( ພາບ: http://www.qdnd.vn )
“ Luala concert ” ແມ່ນລາຍການສະແດງດົນຕີປະສານສຽງ ປະເພດ ກະລາດຊິກ ຫາກໍຖືກສະແດງຕໍ່ມ່ວນຊົນຊາວ ຮ່າໂນ້ຍ ໃນວັນທີ 11 ພະຈິກ ປີ 2011. ນີ້ແມ່ນໝາກຜົນ ຂອງການປະສານສົມທົບດ້ວຍຄວາມສຸດຈິດສຸດໃຈ ລະຫວ່າງ LUALAFashion, ສຳນັກຜະລິດຈຳໜ່າຍດົນຕີ ແລະ ວົງດົນຕີປະສານສຽງຫວຽດ ນາມ. “ Luala concert ” ຖືກສະແດງຢູ່ຂອບທາງ ໜ້າປະຕູ ສຳນັກພິມຈຳໜ່າຍ ດົນຕີເຮືອນເລກທີ 61 ຖະໜົນຫຼີທ້າຍໂຕຊຶ່ງແມ່ນຈຸດໃຈກາງຂອງນະຄອນຫຼວງ ຮ່າໂນ້ຍ ແລະ ແມ່ນບ່ອນຖືກອ້ອມຮອບດ້ວຍບັນດາກຸ່ມສະຖາປັດຕະຍະກຳຂອງຝະລັ່ງທີ່ເກົ່າແກ່ພິເສດຂອງ ຮ່າໂນ້ຍ. ນີ້ແມ່ນບ່ອນໄດ້ຮັບການເລືອກເຟັ້ນເພື່ອສະແດງລາຍການດົນຕີປະສານສຽງໃນທ້າຍອາທິດໂດຍ ບໍ່ເກັບຄ່າເພື່ອຮັບໃຊ້ຊາວທ້ອງຖິ່ນກໍ່ຄືແຂກທ່ອງທ່ຽວຕ່າງປະເທດ ເມື່ອມີໂອກາດ ມາຢ້ຽມຢາມຮ່າໂນ້ຍ. ຢູ່ສະຖານທີສະແດງແຫ່ງນີ້, ບໍ່ມີເວທີສະແດງ, ບໍ່ມີຜູ້ບັນຊາວົງດົນຕີ ແລະບັນດາຜູ້ເສບເຄື່ອງດົນກໍ່ບໍ່ນຸ່ງຊຸດເຄື່ອງແບບ. ສີລະປິນ ນັກເສບເຄື່ອງດົນຕີ 20 ຄົນ ເອົາຕັ່ງມານັ່ງບົນຂອບທາງ ແລະ ຫຼິ້ນດົນຕີ ໃຕ້ແສງແດດ ສາຍລົມຍາມລະດູໃບໄມ້ຫຼົ່ນ ພັດໂຊຍມາຄ່ອຍໆ. ໃນເວລາສະແດງເຂົາເຈົ້າກໍ່ນຸ່ງຖືແບບລຽບງາຍທີ່ສຸດ, ແຕ່ບົດດົນຕີທີ່ເຂົາເຈົ້າເສບ ແມ່ນບັນດາບົດດົນຕີປະສານສຽງທີ່ມີຊື່ສຽງໃນໂລກ ຂອງ Jonhann Strauss, ຂອງ MoZart, Vivaldi, Tchaykovksy ພ້ອມກັບບັນດາບົດດົນຕີອະມະຕະ ຂອງ Bach, Greig …..ບົດດົນຕີເຫຼົ່ານັ້ນ ໄດ້ດັງກ້ອງກັງວານ ໃນທ່າມກາງສຽງບີບແກຂອງລົດ, ສຽງເວົ້າສຽງຫົວຂອງບັນດາຜູ້ຄົນພວມຍ່າງໄປມາບົນທ້ອງຖະໜົນ. ບັນດາຜູ້ມາຊົມເບິ່ງຕ່າງກໍ່ເວົ້າວ່າ ການສະແດງດົນຕີຢູ່ນີ້ ກໍ່ບໍ່ແຕກຕ່າງຫຍັງກັບການສະແດງໃນໂຮງລະຄອນ.
ການປະກົດຕົວຂອງບັນດາສີລະປິນ ນັກເສບເຄື່ອງຕີ ໃນລາຍການສະແດງດົນຕີປະສານສຽງ “ Luala concert ” 2011 ໄດ້ເຮັດໃຫ້ບັນຍາກາດຍາມຕອນບາຍໃນມື້ທ້າຍອາທິດຢູ່ຄຸ້ມຖະໜົນເກົ່າຮ່າໂນ້ຍ ເພີ່ມຄວາມເພິ່ນຈິດ ແລະເປັນໜ້າຈັບໃຈອີຫຼີ. ສຽງດົນຕີຈັ່ງຫວະຂຶ້ນລົງບາດສູງບາດຕ່ຳ ອອນຊອນ, ໄດ້ເປັນການດຶງດູດການມາຊົມຂອງແຂກຄົນທັງຫຼາຍ. ພວກນັກທ່ອງທ່ຽວຊາວຕ່າງປະເທດ ມາຊົມ, ແລ້ວກໍ່ຖ່າຍຮູບ. ອ້າຍ ໂຕກວກຮ້ຽນ ຊາວຮ່າໂນ້ຍເປີດເຜີຍວ່າ “ບັນຍາ ກາດຍາມລະດູໃບໄມ້ຫຼົ່ນ ແມ່ນງາມຫຼາຍ, ແລະທັງມີການສະແດງດົນຕີປະສານສຽງຢູ່ກາງແຈ້ງແບບນີ້ ກໍ່ຍິງເຮັດໃຫ້ຮ່າໂນ້ຍງາມກ່ວາອີກ. ຂ້າພະເຈົ້າມັກຫຼາຍ, ແຕ່ເປັນໜ້າເສຍດາຍ ບໍ່ໄດ້ເອົາເຄື່ອງ ຄາເມຣາ ມາ ເພື່ອຖ່າຍທຳການສະແດງນີ້, ແນ່ນອນວ່າ ຂ້າພະເຈົ້າຈະກັບຄືນມາຊົມອີກຫຼາຍເທື່ອ ”
ຕາມແຜນການແລ້ວ, ລາຍການ “ Luala concert ” ຖືກດຳເນີນໃນທຸກໆວັນເສົາ ແລະ ວັນອາທິດ ຂອງເດືອນພະຈິກ ແລະ ທັນວາ. ຕາມທ່ານ ໂດ໋ງອກມິງ ຜູ້ຕ່າງໜ້າຂອງເຄື່ອງໝາຍ Lualu ແລ້ວ, ກ່ອນນີ້ເມື່ອຢາກຮັບຟັງສຽງດົນຕີປະສານສຽງ, ຜູ້ຟັງ ກໍ່ຕ້ອງໄປໂຮງລະຄອນ, ຕ້ອງນຸຸ່ງຖືແບບສຸພາບ, ແຕ່ເມື່ອມີການສະແດງດົນຕີປະສານສຽງຢູ່ ຂອບທາງນັ້ນ, ໃຜໆກໍ່ສາມາດຮັບຊົມໄດ້ຢ່າງສະດວກສະບາຍ. ເພາະສະນັ້ນ, ບັນດາຜູ້ຈັດລາຍການ ຢາກສ້າງບັນຍາ ກາດແບບທຳມະຊາດ ທັງມີການອຸທິດສ່ວນຂອງບັນດາສີລະປິນ ທັງເປັນວິທີເພື່ອໃຫ້ມ່ວນຊົນເຂົ້າເຖິງດ້ານດົນຕີປະສານສຽງຫຼາຍຂຶ້ນ. ທ່ານ ໂດ໋ງອກມິງໃຫ້ຮູ້ວ່າ: “ ແນວຄວາມຄິດທີ່ພວກຂ້າພະເຈົ້າຍົກອອກມານັ້ນ ບໍ່ພຽງແຕ່ສະແດງດົນຕີ ກະລາດຊິກ ຕາມບັນດາມາດຕະຖານທຳມະດາ ໃນໂຮງລະຄອນ ແລະ ບັນລຸມາດຕະຖານດ້ານການສຽງຢ່າງຄົບຖ້ວນເທົ່ານັ້ນ, ຫາກຍັງເຮັດແນວໃດຈະສາ ມາດຮັບໃຊ້ມ່ວນຊົນໄດ້ຢ່າງງ່າຍດາຍ, ເພື່ອໃຫ້ທຸກໆຄົນກໍ່ສາມາດຮັບຊົມການ ສະແດງດົນຕີ ກະລາດຊິກໄດ້ຢ່າງ ສະດວກສະບາຍ ”
ເພື່ອຕອບສະໜອງ ແລະ ຊົມເຊີຍແນວຄວາມຄິດ ນຳດົນຕີ ກະລາດຊິກມາສູ່ມ່ວນຊົນ, ນັກດົນຕີ ເຈີນແມ້ງຮຸ່ງ ແລະ ນັກເສບ ວີໂອລົງ ຊວນຮຸຍ ພ້ອມກັບບັນດານັກເສບຂອງວົງດົນຕີປະສານສຽງຫວຽດນາມ, ສະຖາບັນດົນຕີແຫ່ງຊາດຫວຽດນາມ ໄດ້ທຳການສະແດງລາຍການທຳອິດຢ່າງສຳເລັດຜົນ. ໃນການສະແດງດົນຕີປະສານສຽງຢູ່ຂອບທາງໃນຊຸມມື້ທີ່ຜ່ານມາ, ຜູ້ມາຊົມກໍ່ນັບມື້ນັບຫຼາຍຂຶ້ນ ແລະ ຢືນຊົມເປັນລະບຽບຮຽບຮ້ອຍ. ຄວາມງາມດ້ານການສຽງ ໄດ້ເປັນການບັນເທົ່າບັນຍາກາດເນືອງນັນອຶກກະທຶກ ຢູ່ຕາມທ້ອງຖະໜົນ. ການສະແດງດົນຕີປະສານສຽງຢູ່ຂອບທາງ ໄດ້ປະກອບສ່ວນສ້າງໃຫ້ມີຄຸ້ມຖະໜົນແຫ່ງ ອະລິ ຍະທຳ ແລະ ການເຄື່ອນໄຫວວັດທະນະທຳໃໝ່ນີ້ ຈະເຮັດໃຫ້ ຮ່າໂນ້ຍ ມີຄວາມດູດດື່ມກ່ວາໃນສາຍຕາຂອງແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດ./.