ທ້າຍປີ 1972, ຫວຽດນາມ ແລະ ອາເມລິກາ ໄດ້ເຊັນສັນຍາຢຸດຕິ ສົງຄາມ, ສ້າງສັນຕິພາບຄືນໃໝ່ຢູ່ຫວຽດນາມ ແຕ່ອາເມລິກາ ພັດໄດ້ນຳໃຊ້ເຮືອບິນ ຍຸດທະສາດ B52 ມາຖີ້ນລະເບີດລົງຮ່າໂນ້ຍ, ຫາຍຟ່ອງ. ໄຊຊະນະໃນ 12 ວັນ ແລະ ຄືນໃນບັ້ນຮົບດ້ຽນບຽນຝູທາງອາກາດກ່ອນນີ້ 40 ປີໄດ້ບັງຄັບໃຫ້ອຳນາດການປົກຄອງຂອງປະທານາທິບໍດີອາເມລິກາ Nickson ຕ້ອງເຂົ້າຮ່ວມການເຈລະຈາ ແລະ ເຊັນສັນຍາປາຣີ ເມື່ອວັນທີ 27/1/1973 ແລະ ຖອນທະຫານທັງໝົດອອກຈາກຫວຽດນາມ. ເຊີນທ່ານຊອກຮູ້ກ່ຽວກັບໄຊຊະນະຮ່າໂນ້ຍ-ດ້ຽນບຽນຝູທາງອາກາດຜ່ານຄວາມຊົງຈຳຂອງທ່ານພັນເອກ Le Dinh Sy ອະດີດຮອງຫົວໜ້າສະຖາບັນປະຫວັດການທະຫານຫວຽດນາມ.
ສັນຍາປາຣີ 27/1/1973
(ພາບ: vi.wikipedia.org)
ໃນ 12 ວັນ ແລະ ຄືນ, ກອງທັບອາກາດອາເມລິກາ ໄດ້ນຳໃຊ້ເຮືອບິນ B52 ລວມ 663 ຖ້ຽວ ແລະ ເຮືອບິນຍຸດທະວິທີ 3920 ຖ້ຽວ, ຖີ້ມລະເບີດປະມານ 100.000 ກ່ວາໂຕນລົງຮ່າໂນ້ຍ, ຫາຍຟອງ ແລະ ບາງເປົ້າໝາຍສຳຄັນອື່ນໆຢູ່ພາກເໜືອຫວຽດນາມ. ສະເພາະນະຄອນຫຼວງຮ່າໂນ້ຍ, ອາເມລິກາ ໄດ້ນຳໃຊ້ເຮືອບິນ B52 ເຖິງ 441 ຖ້ຽວພ້ອມກັບເຮືອບິນຍຸດທະວິທີນັບພັນຖ້ຽວ ມາຖີ້ມລະເບີດກ່ວາ 10.000 ໂຕນ, ເພື່ອທຳລາຍບັນດາຖະໜົນຫົນທາງ ແລະ ເຮືອນຊານບ້ານຊ່ອງຂອງປະຊາຊົນ. ໃນຄວາມນັ້ນ, ທ່ານພັນເອກ Le Dinh Sy ໃນເລານັ້ນພວມເຮັດວຽກຢູ່ສະຖາບັນປະຫວັດການທະຫານຫວຽດນາມ ໃຫ້ຮູ້ວ່າ:
“ໃນເວລານັ້ນ, ຂ້າພະເຈົ້າກໍ່ຄືທະຫານ ແລະ ປະຊາຊົນຫວຽດນາມ ມີຄວາມເປັນຫ່ວງ ແລະ ວິຕົກກັງວົນຕໍ່ນະຄອນຫຼວງຮ່າໂນ້ຍ ຍ້ອນໄດ້ຍິນວ່າກອງທັບອາກາດອາເມລິກາ ແລະ ເຮືອບິນ B52 ມີກຳລັງແຮງເຂັ້ມແຂງທີ່ສຸດ. ແຕ່ພວກເຮົາພັດມີອາວຸດຍຸດໂທປະກອນ ແລະ ຈິດໃຈຢ່າງພຽງພໍເພື່ອຕ້ານຄືນການບຸກໂຈມຕີຍຸດທະສາດດັ່ງກ່າວ“
(ພາບ: ອິນເຕີແນັດ)
ການບຸກໂຈມຕີຍຸດທະສາດ B52 ຂອງອາເມລິກາ ໃສ່ນະຄອນຫຼວງຮ່າໂນ້ຍ ແລະ ບາງແຂວງທາງພາກເໜືອຫວຽດນາມ ເພື່ອແນໃສ່ດັບສູນ, ເຮັດໃຫ້ເຈດຈຳນົງຂອງຊາດຫວຽດນາມ ຖືກເປັ້ຍລ່ອຍ, ບັງຄັບໃຫ້ຫວຽດນາມ ຕ້ອງຍອມຈຳນົນ ແລະ ຍອມຮັບບັນດາເງື່ອນໄຂຊື່ງອາເມລິກາ ຍົກອອກຢູ່ກອງປະຊຸມປາຣີ. ແຕ່ຄວາມຈິງບໍ່ເປັນແນວນັ້ນ, ປະທານາທິບໍດີອາເມລິກາ Nickson ໄດ້ຂຽນໃນບົດບັນທຶກຄືນຫຼັງຂອງຕົນວ່າ: “ຄວາມວິຕົກກັງວົນຂອງຂ້າພະເຈົ້າໃນຊຸມວັນນັ້ນ ແມ່ນລະດັບເສຍຫາຍເຮືອບິນ B52 ໜັກໜ່ວງທີ່ສຸດ“. ທ່ານ Le Dinh Sy ວິເຄາະວ່າ:
“ໄຊຊະນະຂອງບັ້ນຮົບດ້ຽນບຽນຝູ ທາງອາກາດ ແມ່ນໄຊຊະນະຂອງສິລະປະເສີມຂະຫຍາຍກຳລັງແຮງສັງລວມຂອງສົງຄາມປະຊາຊົນຫວຽດນາມ. ໂດຍພາຍໃຕ້ການນຳພາຂອງພັກກອມມູນິດຫວຽດນາມ, ພວກເຮົາສາມາດໄດ້ຮັບໄຊຊະນະຕໍ່ອາວຸດທຸກປະເພດ ແລະ ເອົາຊະນະ, ບໍ່ວ່າສັດຕູໂຕໃດ“
ໄຊຊະນະຂອງບັ້ນຮົບດ້ຽນບຽນຝູທາງອາກາດໄດ້ປະກອບສ່ວນພິສູດໃຫ້ເຫັນແນວທາງການເມືອງ, ສິລະປະຍຸດການທະຫານທີມີຄວາມປີຊາສາມາດຂອງພັກກອມມູນິດຫວຽດນາມ ດ້ວຍການສົມທົບລະຫວ່າງກຳລັງທະຫານຫຼວງຊຳນານງານ, ທ້ອງຖິ່ນ, ທະຫານລາດ ກອງຫຼອນ ເພື່ອສ້າງເປັນຕາໜ່າງກຳລັງໄຟປ້ອງກັນອາກາດ ມ້າງທຳລາຍອິດທິພົນຊື່ສຽງຂອງກອງທັບອາເມລິກາ. ໄຊຊະນະດ້ຽນບຽນຝູທາງອາກາດໃນ 12 ວັນ ແລະ ຄືນເມື່ອທ້າຍປີ 1972 ແມ່ນການພິສູດໃຫ້ເຫັນກຳລັງແຮງສັງລວມຂອງຊາດ ແລະ ພະລັງແຮງແຫ່ງຍຸກສະໄໝ. ໂດຍພາຍໃຕ້ການນຳພາຂອງພັກກອມມູນິດຫວຽດນາມ, ປະຊາຊົນຫວຽດນາມ ໄດ້ຮັບການສະໜັບສະໜູນ, ການຊ່ວຍເຫືລອຈາກລັດຖະບານ ແລະ ປະຊາຊົນບັນດາປະເທດສັງຄົມນິຍົມອ້າຍນ້ອງ; ຄວາມເຫັນດີເຫັນພ້ອມ, ການສະໜັບສະໜູນຢ່າງແຮງຂອງຂະບວນການປົດປ່ອຍຊາດ, ຂອງກຳລັງການປະຕິວັດ, ປະຊາຕິປະໄຕສັນຕິພາບ.