ບັ້ນຮົບ “ດ້ຽນບຽນຝູທາງອາກາດ (19/12-29/1/1972) ຂອງກອງທັບ ແລະ ປະຊາຊົນຫວຽດນາມ ຕີເອົາໄຊຊະນະການບຸກໂຈມຕີດ້ວຍເຮືອບິນ B52 ຂອງກອງທັບອາກາດອາເມລິກາ ກ່ອນນີ້ 40 ປີໃນເຂດນ່ານຟ້າຮ່າໂນ້ຍ ໄດ້ກາຍເປັນຫົວເລື່ອງປຸກລະດົມກຳລັງໃຈອັນແຮງກ້າເພື່ອໃຫ້ນັກດົນຕີຟ້າມຕວຽນ ແຕ່ງບົດເພງ “ຮ່າໂນ້ຍ-ດ້ຽນບຽນຝູທາງອາກາດ“. 40 ປີໄດ້ລ່ວງເລີຍໄປແລ້ວແຕ່ເມື່ອໄດ້ຮັບຟັງບົດເພງນີ້ຄືນໃໝ່, ໃຜທີ່ຮັກນະຄອນຮ່າໂນ້ຍ ຄືດັ່ງໄດ້ຫວນຄືນສູ່ການດຳລົງຊີວິດໃນ12 ວັນ ແລະ ຄືນທີ່ສະຫງ່າອົງອາດດັ່ງກ່າວ“
(ພາບ:tuoitre.vn)
ປີນີ້ນັກດົນຕີຟ້າມຕວຽນ ມີອາຍຸກ່ວາ 80 ປີແລ້ວ. ເພີ່ນຜົມຫງອກໜັງຫ່ຽວ, ແຕ່ແວວຕາຂອງເພີ່ນຍັງແຈ້ງສະຫວ່າງ ແລະ ຮອຍຍີ້ມຍັງເຕັມໄປດ້ວຍພະລັງຊີວິດຢູ່ເມື່ອໄດ້ເຕື້ອງເຖິງສະພາບການແຕ່ງບົດເພງ “ຮ່າໂນ້ຍ-ດ້ຽນບຽນຝູທາງອາກາດ“:
“ໃນວັນທີ 19/12/1972, ກອງທັບອາກາດອາເມລິກາ ໄດ້ເລີ່ມຖີ້ມລະເບີດລົງຮ່າໂນ້ຍ. 4 ໂມງເຊົ້າໄດ້ຖີ້ມລະເບີດຢູ່ Me Tri. ວັນທີ 20 ໄດ້ຖີ້ມລະເບີດຢູ່ສະຖານີເຄື່ອງສົ່ງ Bach Mai”
ນັກດົນຕີຟ້າມຕວຽນ
(ພາບ: baotintuc.vn)
ໃນຊຸມວັນນັ້ນ, ຮ່າໂນ້ຍ ຖືກຖີ້ມລະເບີດຄັ້ງຕ່າງໆຂອງກອງທັບອາກາດອາເມລິກາ, ເຮືອນຊານບ້ານຊ່ອງຖືກທຳລາຍ, ຖະໜົນຫົນທາງງຽບສະງັດແຕ່ບໍ່ມີໃຜຢາກຈາກນະຄອນຫຼວງໄປ. ນັກດົນຕີຟ້າມຕຽນ ມີຄວາມຕື້ນຕັນໃຈທີ່ສຸດ ໂດຍເວົ້າວ່າ: ໃນລະຫວ່າງບັນດາການບຸກໂຈມຕີທາງອາກາດ, ທ່ານຍັງເຫັນໄດ້ນຳໃຈພິລະອາດຫານຂອງຊາວນະຄອນຫຼວງຢູ່ ແລະ ຍັງມີເຈດຈຳນົງຍຶດໝັ້ນ, ມີຄວາມໄວ້ເນື້ອເຊື່ອໃຈ. ແລະ ບົດເພງ “ຮ່າໂນ້ຍ-ດ້ຽນບຽນຝູທາງອາກາດ“ ໄດ້ຮັບແຕ່ງຂຶ້ນໃນສະພາບການຄືດັ່ງກ່າວ:
“ໃນເວລານັ້ນຄະນະພັກກອງທັບມີຄຳເຫັນວ່າຕ້ອງເດັດດ່ຽວຕີຕ້ານຄືນສັດຕູຄືດັ່ງບັ້ນຮົບດ້ຽນບຽນຝູ. ເມື່ອໄດ້ຮັບຟັງຄຳວ່າດ້ຽນບຽນຝູ ຂ້າພະເຈົ້າເຫັນວ່າມີຄວາມສະຫງ່າອົ່ງອາດທີ່ສຸດ. ຂ້າພະເຈົ້າໄດ້ແຕ່ງບົດ “ຮ່າໂນ້ຍ-ດ້ຽນບຽນຝູທາງອາກາດ“ ມີຈັງຫວະທີ່ເຄັ່ງຂຶມທີ່ສຸດ. ຄ່ຳຄືນຂອງວັນທີ 29/12/1972, ບົດເພງໄດ້ຖືກອອກອາກາດ, ໃນສະພາບທີ່ຮ້ອນເຮັ່ງຄືແນວນັ້ນແຕ່ສຽງຮ້ອງເພງຍັງໄດ້ດັ່ງກ້ອງກັງວານ“
ການກະຈາຍສຽງໃນຄ່ຳຄືນວັນທີ 29/12 ໄດ້ສ້າງຄວາມຕື້ນຕັນໃຈທີ່ສຸດໃຫ້ແກ່ຫຼາຍຄົນ. ມາຮອດປະຈຸບັນ, ບົດເພງ “ຮ່າໂນ້ຍ-ດ້ຽນບຽນຝູທາງອາກາດ“ ຍັງເຮັດໃຫ້ຊາວຫວຽດນາມ ລຸ້ນຕ່າງໆມີຄວາມປະທັບໃຈທີ່ສຸດ, ພິເສດແມ່ນຜູ້ທີ່ເຄີຍເຂົ້າຮ່ວມສົງຄາມ. ນັກຂ່າວ Nguyen Luu ໄດ້ເວົ້າວ່າ: ໃນເວລານັ້ນ, ເມື່ອໄດ້ຮັບຟັງບົດເພງ “ຮ່າໂນ້ຍ-ດ້ຽນບຽນຝູທາງອາກາດ“ ຊາວໄຊງ່ອນ ໄດ້ເວົ້າວ່າ “ຮ່າໂນ້ຍທັງຕໍ່ສູ້ ທັງຮ້ອງເພງຄືແນວນີ້ແນ່ນອນວ່າຈະໄດ້ຮັບໄຊຊະນະ“:
“ເມື່ອຮັງຟັງບົດເພງດັ່ງກ່າວທຸກຄົນຕ່າງກໍ່ມີຄວາມຮູ້ສຶກແປກໆ, ຕື່ນເຕັ້ນ ແລະ ບໍ່ມີເວລາໃດທີ່ຊາວຮ່າໂນ້ຍ ພັດມີຄວາມປະເອີບໃຈຄືໃນຊຸມວັນນັ້ນ. ຂ້າພະເຈົ້າມີຄວາມເອກອ້າງນົງໃຈທີ່ສຸດ“.
ແລະຮ່າໂນ້ຍໄດ້ຮັບໄຊຊະນະຢ່າງສົມບູນ, ໄຊນະນະຢ່າງສະຫງ່າງາມ ແລະ ຕໍ່ຈາກນັ້ນບໍ່ດົນ, ຈັກກະພັດອາເມລິກາຕ້ອງຢຸດຕິການຖີ້ມລະເບີດລົງພາກເໜືອຫວຽດນາມ ແລະ ເຂົ້າຮ່ວມການເຈລະຈາທີ່ປາຣີ ເມື່ອວັນທີ 27/1/1973.