ວັນທີ 12/10, ເຮືອບິນຂົນສົ່ງ C 17 ຂອງອາເມລິກາປ່ອຍອາວຸດລົງໃຫ້ຝ່າຍຄ້ານຢູ່ຊີຣີ ຊຶ່ງ Damascus ທີີ່ໃສ່ຊື່ວ່າ : ສຳພັນທະມິດອາຣັບ-ຊີຣີ (SAC) . ການກະທຳຂອງຈີນໄດ້ປະຕິບັດພາຍຫຼັງພຽງ 2-3 ວັນທີ່ອາເມລິກາໄດ້ຖະແຫຼງປະລະແຜນການລວມມູນຄ່າ 500 ລ້ານ USD ເພື່ອຝຶກຊ້ອມກຳລັງຕ້ານລັດອິດສະລາມໂດຍຂະໜານນາມເອງ IS. ການກະທຳໃໝ່ນີ້ຂອງວໍຊິງຕັນ ຍັງບໍ່ທັນຮູ້ວ່າ ປະສິດທິຜົນຈະເປັນຄືແນວໃດ, ແຕ່ໃນສະເພາະໜ້າ ໄດ້ເຮັດໃຫ້ວິກິດການການເມືອງຢູ່ຊີຣີ ຍິ່ງຮ້າຍແຮງຂຶ້ນ.
ນັກຮົບຍິງ YPG ພວມກວດກາອາວຸດຢູ່ເຂດ Ras al-Ain, ແຂວງ Hassakeh. (ພາບ: Reuters)
|
ສຳພັນທະມິດອາຣັບ-ຊີຣີ ແມ່ນກຸ່ມທະຫານປະສົມທີ່ນິຍົມຄວາມສະຫງົບ ຫາກໍໄດ້ຮັບການສ້າງຕັ້ງຂຶ້ນ, ຊຶ່ງລວມທັງກຸ່ມທະຫານກອງຫຼອນຊາວເຄີດ ແລະ ກຸ່ມອາຣັບອື່ນໆ. ກຳລັງນີ້ພວມສູ້ຮົບຢູ່ພາກເໜືອຊີຣີ, ຊ່ວຍໃຫ້ອາເມລິກາ ແລະ ກຳລັງທະຫານປະສົມເກັບກຳຂໍ້ມູນຂ່າວສານສືບລາຊະການລັບກ່ຽວກັບບັນດາເປົ້າໝາຍຂອງ IS ຢູ່ໜ້າດິນ. ປະຈຸບັນ, ສຳພັນທະມິດອາຣັບ-ຊີຣີ ມີມືປືນປະມານ 4000 ຫາ 5000 ຄົນ.
ໃນການຊ່ວຍເຫຼືອຄັ້ງທຳອິດດ້ວຍທາງອາກາດໃຫ້ແກ່ ສຳພັນທະມິດອາຣັບ-ຊີຣີ, ອາເມລິກາໄດ້ສະໜອງອາວຸດ 50 ໂຕນ, ໃນນັ້ນ, ມີອາວຸດປະເພດເບົາ, ຊຶ່ງຕົ້ນຕໍ່ແມ່ນປືນເສິກ ແລະ ໝາກແຕກ. ໂຄສົກກອງບັນຊາການທະຫານສູນກາງອາເມລິກາ ທ່ານ Patrick Ryder ຢືນຢັນວ່າ ກຳລັງອາເມລິກາໄດ້ດຳເນີນກວດກາບັນດາການນຳ ສຳພັນທະມິດອາຣັບ-ຊີຣີໂດຍລະອຽດເພື່ອຮັບປະກັນວ່າ ກຸ່ມນີ້ຈະຕ້ານ IS ຢ່າງແທ້ຈິງ ຫາກບໍ່ແມ່ນໜູນຊ່ວຍແກ່ພວກກໍ່ການຮ້າຍ.
ປະລະໜ້າທີ່ຝຶກຊ້ອມທີ່ບໍ່ອາດເປັນໄປໄດ້, ຫັນມາຊ່ວຍເຫຼືອອາວຸດ
ໃນຄວາມພະຍາຍາມຍູ້ຖອຍການບຸກໂຈມຕີຂອງກໍາລັງ IS , ນັບຕົ້ນປີນີ້, ສະຫະລັດອາເມລິກາໄດ້ສະຫງວນເງິນ 500 ລ້ານ USD ໃຫ້ແກ່ໂຄງການຝຶກຊ້ອມທະຫານຫຼວງ 5.400 ຄົນ. ແຕ່ວ່າແຜນການນີ້ ໄດ້ພັງທະຫລາຍໄປໃນຮອບເວລາເຄິ່ງປີ, ໂຄງການໃຫມ່ ພຽງແຕ່ຝຶກຊ້ອມມືປືນໄດ້ກ່ວາ 100 ຄົນເທົ່ານັ້ນ, ຊຶ່ງແມ່ນຈຳນວນໜ້ອຍເກີນໄປເມື່ອທຽບກັບຄວາມຄາດຫວັງຂອງເຈົ້າໜ້າທີ່ສະຫະລັດ. ຍິ່ງໄປກວ່ານັ້ນ, ປະຈຸບັນມີພຽງແຕ່ປະມານ 2/3 ຂອງຈຳນວນມືປືນກວ່າ 100 ຄົນເທົ່ານັ້ນ, ຍັງເຂົ້າຮ່ວມການຕໍ່ສູ້ຕ້ານ IS ຢູ່ໃນຊີຣີ. ນັ້ນແມ່ນຍັງບໍ່ທັນນັບເຖິງເລື່ອງມືປືນຈຳນວນໜຶ່ງໂດຍອາເມລິກາຝຶກຊ້ອມ ໄດ້ມອບອາວຸດໃຫ້ al-Qaeda ຄືນ. ຄວາມຈິງນີ້ເຮັດໃຫ້ບັ້ນຮົບຕ້ານ IS ຂອງວໍຊິງຕັນຕົກຢູ່ໃນສະພາບບໍ່ມີທາງອອກ.
ຕໍ່ໜ້າສະພາບການດັ່ງກ່າວ, ວໍຊິງຕັນໄດ້ມີການປ່ຽນແປງວິທີການໜູນຊ່ວຍສະຫນັບສະຫນູນຝ່າຍຄ້ານຂອງຊີຣີຕາມທິດມີປະສິດທິຜົນຫຼາຍກວ່າ. ລະອຽດແມ່ນຢຸດຕິໂຄງການຝຶກຊ້ອມ ແລະ ອາເມລິກາຈະສະໜອງອາວຸດໃຫ້ແກ່ບັນດາກຸ່ມຝ່າຍຄ້ານ, ດ້ວຍບັນດາຜູ້ບັນຊາການໂດຍອາເມລິກາໜູນຫຼັງໂດຍກົງ. ດ້ວຍການຊ່ວຍເຫຼືອອາວຸດເປັນປົກກະຕິຈາກສະຫະລັດ, ສຳພັນທະມິດອາຣັບ-ຊີຣີ ຈະດຳເນີນການບຸກໂຈມຕີນະຄອນ Raqqa ຊຶ່ງແມ່ນເຮືອນຮັງຂອງ IS ໃນຊີຣີ.
ຜົນປະໂຫຍດບໍ່ອາດເທົ່າກັບຜົນເສຍ
ຈຸດປະສົງຊ່ວຍເຫຼືອອາວຸດ ຂອງສະຫະລັດແມ່ນບັນລຸປະສິດທິຜົນສູງກວ່າໃນການຕໍ່ສູ້ຕ້ານ IS , ແຕ່ເບິ່ງຄືວ່າ ສິ່ງນີ້ກໍບໍ່ຖືກຕ້ອງປານໃດ. ນັບແຕ່ຫົວທີ່, ສະມາຊິກສະພາສູງອາເມລິກາ Chris Murphy ໄດ້ຖືວ່າ ສະຫະລັດຄວນສະຫງວນ ເງິນເພື່ອປະກອບອາວຸດໃຫ້ກຸ່ມຝ່າຍຄ້ານເພື່ອແກ້ໄຂບັນຫາຄົນເຂົ້າເມືອງ ແລະການຊ່ວຍເຫຼືອມະນຸດສະທໍາ. ໃນບົດຄວາມທີ່ລົງພິມໃນໜັງສືພິມ NYTimes ລົງວັນທີ 9/10, ນັກວິຈານ Andrew Rosenthal ໃຫ້ຂໍ້ສັງເກດວ່າ ແຜນການໃຫມ່ປະກອບອາວຸດໃຫ້ກຸ່ມຝ່າຍລຸກຮື້ຂຶ້ນ ຊີຣີຂອງສະຫະລັດແມ່ນຄວາມລະເມີເຟີ້ຝັນ. ໂດຍມີທັດສະນະຮ່ວມ ເມື່ອຕີລາຄາກ່ຽວກັບການປ່ຽນແປງຂອງສະຫະລັດບົນສະໜາມຮົບ ຊີຣີ, ວົງການນັກສັງເກດການຖືວ່າ ວໍຊິງຕັນຍາກທີ່ຈະປະສົບຜົນສໍາເລັດໃນການເຕົ້າໂຮມກຸ່ມລຸກຮື້ຂຶ້ນທີ່ມີຈຸດປະສົງຮ່ວມ ເຮັດໃຫ້ IS ອ່ອນແອລົງ.
ຜູ້ຊ່ຽວຊານຕ່າງປະເທດຫຼາຍຄົນຖືວ່າ ວຽກງານທີ່ສະຫະລັດອາເມລິກາຄວນຈະເຮັດໃນປັດຈຸບັນແມ່ນຕ້ອງມານະອົດທົນລໍຖ້າການຫັນປ່ຽນແປງໃຫຍ່ຢູ່ສະຫນາມຮົບ ຊຶ່ງເປັນການດີກວ່າຄວາມສ່ຽງໄພເມື່ອໃຫ້ການຊ່ວຍເຫຼືອແກ່ພວກລຸກຮື້ຂຶ້ນ. ມາດຕະການການແກ້ໄຂດີທີ່ສຸດສໍາລັບເຂົາເຈົ້າແມ່ນເພື່ອຊຸກຍູ້ບາດກ້າວບຸກທະລຸທາງການທູດ, ເປີດຊ່ອງທາງໃຫ້ແກ່ບັ້ນຮົບເປັນເອກະພາບຕ້ານ IS ຢູ່ຊີຮີ.
ບໍ່ຮູ້ຈັກວ່າ ການຊ່ວຍເຫຼືອດ້ານອາວຸດໃຫ້ແກ່ກຳລັງລຸກຮື້ຂຶ້ນຢູ່ຊີຣີໂດຍທາງອາກາດຂອງສະຫະລັດ ອາດສາມາດຍູ້ຖອຍ IS ໄດ້ຫຼືບໍ່, ແຕ່ແນ່ນອນວ່າ ການກະທຳຂອງອາເມລິກາ ໄດ້ນຳວິກິດການທາງດ້ານການເມືອງໃນຊີຣີຕົກເຂົ້າສູ່ບາດລ້ຽວໃໝ່ , ອາດຈະເຮັດໃຫ້ສະພາບການສັບສົນຫຼາຍຂຶ້ນ.