COP-21 ໄດ້ບັນລຸຂໍ້ຕົກລົງຢູ່ປາຣີ (AP)
|
.
ເຫດການທີ 1 : ບັນລຸຂໍ້ຕົກລົງຄັ້ງປະຫວັດສາດກ່ຽວກັບການຈຳກັດການປ່ອຍອາຍພິດເຮືອນແກ້ວທົ່ວໂລກ
ທີ່ກອງປະຊຸມຄັ້ງ 21 ຂອງບັນດາຝ່າຍທີ່ເຂົ້າຮ່ວມກອບສົນທິສັນຍາ ສ.ປ.ຊກ່ຽວກັບການປ່ຽນແປງຂອງດິນຟ້າອາກາດ (COP 21) , ຜູ້ຕາງໜ້າຂອງ 195 ປະເທດໄດ້ເຫັນດີເປັນເອກະສັນຮັບຮອງເອົາຂໍ້ຕົກລົງ ປາຣີ ເພື່ອແນໃສ່ສະກັດກັ້ນສະພາບການອຸ່ນຂຶ້ນຂອງໜ່ວຍໂລກ. ນີ້ແມ່ນຂໍ້ຕົກລົງຄັ້ງປະຫວັດສາດ, ຊຶ່ງບັນລຸໄດ້ພາຍຫຼັງວິວັດການເຈລະຈາທີ່ເຄັ່ງຕຶງດ້ວຍເປົ້າໝາຍສຳຄັນທີ່ສຸດແມ່ນຫຼຸດຜ່ອນການປ່ອຍອາຍພິດເຮືອນແກ້ວ ແນໃສ່ຈຳກັດລະດັບເພີ່ມອຸນຫະພູມຂອງໜ່ວຍໂລກໃຫ້ບໍ່ເກີນ 2 ອົງສາ C ເມື່ອທຽບໃສ່ຈຸດເວລາກ່ອນທີ່ດຳເນີນການຫັນເປັນອຸດສາຫະກຳເມື່ອທ້າຍສະຕະວັດທີ 19, ພ້ອມກັນນັ້ນ ກໍມີຂໍ້ສະເໜີແນະຕັດສິນໃຈບັນລຸລະດັບ 1,5 ອົງສາ C. ຂໍ້ຕົກລົງ ປາຣີ ຈະເລີ່ມມີຜົນສັກສິດນັບແຕ່ປີ 2020 ຂະນະທີ່ຮັບການລົງນາມຈາກຈຳນວນປະເທດຢ່າງໜ້ອຍ 55 ປະເທດ, ກວມຢ່າງໜ້ອຍ 55% ປະລີມານອາຍພິດທົ່ວໂລກ.
ການນຳ 10 ປະເທດອາຊຽນໄດ້ລົງນາມໃນຖະແຫຼງການ ກົວລາລຳເປີ
ສ້າງຕັ້ງປະຊາຄົມອາຊຽນ 2015
|
ເຫດການທີ 2 : ປະຊາຄົມອາຊຽນໄດ້ຮັບການສ້າງຕັ້ງຂຶ້ນໃນວັນທີ 31/12/2015
ຖະແຫຼງການ ກົວລາລຳເປີ ກ່ຽວກັບການສ້າງຕັ້ງ ປະຊາຄົມອາຊຽນ 2015 ໄດ້ຮັບການລົງນາມຈາກການນຳ 10 ປະເທດອາຊຽນ ແມ່ນຂີດໝາຍສຳຄັນຂອງອາຊຽນ ໃນ 48 ປີແຫ່ງການສ້າງຕັ້ງ ແລະ ຂະຂະຫຍາຍຕົວ. ການສ້າງຕັ້ງ ປະຊາຄົມອາຊຽນ ດ້ວຍ 3 ເສົາຄ້ຳຕົ້ນຕໍຄື: ປະຊາຄົມການເມືອງ-ຄວາມໝັ້ນຄົງ, ປະຊາຄົມເສດຖະກິດ, ປະຊາຄົມວັດທະນະທຳ-ສັງຄົມ ຈະຊ່ວຍພາກພື້ນເຊື່ອມຢ່າງເລິກເຊິ່ງກວ່າ ແລະ ແກ່ງແຍ້ງຢ່າງມີປະສິດທິຜົນກວ່າ. ພ້ອມກັນນັ້ນ ກໍຍົກສູງບົດບາດເປັນສູນກາງຂອງອາຊຽນ, ອັນໄດ້ນຳມາເຊິ່ງຜົນປະໂຫຍດທີ່ແທດຈິງຫຼາຍຢ່າງໃຫ້ແກ່ບັນດາປະເທດພາຄີ.
ການກະທຳຂອງຈີນໂດຍຖົມດິນເປັນເກາະຢ່າງຜິດກົດໝາຍ
|
ເຫດການທີ 3 : ໂລກສະແດງຄວາມເປັນຫ່ວງກັງວົນ ແລະ ຄັດຄ້ານຈີນດຳເນີນການກໍ່ສ້າງ, ຖົມດິນເປັນເກາະຢ່າງຜິດກົດໝາຍຢູ່ໝູ່ເກາະເຈືອງຊາຂອງຫວຽດນາມ
ບັນດາຄວາມເຄັ່ງຕຶງທີ່ກ່ຽວຂ້ອງເຖິງການຂັດແຍ້ງຢູ່ເຂດທະເລຕາເວັນອອກ ສືບຕໍ່ແມ່ນຫົວເລື່ອງທີ່ເຄັ່ງຮ້ອນໃນບັນດາເວທີປາໄສທະວີພາຄີ, ພາກພື້ນ ແລະ ສາກົນໃນປີ 2015. ການກະທຳຂອງຈີນໂດຍບູລະນະສ້ອງແປງ, ຖົມດິນເປັນເກາະ, ເຮັດໃຫ້ປ່ຽນແປງສະພາບເດີມຢູ່ບາງຫາດດອນຫີນທີ່ຂຶ້ນກັບໝູ່ເກາະເຈືອງຊາຂອງຫວຽດນາມ ໄດ້ກໍ່ຄວາມເປັນຫ່ວງກັງວົນໃຫ້ວົງຄະນະຍາດສາກົນ, ນາບຂູ່ຄວາມໝັ້ນຄົງປອດໄພ, ສິດເສລີໃນການເດີນທະເລ ແລະ ການບິນຢູ່ບໍລິເວນທະເລຕາເວັນອອກ. ຫຼາຍປະເທດໄດ້ຄັດຄ້ານ ແລະ ມີການກະທຳທີ່ແຂງແຮງທວງໃຫ້ຈີນຈົ່ງຢຸດຕິການເຄື່ອນໄຫວເຫຼົ່ານີ້.
ຂະບວນຊາວອົບພະຍົບ ຫຼັງ່ໄຫຼເຂົ້າເມືອງເອີລົບ (AP)
|
ເຫດການທີ 4 : ວິກິດການອົບພະຍົບຢູ່ເອີລົບ.
ວິກິດການອົບພະຍົບ ຢູ່ບັນດາປະເທດສະຫະພາບເອີລົບ EU ແມ່ນໜຶ່ງໃນບັນດາໄພພິບັດມະນຸດສະທຳທີ່ຊົ່ວຮ້າຍທີ່ສຸດນັບຕັ້ງແຕ່ຊຸມປີ 1940 ເປັນຕົ້ນມາ. ສະເພາະໃນ 10 ເດືອນຕົ້ນປີ 2015, ຈຳນວນຊາວອົບພະຍົບເຂົ້າເມືອງບັນດາປະເທດ EU ຢ່າງຜິດກົດໝາຍນັ້ນ ໄດ້ຂຶ້ນເຖິງກວ່າ 1 ລ້ານຄົນ, ໃນນັ້ນ ສ່ວນຫຼາຍແມ່ນຊາວຊີຣີ ຢາກຫຼຸດພົ້ນອອກຈາກສົງຄາມກາງເມືອງ. ວິກິດການອົບພະຍົບ ໄດ້ເຮັດໃຫ້ EU ຖືກຕົກຢູ່ສະພາບຂາດສະຖຽນລະພາບ, ອັນໄດ້ພາໃຫ້ກຸ່ມນີ້ຕ້ອງຊັງຊາກ່ຽວກັບການຢຸດເຂົ້າຮ່ວມສົນທິສັນຍາກ່ຽວກັບການໄປມາຢ່າງເສລີ.
ກຳລັງ IS (Telegraph)
|
ເຫດການທີ 5 : ກຳລັງລັດອິດສະລາມ IS ຫົວຮຸນແຮງ ດຳເນີນບັນດາການບຸກໂຈມຕີກໍ່ການຮ້າຍທີ່ນອງເລືອດ.
ຮ້າຍແຮງທີ່ສຸດແມ່ນໄດ້ເກີດການບຸກໂຈມຕີກໍ່ການຮ້າຍ 7 ຄັ້ງຢ່າງລຽນຕິດຢູ່ປາຣີ ເມື່ອຕອນຄ່ຳວັນທີ 31/11 ອັນໄດ້ເຮັດໃຫ້ມີຜູ້ເສຍຊີວິດ 129 ຄົນ ແລະ ກວ່າ 300 ຄົນໄດ້ຮັບບາດເຈັບ. ເລື່ອງນະຄອນຫຼວງປາຣີ ປະເທດຝະລັ່ງຖືກບຸກໂຈມຕີ ຊຶ່ງໄດ້ທຳລາຍຊີວິດສາມັນຊົນເປັນຈຳນວນຫຼວງຫຼາຍໄດ້ເຮັດໃຫ້ໂລກສັ່ນສະເທື່ອນ. ລັດເຊຍ ກໍແມ່ນເປົ້າໝາຍບຸກໂຈມຕີທີ່ພວກກໍ່ການຮ້າຍມຸ່ງໄປເຖິງ ຂະນະທີ່ເຮືອບິນບັນທຸກຜູ້ໂດຍສານຂອງລັດເຊຍຖືກລະເບີດບົນເຂດນ່ານຟ້າຢູ່ແຫຼມ ຊີນາຍ ຂອງເອຢິບເມື່ອວັນທີ 31/10 ອັນໄດ້ເຮັດໃຫ້ຜູ້ໂດຍສານ, ຈຸບິນ ແລະ ພາລະກອນຮັບໃຊ້ໃນເຮືອບິນລວມທັງໝົດ 224 ຄົນຖືກເສຍຊີວິດ. ໃນຂະນະນັ້ນ, ອາເມລິກາ ກໍກາຍເປັນເປົ້າໝາຍບຸກໂຕມຕີຂອງ IS. ມີຄູ່ຜົວເມຍໜຶ່ງທີ່ກ່ຽວພັນເຖິງ IS ໄດ້ຍິງປືນສັງຫານສາມັນຊົນ 14 ຄົນຢູ່ນະຄອນ ຊານ ເບຣາດີໂນ, ລັດ ກາລີຟອກເນຍ..
ລັດເຊຍນຳໃຊ້ກອງທັບອາກາດເພື່ອຫນູນຊ່ວຍກອງທັບຊີຣີ
(Spunnik)
|
ເຫດການທີ 6 : ລັດເຊຍແຊກແຊງດ້ານການທະຫານຢູ່ຊີຣີ
ວັນທີ 29/9, ສະພາແຫ່ງຊາດລັດເຊຍ ໄດ້ເຫັນດີເປັນເອກະສັນຮັບຮອງເອົາການນຳໃຊ້ກອງທັບອາກາດເພື່ອຫນູນຊ່ວຍກອງທັບຊີຣີ ຕ້ານຕືນບັນດາອົງການກໍ່ການຮ້າຍ, ພິເສດແມ່ນອົງການລັດອິດສະລາມ IS . ການເຂົ້າຮ່ວມຂອງລັດເຊຍໄດ້ຮັບການຕີລາຄາວ່າ ແມ່ນໄດ້ສ້າງໃຫ້ມີການປ່ຽນແປງຢ່າງຈະແຈ້ງໃນການສູ້ຮົບຕ້ານ IS ຢູ່ຕາເວັນອອກກາງ. ແຕ່ການແຊກແຊງຂອງລັດເຊຍ ພັດກໍ່ຄວາມເຄັ່ງຕຶງໃນການພົວພັນລະຫວ່າງລັດເຊຍ ແລະ ບາງປະເທດອື່ນ, ພົ້ນເດັ່ນຂຶ້ນແມ່ນຕວກກີ ພາຍຫຼັງທີ່ກອງທັບຂອງປະເທດນີ້ໄດ້ຍິງເຮືອບິນລັດເຊຍຕົກຢູ່ເຂດຊາຍແດນຊີຣີ ດ້ວຍເຫດຜົນ ແມ່ນເພື່ອປ້ອງກັນເຂດນ່ານຟ້າ..
ອີຣາ ແລະ ກຸ່ມ P5+1 ໄດ້ບັນລຸຂໍ້ຕົກລົງນິວເຄຼຍຮອບດ້ານ (PressTV)
|
ເຫດການທີ 7 : ອີຣານ ແລະ ກຸ່ມ P5+1 ບັນລຸ ຂໍ້ຕົກລົງນິວເຄຼຍຮອບດ້ານ
ວັນທີ 14/7, ອີຣານ ແລະ ກຸ່ມ P5+1 ໄດ້ບັນລຸ ຂໍ້ຕົກລົງນິວເຄຼຍຮອບດ້ານທີ່ມີລັກສະນະປະຫວັດສາດ ອັນໄດ້ຢຸດຕິການເຈລະຈາເປັນເວລາ 12 ປີ, ເປັນຂີດໝາຍບາດລ້ຽວໃນການພົວພັນລະຫວ່າງອີຣານກັບບັນດາປະເທດຝ່າຍຕາເວັນຕົກ. ຂໍ້ຕົກລົງນີ້ລວມມີ 3 ເນື້ອໃນເປັນເສົາຄ້ຳຄື: ອີຣານໄດ້ຍອມຮັບການຈຳກັດໂຄງການນິວເຄຼຍໃນໄລຍະຢ່າງໜ້ອຍ 1 ທົດສະວັດ; ສາກົນຍົກເລີກຄຳສັ່ງຂວ້ຳບາດຕ້ານອີຣານ; ເພີ່ມທະວີບັນດາມາດຕະການຄວບຄຸມ ໂຄງການນິວເຄຼຍຂອງເຕເຮຣານ. ວັນທີ 18/10 ຂໍ້ຕົກລົງດັ່ງກ່າວໄດ້ມີຜົນສັກສິດຢ່າງເປັນທາງການ.
ລັດຖະມົນຕີການຄ້າຂອງ 12 ປະເທດ ສຳເລັດການເຈລະຈາ TPP
|
ເຫດການທີ 8 : ສຳເລັດການເຈລະຈາສັນຍາຄູ່ຮ່ວມມືຂ້າມປາຊີຝິກ TPP
ວັນທີ 5/10/2015, ລັດຖະມົນຕີກະຊວງການຄ້າຂອງ 12 ປະເທດທີ່ຂຶ້ນກັບພາກພື້ນປາຊີຝິກ ໄດ້ສຳເລັດການເຈລະຈາສັນຍາຄູ່ຮ່ວມມືຂ້າມປາຊີຝິກ TPP. ນີ້ແມ່ນສັນຍາການຄ້າເສລີໃຫຍ່ກວ່າໝູ່ໃນປະຫວັດສາດຂອງໂລກ. ເປົ້າໝາຍຂອງ TPP ແມ່ນເປີດປະຕູຕະຫຼາດສິນຄ້າ ແລະ ການບໍລິການ, ລົບລ້າງອັດຕາພາສີ ແລະ ຍົກເລີກທຸກຮົ້ວກີດຂວາງດ້ານການຄ້າ, ອັນໄດ້ສ້າງກຳລັງຊຸກຍູ້ການພັດທະນາໃໝ່ຢູ່ແຕ່ລະພື້ນຖານເສດຖະກິດພາຄີ. ຄາດຄະເນວ່າ ພາຍຫຼັງທີ່ມີຜົນສັກສິດ, TPP ຈະກາຍເປັນເຂດການຄ້າເສລີໃຫຍ່ກວ່າໝູ່ໃນໂລກດ້ວຍຈຳນວນປະຊາກອນ 800 ລ້ານຄົນ, ກວມເອົາ 30% ວົງເງິນການຄ້າທົ່ວໂລກ ແລະ ເກືອບ 40% ປະລິີມານເສດຖະກິດໂລກ..
ລັດເຊຍ ໄດ້ດຳເນີນການເດີນສວນສະໜາມ (RT)
|
.
ເຫດການທີ 9 : ເຫດການສະເຫຼີມສະຫຼອງ 70 ປີແຫ່ງໄຊຊະນະລັດທິຟາດຊິດໄດ້ຖືກຈັດຂຶ້ນຢູ່ຫຼາຍປະເທດໃນໂລກ.
ເຫດການທີ່ພົ້ນເດັ່ນທີ່ສຸດແມ່ນໃນວັນທີ 9/5/2015, ຢູ່ຈະຕຸລັດແດງທີ່ນະຄອນຫຼວງມຸດສກູ ປະເທດລັດເຊຍ ໄດ້ດຳເນີນການສວນສະໜາມສະແດງກຳລັງຄັ້ງໃຫຍ່ໃນປະຫວັດສາດຂອງປະເທດນີ້ ເພື່ອສະເຫຼີມສະຫຼອງ 70 ປີແຫ່ງໄຊຊະນະລັດທິຟາດຊິດໃນສົງຄາມປ້ອງກັນປະເທດທີ່ຍິ່ງໃຫຍ່. ໄຊຊະນະຟາດຊິດ ບໍ່ພຽງແຕ່ໄດ້ກອບກູ້ມວນມະນຸດຫຼຸດພົ້ນອອກຈາກໄພພິບັດຈາກພວກຟາດຊິດເພື່ອນຳສັນຕິພາບມາສູ່ທົ່ວໂລກເທົ່ານັ້ນ, ຫາກຍັງເປັນຂີດໝາຍການພັດທະນາສິດຕັດສິນດ້ວຍຕົນເອງ, ສິດມີເອກະລາດຂອງບັນດາປະຊາຊາດ; ເປີດສັງກາດໃໝ່, ນັ້ນແມ່ນສັນຕິພາບ, ການຮ່ວມມື ແລະ ພັດທະນາ ດ້ວຍການສ້າງຕັ້ງອົງການສະຫະປະຊາຊາດ.
ຈີນໄດ້ດັດປັບອັດຕາແລກປ່ຽນເງີນຢວນຢ່າງຕໍ່ເນື່ອງ
|
ເຫດການທີ 10 : ຈີນດັດປັບສະກຸນເງິນຢວນຕົກລາຄາ
ເດືອນ 8 ປີ 2015, ຈີນໄດ້ດັດປັບອັດຕາແລກປ່ຽນລະຫວ່າງສະກຸ່ນເງີນຢວນ ແລະ ໂດລາສະຫະລັດຢ່າງຕໍ່ເນື່ອງ ອັນໄດ້ເຮັດໃຫ້ຕະຫຼາດການເງິນໂລກຫັນປ່ຽນ. ບັນດາປະເທດ, ວົງການນັກລົງທຶນ ແລະ ບັນດາຜູ້ຊ່ຽວຊານສາກົນໄດ້ສະແດງຄວາມເປັນຫ່ວງກັງວົນຕໍ່ສະພາບເສດຖະກິດຂອງຈີນ ຈະສົ່ງຜົນສະທ້ອນເຖິງການເຕີບໂຕທົ່ວໂລກ. ໃນຂະນະນັ້ນ, ວັນທີ 30/11/2015, ກອງທຶນສາກົນ IMF ໄດ້ຖະແຫຼງວ່າ ສະກຸ່ນເງີນຢວນຂອງຈີນມີເງື່ອນໄຂຢ່າງພຽງພໍເພື່ອນຳເຂົ້າລະບົບເງິນຕາສາກົນ ຫຼືຍັງເອີ້ນອີກຢ່າງໜຶ່ງວ່າ ສິດຖອນທຶນພິເສດ SDR