້ວຍ 8 ເຂດເຮືອນພົ້ນຂຶ້ນໜ້ານ້ຳທີ່ເປັນເອກະລັກ

      “ເປັນຄັ້ງທຳອິດຂ້າພະເຈົ້າໄດ້ມາຢາມ ກວິ່ງຍາຍ, ຂ້າພະເຈົ້າຮູ້ສຶກວ່າ ອາກາດຢູ່ນີ້ປອດໂປ່ງ, ຊາວທ້ອງຖິ່ນເປັນຜູ້ໃຈດີ ແລະ ຮັກແພງແຂກຄົນ. ນີ້ແມ່ນສະຖານທີ່ທ່ອງທ່ຽວເປັນໜ້າຄົ້ນຫາ ໃນໂອກາດທ້າຍອາທິດ”

     “ຂ້າພະເຈົ້າເຫັນວ່າ ພື້ນຖານທາງດ້ານວັດຖຸ, ວຽກງານຮັບໃຊ້ແຂກທ່ອງທ່ຽວຢູ່ທີ່ນີ້ແມ່ນດີທີ່ສຸດ. ທິວທັດທຳມະຊາດຢູ່ແຫ່ງນີ້ງົດງາມອີຫຼີ”.

     ພ້ອມກັບການຂຸດຄົ້ນເນື້ອທີ່ໜ້ານ້ຳ ເພື່ອລ້ຽງປູກຫາສິນໃນນ້ຳ, ເມືອງ ກວິ່ງຍາຍ ໄດ້ຍູ້ແຮງງການໂຄສະນາຮຽກຮ້ອງບັນດາວິສາຫະກິດເຂົ້າມາລົງທຶນ ກໍ່ສ້າງລະບົບພື້ນຖານໂຄງລ່າງຮັບໃຊ້ແຂກທ່ອງທ່ຽວ. ທ່ານ ລໍ່ແທັງທຸ໋ຍ ຮອງປະທານກຳມະການປະຊາຊົນເມືອງ ກວິ່ງຍາຍໃຫ້ຮູ້ວ່າ ແຂວງເຊີນລາ ແລະ ເມືອງ ກວິ່ງຍາຍ ໄດ້ປະກາດໃຊ້ຫຼາຍແຜນການແນໃສ່ຊຸກຍູ້ການທ່ອງທ່ຽວຢູ່ອ່າງເກັບນ້ຳ ກວິ່ງຍາຍ ເພື່ອພັດທະນາສົມກັບຄວາມສາມາດບົ່ມຊ້ອນ. ຍ້ອນແນວນັ້ນຈຳນວນແຂກທ່ອງທ່ຽວມາທັດສະນະສຶກສາຢູ່ທະເລສາບ ໄດ້ເພີ່ມຂຶ້ນຫຼາຍໃນຊຸມປີທີ່ຜ່ານມາ. ທ່ານ ລໍ່ແທັງທຸ໋ຍ ໃຫ້ຮູ້ວ່າ:

      “ກຳນົດທິດລະອຽດຂອງເມືອງ ກວິ່ງຍາຍ ແມ່ນຈະສຸມໃສ່ໃຫ້ແກ່ການວາງແຜນຜັງ ໃນນັ້ນສຸມໃສ່ໃຫ້ແກ່ການທ່ອງທ່ຽວທຳມະຊາດຢູ່ເຂດອ່າງເກັບນ້ຳ ເຂື່ອນໄຟຟ້ານຳຕົກເຊີນລາ. ນອກຈາກນັ້ນທັງເມືອງກໍ່ສຸມໃສ່ບັນດາສະຖານທີ່ທ່ອງທ່ຽວຊຸມຊົນ, ທ່ອງທ່ຽວວັດທະນະທຳ ໃນນັ້ນ ທ່ອງທ່ຽວຊຸມຊົນຈະສຸມໃສ່ຢູ່ຕາແສງ ເມືຶ່ອງຈຽນ ມີຫ້ວຍນ້ຳ ແຮ່ທາດ ເພື່ອພັດທະນາການທ່ອງທ່ຽວ”.

      ອ່າງເກັບນ້ຳ ກວິ່ງຍາຍ ກໍ່ແມ່ນສະຖານທີ່ດຳເນີນການເຄື່ອນໄຫວວັດທະນະທຳຢູ່ທ້ອງຖິ່ນຄື ງານບຸນສະຜົມ ຂອງຊາວເຜົ່າໄທຂາວ; ງານບຸນຊ່ວງເຮືອປະເພນີ; ງານບຸນ ແທນກິນຟາງ… ເມື່ອໄດ້ເຊື່ອມຕົວເຂົ້າກັບເຂດວັດທະນະທຳບັນດາເຜົ່າທີ່ເປັນເອກະລັກສະເພາະ; ໄດ້ຄົ້ນຫາຄວາມງາມຮົກເຮື້ອຢູ່ເຂດອ່າງເກັບນ້ຳ ເຂື່ອນໄຟຟ້ານ້ຳຕົກ ເຊີນລາ,ແຂກທ່ອງທ່ຽວຈະມີການຄົ້ນຫາຍາກທີ່ຈະຫຼົງລືມໄດ້