ພາບຂັດມັນ ແລະ ພາບແຕ້ມເຈ້ຍສາເກືອບ 30 ແຜ່ນຂອງຈິດຕະກອນ ມາຍດັກລິງທີ່ງານວາງສະແດງ “ ຄວາມເຊື່ອໝັ້ນ ແລະ ການເວລາ” ຫາກໍຖືກຈັດຂຶ້ນຢູ່ຝະລັ່ງນັ້ນ, ໄດ້ສ້າງຄວາມປະທັບໃຈກ່ຽວກັບດ້ານຈິດຕະກຳໃນຍຸກປະຈຸບັນຢູ່ຫວຽດນາມໃຫ້ແກ່ມວນຊົນຝະລັ່ງຜູ້ນິຍົມຊົມຊອບດ້ານສິລະປະ. ໂດຍໄດ້ຮັບເອົາແບບວິທີສ້າງຮູບປະທຳຂອງເອີລົບ, ແຕ່ມີຈິນຕະນາການປັດຊະຍາອາຊີຕາເວັນອອກອັນເລິກເຊິ່ງ, ພາບຂອງ ຈິດຕະກອນ ມາຍດັກລິງ ໄດ້ສະແດງໃຫ້ເຫັນຄຸນຄ່າດ້ານຈິດຕະກຳຂອງຫວຽດນາມ.
ຜູ້ມາຊົມເບິ່ງພາບຂັດມັນຂອງຈິດຕະກອນ ມາຍດັກລິງທີ່ງານວາງສະແດງ “ ຄວາມເຊື່ອໝັ້ນ ແລະ ການເວລາ” ຫາກໍຖືກຈັດຂຶ້ນຢູ່ຝະລັ່ງ
|
“ ຄວາມເຊື່ອໝັ້ນ ແລະ ການເວລາ” ແມ່ນ ງານວາງສະແດງສ່ວນບຸກຄົນຄັ້ງທຳອິດຂອງຈິດຕະກອນ ມາຍດັກລິງ ຢູ່ຝະລັ່ງດ້ວຍພາບຂັດມັນ 13 ແຜ່ນ, ໃນນັ້ນ, ມີ 5 ແຜ່ນຂະໜາດໃຫຍ່ ແລະ ພາບແຕ້ມເຈ້ຍສາເກືອບ 10 ແຜ່ນ.
ພາບຂັດມັນແຕ່ລະແຜ່ນກໍລ້ວນແຕ່ເຕົ້າໂຮມຍອດຍິ່ງບັນດາຄຸນຄ່າອັນເປັນປະເພນີ. ມີຈຸດພິເສດອີກອັນໜຶ່ງທີ່ີສະແດງໃຫ້ເຫັນໃນພາບຂອງຈິດຕະກອນ ມາຍດັກລິງແມ່ນຄວາມກົມກ່ຽວດ້ານວັດຖຸຂອງ ພາບຂັດມັນຫວຽດນາມດ້ວຍແບບວິທີສ້າງຮູບປະທຳທັນສະໄໝ, ສະແດງໃຫ້ເຫັນຈິດໃຈດ້ານສິລະປະຝ່າຍຕາເວັນອອກ. ຈິດຕະກອນ ມາຍດັກລິງ ເປີດເຜີຍວ່າ :
“ ຫວຽດນາມແມ່ນປະເທດຜະລິດກະສີກຳ ແລະ ເກືອບຄືວ່າ ຢູ່ໝູ່ບ້ານໃດໆຂອງຫວຽດນາມກໍລ້ວນແຕ່ມີວັດ, ຈິດໃຈທາງດ້ານພຸດທະສາສະໜາຂອງຊາວຫວຽດນາມແມ່ນຈະແຈ້ງທີ່ສຸດ. ແຕ່ປາງກ່ອນ, ຊາວຫວຽດນາມກໍເຄີຍນຳໃຊ້ວັດຖຸຂັດມັນເພື່ອເຮັດພະພຸດທະຮູບ, ຜະລິດເຄື່ອງຮັບໃຊ້ການບູຊາ ຫຼືເຄື່ອງໃຊ້ໃນພິທີກຳທາງສາສະໜາພຸດ. ຂ້າພະເຈົ້າຢາກສົ່ງສ່ວນໜຶ່ງທາງດ້ານຈິດໃຈວັດທະນະທຳມະນຸດ, ຈິດໃຈສາສະໜາພຸດເຂົ້າໃນພາບຂັດມັນຂອງຕົນ, ນັ້ນກໍແມ່ນສິ່ງເພື່ອສົນທະນາກັບຜູ້ຊົມຫຼາຍຄົນ ”
ຈິດຕະກອນ ມາຍດັກລິງ
|
ເພາະສະນັ້ນ, ນັບທັງໃນວິທີຕັ້ງຫົວເລື່ອງໃຫ້ ພາບຂັດມັນແຕ່ລະແຜ່ນຄື “ ຄວາມໃຝ່ຝັນ”, “ບົດເພງຍາມລະດູຮ້ອນ”... ຈິດຕະກອນ ມາຍດັກລິງ ກໍໄດ້ສ້າງຄວາມປະທັບໃຈໃຫ້ແກ່ບັນດາຜູ້ຊົມ ”
ເມື່ອເວົ້າເຖິງ ພາບແຕ້ມເຈ້ຍສາກໍຄື ພາບຂັດມັນຂອງ ຈິດຕະກອນ ມາຍດັກລິງ, ນັກວິຈານດ້ານວິຈິດຕະກອນຊາວຝະລັ່ງ ທ່ານ Corinne de Menonville ນັກປະພັນປຶ້ມອ່ານ “ ຈິດຕະກອນຍຸກປະຈຸບັນຫວຽດນາມ” ເນັ້ນໜັກວ່າ :
“ ບັນດາຈຸດທີ່ເປັນເອກະລັກສະເພາະ ແມ່ນວິທີນຳໃຊ້ດ້ານເຕັກນິກເຮັດພາບຂັດມັນຂອນັກຈິດຕະກອນ ມາຍດັກລິງ, ລາວສາມາດຄອບງຳດ້ານສີສັນໄດ້. ບັນດາລວດລາຍດອກບົວ, ຄ້ອງບ້າງ ດົງເຊີນ, ຮູບພາບພື້ນເມືອງຂອງຫວຽດນາມ...ໄດ້ຖືກຈິດຕະກອນ ມາຍດັກລິງ ສະແດງອອກຜ່ານພາບຂັດມັນ ຢ່າງສຳເລັດຜົນ. ສຳລັບພາບແຕ້ມເຈ້ຍສາ, ຊຶ່ງແມ່ນພາບແຕ້ມພິເສດໃນພາບແຕ້ມ ດົງໂຮ່ ຊອງຫວຽດນາມນັ້ນ, ການປະດິດຄິດສ້າງຂອງລາວແມ່ນເປັນເອກະລັກສະເພາະ. ຂ້າພະເຈົ້າມີຄວາມປະທັບໃຈຕໍ່ວິທີເຮັດພາບແຕ້ມເຈ້ຍສາຂອງລາວ ເພາະການປະສົມກົມກ່ຽວລະຫວ່າງຝ່າຍຕາເວັນອອກກັບຝ່າຍຕາເວັນຕົກ, ສືບຕໍ່ສ່ອງແສງບັນດາຄຸນຄ່າດ້ານຈິດຕະກຳຂອງຫວຽດນາມຜ່ານພາບແຕ້ມ ເຈ້ຍສາ ແລະ ພາບຂັດມັນ ”
ທ່ານນາງ Anne Colarie Phachan ປະທານຫ້ອງການພາບແຕ້ມ Victoria ມີຄວາມປະທັບໃຈເປັນພິເສດຕໍ່ໜ້າຄວາມເປັນເອກະລັກສະເພາະຂອງພາບແຕ້ມ ເຈ້ຍສາໂດຍຈິດຕະກອນ ມາຍດັກລິງ ໄດ້ປະດິດຄິດສ້າງ. ຕາມທ່ານນາງ Anne Colarie Phachan ແລ້ວ, ນັ້ນແມ່ນບັນດາເສັ້ນທາງແຫ່ງຄວາມ“ນາມທຳ” ແລະ ຕາມການເວລາ, ບັນດາແວດແຕ້ມດ້ວຍສີຂອງຈິດຕະກອນຈະຈືດຈາງໄປ, ສ່ວນບັນດາເສັ້ນທາງບົນເສັ້ນໃໝ ຈະຈະແຈ້ງກ່ວາ ແລະ ໄດ້ສ້າງໃຫ້ມີຮູບພາບທີ່ປະທັບໃຈ.
ຖ້າຫາກວ່າ ສິລະປະເປັນຕົວແທນທາງດ້ານຈິດວິນຍານຂອງຊາດ, ຊ່ວຍທຸກໆຄົນຢູ່ໃນພື້ນຖານວັດທະນະທຳທີ່ແຕກຕ່າງກັນ ສາມາດເຫັນດີເຫັນພ້ອມຕໍ່ກັນ ແລະ ເພີ່ມຄວາມເຂົ້າໃຈຊຶ່ງກັນ ແລະ ກັນນັ້ນ, ມາຊົມພາບແຕ້ມຂອງ ຈິດຕະກອນ ມາຍດັກລິງ, ມວນຊົນຝະລັ່ງຜູ້ນິຍົມຊົມຊອບດ້ານສິລະປະ ຈະໄດ້ເຫັນປະຈັກຕາກ່ຽວກັບຈິດວິນຍານຫວຽດນາມຢ່າງງາຍດາຍ .