ຫວຽດນາມໄດ້ກາຍເປັນສະມາຊິກຂອງຄະນະກຳມາທິການມໍລະດົກໂລກ ຊຶ່ງແມ່ນໜຶ່ງໃນບັນດາ ຄະນະກຳມາທິການທີ່ສຳຄັນກ່ວາໝູ່ຂອງອົງການສຶກສາ, ວິທະຍາສາດ ແລະ ວັດທະນະທຳ ແຫ່ງສະຫະປະຊາຊາດ UNESCO ແຕ່ວັນທີ 20/11/2013 ເປັນຕົ້ນໄປ. ເຫດການນີ້ໄດ້ເປັນການຢັ້ງຢືນ ອິດທິພົນຊື່ສຽງຂອງ ຫວຽດນາມໃນພາກພື້ນກໍຄືໃນເວທີ່ສາກົນກ່ຽວກັບວຽກງານຄຸ້ມຄອງ, ອະນຸລັກ ຮັກສາມໍລະດົກໂລກ. ສິ່ງນີ້ກໍທ່ວງໃຫ້ຫວຽດນາມນັບມື້ນັບປັບປຸງທີ່ຕັ້ງບົດບາດ ແລະ ອິດທິພົນຊື່ສຽງ ຂອງຕົນທັງຢູ່ພາຍໃນ ແລະ ຕ່າງປະເທດ.
ປູຊະນີຍະສະຖານ ມີ້ເຊີນ ຊຶ່ງແມ່ນມໍລະດົກວັດທະນະທຳໂລກ
|
ກໍເຊັ່ນດຽວກັນກັບເລື່ອງເຂົ້າສະມາຊິກຂອງອົງການສາກົນຕ່າງໆ, ເຫດການ ຫວຽດນາມກາຍເປັນ ສະມາຊິກຂອງຄະນະກຳມາທິການມໍລະດົກໂລກ ແມ່ນສັນຍານທີ່ພາກພູມໃຈ. ນັບແຕ່ນີ້ເປັນຕົ້ນໄປ, ຫວຽດນາມໄດ້ມີສິດປ່ອນບັດໃນບັນດາການເລືອກເຟັ້ນຄຸນຄ່າວັດທະນະທຳທົ່ວໂລກ. ຫວຽດນາມກໍຍັງມີສຽງເວົ້າຕື່ມອີກເພື່ອຮັກສາສີສັນວັດທະນະທຳ ແລະ ເພື່ອໃຫ້ບັນດາຄຸນຄ່າວັດທະນະທຳຫວຽດນາມໄດ້ຮັບບັນດານາມມະຍົດທີ່ສູງສົ່ງໂດຍ UNESCO ຮັບຮອງ. ບັນດາບັນຫາທາງດ້ານວິຊາສະເພາະທີ່ສຳຄັນທີ່ສຸດຂອງ UNESCO ທີ່ກ່ຽວຂ້ອງເຖິງການຮັບຮອງບັນດາມໍລະດົກວັດທະນະທຳ ແລະ ທຳມະຊາດໂລກ, ການຕີລາຄາສະພາບການອະນຸລັກຮັກສາບັນດາມໍລະດົກໂລກ; ການຕົກລົງກ່ຽວກັບແຜນນະໂຍບາຍ, ນະໂຍບາຍ ກໍຄືການກຳນົດທິດພັດທະນາຂອງສົນທິສັນຍາກ່ຽວກັບການປົກປັກຮັກສາມໍລະດົກ ວັດທະນະທຳ ແລະ ທຳມະຊາດໂລກ..... ນັບແຕ່ນີ້ເປັນຕົ້ນໄປ ຈະມີສຽງເວົ້າຂອງຫວຽດນາມຕື່ມອີກ. ໃນສະພາວະທີ່ມໍລະດົກວັດທະນະທຳນັບສິບມໍລະດົກຂອງຫວຽດນາມໄດ້ຮັບການຮັບຮອງຈາກສາກົນ ແລະ ມໍລະດົກວັດທະນະທຳນັບພັນມໍລະດົກໄດ້ຮັບການຮັບຮອງແມ່ນລະດັບຊາດ, ລະດັບທ້ອງຖິ່ນນັ້ນ, ພາຍຫຼັງທີ່ຫວຽດນາມກາຍເປັນສະມາຊິກຂອງຄະນະກຳມາທິການມໍລະດົກໂລກ, ການເຊີດຊູຄຸນຄ່າວັດທະນະທຳຫວຽດນາມ ແລະ ການອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າວັດທະນະທຳຂອງຫວຽດນາມທັງຢູ່ພາຍໃນ ແລະ ສາກົນ ພັດຍິ່ງຈຳເປັນກ່ວາເກົ່າ. ທ່ານສາດສະດາຈານໂງດຶກທິ້ງ ກຳມະການສະພາມໍລະດົກແຫ່ງຊາດ ມີຄຳເຫັນດັ່ງນີ້:
“ ປະຈຸບັນ, ພວກເຮົາຄວນຍົກສູງສະຕິຄວາມຮັບຜິດຊອບຂອງປະຊາຊົນ, ບັນດານັກຄຸ້ມຄອງທີ່ມີຕໍ່ມໍລະດົກ, ນີ້ກໍແມ່ນການຍົກສູງບົດບາດຂອງວັດທະນະທຳທີ່ມີຕໍ່ການພັດທະນາສັງຄົມ. ຍິ່ງກ່ວານັ້ນ, ເມື່ອມີສະຕິຄວາມຮັບຜິດຊອບແລ້ວ, ຕ້ອງມີການຖ່າຍທອດຄວາມຮູ້ເພາະວ່າການປົກປັກຮັກສາມໍລະດົກແມ່ນວິຊາວິທະຍາສາດ, ທ່ວງໃຫ້ມີພູມປັນຍາ”
ອ່າວຫ້າລອງ ຊຶ່ງແມ່ນມໍລະດົກທຳມະຊາດໂລກ
|
ໃນສະພາບຕົວຈິງ, ບັນດາມໍລະດົກວັດທະນະທຳຂອງຫວຽດນາມພາຍຫຼັງໄດ້ຮັບການຮັບຮອງຈາກ UNESCO ນັ້ນ ກໍພວມປະສົບກັບຄວາມຫຍຸ້ງຍາກເມື່ອອະນຸລັກຕາມຫຼັກການ ແລະ ມາດຖານຂອງ ສົນທິສັນຍາສາກົນກ່ຽວກັບການປົກປັກຮັກສາມໍລະດົກວັດທະນະທຳ ແລະ ທຳມະຊາດໂລກ. ດັ່ງນັ້ນ, ເຫດການ ຫວຽດນາມກາຍເປັນສະມາຊິກຂອງຄະນະກຳມາທິການມໍລະດົກໂລກ ໄດ້ຕັກເຕືອນອີກເທື່ອໜຶ່ງວ່າ ຫວຽດນາມຕ້ອງສືບຕໍ່ຮັກສາມໍລະດົກວັດທະນະທຳ ແລະ ມໍລະດົກທຳມະຊາດຂອງຕົນ, ເຖິງວ່າ ການອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າວັດທະນະທຳໄດ້ນອນໃນຍຸດທະສາດພັດທະນາແຫ່ງຊາດຂອງຫວຽດນາມກໍຕາມ. ນັກຄົ້ນຄ້ວາວັດທະນະທຳ ຟານເກີມເຖື້ອງ ຖືວ່າ :
“ເຖິງວ່າຈະກາຍເປັນສະມາຊິກຂອງຄະນະກຳມາທິການມໍລະດົກໂລກຫຼືບໍ່ນັ້ນ, ຫວຽດນາມຍັງຄົງຕ້ອງພັດທະນາວັດທະນະທຳເພື່ອໃຫ້ວັດທະນະທຳຕ້ອງກາຍເປັນປັດໄຈຕົ້ນຕໍ່ໃນຊີວິດສັງຄົມຫວຽດນາມ. ວັດທະນະທຳຊຶ່ງລວມມີການເຄືອ່ນໄຫວວັດທະນະທຳຕົວຈິງ, ນັ້ນແມ່ນມະນຸດມີການປະພຶດຕໍ່ກັນຄືແນວໃດໃນ ການດຳລົງຊີວິດ ແລະ ອີກສ່ວນໜຶ່ງແມ່ນມໍລະດົກວັດທະນະທຳທີ່ເປັນມູນເຊື້ອເພາະມະນຸດຍັງຄົງຍັງຄົງສືບທອດຈາກມູນເຊື້ອເພື່ອກ້າວຂຶ້ນ. 2 ຢ່າງດັ່ງກ່າວຖ້າບໍ່ສະໜິດຕິດພັນນຳກັນ ແລະ ບໍ່ໄດ້ຮັບການອະນຸລັກເປັນຢ່າງດີນັ້ນ, ຈະພາໄປເຖິງເລື່ອງພວກເຮົາຮັ່ງມີ ແຕ່ຂາດຄຸນສົມບັດ, ຂາດສະພາບປະພຶດຕໍ່ກັນທີ່ດີໃນສັງຄົມ”