ກົດໝາຍວ່າດ້ວຍສື່ມວນຊົນ(ສະບັບປັບປຸງ)ໄດ້ຮັບການຮັບຮອງເອົາຈາກສະພາແຫ່ງຊາດຊຸດທີ 13 ເມື່ອວັນທີ 5/4/2016, ໃນກອງປະຊຸມສະໄໝສາມັນເທືຶ່ອທີ 11 ແລະ ຈະມີຜົນບັງຄັບໃຊ້ແຕ່ວັນທີ 1/1/2017. ມີເຖິງ 9 ຈຸດໃໝ່ໃນບັນດາຂໍ້ກຳນົດກ່ຽວກັບສິດເສລີທາງສື່ມວນຊົນ, ສິດເສລີໃນການປາກເວົ້າທາງສື່ມວນຊົນ, ເປົ້າໝາຍສ້າງຕັ້ງອົງການສື່ມວນຊົນ, ພິເສດແມ່ນບັນດາຈຸດໃໝ່ທີ່ກ່ຽວຂ້ອງເຖິງການຮ່ວມສຳພັນໃນການເຄື່ອນໄຫວສື່ມວນຊົນ, ຈັນຍາບັນໃນການປະກອບອາຊີບເປັນນັກຂ່າວ. ຈຸດໃໝ່ເຫຼົ່ານີ້ ແມ່ນຈຳເປັນ, ສ້າງກອບກົດໝາຍເພື່ອໃຫ້ສື່ມວນຊົນພັດທະນາຢ່າງແທດເໝາະກັບພຶດຕິກຳພັດທະນາຂອງປະເທດ.
ພາບປະກອບ |
ໜຶ່ງໃນບັນດາຈຸດໃໝ່ຂອງ ກົດໝາຍວ່າດ້ວຍສື່ມວນຊົນ(ສະບັບປັບປຸງ) ແມ່ນອະນຸຍາດໃຫ້ບັນດາອົງການສື່ມວນຊົນເປີດກ້ວາງການຮ່ວມສຳພັນເພື່ອເຄື່ອນໄຫວ. ກົດໝາຍວ່າດ້ວຍສື່ມວນຊົນກໍເພີ່ມທະວີການປົກປ້ອງ ສິດເສລີທາງສື່ມວນຊົນ, ສິດເສລີໃນການປາກເວົ້າທາງສື່ມວນຊົນຕາມແນວຄິດທີ່ກ້າວໜ້າກ່ຽວກັບການເຄົາລົບ ແລະ ຮັບປະກັນສິດທິມະນຸດທີ່ໄດ້ລະບຸໃນລັດຖະທຳມະນູນ ປີ 2013.
ຮ່ວມສຳພັນແຕ່ບໍ່ຫັນ ສື່ມວນຊົນເປັນເອກະຊົນ
ພຶດຕິກຳຕົວຈິງໄດ້ສະແດງໃຫ້ເຫັນວ່າ ການຮ່ວມສຳພັນໃນການເຄື່ອນໄຫວສື່ມວນຊົນໄດ້ປະຕິບັດດ້ວຍຫຼາຍຮູບການເພື່ອສ້າງໃຫ້ມີບັນດາຜະລິດຕະພັນສື່ມວນຊົນບາງຢ່າງເຊັ່ນ: ເວບໄຊ, ສິ່ງພິມ, ບັນດາລາຍການວິທະຍຸໂທລະພາບໂດຍຮ່ວມສຳພັນ. ປະຈຸບັນ, ທົ່ວປະເທດມີ 1610 ເວບໄຊສັງລວມ, ໃນນັ້ນມີ 251 ເວບໄຊຂອງບັນດາອົງການສື່ມວນຊົນ. ການພັດທະນາຢ່າງແຂງແຮງຂອງສື່ມວນຊົນຂອງວບັນດາເວບໄຊໄດ້ພາໄປເຖິງການແກ່ງແຍ້ງດ້ານຂໍ້ມູນຂ່າວສານ, ເສື່ອນຄຸນນະພາບຂອງຂ່າວຄາວ.
ໃນສະພາບການດັ່ງກ່າວ, ກົດໝາຍວ່າດ້ວຍສື່ມວນຊົນ (ສະບັບປັບປຸງ) ໄດ້ມີການດັດແປງເພື່ອໃຫ້ເພື່ອໃຫ້ການເຄື່ອນໄຫວທາງສື່ມວນຊົນເຂົ້າສູ່ແທດຈິງກວ່າ. ລະອຽດ, ກົດໝາຍວ່າດ້ວຍສື່ມວນຊົນ(ສະບັບປັບປຸງ) ໄດ້ຊີ້ແຈ້ງວ່າ ບັນດາອົງການສື່ມວນຊົນໄດ້ຮັບອະນຸຍາດຮ່ວມສຳພັນໃນການເຄື່ອນໄຫວທາງສື່ມວນຊົນກັບອົງການສື່ມວນຊົນອື່ນໆ, ກັບນິຕິບຸກຄົນ,ສ່ວນບຸກຄົນທີ່ມີສ່ວນກ່ຽວຂ້ອງຢ່າງເໝາະສົມໃນຂົງເຂດຮ່ວມສຳພັນ. ເປັນອັນວ່າ ກົດໝາຍວ່າດ້ວຍສື່ມວນຊົນ(ສະບັບປັບປຸງ)ໄດ້ເປີດກ້ວາງກວ່າເມື່ອຍົກອອກບັນດາມາດຖານດ້ານກົດໝາຍທີ່ອະນຸຍາດເປີດກ້ວາງການຮ່ວມສຳພັນໃນການເຄື່ອນໄຫວສື່ມວນຊົນ ແລະ ຍັງສາມາດຮັບປະກັນບໍ່ຫັນ ສື່ມວນຊົນເປັນເອກະຊົນ. ການເປີດກ້ວາງນີ້ ແມ່ນຈຳເປັນ, ສ້າງສະພາບແວດລ້ອມທີ່ຍຸດຕິທຳ, ເປີດກ້ວາງ ແລະ ສ້າງເງື່ອນໄຂເພື່ອຊ່ວຍບັນດາປະເພດສື່ມວນຊົນພັດທະນາ.
ເປີດກ້ວາງສິດເສລີພາບທາງສື່ມວນຊົນ, ເຊີດຊູຄວາມຮັບຜິດຊອບພົນລະເມືອງຂອງນັກຂ່າວ.
ກົດໝາຍວ່າດ້ວຍສື່ມວນຊົນ(ສະບັບປັບປຸງ) ກໍໄດ້ກຳນົດລະອຽດກ່ຽວກັບຄວາມຮັບຜິດຊອບໃນການສະໜອງຂໍ້ມູນຂ່າວສານໃຫ້ແກ່ສື່ມວນຊົນຂອງບັນດາອົງການສຳນັກງານທີ່ມີໜ້າທີ່ຮັບຜິດຊອບ. ເພື່ອປົກປ້ອງແຫຼ່ງຂ່າວສື່ມວນຊົນ ແລະ ສິດປະຕິບັດວຽກງານສື່ມວນຊົນຂອງນັກຂ່າວ, ກົດໝາຍໄດ້ກຳນົດວ່າ ອົງການສື່ມວນຊົນ, ນັກຂ່າວພຽງແຕ່ຕ້ອງເປີດເຜີຍຜູ້ສະໜອງຂໍ້ມູນຂ່າວສານເມື່ອມີການສະເໜີເປັນລາຍລັກອັກສອນຂອງບັນດາອົງການສຳນັກງານທີ່ມີໜ້າທີ່ ແລະ ມີສິດອຳນາດ, ພ້ອມທັງສະເໜີ ອົງການສຳນັກງານທີ່ມີໜ້າທີ່ຕ້ອງຮັບຜິດຊອບປົກປ້ອງຜູ້ ສະໜອງຂໍ້ມູນຂ່າວສານພາຍຫຼັງທີ່ຊື່ຂອງເຂົາເຈົ້າໄດ້ເປີດເຜີຍ. ນັກຂ່າວໄດ້ຮັບການປົກປ້ອງການເຄື່ອນໄຫວ, ມີສິດໄປຫາ ອົງການສຳນັກງານທີ່ມີໜ້າທີ່ເພື່ອເອົາຂ່າວ. ບັນດາອົງການສຳນັກງານທີ່ມີໜ້າທີ່ຕ້ອງມີຄວາມຮັບຜິດຊອບ ສະໜອງຂໍ້ມູນຂ່າວສານ, ເອກະສານທີ່ບໍ່ແມ່ນເອກະສານ ແລະ ຂ່າວລັບຂອງລັດ, ຄວາມລັບຂອງສ່ວນບຸກຄົນ ແລະ ຄວາມລັບອື່ນໆຕາມລະບຽບກົດໝາຍໄດ້ກຳນົດ. ບັນດາ ອົງການສຳນັກງານ, ຜູ້ທີ່ມີຄວາມຮັບຜິດຊອບມີສິດ ແລະພັນທະ ສະໜອງຂໍ້ມູນຂ່າວສານໃຫ້ແກ່ ສື່ມວນຊົນ. ການຫຼົບຫຼີກ ສະໜອງຂໍ້ມູນຂ່າວສານໃຫ້ແກ່ ສື່ມວນຊົນ ແມ່ນການກະທຳລະເມີດຕ້ອງປັບໄໝທາງບໍລິຫານ. ກົດໝາຍກໍເກືອດຫ້າມການນາບຂູ່ຕໍ່ຊີວິດອີນຊີ, ແຕະຕ້ອງເຖິງກຽດສັກສີຂອງນັກຂ່າວ, ຂັດຂວາງການເຄື່ອນໄຫວອາຊີບຢ່າງຖືກຕ້ອງຂອງນັກຂ່າວ…
ການອະນຸຍາດຮ່ວມສຳພັນໃນການເຄືອ່ນໄຫວທາງ ສື່ມວນຊົນໄດ້ສະແດງໃຫ້ເຫັນການປ່ຽນແປງໃໝ່ຢ່າງທັນການ ແລະ ຖືກຕ້ອງຂອງພັກ ແລະ ລັດຫວຽດນາມໃນຂົງເຂດ ສື່ມວນຊົນ, ສ້າງກອບກົດໝາຍທີ່ສຳຄັນໃຫ້ແກ່ພາລະກິດ ສື່ມວນຊົນປະຕິວັດຫວຽດນາມໃຫ້ພັດທະນາຢ່າງບໍ່ຢຸດຢັ້ງ, ປະກອບສ່ວນຢ່າງເໝາະສົມເຂົ້າໃນກິດຈະການສ້າງສາ ແລະ ປົກປັກຮັກສາປະເທດຊາດ.