(vovworld)- ໃນລາຍການມື້ນີ້ ພວກເຮົາຂໍຕອບບາງຄຳຖາມຂອງທ່ານຜູ້ຟັງຜູ້ອ່ານຝາກມາລາຍການຂອງພວກເຮົາໃນອາທິດຜ່ານມາ.
ເພື່ອນສຸດສາຄອນ ນັກສຶກສາມະຫາວິທະຍາໄລແຫ່ງຊາດລາວ ໄດ້ໂທລະສັບມາລາຍການໂດຍຖາມວ່າ: ໃນເດືອນ 5/2014, ຢູ່ຫວຽດນາມ ມີເຫດການພົ້ນເດັ່ນໃດແດ່?
ພວກເຮົາຂໍຕອບຄຳຖາມຂອງເພື່ອນສຸດສາຄອນຄືດັ່ງນີ້: ໃນເດືອນ 5/2014 ຈະມາເຖິງນີ້, ຢູ່ຫວຽດນາມ, ຈະຈັດພິທີສະເຫຼີມສະຫຼອງໄຊຊະນະດ້ຽນບຽນຝູຄົບຮອບ 60 ປີ (7/5/1954-7/5/2014) ແລະ ພິທີສະເຫຼີມສະຫຼອງວັນຄ້າຍວັນເກີດປະທານໂຮ່ຈິມິນ, ຜູ້ນຳທີ່ແສນເຄົາລົບຮັກຂອງຊາດຫວຽດນາມ ຄົບຮອບ 124 ປີ (19/5/1890-19/5/2014)… ໃນໂອກາດນີ້, ວິທະຍຸກະຈາຍສຽງຫວຽດນາມ ຂອງພວກເຮົາຈະໃຫ້ຂ່າວສ່ອງແສງບັນດາການເຄື່ອນໄຫວສະເຫຼີມສະຫຼອງຢູ່ບັນດາແຂວງນະຄອນໃນທົ່ວປະເທດຫວຽດນາມ ແລະ ບົດຂຽນຕ່າງໆຕາມແຕ່ລະຫົວເລື່ອງ, ເຊີນທ່ານຕິດຕາມຮັບຟັງ ແລະ ອ່ານ.
(ພາບປະກອບ: yenbai.gov.vn)
ເພື່ອນອຳມີນາ, ນັກສຶກສາປີທີ 2-ມະຫາວິທະຍາໄລສຸພານຸວົງ-ແຂວງຫຼວງພະບາງ ແມ່ນຜູ້ຟັງທີ່ສະໜິດສະໜົມຂອງລາຍການ, ເພື່ອນໃຫ້ຮູ້ວ່າ: ເພື່ອນມັກລາຍການ “ສີສັນ 54 ຊົນເຜົ່າຫວຽດນາມ“ ທີ່ສຸດ, ຜ່ານນັ້ນ, ເພື່ອນສາມາດເຂົ້າໃຈກ່ຽວກັບວັດທະນະທຳຂອງບັນດາຊົນເຜົ່າຫວຽດນາມ ແລະ ເພື່ອນສົນໃຈພິເສດຕໍ່ບົດຂຽນຕ່າງໆກ່ຽວກັບວັດທະນະທຳຂອງຊົນເຜົ່າມົ້ງ, ເອເດ ທີ່ໄດ້ອອກອາກາດໃນໄລຍະມໍ່ໆມານີ້ຄື: “ການສົມລົດຂອງຊາວເຜົ່າມົ້ງຢູ່ດ້ຽນບຽນ“ “ເຜົ່າມົ້ງ - ຊົນເຜົ່າສ່ວນໜ້ອຍພິເສດໃນປະຊາຄົມບັນດາເຜົ່າຫວຽດນາມ“; “ບັນດາງານບຸນ ໃນຊີວິດຂອງຊາວເຜົ່າເອເດ“…..ແລະ ເພື່ອນຢາກຮັບຟັງບົດຂຽນດັ່ງກ່າວຄືນໃໝ່.
ເພື່ອນອຳມີນາ ແລະ ທ່ານຜູ້ຟັງຜູ້ອ່ານທີ່ຮັກແພງ! ພວກເພື່ອນສາມາດອ່ານ/ຟັງບົດຂຽນທີ່ເພື່ອນມັກຜ່ານເວັບໄຊຂອງວິທະຍຸກະຈາຍສຽງຫວຽດນາມພາກພາສາລາວ, ລະຫັດ: http://vovworld.vn ເຊີນທ່ານຮັບຟັງ ແລະ ອ່ານ.
ເພື່ອນຄຳກິ່ງຢູ່ນະຄອນຫຼວງວຽງຈັນ ໄດ້ຝາກຈົດໝາຍມາລາຍການຖາມວ່າ: ຂ້າພະເຈົ້າໄດ້ຮູ້ວ່າ: ຫວ່າງແລ້ວນີ້, ຄະນະຜູ້ແທນແທນໜັງສືພິມວຽງຈັນໃໝ່, ໜັງສືພິມວຽງຈັນທຸລະກິດ-ສັງຄົມ ໄດ້ມາຢ້ຽມຢາມ ແລະ ເຮັດວຽກຢູ່ນະຄອນຫຼວງຮ່າໂນ້ຍ ແລະ ໄດ້ເຊັນບົດບັນທຶນຊ່ວຍຈຳກ່ຽວກັບການຮ່ວມມືກັບໜັງສືພິມເສດຖະກິດ ແລະ ຕົວເມືອງຮ່າໂນ້ຍ (ຫວຽນາມ), ເພື່ອນຢາກຮູ້ເນື້ອໃນລະອຽດຂອງບົດບັນທຶນຊ່ວຍຈຳສະບັບນີ້?
.jpg)
ສອງຝ່າຍເຊັນບົດບັນທຶກຊ່ວຍຈຳ
(ພາບ: My Binh-VOV5)
ເພື່ອນຄຳກິ່ງ ແລະ ທ່ານຜູ້ຟັງຜູ້ອ່ານທີ່ເຄົາລົບ! ຫວ່າງແລ່ວນີ້, , ຄະນະຜູ້ແທນແທນໜັງສືພິມວຽງຈັນໃໝ່, ໜັງສືພິມວຽງຈັນທຸລະກິດ-ສັງຄົມ ໂດຍທ່ານຫົວໜ້າບັນນາທິການ ທອງເລື່ອນ ພິມມະສານ ນຳໜ້າ ໄດ້ມາຢ້ຽມຢາມ ແລະ ເຮັດວຽກຢູ່ນະຄອນຫຼວງຮ່າໂນ້ຍ ແລະ ເຊັນບົດບັນທຶນຊ່ວຍຈຳກ່ຽວກັບການຮ່ວມມືກັບໜັງສືພິມເສດຖະກິດ ແລະ ຕົວເມືອງຮ່າໂນ້ຍ (ຫວຽດນາມ). ສອງຝ່າຍໄດ້ມີການພົບປະ ແລະ ເຮັດວຽກຢ່າງເປີດອົກເປີດໃຈ ກໍ່ຄືໄດ້ປຶກສາຫາລື, ແລກປ່ຽນດ້ານວິຊາການ, ບົດຮຽນໃນການເຮັດວຽກ, ພິເສດແມ່ນວິທີການແລກປ່ຽນ, ໜູນຊ່ວຍຂໍ້ມູນຂ່າວສານຂອງສອງປະເທດ, ສອງນະຄອນຫຼວງ. ສອງໜັງສືມໄດ້ເຊັນບົດບັນທຶກຊ່ວຍຈຳດ້ວຍເນື້ອໃນວ່າ:
ສອງຝ່າຍຈະແລກປ່ຽນສະພາບການຂອງແຕ່ລະຝ່າຍເປັນປະຈຳ, ຊ່ວຍເຫຼືອຊື່ງກັນ ແລະ ກັນໃນການເຄື່ອນໄຫວດ້ານວິຊາການ. ເພີ່ມທະວີການແລກປ່ຽນຂໍ້ມູນຂ່າວສານເພື່ອໂຄສະນາໃນບັນດາສື່ສິ່ງພິມຂອງສອງໜັງສື ພິມ, ພິເສດແມ່ນກ່ຽວກັບບັນດາເຫດການສຳຄັນຂອງສອງນະຄອນຫຼວງ, ສອງປະເທດ. ນອກຈາກນັ້ນ, ສອງຝ່າຍໃຫ້ຄຳໝັ້ນສັນຍາຈະສ້າງເງື່ອນໄຂ ອຳນວບຄວາມສະດວກເພື່ອໃຫ້ພະນັກງານ, ນັກຂ່າວຂອງສອງໜັງສືພິມເຄື່ອນໄຫວເຮັດວຽກຮັບໃຊ້ໃຫ້ແກ່ການໂຄສະນາບັນດາເຫດການສຳຄັນກໍ່ຄືສືບຕໍ່ແລກປ່ຽນຄະນະຜູ້ແທນໄປຢ້ຽມຢາມຊື່ງກັນ ແລະ ກັນເປັນປະຈຳ. ກ່ຽວກັບການປະສານສົມທົບກັນໂຄສະນາໃນໄລຍະຈະມາເຖິງ, ທ່ານຕ້າຫວຽດແອງ, ຫົວໜ້າບັນນາທິການໜັງສືພິມເສດຖະກິດ ແລະ ຕົວເມືອງຮ່າໂນ້ຍ ໃຫ້ຮູ້ວ່າ:
“ສອງໜັງສືພິມຕ້ອງສົມທົບກັນໃນການເຄື່ອນໄຫວຕ່າງໆຢ່າງແທດຈິງກ່ວາອີກ, ໃນສະເພາະໜ້າແມ່ນໂຄສະນາບັນດາການເຄື່ອນໄຫວເນື່ອງໃນໂອກາດສະເຫຼີມສະຫຼອງໄຊຊະນະດ້ຽນບຽນຝູຄົບຮອບ 60 ປີໃຫ້ດີທີ່ສຸດ, ຍ້ອນວ່າບັນດາເພື່ອນລາວໄດ້ມີຄວາມຮັບຮູ້ຢ່າງເລິກເຊິ່ງວ່າ, ໄຊຊະນະດ້ຽນບຽນຝູ ບໍ່ພຽງແຕ່ມີຜົນສະທ້ອນຢ່າງໃຫ່ຍຫຼວງເຖິງສະພາບສົງຄາມ, ສ້າງສັນຕິພາບຄືນໃໝ່ຢູ່ຫວຽດນາມ ເທົ່ານັ້ນ. ຫາກຍັງຢູ່ທົ່ວເຂດອິນດູຈີນ, ໃນນັ້ນມີປະເທດລາວ ອີກດ້ວຍ. ນອກຈາກນັ້ນ, ສອງຝ່າຍຈະສືບຕໍ່ຍູ້ແຮງການຮ່ວມມືດ້ານວຽກງານສັງຄົມ ກໍ່ຄືແລກປ່ຽນດ້ານວິຊາການເປັນປະຈຳກ່ວາອີກ “.
ທ່ານຜູ້ຟັງຜູ້ອ່ານທີ່ເຄົາລົບ! ທີ່ກ່າວມາຂ້າງເທິງແມ່ນການຕອບບາງຄຳຖາມຂອງພວກເຮົາ ກ່ຽວກັບບາງບັນຫາທີ່ທ່ານສົນໃຈ. ຖ້າທ່ານຜູ້ໃດມີຄຳຖາມ ກະລູນາຝາກມາຍັງລາຍການຂອງພວກເຮົາຕາມທີ່ຢູ່: ວິທະຍຸກະຈາຍສຽງຫວຽດນາມ ພາກພາສາລາວ, ເຮືອນເລກທີ 45 ຖະໜົນບ່າຈ້ຽວຮ່າໂນ້ຍ- ເບີໂທ: 00844.38256631-ອີແມວ:Laovov@.yahoo.com. ຂໍຂອບໃຈ ທ່ານທີ່ໄດ້ຮັບຟັງ ແລະ ຊົມລາຍການຂອງພວກເຮົາ, ສະບາຍດີ!