ລາຍການສະແດງສິລະປະເດີນກາຕາຍຕືພາກໃຕ້
|
ສິລະປະເດີນກາຕາຍຕືພາກໃຕ້ໄດ້ຮັບການເຊີດຊູ ແມ່ນມໍລະດົກວັດທະນະທຳ ບໍ່ມີຮູບຮ່າງເປັນຕົວແທນຂອງມວນມະນຸດ,ເປັນຄັ້ງທຳອິດທີ່ຫວຽດນາມກາຍເປັນ ສະມາຊິກຂອງຄະນະກຳມາທິການ ມໍລະດົກໂລກຂອງຄະນະກຳມະການວັດທະ ນະທຳ, ວິທະຍາສາດ ແລະ ສຶກສາແຫ່ງສະຫະປະຊາຊາດ UNESCO, ສະຫຼຸບ 15 ປີແຫ່ງການປະຕິບັດມະຕິສູນກາງພັກກ່ຽວກັບການກໍ່ສ້າງ ແລະ ພັດທະນາພື້ນຖານວັດທະນະທຳຫວຽດນາມ, ຈັດການເຄື່ອນໄຫວສັບປະດາມະຫາສາມັກຄີບັນດາເຜົ່າ - ມໍລະດົກວັດທະນະທຳຫວຽດນາມ ແລະ ບັນດາການເຄື່ອນໄຫວແລກປ່ຽນພົວພັນຮ່ວມມືດ້ານວັດທະນະທຳສິລະປະກັບບັນດາປະເທດໃນໂລກ...ນັ້ນແມ່ນບັນດາເຫດການວັດທະນະທຳທີ່ພົ້ນເດັ່ນຂອງຫວຽດນາມໃນປີ 2013. ເຫດການເຫຼົ້ານີ້ໄດ້ສະແດງໃຫ້ເຫັນພາບພົດທີ່ມີຊີວິດຊີວາກ່ຽວກັບພື້ນຖານວັດທະນະທຳຫວຽດນາມທີ່ກ້າວໜ້າ ແລະ ເຂັ້ມຂົ້ນໄປດ້ວຍສີສັນຊາດ.
ເຫດການວັດທະນະທຳທີ່ພົ້ນເດັ່ນໃນປີ 2013, ນັ້ນແມ່ນສິລະປະ ເດີນກາຕາຍຕືພາກໃຕ້ຫວຽດນາມໄດ້ຮັບການຮັບຮອງຈາກຄະນະກຳມາທິການ ວັດທະນະທຳ, ວິທະຍາສາດ ແລະ ສຶກສາແຫ່ງສະຫະປະຊາຊາດ UNESCO ແມ່ນມໍລະດົກວັດທະນະທຳ ບໍ່ມີຮູບຮ່າງເປັນຕົວແທນຂອງມວນມະນຸດ ໃນກອງປະຊຸມຄັ້ງທີ 8 ຂອງ UNESCO ຊຶ່ງຖືກຈັດຂຶ້ນຢູ່ ສ. ອາແຊກບາຍຢານ ເມື່ອວັນທີ 5/12/2013. ເລື່ອງສິລະປະ ເດີນກາຕາຍຕືໄດ້ຮັບການຮັບຮອງຈາກ UNESCO ແມ່ນມໍລະດົກວັດທະນະທຳບໍ່ມີຮູບຮ່າງຂອງມວນມະນຸດ ໄດ້ສະແດງໃຫ້ເຫັນວ່າ ໂລກໄດ້ຕີລາຄາສູງສຸດກ່ຽວກັບດົນຕີປະເພດນີ້ຂອງຫວຽດນາມ ແລະ ຍັງເປັນຢັ້ງຢືນພະລັງຊີວິດຂອງວັດທະນະທຳພື້ນເມືອງຫວຽດນາມໃນຂະບວນການເຊື່ອມໂຍງເຂົ້າກັບວັດທະນະທຳສາກົນ. ເພື່ອໄດ້ຮັບການຈັດເຂົ້າບັນຊີລາຍຊື່ ມໍລະດົກວັດທະນະທຳ ບໍ່ມີຮູບຮ່າງເປັນຕົວແທນຂອງມວນມະນຸດນັ້ນ, ສິລະປະເດີນກາຕາຍຕືພາກໃຕ້ ສາມາດຕອບສະໜອງໄດ້ຕາມບັນດາມາດຖານ ຄື: ໄດ້ຮັບການສືບທອດກັນມາຈາກຄົນລຸ່ນນີ້ສູ່ຄົນລຸ່ນອື່ນໂດຍຜ່ານການສຶກສາອົບຮົມຢ່າງເປັນທາງການ ແລະ ບໍ່ເປັນທາງການຢູ່ທົ່ວ 21 ແຂວງທາງພາກໃຕ້; ໄດ້ຮັບການຟື້ນຟູໂດຍຜ່ານການພົວພັນແລກປ່ຽນວັດທະນະທຳກັບບັນດາເຜົ່າທີ່ແຕກຕ່າງກັນ, ສະແດງໃຫ້ເຫັນການປອງດອງ ແລະ ເຄົາລົບນັບຖືຊຶ່ງກັນ ແລະ ກັນລະຫວ່າງບັນດາເຜົ່າ. ທ່ານ ຫງວຽນແທງເຊີນ ຮອງລັດຖະມົນຕີການຕ່າງປະເທດຫວຽດນາມ, ປະທານຄະນະກຳມະການ UNESCO ຂອງຫວຽດນາມໃຫ້ຂໍ້ສັງເກດວ່າ :
“ ນີ້ບໍ່ພຽງແຕ່ແມ່ນຄວາມເບີກບານມ່ວນຊື່ນສະເພາະຂອງປະຊາຊົນ 21 ແຂວງພາກໃຕ້ຫວຽດນາມເທົ່ານັ້ນ, ຫາກຍັງແມ່ນຄວາມເບີກບານມ່ວນຊື່ນຮ່ວມຂອງທົ່ວປະເທດ ແລະ ຂອງປະຊາຄົມຊາວຫວຽດນາມອາໄສຢູ່ຕ່າງປະເທດອີກດ້ວຍ. ສິລະປະເດີນກາຕາຍຕືໄດ້ຮັບການເຊີດຊູ ກໍຍັງສະແດງໃຫ້ເຫັນຄວາມເອົາໃຈໃສ່ຕີລາຄາຢ່່າງຖືກຕ້ອງສຳລັບຕົ້ນກຳເນີດກໍຄືການແຜ່ຂະຫຍາຍ, ຄຸນປະໂຫຍດ ແລະ ບັນດາບົດດົນຕີອະມະຕະຂອງ ສິລະປະເດີນກາຕາຍຕື, ສຳລັບບັນດານັກສິລະປີນ, ນັກສິລະປະກອນ, ນັກດົນຕີຊຶ່ງໄດ້ເພີ່ມພູນຄູນສ້າງມາແຕ່ດົນນານແລ້ວ ”
ຫວຽດນາມໄດ້ກາຍເປັນສະມາຊິກຂອງຄະນະກຳມາທິການມໍລະດົກໂລກ ຊຶ່ງແມ່ນໜຶ່ງ ໃນບັນດາຄະນະກຳມາທິການທີ່ສຳຄັນກ່ວາໝູ່ຂອງອົງການສຶກສາ, ວິທະຍາສາດ ແລະ ວັດທະນະທຳ ແຫ່ງສະຫະປະຊາຊາດ UNESCO ແຕ່ວັນທີ 20/11/2013 ເປັນຕົ້ນໄປ. ເຫດການນີ້ໄດ້ເປັນການຢັ້ງຢືນ ອິດທິພົນຊື່ສຽງຂອງ ຫວຽດນາມໃນພາກພື້ນກໍຄືໃນເວທີ່ສາກົນກ່ຽວກັບວຽກງານຄຸ້ມຄອງ, ອະນຸລັກ ຮັກສາມໍລະດົກໂລກ. ກໍເຊັ່ນດຽວກັນກັບເລື່ອງເຂົ້າສະມາຊິກຂອງອົງການສາກົນຕ່າງໆ, ເຫດການ ຫວຽດນາມກາຍເປັນສະມາຊິກຂອງຄະນະກຳມາທິການ ມໍລະດົກໂລກ ແມ່ນສັນຍານທີ່ພາກພູມໃຈ. ນັບແຕ່ນີ້ເປັນຕົ້ນໄປ, ຫວຽດນາມໄດ້ມີສິດປ່ອນບັດໃນບັນດາການເລືອກເຟັ້ນຄຸນຄ່າວັດທະນະທຳທົ່ວໂລກ. ຫວຽດ ນາມກໍຍັງມີສຽງເວົ້າຕື່ມອີກເພື່ອຮັກສາສີສັນວັດທະນະທຳ ແລະ ເພື່ອໃຫ້ບັນດາ ຄຸນຄ່າວັດທະນະທຳຫວຽດນາມໄດ້ຮັບບັນດານາມມະຍົດທີ່ສູງສົ່ງໂດຍ UNESCO ຮັບຮອງ. ທ່ານສາດສະດາຈານໂງດຶກທິ້ງ ຜູ້ຊ່ຽວຊານຄົ້ນຄ້ວາວັດທະນະທຳຫວຽດນາມໃຫ້ຮູ້ວ່າ :
“ ໃນຊຸມປີທີ່ຈະມາເຖິງ, ພວກເຮົາສືບຕໍ່ມີການສະເໜີໃຫ້ຮັບຮອງເປັນມໍລະດົກລະດັບຊາດ ແລະ ສາກົນ. ພ້ອມກັນນັ້ນ, ພວກເຮົາຈະຄ່ອຍໆສ້າງກົດໝາຍວ່າດ້ວຍມໍລະດົກໃຫ້ສົມບູນແບບເທື່ອລະກ້າວ, ເພື່ອເຮັດແນວໃດໃຫ້ກົດໝາຍເຂົ້າສູ່ຊີວິດຕົວຈິງ.ເລື່ອງ ຫວຽດນາມໄດ້ກາຍເປັນສະມາຊິກຂອງ ຄະນະກຳມາທິການ ມໍລະດົກໂລກ ໄດ້ພິສູດໃຫ້ເຫັນວ່າ ຫວຽດນາມໄດ້ປະຕິບັດວຽກງານເປັນຢ່າງດີ ແລະ ໄດ້ຮັບຄວາມໄວ້ວາງໃຈ, ພວກເຮົາເປັນສະມາຊິກ ແລະ ພວກເຮົາຈະມີສິດປ່ອນບັດຢູ່ໃນຄະນະ ກຳມາທິການມໍລະດົກໂລກ . ນີ້ແມ່ນສິ່ງທີ່ດີທີ່ສຸດ, ດັ່ງນັ້ນພວກເຮົາຕ້ອງເສີມຂະຫຍາຍທ່າແຮງເຫຼົ້ານັ້ນ ”
ກາງເດືອນ 8/2013, ຢູ່ຫວຽດນາມໄດ້ດຳເນີນເຫດການວັດທະນະທຳທີ່ພົ້ນເດັ່ນ, ນັ້ນແມ່ນກອງປະຊຸມສະຫຼຸບ 15 ປີ(1998-2013)ແຫ່ງການປະຕິບັດມະຕິສູນກາງພັກຄັ້ງທີ 5 ຊຸດທີ 8 ກ່ຽວກັບການກໍ່ສ້າງ ແລະ ພັດທະນາພື້ນຖານວັດທະນະທຳຫວຽດນາມທີ່ກ້າວໜ້າ ແລະ ເຂັ້ມຂົ້ນໄປດ້ວຍສີສັນຊາດ” . ບົດລາຍງານທີ່ກອງປະຊຸມໄດ້ຕີລາຄາໂດຍລະອຽດກ່ຽວກັບພື້ນຖານວັດທະນະທຳຫວຽດນາມທີ່ກ້າວໜ້າ ແລະ ເຂັ້ມຂົ້ນໄປດ້ວຍສີສັນຊາດ. ບົດລາຍງານທີ່ກອງປະຊຸມໄດ້ຕີລາຄາໂດຍລະອຽດກ່ຽວກັບການປະຕິບັດມະຕິໃນ 10 ຂົງເຂດຄື : ກໍ່ສ້້າງມະນຸດຫວຽດນາມໃນໄລຍະໃໝ່; ສ້າງສະພາບແວດລ້ອມດ້ານວັດທະ ນະທຳ; ພັດທະນາພາລະກິດວັດທະນະທຳ-ສິລະປະ; ອະນຸລັກຮັກສາ ແລະ ເສີມຂະຫຍາຍຄຸນຄ່າຂອງບັນດາມໍລະດົກວັດທະນະທຳ; ການພັດທະນາພາລະກິດການສຶກສາ-ບຳລຸງສ້າງ ແລະ ວິທະຍາສາດ-ເຕັກໂນໂລຢີ; ພັດທະນາຄຽງຄູ່ກັບການຄຸ້ມຄອງລະບົບສື່ມວນຊົນເຢັນຢ່າງດີ.....
ການແຂ່ງຂັນຊ່ວງເຮືອໃນຂອບເຂດງານບຸນ ອ໋ອກອອມບ໋ອກ
|
ປີ 2013 ກໍເປັນຂີດໝາຍວ່າ ເປັນຄັ້ງທຳອິດທີ່ຫວຽດນາມຈັດການເຄື່ອນໄຫວສັບປະດາມະຫາສາມັກຄີບັນດາເຜົ່າ - ມໍລະດົກວັດທະນະທຳຫວຽດນາມ. ສັບປະດານີ້ລວມມີການເຄື່ອນໄຫວວັດທະນະທຳຫຼາຍຢ່າງຄື : ງານວາງສະແດງ ມໍລະດົກວັດທະນະທຳ ວ່າວພື້ນເມືອງຫວຽດນາມ, ການວາດພາບເຖິງບັນຍາກາດຕະຫຼາດບົນໜ້ານ້ຳພາກໃຕ້ ແລະ ຕະຫຼາດເຂດພູສູງທາງ ທິດເໜືອ, ການຈັດບຸນແຂ່ງງົວ ໄບນຸ້ຍ, ງານບຸນ ອ໋ອກອອມບ໋ອກ....
ພ້ອມກັນນັ້ນແມ່ນບັນດາການເຄື່ອນໄຫວວັດທະນະທຳສິລະປະສະເຫຼີມ ສະຫຼອງປີຖ້ວນແຫ່ງວັນສ້າງການພົວພັນທາງການທູດກັບບັນດາປະເທດໃນໂລກ ແລະ ບັນດາການເຄື່ອນໄຫວແລກປ່ຽນວັດທະນະທຳສາກົນ. ບັນດາການ ເຄື່ອນໄຫວວັດທະນະທຳສິລະປະທີ່ອຸດົມສົມບູນນີ້ໄດ້ສ້າງເປັນພາບພົດວັດທະ ນະທຳທີ່ມີຊີວິດຊີວາ ແລະ ໄດ້ສ້າງຄວາມປະທັບໃຈຢ່າງເລິກເຊິ່ງ, ເຂັ້ມຂົ້ນໄປດ້ວຍສີສັນຂອງປະເທດຊາດ ແລະ ຊາວຫວຽດນາມ .