ພວກນັກຮຽນຝຶກແອບກ່ອນທີ່ເຂົ້າຮ່ວມງານປະກວດ

     ເມື່ອສຽງດົນຕີຟ້ອນແຊທີ່ຄຶກຄື້ນມ່ວນຊື່ນໄດ້ດັງຂຶ້ນກໍ່ແມ່ນຈຸດເວລາທີ່ພວກນ້ອງນັກຮຽນໂຮງຮຽນປະຖົມ, ມັດທະຍົມສົມບູນ ຈູວັນອານ ມະຫາວິທະຍາໄລ ເຕີຍບັກ ໃນແຂວງ ເຊີນລາ ໄດ້ມີໜ້າຢູ່ເດີ່ນໂຮງຮຽນເພື່ອເຄົາລບທຸງຊາດ ເພື່ອພ້ອມກັນເຂົ້າຮ່ວມໃນລາຍການນອກລະບົບພິເສດ. ນີ້ເປັນຄັ້ງທຳອິດທີ່ພວກນ້ອງນັກຮຽນຂັ້ນມັດທະຍົມຕອນຕົ້ນ ແລະ ຕອນປາຍ ໄດ້ເຊື່ອມຕົວເຂົ້າກັບບັນຍາກາດວັດທະນະທຳເຜົ່າຜູ້ໄທ ພ້ອມກັນຄົ້ນຫາ ແລະ ຊອກຮູ້ຄວາມເປັນເອກະລັກສະເພາະຂອງວາດຟ້ອມແຊເຜົ່າຜູ້ໄທ ເຂດ ເຕິຍບັກ. ນ້ອງຫວຽນຫງອກບ໋າວອານ ນັກຮຽນຫ້ອງ ມໍ4 ໃຫ້ຮູ້ວ່າ:

     “ຫຼານຮູ້ສຶກດີໃຈ ແລະ ມີຄວາມສຸກ ເມື່ອໄດ້ເຂົ້າຮ່ວມລາຍການນີ້. ຜ່ານນີ້ກໍ່ໄດ້ຄົ້ນຫາບັນດາສິ່ງທີ່ຫຼານຍັງບໍ່ທັນຮູ້ຈັກກ່ຽວກັບວາດຟ້ອນແຊເຜົ່າຜູ້ໄທ ແລະ ຍັງຮູ້ຈັກກ່ຽວກັບບັນດາສິ່ງທີ່ດີງາມ ໃນຂົງາເຂດວັດທະນະທຳບັນດາເຜົ່າຂອງປະເທດຕົນ”.

     ໃນວິທີສະແດງທີ່ຖືກອອກແບບຮູບຈຳລອງເຄື່ອງດົນຕີແຄນ ພ້ອມກັບຜ້າຄຸມຫົວຂອງຊາວເຜົ່າຜູ້ໄທ ທີ່ມີລວດລາຍສີສັນຫຼາກຫຼາຍ ບັນດາກອງສິລະປະກໍ່ໄດ້ປະຕິບັດລາຍການສະແດງເປັນລຳດັບຄື ທັກທາຍສະບາຍດີ ແນະນຳກ່ຽວກັບກອງສິລະປະຂອງຕົນ; ບັນລະຍາຍແນະນຳກ່ຽວກັບວາດຟ້ອນແຊບູຮານ 6 ປະເພດຂອງຊາວເຜົ່າຜູ້ໄທ”. ໃນສຽງດົນຕີທີ່ຄຶກຄື້ນ ແລະ ສຽງຕົບມືບໍ່ຂາດສາຍນັ້ນ, ຜູ້ບ່າວຜູ້ສາວນັກສະແດງໄດ້ສວມບົດບັນດາອ້າຍບ່າວນາງສາວເຜົ່າຜູ້ໄທ. ນ້ອງ ລໍ່ດຶກແອັງ ນັກຮຽນຫ້ອງ ມໍ7 ເປັນຜູ້ຈັກສ້າງລາຍການໃຫ້ແກ່ກອງສິລະປະຂອງຕົນແບ່ງປັນວ່າ:

      “ນ້ອງມີຄວາມເບີກບານໃຈທີ່ສຸດ. ກະໂຕນ້ອງເອງກໍ່ແມ່ນລູກຂອງເຜົ່າຜູ້ໄທ ແລະ ແມ່ນໄວໜຸ່ມຜູ້ໜຶ່ງລູກກໍ່ຢາກຮຽນຮູ້ ແລະ ຖ່າຍທອດໃຫ້ແກ່ບັນດາເພື່ອນຢູ່ອ້ອມຂ້າງຮູ້ຈັກຈຸດວັດທະນະທຳອັນດີງາມຂອງເຜົ່າຜູ້ໄທ ໃນນັ້ນມີ 6 ວາດຟ້ອນແຊບູຮານ”.

     ສ່ວນນ້ອງ ຮ່າຖຸ໋ຍວີ ນັກຮຽນຫ້ອງ ມໍ4 ເປີດເຜີຍວ່າ:

     “ນ້ອງກໍ່ຮູ້ສຶກດີໃຈ ແລະ ປະທັບໃຈເມື່ອໄດ້ເຂົ້າຮ່ວມລາຍການນີ້ ຍ້ອນວ່າ ນ້ອງກໍ່ແມ່ນລູກຂອງເຜົ່າຜູ້ໄທ ແຕ່ຍັງບໍ່ທັນໄດ້ເຂົ້າຮ່ວມງານບຸນຂອງເຜົ່າຜູ້ໄທຈັກເທື່ອ. ນ້ອງຄຶດວ່າ ນີ້ກໍ່ແມ່ນໂອກາດເພື່ອໃຫ້ນ້ອງໄດ້ເຂົ້າຮ່ວມ ແລະ ຄົ້ນຫາສີສັນວັດທະນະທຳຂອງເຜົ່າຕົນ”.

      ອ້າຍຄູ ຫງວຽນແອັງດ່ານ ສອນວິຊາດົນຕີຂອງໂຮງຮຽນທັງແມ່ນຜູ້ກຳກັບລາຍການສະແດງໃຫ້ຮູ້ວ່າ ເຂດວັດທະນະທຳ “ກັບຄືນສູ່ເຂດມໍລະດົກ” ຖືກຈັດຕັ້ງເພື່ອແນໃສ່ໂຄສະນາຢ່າງກວ້າງເລິກກ່ຽວກັບມູນເຊື້ອວັດທະນະທຳທີ່ເປັນເອກະລັກສະເພາະ ພ້ອມທັງຍົກສູງສະຕິຄວາມຮັບຜິດຊອບຂອງນັກຮຽນໃນການອະນຸລັກ ເສີມຂະຫຍາຍບັນດາຄຸນຄ່າວັດທະນະທຳຂອງມໍລະດົກຟ້ອນແຊເຜົ່າຜູ້ໄທ ອ້າຍຄູ ຫງວຽນແອັງດ່ານ ເວົ້າວ່າ:

     “ນີ້ເປັນຄັ້ງທຳອິດທີ່ພວກຂ້າພະເຈົ້າໄດ້ເຮັດວຽກງານສິລະປະຟ້ອນແຊເຜົ່າຜູ້ໄທ. ໃນຄັ້ງທີສອງທີ່ຈະມາເຖິງພວກຂ້າພະເຈົ້າຈະເຮັດກ່ຽວກັບຊົນເຜົ່າມົ້ງ “ສຽງແຄນ” ແລະ ໃນຄັ້ງຕໍ່ໆໄປພວກຂ້າພະເຈົ້າຈະຈັດຕັ້ງງານປະກວດຊອກຮູ້ບັນດາມໍລະດົກຂອງບັນດາເຜົ່າອື່ນ ເຊິ່ງໄດ້ຮັບການເຊີດຊູ. ແຕ່ລະເຄິ່ງສົກຮຽນ ພວກເຮົາກໍ່ໄດ້ຈັດຕັ້ງງານປະກວດຄັ້ງໜຶ

        ການນຳເອົາບັນດາປະເພດວັດທະນະທຳພື້ນເມືອງເຂົ້າໃນຫຼັກສູດການສອນ ແລະ ການສະແດງໃນບັນດາໂຮງຮຽນຈະຊ່ວຍສະພາບແວດລ້ອມການຮ່ຳຮຽນ ເພີ່ມຄວາມມີຊີວິດຊີວາ ແລະ ນຳວັດທະນະທຳພື້ນເມືອງແຜ່ກະຈາຍຢ່າງແຂງແຮງໃນການດຳລົງຊີວິດ.