ຂັບຊິ່ງກາຂອງຊາວເຜົ່າກາວລານຢູ່ເມືອງບາແຈ໊

     ຂັບຊິ່ງກາຂອງຊາວເຜົ່າກາວລານຢູ່ເມືອງບາແຈ໊ ແມ່ນປະເພດກາບກອນທີ່ເປັນໜ້າຈັບໃຈດ້ວຍບົດລຳຂັບກ້ຽວບອກຮັກກັນ, ການຂັບຮ້ອງກໍ່ມີແຕ່ລະພາກ, ບ່າວສາວຂັບກ້ຽວກັນຈາກພາກນີ້ຫາພາກອື່ນ. ບົດລຳກໍ່ລຽບງ່າຍໂດຍບັນດາອ້າຍບ່າວນາງສາວເຜົ່າ ກາວລານຫຼົງໄຫຼຂັບຮ້ອງທີ່ແກ່ຍາວ. ຊິ່ງກາຂອງຊົນເຜົ່າກາວລານຢູ່ເມືອງບາແຈ໊ ກໍ່ເຊັ່ນດຽວກັນກັບຊາວເຜົ່າກາວລານຢູ່ແຂວງອື່ນໆ ນັ້ນແມ່ນຄີຍຖືກບ່າວສາວໃນອາຍຸໄວໜຸ່ມໄປຂັບຮ້ອງສະແດງຄວາມຮັກເຂົາເຈົ້າກໍ່ຍາດແຍ່ງໂອກາດເພື່ອສະແດງຄວາມຮັກຕໍ່ກັນ, ແລ້ວຢື້ຢາມຖາມຂ່າວຕໍ່ກັນກ່ຽວກັບສະພາບຄອບຄົວເຮືອນຊານບ້ານຊ່ອງສຸດທ້າຍແມ່ນສະແດງຄວາມຮັກຄວາມຄິດຮອດຄິດເຖິງແລະນັດກັນຈະພົບກັນໃໝ່. ພວກອ້າຍບ່າວເຜົ່າກາວລານເຄີຍໄປຮອດເຮືອນ ເພື່ອສະແດງຄວາມຮັກກັບນາງສາວທີ່ເຂົາສົນໃຈແຕ່ກໍ່ມີບາງຄັ້ງເຂົາເຈົ້າສະແດງຄວາມຮັກຢູ່ຕາມທາງ. ນັກສິລະປະການລຸກວັນບິ່ງຮອງປະທານຄະນະກຳມະການປະຊາຊົນຕາແສງແທັງເຊີນໃຫ້ຮູ້ວ່າ:

   “ສຳລັບຊາວເຜົ່າກາວລານຢູ່ ບາແຈ໊ ແລະຊາວເຜົ່າກາວລານຢູ່ແຫ່ງອື່ນໆນັ້ນບົດລຳຂັບຮ້ອງກໍ່ຄ້າຍຄືກັນພຽງແຕ່ມີຄວາມແຕກຕ່າງກັນກ່ຽວກັບສຳນຽງຂັບຮ້ອງ. ສຳນຽງຂັບຮ້ອງຢູ່ ບາແຈ໊ ກໍ່ຖືກບັນດາຜູ້ອາຍຸສູງຮັກສາຖືກຕາມສຳນຽງຂອງຊາວເຜົ່າກາວລານເມື່ອກ່ອນນີ້”.

   ບົດລຳຊິ່ງກາຂອງຊາວເຜົ່າກາວລານກໍ່ມີບັນດາຄຳຂັບຮ້ອງແບບສອດຜະຫຍາອາດຈະຢູ່ໄກຫາໃກ້, ຈາກປະກົດການທຳມະຊາດຫາຕົນເອງ. ທ່ານລຸກວັນບິ່ງໃຫ້ຮູ້ວ່າ:

“ບົດລຳມີພຽງສາມຄຳເທົ່ານັ້ນແຕ່ການຂັບຮ້ອງກໍ່ບໍ່ຄືຢູ່ແຂວງອື່ນໆ. ຍົກຕົວຢ່າງຄືເຮົາຂັບຮ້ອງໃນງານດອງ,ເຊີນດື່ມເຫຼົ້າໝາຍຄວາມວ່າຢູ່ໃນນີ້ ແມ່ນເຊີນນ້ອງດື່ມເຫຼົ້າພ້ອມກັບອ້າຍ.ຖ້າຫາກວ່ານ້ອງດື່ມເຫຼົ້າພ້ອມກັບອ້າຍໝາຍວ່າພວກເຮົາຈະກາຍເປັນຄູ່ສົມລົດ. ຖ້າຫາກວ່ານ້ອງບໍ່ດື່ມກໍ່ໝາຍຄວາມວ່າສອງຄົນຈະລາຈາກກັນ. ນີ້ແມ່ນການຂັບຮ້ອງໃນງານດອງ. ບາງເທື່ອເຮົາກໍ່ພວມຢູ່ເຮືອນພົບນາງສາວຍ່າງຜ່ານເຮືອນຂອງຕົນເຮົາອາດຈະຂັບຮ້ອງເຊີນນ້ອງເຂົ້າຫຼິ້ນເຮືອນ”.

ບົດລຳຂັບຮ້ອງຂອງຊາວເຜົ່າ ກາວລານກໍ່ບໍ່ປະສານກັບສຽງດົນຕີແຕ່ສຽງຂັບຮ້ອງບາດຂຶ້ນບາດລົງບາດສູງບາດຕ່ຳເປັນໜ້າຈັບໃຈທີ່ສຸດ. ທ່ານລຸກວັນບິ່ງໃຫ້ຮູ້ຕື່ມອີກວ່າ:

     “ສຳລັບບັນດາທຳນອງເພງຂອງເຜົ່າຕົນບາງຄັ້ງພວກພໍ່ຕູ້ແມ່ຕູ້ ກໍ່ຂັບຮ້ອງຕະຫຼອດ 7 ວັນແລະ 7 ຄືນ. ຄືເຮົາແມ່ນເພດຊາຍນັ້ນ,ເມື່ອເພດຍິງເວົ້າຕະຫຼອດ,ເຮົາບໍ່ໄດ້ເວົ້າຫຍັງເຮົກໍ່ຂັບຮ້ອງເລີຍ.  ການຂັບຮ້ອງຕອບກັນແມ່ນເຮົາສາມາດໂອ້ລົມໄດ້ບາງຄັ້ງເວລາເວົ້າກໍ່ບໍ່ສະແດງຈົນສຸດຄວາມຂອງຕົນໄດ້, ແຕ່ເມື່ອເຮົາຂັບຮ້ອງກໍ່ສາມາດສະແດງຄວາມໃນໃຈຂອງຕົນຈົນສຸດແລະເວົ້າອ່ອນຫວານໃສ່ກັນ”.