(vovworld)- ປີນີ້ແມ່ນປີທີ 4, ວິທະຍຸກະຈາຍສຽງຫວຽດນາມ ພ້ອມກັບບັນດາວິທະຍຸກະຈາຍສຽງໃນໂລກ ສະເຫລີມສະຫລອງວັນກະຈາຍສຽງໂລກ(13/2), ເຊີດຊູບັນດາຄຸນຄ່າປະກອບສ່ວນຂອງກະຈາຍສຽງໃນຊີວິດສັງຄົມຂອງມວນມະນຸດ. ວັນກະຈາຍສຽງໂລກ (13/2/2015) ມີຫົວຂໍ້ວ່າ: “ຊາວຫນຸ່ມ ແລະ ກະຈາຍສຽງ”. ວັນນີ້ແມ່ນເວທີປາໄສເພື່ອໃຫ້ຊາວຫນຸ່ມໂລກ ມີກາລະໂອກາດພົວພັນແລກປ່ຽນ,ສືບຕໍ່ຢືນຢັນບົດບາດ, ສຽງເວົ້າ ແລະ ທີ່ຕັ້ງຂອງຕົນ ຊ່ວຍພັດທະນາບັນດາແນວຄວາມຄິດຫົວຄິດປະດິດສ້າງ, ທັດສະນະ ແລະ ນຳ ແຫລ່ງພະລັງຊີວິດໃຫມ່ມາໃຫ້ແກ່ກະຈາຍສຽງ. ເນື່ອງໃນໂອກາດນີ້ ເລເຟືອງ ມີບົດຂຽນ ທີ່ມີຫົວຂໍ້ວ່າ: “
ກະຈາຍສຽງພ້ອມກັບໄວຫນຸ່ມ”
ສຳນັກງານວິທະຍຸກະຈາຍສຽງຫວຽດນາມ
ພາບ:vov
|
ເຖິງວ່າ ພວມປະເຊີນຫນ້າກັບສິ່ງທ້າທາຍຫລາຍຢ່າງ, ກະຈາຍສຽງ ຍັງຄົງມີກຳລັງແຮງຊື່ງບໍ່ມີພາຫະນະສື່ສານໃດສາມາດແທນໄດ້, ນັ້ນແມ່ນຄວາມສາມາດສື່ຂ່າວໄວ, ໂດຍກົງ ແລະ ສະດວກຢູ່ທຸກແຫ່ງ, ຕອບສະຫນອງຄວາມຕ້ອງການຂໍ້ມູນຂ່າວສານຂອງທຸກເປົ້າໝາຍ. ກະຈາຍສຽງສາມາດສົ່ງເຖິງທຸກຂົງເຂດໃນຊີວິດສັງຄົມ, ຕິດພັນກັບຄວາມຕ້ອງການຂໍ້ມູນຂ່າວສານ ຈາກເຂດທົ່ງພຽງຕະຫລອດຮອດເຂດພູດອຍ, ຕົວເມືອງ ແລະຊົນນະບົດ ແລະ ສ້າງຄວາມຍຸຕິທຳໃນການຊົມໃຊ້ຂໍ້ມູນຂ່າວສານລະຫວ່າງເຂດພາກ, ປະຊາຊົນທຸກຊັ້ນໃນສັງຄົມ.
ບົດບາດຂອງຂົງເຂດກະຈາຍສຽງໃນຊີວິດ
ໃນຍຸກສະໄຫມທີ່ສື່ສານພັດທະນາຢ່າງແຮງ ດ້ວຍການປະກົດອອກຂອງຫລາຍປະເພດສື່ສານໃຫມ່, ກະຈາຍສຽງ ຍັງຄົງສະແດງໃຫ້ເຫັນຄວາມສຳຄັນສະເພາະຂອງຕົນ ເພາະວ່າສາມາດສົ່ງສານເຖິງມະຫາຊົນຢູ່ທຸກບ່ອນ, ທຸກເວລາໄດ້. ດ້ວຍລັກສະນະໄຫວພິບ, ປະສິດທິຜົນ, ສະດຸ້ງໄວ, ນັບທັງຜູ້ບໍ່ຮູ້ຂຽນ, ບໍ່ຮູ້ອ່ານ ກໍສາມາດສຳພັດກັບຂໍ້ມູນຂ່າວຈາກກະຈາຍສຽງ. ໂດຍກຳໄດ້ຄວາມຕ້ອງການຂໍ້ມູນຂ່າວສານຂອງສັງຄົມຍຸກປະຈຸບັນ, ວິທະຍຸກະຈາຍສຽງຫວຽດນາມ (VOV) ພວມໃນວິວັດການສ້າງການສື່ສານຫລາຍປະເພດ ດ້ວຍ 4 ຮູບການຄື: ກະຈາຍສຽງ, ໂທລະພາບ, ສື່ສິ່ງພິມ, ສື່ເອເລັກໂຕນິກ. VOV ແມ່ນຫນຶ່ງໃນບັນດາອົງການສື່ມວນຊົນຊັ້ນນຳມີຜົນສະທ້ອນຢ່າງກວ້າງຂວາງ ແລະ ມີອິດທິພົນຊື່ສຽງຢູ່ພາຍໃນປະເພດ ແລະ ພາກພື້ນ. ສຳລັບຜູ້ຟັງຫລາຍທ່ານແລ້ວ, VOV ແມ່ນເພື່ອນຮ່ວມເດີນທາງໃນຊີວິດ. ເອື້ອຍ ຫງວຽນບີກແຫ້ງ, ຊ່າງຕັດຫຍິບຢູ່ ເມືອງ ເກົາໄຢ ຮ່າໂນ້ຍ ໃຫ້ຮູ້ວ່າ: ວຽກງານຂອງເອື້ອຍຄ້າງຄາທຸກມື້ ບໍ່ມີເງື່ອນໄຂສຳພັດກັບພາຫະນະສື່ມວນຊົນອື່ນ, ສະນັ້ນ ຍາມໃດເອື້ອຍກໍຮັບຟັງວິທະຍຸເປັນປະຈຳ.
“ຂໍ້ມູນຂ່າວຂອງ VOV ຍາມໃດກໍວ່ອງໄວ, ຊັດເຈນ. ຂ້າພະເຈົ້າຮັບຟັງ ແລະ ຕິດຕາມປະຈຳວັນ ແລະເຫັນວ່າ ຂ່າວຄາວແມ່ນອັນເດັດຢ່າງລຽນຕິດ. ສື່ສິ່ງພິມຕ້ອງອ່ານ, ສ່ວນຟັງວິທະຍຸ ຂ້າພະເຈົ້າ ທັງເຮັດວຽກທັງຮັບຟັງຢ່າງສະດວກ.”
ລາຍການຈຳນວນຫນຶ່ງຂອງ VOV ໄດ້ສ້າງຄວາມປະທັບໃຈ ແລະ ໄດ້ຮັບການຊົມເຊີຍຈາກຜູ້ຟັງເປັນຈຳນວນຫລວງຫລາຍ, ແມ່ນອາຫານທາງດ້ານຈິດໃຈທີ່ຂາດບໍ່ໄດ້ສຳລັບທຸກຄົນ. ຕົວຢ່າງຄື ໃນ VOV5, ລະບົບກະຈາຍສຽງພາກພາສາຕ່າງປະເທດ, ບັນດາຄໍລຳຄື: ຄົ້ນຫາຫວຽດນາມ, ສີສັນ 54 ຊົນເຜົ່າ ແນະນຳ, ໂຄສະນາພາບພົດປະເທດຊາດ ແລະ ຊາວຫວຽດນາມ ເຖິງເພື່ອນມິດສາກົນ ແລະ ປະຊາຄົມຊາວຫວຽດນາມ ອາໄສຢູ່ຕ່າງປະເທດ…ໃນໄລຍະຈະມາເຖິງ, VOV ຈະສືບຕໍ່ສ້າງບັນດາຊ່ອງພິເສດສະເພາະ, ມີຄວາມຈຳເປັນຄື: ລາຍການກະຈາຍສຽງພາກພາສາອັງກິດໂດຍກົງ 24/7, ລາຍການຄວາມຮູ້ສຶກຜ່ານຄື້ນ FM, ເປີດກວ້າງຊ່ອງ VOV ຄົມມະນາຄົມແຫ່ງຊາດໃນທົ່ວປະເທດ, ສ້າງແຜນຮ່າງລາຍການກະຈາຍສຽງພາສາຊົນເຜົ່າແຫ່ງຊາດ. ບັນດາລາຍການລ້ວນແຕ່ສ້າງເນື້ອໃນໃຫ້ເໝາະສົມກັບແຕ່ລະໝວດຜູ້ຟັງແຕກຕ່າງກັນ, ດ້ວຍຈຸດໝາຍຖືຜູ້ຟັງເປັນຈຸດສຸມ, ທັງແມ່ນຈຸດໝາຍ ແລະ ກຳລັງຫນູນຂອງ ພັດທະນາທຸກຢ່າງ.
ກະຈາຍສຽງພ້ອມກັບໄວຫນຸ່ມ
ບໍ່ວ່າ ຢູ່ປະເທດໃດ, ຍຸກສະໄຫມໃດ, ຊາວຫນຸ່ມ ຍາມໃດກໍແມ່ນກຳລັງນຳຫນ້າ, ແມ່ນເຈົ້າຂອງໃນອະນາຄົດຂອງໂລກ, ພ້ອມທັງນຳຫນ້າໃນການໝູນໃຊ້ວິທະຍາສາດເຕັກໂນໂລຊີເຂົ້າໃນທຸກຂົງເຂດຂອງຊີວິດ. ປະຈຸບັນ ໄວຫນຸ່ມ ມີຫລາຍບັນຫາຕ້ອງໄດ້ຮັບການແກ້ຕອບ. ເຂົາເຈົ້າສາມາດຊອກຄຳຕອບໄດ້ຈາກຫລາຍແຫລ່ງຂໍ້ມູນຂ່າວສານ, ແຕ່ບໍ່ແມ່ນວ່າແຫລ່ງຂໍ້ມູນຂ່າວສານໃດສະຫນອງໃຫ້ເຂົາເຈົ້າບັນດາຂໍ້ມູນຊັດເຈນໄດ້. ທ່ານນາງ Katherine Muller Marin, ຫົວຫນ້າຜູ້ຕາງຫນ້າອົງການ UNESCO ປະຈຳຫວຽດນາມ ຖືວ່າ:
“ຂ້າພະເຈົ້າຖືວ່າ ກະຈາຍສຽງແມ່ນເຄື່ອງມືດີທີ່ສຸດ. ພວກເຮົາຕ້ອງມີບັນດາລາຍການກະຈາຍສຽງສະຫນອງຂໍ້ມູນຂ່າວໃຫ້ໄວຫນຸ່ມຢ່າງຊັດເຈນ, ເໝາະສົມ ແລະ ພາວະວິໄສ. ໄວຫນຸ່ມສາມາດແບ່ງປັນນຳກັນສິ່ງທີ່ເຮັດໃຫ້ເຂົາເຈົ້າກາຍເປັນພົນລະເມືອງມີປະໂຫຍດ, ເຮັດແນວໃດໃຫ້ເຂົາເຈົ້າສາມາດປະກອບສ່ວນໃຫ້ແກ່ສັງຄົມໄດ້ຫລາຍກວ່າ. ພວກເຮົາຄວນສ້າງກາລະໂອກາດເພື່ອໃຫ້ບັນດາເພື່ອນຫນຸ່ມສາມາດສະແດງທັດສະນະຂອງຕົນທາງວິທະຍຸກະຈາຍສຽງ.”
ຫວຽດນາມ ພວມຢູ່ໃນໄລຍະຈຳນວນຊາວຫນຸ່ມກວມອັດຕາເປັນສ່ວນຫລາຍ, ແລະຊາວຫນຸ່ມໃນເກນອາຍຸ 10-30 ປີກວມເກືອບ 40% ຍອດຈຳນວນພົນລະເມືອງ. ສະນັ້ນ VOV ກໍມຸ່ງໄປເຖິງເລື່ອງຖືຊາວຫນຸ່ມແມ່ນໃຈກາງ, ແມ່ນເຈົ້າຂອງໃນການສ້າງບັນດາລາຍການເພື່ອໃຫ້ເຂົາເຈົ້າສາມາດສະແດງທັດສະນະຂອງຕົນ, ຄວາມມຸ່ງມາດປາດຖະຫນາຂອງຕົນ. ທ່ານ ຫງວຽນດັງຕຽນ, ຜູ້ອຳນວຍການໃຫຍ່ VOV ໃຫ້ຮູ້ວ່າ:
“VOV ໄດ້ສ້າງຫລາຍລາຍການກະຈາຍສຽງໃຫມ່ ໃຫ້ເໝາະສົມກັບຫລາຍເປົ້າໝາຍແຕກຕ່າງກັນຢ່າງລຽນຕິດ ຜ່ານຄື້ນວິທະຍຸ ແລະ ສື່ VOV ອອນໄລ. ສຳລັບ ເປົ້າໝາຍຊາວຫນຸ່ມ, ຄຽງຄູ່ກັບການໂຄສະນາ, ສ່ອງແສງບັນດາການເຄື່ອນໄຫວຊອງຊາວຫນຸ່ມ, ບັນດາລາຍການກະຈາຍສຽງຊາວຫນຸ່ມຜ່ານຄື້ນ VOV ຍາມໃດກໍເອົາໃຈໃສ່ເປັນພິເສດ, ເຖິງວຽກງານການສຶກສາ, ໂຄສະນາຄຸນສົມບັດ, ແບບແຜນດຳລົງຊີວິດ, ທັກສະ ໃຫ້ແກ່ຊາວຫນຸ່ມປະມານ 40 ລ້ານຄົນໃນທົ່ວປະເທດ ດ້ວຍຫລາຍຮູບການແຕກຕ່າງກັນ.”
ບັນດາລາຍການກະຈາຍສຽງໄວຫນຸ່ມ ແລະ ຊີວິດ, ຊາວຫນຸ່ມຮ່ຳຮຽນ ແລະ ປະຕິບັດຕາມແບບຢ່າງປະທານໂຮ່ຈິມີນ, ຊາວຫນຸ່ມກໍ່ຮ່າງສ້າງຕົວ… ຂອງພະແນກຊາວຫນຸ່ມເຍົາວະຊົນ, VOV ຍາມໃດກໍດຶງດູດຜູ້ຟັງເປັນຈຳນວນຫລວງຫລາຍ.
ຄຽງຄູ່ກັບການພັດທະນາຂອງວິທະຍຸກະຈາຍສຽງທົ່ວໂລກ, ກະຈາຍສຽງຫວຽດນາມ ເວົ້າລວມ ແລະ VOV ເວົ້າສະເພາະ ນັບມື້ນັບມີຫລາຍລາຍການໃຫມ່, ດູດດື່ມຜູ້ຟັງ. ບັນດາຜູ້ເຮັດວຽກງານກະຈາຍສຽງຍາມໃດກໍມານະພະຍາຍາມ, ຫົວຄິດປະດິດສ້າງເພື່ອກະຈາຍສຽງຍາມໃດກໍແມ່ນເຄື່ອງມືມີປະໂຫຍດເພື່ອໃຫ້ທຸກຄົນໄດ້ສຳພັດກັບຂໍ້ມູນຂ່າວສານຢ່າງວ່ອງໄວທີ່ສຸດ, ຊັດເຈນທີ່ສຸດ.