(vovworld) - ໄປທ່ອງທ່ຽວບໍ່ພຽງແຕ່ໄດ້ໄປຢ້ຽມຊົມບັນດາທັດສະນີຍະພາບ, ໄດ້ອາບນ້ຳທະເລທີ່ຂຽວສະອາດ ຫລື ປີນພູ, ໄດ້ຮັບປະທານອາຫານຫຼາຍເຍື່ອງຂອງຊາວທ້ອງຖິ່ນເທົ່ານັ້ນ ຫາກປະຈຸບັນ ໄປທ່ອງທ່ຽວຍັງແມ່ນໂອກາດເພື່ອໃຫ້ບັນດາສະມາຊິກເຊື່ອມຕົວ, ແບ່ງປັນນຳກັນ. ເພື່ອຕອບສະຫນອງຄວາມຕ້ອງການຂອງນັກທ່ອງທ່ຽວ, ຮູບການທ່ອງທ່ຽວ Teambuilding ຫລືເອີ້ນວ່າທ່ອງທ່ຽວຈັດເປັນຫນ່ວຍ ໄດ້ຮັບການຕີລາຄາວ່າແມ່ນຮູບການ ທ່ອງທ່ຽວທັນສະໄຫມ, ພັດທະນາຢ່າງວ່ອງໄວຢູ່ບັນດາປະເທດກ້າວຫນ້າ ແລະ ໃນໄລຍະມໍ່ໆມານີ້ ຮູບການທ່ອງທ່ຽວ Teambuilding ນັບມື້ນັບໄດ້ຮັບຄວາມນິຍົມຊົມຊອບ ຢູ່ ຫວຽດນາມ.
ການລະຫລິ້ນໃນTeambuilding
ພາບ: internet
|
ລາຍການທ່ອງທ່ຽວ Teambuilding ແມ່ນຮູບການທ່ອງທ່ຽວທັງລະຫລິ້ນທັງຮ່ຳຮຽນ ແລະ ເຄີຍຖືກຈັດຕັ້ງຢູ່ກາງແຈ້ງ. ຜ່ານການລະຫລິ້ນ, ຕອບຄຳຖາມຂອງຄະນະຈັດຕັ້ງ, ບັນດາຜູ້ເຂົ້າຮ່ວມຈະຖອດຖອນບົດຮຽນໄດ້ຫຼາຍຜ່ານພຶດຕິກຳຕົວຈິ່ງ, ແຫ່ງການພົວພັນໜູນຊ່ວຍກັນເພື່ອມຸ່ງໄປສູ່ຈຸດໝາຍລວມ. ເຂົ້າຮ່ວມລາຍການ Teambuilding, ນັກທ່ອງທ່ຽວບໍ່ພຽງແຕ່ຮູ້ຈັກເຖິງສະຖານທີ່ທ່ອງທ່ຽວແຫ່ງໃຫມ່ຕື່ມອີກເທົ່ານັ້ນ ຫາກຍັງເຂົ້າໃຈຄຸນຄ່າຂອງຊີວິດອີກດ້ວຍ. ນີ້ຍັງແມ່ນໂອກາດເພື່ອໃຫ້ບັນດາສະມາຊິກມີຄວາມເຂົ້າໃຈເຊິ່ງກັນ ແລະ ກັນ ແລະ ເພີ່ມທະວີການພົວພັນ, ຮ່ວມເຮັດວຽກນຳກັນ. ອ້າຍ ເຈີນເລບ໋າວເຈົາ, ຜູ້ອຳນວຍການບໍລິສັດທ່ອງທ່ຽວ ນາວກວກ, ຊຶ່ງແມ່ນບໍລິສັດເຄີຍຈັດຕັ້ງລາຍການທ່ອງທ່ຽວ Teambuilding ໃຫ້ຮູ້ວ່າ: ເພື່ອສ້າງລາຍການທີ່ດູດດື່ມ ຕ້ອງເຂົ້າໃຈຄວາມຕ້ອງການຂອງນັກທ່ອງທ່ຽວ.
“ການບໍລິການທ່ອງທ່ຽວຂອງບໍລິສັດຖືກລົງທຶນຕາມຄວາມຕ້ອງການຂອງນັກທ່ອງທ່ຽວ. ຂັ້ນຕອນຈັດນັກທ່ອງທ່ຽວເປັນຫນ່ວຍແມ່ນກົງກັນຂ້າມກັບຂັ້ນຕອນຂອງ ການບໍລິການທ່ອງທ່ຽວ. ຖ້າຈັດບໍລິການທ່ອງທ່ຽວແມ່ນອີງໃສ່ລາຍການທີ່ມີຢູ່ແລ້ວ ສ່ວນຈັດນັກທ່ອງທ່ຽວເປັນຫນ່ວຍ ແມ່ນຕ້ອງປຶກສາຫາລືກັບນັກທ່ອງທ່ຽວເພື່ອຊອກຮູ້ຈຸດປະສົງຂອງເຂົາເຈົ້າແມ່ນຕ້ອງການຫຍັງ. ແລະ ຈຸດປະສົງຂອງບໍລິສັດ ກໍຄືສິ່ງທີ່ນັກທ່ອງທ່ຽວຕ້ອງໄດ້ຮັບຜ່ານການທ່ອງທ່ຽວແມ່ນຫຍັງ. ພາຍຫລັງເຂົາເຈົ້າກັບຄືນເມືອເຮັດວຽກ, ບັນດາລາຍການລະຫລິ້ນທີ່ເຄີຍເຂົ້າຮ່ວມນັ້ນຈະຊ່ວຍໃຫ້ເຂົາເຈົ້າຫລາຍຢ່າງໃນວຽກງານ, ເປັນຕົ້ນແມ່ນການປະສານສົມທົບລະຫວ່າງບັນດາພະນັກງານໃນບໍລິສັດ. ນັ້ນແມ່ນສິ່ງທີ່ບໍລິສັດພວກຂ້າພະເຈົ້າມຸ່ງໄປເຖິງ ແລະ ໄດ້ຮັບການຜັນຂະຫຍາຍໃນໄລຍະ 3 ປີມໍ່ໆມານີ້.”
ບັນດາລາຍການທ່ອງທ່ຽວ Teambuilding ຍາມໃດກໍ່ຮຽກຮ້ອງໃຫ້ມີຫົວຄິດປະດິດສ້າງ, ຄົ້ນຫາສິ່ງທີ່ໃຫມ່ອ່ຽມ. ເພາະສະນັ້ນ ຈຳນວນບໍລິສັດທ່ອງທ່ຽວເຄື່ອນໄຫວຕາມຮູບການນີ້ຍັງບໍ່ທັນມີຫລາຍ. ບໍລິສັດເຄື່ອນໄຫວໃນຂົງເຂດທ່ອງທ່ຽວ Teambuilding ສ່ວນຫລາຍແມ່ນເຕົ້າໂຮມຢູ່ບັນດາແຂວງພາກໃຕ້ ຫວຽດນາມ. ປະຈຸບັນ ລາຍການທ່ອງທ່ຽວ Teambuilding ແມ່ນຮູບການທ່ອງທ່ຽວພວມໄດ້ຮັບການເລືອກເຟັ້ນ ຈາກບັນດາບໍລິສັດຕ່າງປະເທດ, ບໍລິສັດທີ່ມີສາຂາແລະ ບັນດາໂຮງຮຽນຢູ່ຫລາຍແຫ່ງ,. ອ້າຍ Bao Chau ໃຫ້ຮູ້ວ່າ:
“ຕາມທຳມະດາແລ້ວ, ຄຸນຄ່າຂອງການທ່ອງທ່ຽວ Teambuilding ແມ່ນນອນໃນແນວຄວາມຄິດ ແລະ ການຈັດລາຍການ, ສ່ວນການລະຫລິ້ນແມ່ນສະເໝີກັນ, ສິ່ງສຳຄັນແມ່ນສົ່ງສານຂອງວິສາຫະກິດເຂົ້າລາຍການ. ຕົວຢ່າງຄື: ມີວິສາຫະກິດແຫ່ງຫນຶ່ງພວມປະເຊີນຫນ້າກັບຄວາມຫຍຸ້ງຍາກດ້ານການເງິນ, ຄາດຄະເນໄດ້ສິ່ງນັ້ນ ແລະ ເຂົາເຈົ້າຕ້ອງເຮັດແນວໃດເພື່ອໃຫ້ພະນັກງານຂອງຕົນຕັ້ງໝັ້ນຜ່ານຜ່າຄວາມຫຍຸ້ງຍາກໄດ້.”
ເມື່ອບໍ່ທັນເຂົ້າຮ່ວມລາຍການ Teambuilding, ຫລາຍຄົນຄິດວ່າ Teambuilding ແມ່ນລາຍການທ່ອງທ່ຽວທຳມະດາຫລືທ່ອງທ່ຽວພະຈົນໄພສົມທົບກັບການຝຶກແອບຮ່າງກາຍ. ແຕ່ຄວາມຈິງແລ້ວ Teambuilding ມີຄວາມໝາຍຫຼາຍກວ່ານັ້ນຜ່ານການໄປຢ້ຽມຢາມ, ການເຄື່ອນໄຫວນນອກຫລັກສູດຈະເປັນບົດຮຽນອັນລ້ຳຄ່າໃຫ້ແກ່
ນັກທ່ອງທ່ຽວ.
ລາຍການທ່ອງທ່ຽວ Teambuilding
ພາບ:internet
|
ແຕ່ລະລາຍການທ່ອງທ່ຽວ Teambuilding ກໍ່ມີຄວາມແຕກຕ່າງກັນ ໂດຍອີງໃສ່ຈຳນວນຜູ້ເຂົ້າຮ່ວມ, ເກນອາຍຸ, ອາຊີບ, ສານທີ່ຕ້ອງສົ່ງໄປ. ລາຍການ Teambuilding ຍັງແມ່ນກາລະໂອກາດເພື່ອໃຫ້ທຸກຄົນເຂົ້າຮ່ວມການລະຫລິ້ນພັກຢ່ອນອາລົມສົມທົບກັບຝຶກແອບຮ່າງກາຍ. Teambuilding ແມ່ນລາຍການບຸກຄົນຕິດພັນນຳກັນເປັນໜ່ວຍທີ່ແຂງແຮງ. ຜ່ານການເຂົ້າຮ່ວມລາຍການ Teambuilding ທຸກຄົນສາມາດຮັບມືກັບຄວາມຫຍຸ້ງຍາກໃນຊີວິດສາມາດນຳໃຊ້ບັນດາບົດຮຽນທີ່ຖອດຖອນມາໄດ້ຈາກການລະຫລິ້ນ. ເອື້ອຍ ເກີມຕູ ສັງກັດບໍລິສັດທ່ອງທ່ຽວນົກທະເລ ໃຫ້ຮູ້ວ່າ:
“Teambuilding ແມ່ນລາຍການທ່ອງທ່ຽວທີ່ອຸດົມສົມບູນ, ລະຫລິ້ນຕາມຫົວເລື່ອງ ດ້ວຍຄວາມສາມັກຄີປະສານສົມທົບກັນ. ນອກຈາກນັ້ນ Teambuilding ກໍແມ່ນຮູບການລະຫລິ້ນພັກຢ່ອນອາລົມແບບລວມໝູ່. ຊາວໜຸ່ມສ່ວນຫລາຍແມ່ນ ນິຍົມລາຍການນີ້. ປະຈຸບັນ ລາຍການທ່ອງທ່ຽວ Teambuilding ກວມປະມານ 60%.”
ຄວາມປະທັບໃຈທ່ີລາຍການTeambuildingນຳມາໃຫ້ນັ້ນແມ່ນເຮັດໃຫ້ທຸກຄົນບັນເທົາຄວາມອິດເມື່ອຍ
ໃນຊີວິດປະຈຳວັນ. ທ່ານ ຫງວຽນຫືວເລີມ, ຜູ້ອຳນວຍການບໍລິສັດ Ariang ຫວຽດນາມ ໃຫ້ຮູ້ວ່າ:
“ດ້ວຍການປະສານສົມທົບກັນລະຫວ່າງບັນດາສະມາຊິກໃນລາຍການ, ຄະນະຈັດຕັ້ງໄດ້ສ້າງຄວາມປະທັບໃຈໃຫ້ແກ່ທຸກຄົນ. ຜ່ານລາຍການ ຂ້າພະເຈົ້າຮູ້ສຶກວ່າ ຄວາມສາມັກຄີໄດ້ຮັບການຍົກສູງຂຶ້ນ. ”
ສິ່ງທີ່ດີໃນບັນດາລາຍລະຫລິ້ນຂອງ Teambuilding ນັ້ນແມ່ນເຮັດໃຫ້ໝົດທຸກຄົນຕ້ອງເຄື່ອນໄຫວ, ຕ້ອງມີຫົວຄິດປະດິດສ້າງ, ຈາກນັ້ນຈຶ່ງພ້ອມກັບບັນດາສະມາຊິກສ້າງເປັນກຸ່ມຫນຶ່ງທີ່ເປັນເອກະພາບ ທັງແມ່ນໂອກາດເພື່ອໃຫ້ການນຳ ສັງເກດ ແລະ ຕີລາຄາ, ກຳໄດ້ຈຸດດີ ຈຸດອ່ອນຂອງພະນັກງານແຕ່ລະຄົນ. ແລະ ລາຍການທ່ອງທ່ຽວ Teambuilding ແມ່ນມາດຕະການງ່າຍດາຍທີ່ສຸດເພື່ອຕິດພັນບັນດາບຸກຄົນໃຫ້ເປັນປຶກແຜ່ນທີ່ແໜ້ນໜາ.
Lan Anh