ໃນຈຳນວນຮ່າງກົດໝາຍ 18 ສະບັບຊຶ່ງໄດ້ຮັບການພິຈາລະນາຮັບຮອງເອົາ ແລະ ຮ່າງກົດໝາຍ 12 ສະບັບຊຶ່ງໄດ້ຮັບການປະກອບຄຳເຫັນທີ່ກອງປະຊຸມສະໄໝສາມັນເທື່ອທີ 8 ສະພາແຫ່ງຊາດຊຸດທີ 13 ນັ້ນ, ມີຮ່າງກົດໝາຍທີ່ສຳຄັນຫຼາຍສະບັບທີ່ກ່ຽວຂ້ອງເຖິງສິດທິມະນຸດ, ສິດ ແລະ ພັນທະອັນເປັນພື້ນຖານຂອງພົນລະເມືອງ. ບັນດາເນື້ອໃນທີ່ໄດ້ຮັບການປັບປຸງໃນບັນດາຮ່າງກົດໝາຍເຫຼົ່ານີ້ ລ້ວນແຕ່ເພື່ອແນໃສ່ຫັນເນື້ອໃນຈິດໃຈຂອງລັດຖະທຳມະນູນປີ 2013 ເປັນລະອຽດ, ມຸ້່ງໄປສູ່ການຮັບປະກັນ ສິດທິມະນຸດໃຫ້ດີກ່ວາ
ຮັບປະກັນຊີວິດການເປັນຢູ່ໃຫ້ແກ່ຊາວຜູ້ອອກແຮງງານ ແມ່ນເນື້ອໃນທີ່ສຳຄັນ (ພາບປະກອບ) |
ເນື້ອໃນທີ່ໄດ້ຮັບການປັບປຸງໃນບັນດາຮ່າງກົດໝາຍ ແມ່ນຕົ້ນຕໍເລັ່ງໃສ່ການຮັບປະກັນຊີວິດການເປັນຢູ່ຂອງປະຊາຊົນເປັນປົກກະຕິ, ຮັບປະກັນເງື່ອນໄຂມີບ່ອນຢູ່ຂອງພົນລະເມືອງ, ປົກປ້ອງສິດຜົນປະໂຫຍດຂອງບັນດາຜູ້ຖືກເສຍປຽບໃຫ້ດີກວ່າ.
ເລັ່ງໃສ່ສ້າງຊີວິດການເປັນຢູ່ຂອງປະຊາຊົນຜູ້ອອກແຮງງານເປັນປົກກະຕິ, ຮັບປະກັນສິດມີບ່ອນຢູ່ຂອງພົນລະເມືອງ.
ໃນຈຳນວນບັນດາ ຮ່າງກົດໝາຍທີ່ໄດ້ນຳມາປຶກສາຫາລື, ຮ່າງກົດໝາຍປະກັນສັງຄົມຍາມໃດກໍໄດ້ຮັບຄວາມສົນໃຈຈາກ ສ.ສ.ຊ ຫຼາຍທ່ານ ຍ້ອນວ່າ ຮ່າງກົດໝາຍປະກັນສັງຄົມແມ່ນເສົາຄ້ຳທີ່ສຳຄັນກວ່າໝູຂອງລະບົບຮັບປະກັນຊີວິດສັງຄົມ.
ລັດຖະທຳມະນູນປີ 2013 ເປັນຄັ້ງທຳອິດໄດ້ຢືນຢັນວ່າ ໃນມາດຕາ 59 “ລັດສ້າງຄວາມສະເໝີພາບກ່ຽວກັບກາລະໂອກາດເພື່ອໃຫ້ພົນລະເມືອງໄດ້ຊົມໃຊ້ສະຫວັດດີການສັງຄົມ, ພັດທະນາລະບົບຮັບປະກັນຊີວິດສັງຄົມ…” ດັ່ງນັ້ນ, ຮ່າງກົດໝາຍປະກັນສັງຄົມສະບັບປັບປຸງຄັ້ງນີ້ ໄດ້ກຳນົດທິດໄດ້ຈຸດທີ່ສຳຄັນທີ່ສຸດກ່ຽວກັບການເປີດກ້ວາງເປົ້າໝາຍຊື້ປະກັນສັງຄົມ ແລະ ມຸ່ງໄປສູ່ການປະກັນສັງຄົມທົ່ວປວງຊົນໃນໄລຍະທີ່ຈະມາເຖິງ. ລະອຽດ, ຮ່າງກົດໝາຍປະກັນສັງຄົມໄດ້ກຳນົດວ່າ ຜູ້ອອກແຮງງານເຮັດວຽກຕາມສັນຍາຈ້າງແຮງງານຕາມລະດູການ ຫຼືວຽກງານໃດໜຶ່ງທີ່ມີກຳນົດແຕ່ 1 ເດືອນຫາ ຕ່ຳກວ່າ 3 ເດືອນ ແມ່ນຕ້ອງເຂົ້າຮ່ວມຊື້ປະກັນສັງຄົມແບບບັງຄັບ. ນອກຈາກນັ້ນ, ຮ່າງກົດໝາຍຍັງເປີດກ້ວາງເປົ້າໝາຍຊື້ປະກັນສັງຄົມສຳລັບບັນດາພະນັກງານເຄິ່ງສະເພາະກິດຂັ້ນຕາແສງ, ເທດສະບານເມືອງ. ທ່ານນາງ ໂຮ່ທິຖີ ສ.ສ.ຊ ແຂວງວິ້ງຟຸກ ຖືວ່າ :
“ ເພີ່ມເຕີມເປົ້າໝາຍພະນັກງານບໍ່ສະເພາະກິດຂັ້ນຕາແສງເຂົ້າຮ່ວມ ຊື້ປະກັນສັງຄົມແບບບັງຄັບ ແມ່ນສະແດງໃຫ້ເຫັນຄວາມເອົາໃຈໃສ່ຂອງລັດທີ່ມີຕໍ່ອຳນາດການປົກຄອງຂັ້ນຮາກຖານເວົ້າລວມ ແລະ ພະນັກງານຂັ້ນຕາແສງເວົ້າສະເພາະ. ແຕ່ ລັດຖະບານຄວນມີວິທີການແກ້ໄຂຄຸ້ມຄອງ, ກວດກາຢ່າງແໜ້ນແຟ້ນສຳລັບເປົ້າໝາຍຕ່າງໆເພື່ອຈຳກັດການເພີ່ມຄວາມໜັກໜາໃຫ້ແກ່ງົບປະມານແຫ່ງລັດ”
ຮ່າງກົດໝາຍປະກັນສັງຄົມສະບັບປັບປຸງ ໄດ້ຮັບການຮັບຮອງເອົາ ແລະ ວິວັດການຈັດຕັ້ງຜັນຂະຫຍາຍປະຕິບັດແມ່ນຮັບປະກັນຕາມລະບຽບກົດໝາຍນັ້ນ, ນີ້ຈະແມ່ນພື້ນຖານເພື່ອເປີດກວ້າງເປົ້າໝາຍເຂົ້າຮ່ວມຊື້ປະກັນສັງຄົມ, ບັນລຸຈຸດໝາຍເຖິງປີ 2020 ມີ 50% ກຳລັງແຮງງານ ເຂົ້າຮ່ວມຊື້ປະກັນສັງຄົມ, ເທົ່າກັບປະມານ 24,4 ລ້ານຄົນ.
ຖ້າຫາກວ່າ ຮ່າງກົດໝາຍປະກັນສັງຄົມສະບັບປັບປຸງແມ່ນເພື່ອ ເລັ່ງໃສ່ການຮັບປະກັນຊີວິດການເປັນຢູ່ຂອງປະຊາຊົນເປັນປົກກະຕິນັ້ນ, ຮ່າງກົດໝາຍວ່າດ້ວຍເຄຫາສະຖານສະບັບປັບປຸງ ພັດມີບັນດາການກຳນົດຫັນການກຳນົດຂອງລັດຖະທຳມະນູນກ່ຽວກັບສິດມີບ່ອນຢູ່ຂອງພົນລະເມືອງເປັນລະບອບກົດໝາຍ, ປົກປ້ອງກຳມະສິດນຳໃຊ້ເຮືອນຢູ່, ສິດ ແລະ ພັນທະຂອງເຈົ້າກຳມະສິດ, ຜູ້ນຳໃຊ້ເຮືອນຢູ່……
ປົກປ້ອງສິດຜົນປະໂຫຍດຂອງບັນດາຜູ້ຖືກເສຍປຽບໃຫ້ດີກວ່າ
ຕາມທ່ານລັດຖະມົນຕີກະຊວງຍຸຕິທຳຮ່າຮຸ່ງເກືອງແລ້ວ, ການປັບປຸງ: ເພີ່ມເຕີມປະມວນກົດໝາຍແພ່ງ ແມ່ນເພື່ອແນໃສ່ຮັບຮູ້ ແລະ ປົກປ້ອງບັນດາສິດສ່ວນບຸກຄົນ, ນິຕິບຸກຄົນໃນການພົວພັນແລກປ່ຽນທາງພົນລະເຮືອນໃຫ້ດີກວ່າ.
ໄປຄ່ຽງຄູ່ກັບການປຶກສາຫາລືພິຈາລະນາປັບປຸງບັນດາ ຮ່າງກົດໝາຍ, ບັນດາ ສ.ສ.ຊ ຍັງຈະປຶກສາຫາລືການໃຫ້ສັດຕະຍາບັນ ສົນທິສັນຍາ 2 ສະບັບຂອງ ສະຫະປະຊາຊາດ, ນັ້ນແມ່ນ ສົນທິສັນຍາກ່ຽວກັບສິດຂອງຄົນພິການ ແລະ ສົນທິສັນຍາຕ້ານການທໍລະມານ ແລະ ບັນດາຮູບການປະພຶດຫຼືລົງໂທດແບບໂຫດຮ້າຍສາມານ, ໄຮ້ມະນຸດສະທຳຫຼືຢຽບຢຳກຽດສັກສີມະນຸດ. ການໃຫ້ສັດຕະຍາບັນ ສົນທິສັນຍາ 2 ສະບັບນີ້ ຈະຮັບປະກັນບັນດາສິດທິມະນຸດອັນເປັນພື້ນຖານຢູ່ຫວຽດນາມ. ທ່ານນາງ ຝ້າມທິຫາຍແຈວນ ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມຢືນຢັນວ່າ :
“ການໃຫ້ສັດຕະຍາບັນ ສົນທິສັນຍາກ່ຽວກັບສິດຂອງຄົນພິການ ແມ່ນຂີດໝາຍສຳຄັນ, ປະກອບສ່ວນເພີ່ມທະວີລະບອບກົດມາຍເພື່ອໃຫ້ຄົນພິການເຂົ້າຮ່ວມຢ່າງສະເໝີພາບຄືເປົ້າໝາຍອື່ນໆໃນສັງຄົມ, ປະກອບສ່ວນເຂົ້າໃນການພັດທະນາລວມຂອງປະເທດຊາດ ”
ສ່ວນທ່ານ ເຈີນວັນຮັ່ງ ຫົວໜ້າກຳມາທິການການຕ່າງປະເທດສະພາແຫ່ງຊາດຫວຽດນາມຕີລາຄາວ່າ :
“ການໃຫ້ສັດຕະຍາບັນ ສົນທິສັນຍາແມ່ນສອດຄ່ອງກັບການກຳນົດຂອງລັດຖະທຳມະນູນປີ 2013, ໃນນັ້ນ, ຢືນຢັນວ່າ ທຸກໆຄົນຕ່າງກໍມີສິດບໍ່ຖືກທຸບຕີທໍລະມານ, ທາລຸນຫຼືບໍ່ວ່າຮູບການປະພຶດໃດໆທີ່ທຳຮ້າຍຮ່າງກາຍ, ສຸຂະພາບ, ແຕະຕ້ອງກຽດສັກສີມະນຸດ ຄືໃນມາດຕາ 20 ”
ການປົກປ້ອງສິດທິມະນຸດແມ່ນຂຶ້ນກັບຫຼາຍເງື່ອນໄຂທີ່ແຕກຕ່າງກັນຄືດ້ານເສດຖະກິດ, ການເມືອງ, ກົດໝາຍ, ວັດທະນະທຳ, ໃນນັ້ນກົດໝາຍມີຄວາມສຳຄັນອັນດັບໜຶ່ງ. ເພາະວ່າ ບັນດາສິດທິມະນຸດເມື່ອຖືກຫັນມາເປັນກົດໝາຍ ແມ່ນຈະມີລັກສະນະບັງຄັບ, ໄດ້ຮັບການຮັບຮູ້ ແລະ ປົດປ້ອງຈາກສັງຄົມ. ເລື່ອງກອງປະຊຸມສະໄໝສາມັນເທື່ອທີ 8 ສະພາແຫ່ງຊາດຊຸດທີ 13 ພິຈາລະນາ, ປັບປຸງ, ເພີ່ມເຕີມເນື້ອໃນຂອງຮ່າງກົດໝາຍບາງສະບັບທີ່ກ່ຽວຂ້ອງເຖິງສິດຜົນປະໂຫຍດຂອງປະຊາຊົນ ຈະປະກອບສ່ວນຮັບປະກັນການປະຕິບັດສິດທິມະນຸດໃຫ້ດີກວ່າ, ພ້ອມທັງແມ່ນບາດກ້າວທີ່ສຳຄັນເພື່ອໃຫ້ ລັດຖະທຳມະນູນປີ 2013ເຂົ້າສູ່ຊີວິດຕົວຈິງ.