ໃນຊີວິດການເຄື່ອນໄຫວປະຕິວັດຂອງຕົນ, ທ່ານປະທານໂຮ່ຈິມິນໄດ້ປະໄວ້ ໃຫ້ຄົນລຸ່ນຫຼັງບັນດາ ເອກະສານປະຫວັດສາດ, ບັນດາບົດປະພັນທີ່ມີຊື່ສຽງ, ໃນນັ້ນມີບົດປະພັນອະມະຕະແມ່ນຊຸດບົດກະວີ “ ບັນທຶກປະຈຳວັນໃນຄຸກ”. “ ບັນທຶກປະຈຳວັນໃນຄຸກ ” ແມ່ນຮູບພາບທີ່ພັນລະນາດ້ວຍບົດກະວີ, ສະແດງໃຫ້ເຫັນລັກສະນະວັດທະນະທຳມະນຸດ, ຈິດວິນຍານປະເອີບໃຈຂອງ ຜູ້ເປັນນັກຮົບກອມມູນິດ ໂຮ່ຈິມິນ, ນັກກະວີທີ່ຍິ່ງໃຫຍ່.
ຊຸດບົດກະວີ “ ບັນທຶກປະຈຳວັນໃນຄຸກ” ພຽງແຕ່ແມ່ນປຶ້ມຄູມືນ້ອຍ, ໜ້າປົກຂຽວຊຶ່ງຂຽນ 4 ຕົວໜັງສື “ ບັນທຶກ ໃນຄຸກ” ພ້ອມດ້ວຍກະວີ 4 ແຖວ ແລະ ຮູບແຕ້ມ 2 ກຳປັ້ນຖືກໃສ່ໂສ້
|
ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນແຕ່ງຊຸດບົດກະວີ “ ບັນທຶກປະຈຳວັນໃນຄຸກ”, ມີກອງປະຊຸມສຳມະນາໂດຍຄະນະໂຄສະນາສຶກສາສູນກາງພັກ, ກະຊວງວັດທະນະທຳກິລາ ແລະ ທ່ອງທ່ຽວ ແລະ ຄະນະກຳມະການທົ່ວປະເທດສະຫະພັນບັນດາສະມາຄົມວັນນະຄະດີສິລະປະຫວຽດນາມຈັດຂຶ້ນຫວ່າງແລ້ວນີ້ຢູ່ຮ່າໂນ້ຍ. ກອງປະຊຸມສຳມະນາໄດ້ປະກອບ ສ່ວນຢືນຢັນຄຸນຄ່າຢ່າງໃຫຍ່ຫຼວງກ່ຽວກັບສິລະປະ, ລັກສະນະວັດທະນະທຳ ມະນຸດ ແລະ ພະລັງຊີວິດແບບຍືນຍົງຂອງຊຸດບົດກະວີ “ ບັນທຶກ ປະຈຳວັນ ໃນຄຸກ” ຊຶ່ງແມ່ນບົດປະພັນທີ່ມີຊື່ສຽງໃນພື້ນຖານກະວີ, ວັນນະຄະດີຫວຽດນາມຍຸກທັນສະໄໝ. ຊຸດບົດກະວີ “ ບັນທຶກປະຈຳວັນໃນຄຸກ” ປະກອບດ້ວຍ 133 ບົດກະວີຊຶ່ງແຕ່ງເປັນພາສາຈີນຂອງທ່ານປະທານໂຮ່ຈິມິນທີ່ແຕ່ງນັບແຕ່ວັນທີ 29/8/1942 ຫາວັນທີ 10/9/1943. ຊຸດບົດກະວີ “ ບັນທຶກປະຈຳວັນໃນຄຸກ” ພຽງແຕ່ແມ່ນປຶ້ມຄູມືນ້ອຍ, ໜ້າປົກຂຽວຊຶ່ງຂຽນ 4 ຕົວໜັງສື “ ບັນທຶກ ໃນຄຸກ” ພ້ອມດ້ວຍກະວີ 4 ແຖວ ແລະ ຮູບແຕ້ມ 2 ກຳປັ້ນຖືກໃສ່ໂສ່. ສ່ວນໃນປຶ້ມແມ່ນບັນດາບົດກະວີແຕ່ງດ້ວຍພາສາຈີນ ແລະ ການຂຽນບັນທຶກ. ສິ່ງທີ່ພິເສດຂອງຊຸດບົດກະວີ “ ບັນທຶກປະຈຳວັນໃນຄຸກ” , ນັ້ນແມ່ນທ່ານປະທານໂຮ່ຈິມິນທັງແມ່ນຜູ້ແຕ່ງ, ທັງແມ່ນຕົວລະຄອນ, ບັນທຶກຄືນ, ເລົ່າຄືນ“ເລື່ອງລາວໃນຄຸກ”ດ້ວຍບົດກະວີຕາມແບບ“ ບັນທຶກປະຈຳວັນໃນຄຸກ”. ເພາະສະນັ້ນ, ອາດຈະຖືວ່າ “ ບັນທຶກປະຈຳວັນໃນຄຸກ” ແມ່ນເລື່ອງລາວແຕ່ງເປັນບົດກະວີ, ຊຶ່ງຜ່ານຫຼາຍວັກຫຼາຍຕອນ, ທ່ານປະທານໂຮ່ຈິມິນຍາມໃດກໍຖືການປະຕິວັດ ແລະ ປະຊາຊົນແມ່ນສຳຄັນ ແລະ ຕັ້ງຢູ່ອັນດັບໜຶ່ງ. ນັກຄົ້ນຄ້ວາວັນນະຄະດີ, ສາດສະດາຈານ ເຟືອງລິ້ວ ໃຫ້ຂໍ້ສັງເກດວ່າ ບົດກະວີ “ ບັນທຶກປະຈຳວັນໃນຄຸກ” ໄດ້ສະແດງໃຫ້ເຫັນຄຸນຄ່າອັນໃຫຍ່ຫຼວງຂອງບຸກຄົນທີ່ຍິ່ງໃຫຍ່ດ້ວຍຄວາມຫວັງອັນສູງສົ່ງທີ່ສຸດແມ່ນ “ ເອກະລາດໃຫ້ແກ່ຊົນຊາດ ແລະ ເສລີພາບໃຫ້ແກ່ມະນຸດ ” . ສາດສະດາຈານ ເຟືອງລິ້ວ ເວົ້າວ່າ :
“ ສິ່ງທີ່ໜ້າສົນໃຈ ແມ່ນໃນຊຸດບົດກະວີ “ ບັນທຶກປະຈຳວັນໃນຄຸກ” ນັ້ນ, ຕົວໜັງສື ເສລີ ໄດ້ປະກົດມີຫຼາຍເທື່ອ. ສິ່ງນີ້ໄດ້ພິສູດໃຫ້ເຫັນ ທ່ານປະທານໂຮ່ຈິມິນແມ່ນຫວັງມີເສລີພາບດ້ວຍຖານະແມ່ນບຸກຄົນໜຶ່ງ, ດ້ວຍຖານະແມ່ນນັກກະວີ. ສິ່ງນີ້ແມ່ນສອດຄ່ອງກັບແນວຄິດຂອງເພິ່ນ ດ້ວຍຖານະເປັນຜູ້ນຳ. ພວກເຮົາຄວນ ມີຄວາມເອົາໃຈໃສ່ພິເສດເມືອ່ສ້າງຕັ້ງປະເທດ, ເພິ່ນໄດ້ຕັ້ງຊື່ໃຫ້ປະເທດແມ່ນ ສາທາລະນະລັດປະຊາທິປະໄຕຫວຽດນາມ, ຊື່ແນວນັ້ນແມ່ນຄົບຖ້ວນສົມຄວນແລ້ວ, ແຕ່ກໍຍັງບໍ່ທັນພຽງພໍ. ເບິ່ງຄືວ່າ ມີບໍ່ເທົ່າໃດປະເທດ ທີ່ຍັງມີ : ເອກະລາດ-ອິດສະຫຼະພາບ-ຄວາມຜາສຸກ. ໝາຍຄວາມວ່າ ປະເທດຊາດມີເອກະລາດ, ປະຊາຊົນມີເສລີພາບ ແລະ ຄວາມຜາສຸກ. ນັ້ນແມ່ນສິ່ງທີ່ມາຮອດວັນນີ້, ພວກເຮົາສືບຕໍ່ສູ້ຊົນ ”
ເມື່ອອ່ານບົດກະວີ “ ບັນທຶກປະຈຳວັນໃນຄຸກ”, ກໍອາດຈະເຫັນວ່າ ທ່ານປະທານໂຮ່ຈິມິນແມ່ນຜູ້ໃນບໍ່ວ່າສະພາບການໃດໆກໍຮູ້ປະສານສົມທົບຢ່າງມະຫັດສະຈັນລະຫວ່າງມານະຈິດ ແລະ ຄວາມເຊື່ອໝັ້ນຢ່າງແຮງກ້າຂອງນັກປະຕິວັດດ້ວຍຄວາມຫວັງມີເສລີພາບ, ເຈດຈຳນົງຝຶກຝົນຫຼໍ່ຫຼອມ, ຈິດໃຈຜ່ານຜ່າທຸກຄວາມຫຍຸ້ງຍາກ, ມີຄວາມເຊື່ອໝັ້ນ, ປະເອີບໃຈຕໍ່ອະນາຄົດ. ເຖິງວ່າຖືກຈັບກຸມຜ່ານ 13 ເມືອງ ດ້ວຍຄຸກ 18 ແຫ່ງຢູ່ແຂວງກວາງສີປະເທດຈີນ, ແຕ່ບົດກະວີ “ ບັນທຶກປະຈຳວັນໃນຄຸກ” ໃນຕະຫຼອດເສັ້ນທາງຖືກຈັບກຸມຄຸມຂັງນັ້ນ, ຍາມໃດກໍສໍ່ສະແດງໃຫ້ເຫັນຄວາມທຸມທຽງ, ຊື່ຕົງຂອງຜູ້ຖືກຈຳຄຸກ, ຂອງນັກປະຕິວັດ. ນັກກະວີ ວູ້ກວນເຟືອງ ໃຫ້ຮູ້ວ່າ :
“ ຂ້າພະເຈົ້າມີບາງບົດຂຽນຄົ້ນຄ້ວາກ່ຽວກັບ ທ່ານປະທານໂຮ່ຈິມິນ, ໃນນັ້ນມີບັນດາບົດຂຽນກ່ຽວກັບການແຫກຄຸກ, ກ່ຽວກັບເລື່ອງ ທ່ານປະທານ ໂຮ່ຈິມິນເຊື່ອມຕົວເຂົ້າກັບຊົນຊັ້ນຕ່ຳສຸດຂອງສັງຄົມ, ແຕ່ຈິດໃຈຂອງເພິ່ນບໍ່ເຄື່ອນ ເໜັງ. ເພິ່ນໄດ້ເຢາະເຢີ້ຍເມືອ່ປຽບທຽບຕົນໂຕຖືກຂີ້ຫິດຄືພວມນຸ່ງເສື້ອລາຍ, ສ່ວນເກົາເມື່ອຄັນນັ້ນ, ກໍປຽບເໝືອນດີດກິຕາ ”
ປີ 1960, ຊຸດບົດກະວີ “ ບັນທຶກປະຈຳວັນໃນຄຸກ” ໄດ້ຖືກແປອອກເປັນພາສາຫວຽດ, ໄດ້ຮັບການຕີລາຄາວ່າແມ່ນການສະແດງຕ່າງຫາກຂອງ ທ່ານປະທານໂຮ່ຈິມິນ ດ້ວຍຖານະເປັນນັກກະວີ. ມາຮອດປະຈຸບັນ, ຊຸດບົດກະວີ “ ບັນທຶກປະຈຳວັນໃນຄຸກ” ບໍ່ພຽງແຕ່ຖືກເຜີຍແຜ່ຢູ່ພາຍໃນປະເທດເທົ່ານັ້ນ, ຫາກຍັງໄດ້ຮັບການຕີລາຄາສູງ ແລະ ແນະນຳດ້ວຍພາສາຂອງປະເທດຕ່າງໆໃນໂລກຄື ອັງກິດ, ອາຣັບ, ປອກຕຸຍການ, ເຢັຍລະມັນ, ສ.ເກົາຫຼີ, ຍີປຸ່ນ, ຈີນ, ແອດສປາຍ....ວັນທີ 1/10/2012, ນາຍົກລັດຖະມົນຕີແຫ່ງ ສ.ສ ຫວຽດນາມໄດ້ຕົກລົງຮັບຮອງ ຊຸດບົດກະວີ “ ບັນທຶກປະຈຳວັນໃນຄຸກ”ຂອງ ທ່ານປະທານໂຮ່ຈິມິນ ແມ່ນຂອງປະເສີດແຫ່ງຊາດ.