(vovworld)-ເນື່ອງໃນໂອກາດສະເຫລີມສະຫລອງ 70 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ແລະ 25 ປີແຫ່ງວັນບຸນທົ່ວປວງຊົນປ້ອງກັນຊາດ(22/12/1944-22/12/2014), ທ່ານ ຫງວຽນຟູຈ້ອງ, ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ, ເລຂາຄະນະພັກການທະຫານສູນກາງ ໄດ້ມີບົດຂຽນດ້ວຍຫົວຂໍ້ວ່າ: “ການນຳພາຂອງພັກແມ່ນປັດໄຈຕັດສິນຊີ້ຂາດທຸກໄຊຊະນະແລະການເຕີບໃຫຍ່,ພັດທະນາຂອງກອງທັບປະຊາຊົນຫວຽດນາມ”.ໃນລາຍການສະຖານະການການເມືອງພາກນີ້, ພວກເຮົາຂໍຄັດສະເຫນີບາງເນື້ອໃນສຳຄັນໃນບົດຂຽນດັ່ງກ່າວ.
ເລີ່ມຕົ້ນບົດຂຽນ, ທ່ານເລຂາທິການໃຫຍ່ ຫງວຽນຟູຈ້ອງ ໄດ້ຢືນຢັນວ່າ: ການນຳພາຂອງພັກສຳລັບກອງທັບ ໄດ້ຮັບການກຳນົດຈາກພັກກອມມູນິດຫວຽດນາມ ມາແຕ່ດົນນານແລ້ວ ແລະ ໄດ້ຮັບການປັບປຸງເພີ່ມເຕີມ, ສ້າງໃຫ້ສົມບູນແບບຢ່າງບໍ່ຢຸດຢັ້ງ. ນັ້ນແມ່ນການນຳພາດ້ານການເມືອງ, ແນວຄິດ, ການຈັດຕັ້ງ, ພະນັກງານຢ່າງຮອບດ້ານ, ສິ້ນເຊິງ … ດ້ວຍກົນໄກ, ວິທີການຢ່າງແຫນ້ນແຟ້ນ, ເໝາະສົມ.
ຕະຫລອດ 70 ປີຜ່ານມາ, ຍ້ອນມີການປັບປຸງເພີ່ມເຕີມ, ແມ່ນວິທີ, ກົນໄກຊີ້ນຳນຳພາຢ່າງບໍ່ຢຸດຢັ້ງ, ພັກກອມມູນິດຫວຽດນາມ ໄດ້ຮັກສາບົດບາດນຳພາສຳລັບກອງທັບໃນທຸກກໍລະນີ, ທຸກໄລຍະປະຫວັດສາດຢ່າງໝັ້ນຄົງ. ນັ້ນກໍແມ່ນປັດໄຈຕັດສິນຊີ້ຂາດການເຕີບໃຫຍ່, ຕໍ່ສູ້ ແລະ ໄຊຊະນະຂອງກອງທັບຫວຽດນາມ, ຍາມໃດກໍແມ່ນເຄື່ອງມືປະຕິວັດອັນແຫລມຄົມ, ກຳລັງການເມືອງທີ່ຈົ່ງຮັກພັກດີຂອງພັກ, ປະເທດຊາດ ແລະ ປະຊາຊົນ, ຮັກສາທາດແທ້ຊົນຊັ້ນກຳມະກອນ, ແມ່ນກອງທັບຂອງປະຊາຊົນ, ໂດຍປະຊາຊົນ ແລະ ເພື່ອປະຊາຊົນ ຢ່າງໝັ້ນຄົງ.
ຢືດໝັ້ນຫລັກການພັກນຳພາກອງທັບ
ໃນສະພາບການປະຈຸບັນ, ເພື່ອສືບຕໍ່ຮັກສາຢ່າງໝັ້ນຄົງ ແລະ ເພີ່ມທະວີການນຳພາຂອງພັກສຳລັບກອງທັບ, ຮັບປະກັນໃຫ້ກອງທັບ ຍາມໃດກໍຮັກສາທາດແທ້ປະຕິວັດ, ຈຸດໝາຍ, ແນວຄິດສູ້ຮົບ, ສຳເລັດຫນ້າທີ່ສ້າງສາ ແລະ ປົກປັກຮັກສາປະເທດຊາດເປັນຢ່າງດີ, ທ່ານເລຂາທິການໃຫຍ່ ຫງວຽນຟູຈ້ອງ ໄດ້ເນັ້ນຫນັກວ່າ: ກ່ອນອື່ນໝົດຄວນເປັນເອກະພາບຄວາມຮັບຮູ້ໃນບໍ່ວ່າສະພາບການໃດຕ້ອງຢືດໝັ້ນຫລັກການພັກກອມມູນິດຫວຽດນາມ ນຳພາກອງທັບປະຊາຊົນຫວຽດນາມ ກ່ຽວກັບທຸກດ້ານ ຢ່າງເດັດຂາດ, ໂດຍກົງ. ການນຳພາກອງທັບບໍ່ສາມາດຈັດແບ່ງໃຫ້ບໍ່ວ່າບຸກຄົນໃດ, ກຳລັງການເມືອງໃດ.
ຕາມທ່ານເລຂາທິການໃຫຍ່ຫງວຽນຟູຈ້ອງແລ້ວ, ການນຳພາຢ່າງສິ້ນເຊິງນີ້ແມ່ນສະແດງຜ່ານບັນດາບັນຫາຄື: ພັກບໍ່ພຽງແຕ່ວາງອອກແນວທາງການທະຫານ, ກຳນົດທິດທາງການພັດທະນາແຫລ່ງກຳລັງການທະຫານ, ການປ້ອງກັນຊາດຂອງປະເທດຊາດເທົ່ານັ້ນ ຫາກພັກຍັງນຳພາການຈັດຕັ້ງຫັນບັນດາທັດສະນະ, ແນວທາງການກໍ່ສ້າງກອງທັບການປະຕິວັດ, ເປັນແບບແຜນ, ຍອດຢ້ຽມ, ທັນສະໄຫມເທື່ອລະກ້າວໃຫ້ປະກົດຜົນເປັນຈິງ. ພັກກອມມູນິດຫວຽດນາມ ຕັດສິນບັນດາບັນຫາພື້ນຖານກໍ່ສ້າງກອງທັບເຂັ້ມແຂງກ່ຽວກັບດ້ານການເມືອງ, ແນວຄິດ ແລະ ການຈັດຕັ້ງ, ກໍ່ສ້າງກອງທັບຍາມໃດກໍແມ່ນກຳລັງຈົ່ງຮັກພັກດີກັບພັກ, ກັບປະເທດຊາດຢ່າງສິ້ນເຊິງ, ຮັບໃຊ້ປະຊາຊົນຢ່າງ ສຸດຈິດສຸດໃຈ, ແມ່ນກຳລັງຫລັກແຫລ່ງພ້ອມກັບທົ່ວປວງຊົນປົກປັກຮັກສາປະເທດຫວຽດນາມ ສັງຄົມນິຍົມຢ່າງໝັ້ນຄົງ.
ຍົກສູງກຳລັງຄວາມສາມາດ, ລະດັບຊີ້ນຳນຳພາຂອງບັນດາອົງການພັກ
ຫນ້າທີ່ທີສອງຊື່ງທ່ານເລຂາທິການໃຫຍ່ ຫງວຽນຟູຈ້ອງ ໄດ້ເຕື້ອງເຖິງໃນບົດຂຽນ ແນໃສ່ຮັບປະກັນໃຫ້ກອງທັບຍາມໃດກໍຮັກສາທາດແທ້ປະຕິວັດ, ຈຸດໝາຍ, ອຸດົມຄະຕິຕໍ່ສູ້, ສຳເລັດຫນ້າທີ່ສ້າງສາ ແລະ ປົກປັກຮັກສາປະເທດຊາດ, ນັ້ນແມ່ນ ຕ້ອງບູລະນະລະບົບການຈັດຕັ້ງຢ່າງບໍ່ຢຸດຢັ້ງ, ຍົກສູງກຳລັງຄວາມສາມາດ, ລະດັບຊີ້ນຳນຳພາຮອບດ້ານ, ກຳລັງຕໍ່ສູ້ ແລະ ລັກສະນະຂະຫຍັນຂັນເຄື່ອນຂອງບັນດາການຈັດຕັ້ງພັກ, ພິເສດ ການຈັດຕັ້ງພັກຂັ້ນຮາກຖານ ແລະ ຄຸນນະພາບຖັນແຖວພະນັກງານ, ສະມາຊິກພັກ. ອົງຄະນະພັກທຸກຂັ້ນ ປະຕິບັດຫລັກການລວມສູນປະຊາທິປະໄຕເປັນຢ່າງດີ, ໝູ່ຄະນະນຳພາຕິດພັນກັບການແບ່ງງານໃຫ້ສ່ວນບຸກຄົນຮັບຜິດຊອບ; ຖືການສ້າງ ແລະ ຜັນຂະຫຍາຍບັນດາລະບຽບການເຮັດວຽກ, ລະບຽບນຳພາບັນດາຫນ້າວຽກງານຕົ້ນຕໍເປັນສຳຄັນ, ຕັ້ງຫນ້າປ່ຽນໃຫມ່, ຍົກສູງຄຸນນະພາບດຳເນີນຊີວິດພັກ, ຍົກສູງລັກສະນະຕໍ່ສູ້, ເພີ່ມທະວີຄວາມສາມາຄີ, ເປັນເອກະພາບໃນແຕ່ລະການຈັດຕັ້ງພັກ ແລະ ຫົວຫນ່ວຍ; ເພີ່ມທະວີວຽກງານພະນັກງານ, ສ້າງຖັນແຖວພະນັກງານຕາມທິດຈຳນວນພະນັກງານຕິດພັນກັບໂຄງການຈັດຕັ້ງ, ສັບຊ້ອນພະນັກງານຢ່າງເໝາະສົມ.
ຕໍ່ສູ້,ເຮັດໃຫ້ທຸກກົນອຸບາຍ ແລະ ການເຄື່ອນໄຫວ “ຫັນປ່ຽນໂດຍສັນຕິ”ຖືກປະລາໄຊ
ຫນ້າທີ່ສຳຄັນຫນຶ່ງອີກ ຊື່ງທ່ານເລຂາທິການໃຫຍ່ ຫງວຽນຟູຈ້ອງ ລະບຸ້ໄວ້ໃນບົດຂຽນນັ້ນແມ່ນ ຕ້ອງຍູ້ແຮງການຕໍ່ສູ້, ເຮັດໃຫ້ກົນອຸບາຍ ແລະ ການເຄື່ອນໄຫວ “ຫັນປ່ຽນໂດຍສັນຕິ” ຖືກປະລາໄຊ ເວົ້າລວມ ແລະ “ກອງທັບປອດການເມືອງ” ເວົ້າສະເພາະ ຂອງບັນດາອິດທິກຳລັງເປັນປໍລະປັກ. ທ່ານເລຂາທິການໃຫຍ່ຫງວຽນຟູຈ້ອງ ເນັ້ນຫນັກວ່າ: ພະນັກງານ, ສະມາຊິກພັກ, ນັກຮົບທຸກຄົນ ຄວນມີຄວາມຮັບຮູ້ຢ່າງຄົບຖ້ວນ ແລະ ເລິກເຊິ່ງວ່າ ກອງທັບຫວຽດນາມ ແມ່ນກອງທັບປະຕິວັດ, ກອງທັບຂອງປະຊາຊົນ, ມາຈາກປະຊາຊົນ ແລະ ຕໍ່ສູ້ ເພື່ອປະຊາຊົນ, ພາຍໃຕ້ການນຳພາຢ່າງແຫນ້ນແຟ້ນຂອງພັກ. ຢາກຄືແນວນັ້ນ, ທ່ານເລຂາທິການໃຫຍ່ ໄດ້ຮຽກຮ້ອງ ຕ້ອງຢືດໝັ້ນ, ເດັດດ່ຽວປະຕິບັດມະຕິສູນກາງພັກຄັ້ງທີ 4 ກ່ຽວກັບການກໍ່ສ້າງພັກຕິດພັນກັບການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມີນເປັນຢ່າງດີ, ເດັດດ່ຽວຕໍ່ສູ້ບັນດາປະກົດການລັ່ງເລ, ຫລຸດຄວາມໄວ້ເນື້ອເຊື່ອ, ລະເມີເຝີ່ຝັນ, ເສື່ອມທາດຂາດຄຸນກ່ຽວກັບແນວຄິດດ້ານການເມືອງ, ຄຸນສົມບັດ, ແບບແຜນການດຳລົງຊີວິດ, ກາລະໂອກາດ, ອັດຖະປະໂຫຍດ, ລັດທິສ່ວນຕົວ, ລະເມີດກົດໝາຍຂອງລັດ, ລະບຽບວິໄນຂອງກອງທັບ. ປ່ຽນໃຫມ່ ແລະ ເພີ່ມທະວີວຽກງານຂົນຂວາຍປະຊາຊົນ, ປະກອບສ່ວນປັບປຸງກຸ່ມກ້ອນມະຫາສາມັກຄີທົ່ວປວງຊົນທັງຊາດ ແລະ ການພົວພັນຢ່າງແຫນ້ນແຟ້ນລະຫວ່າງພັກ, ກອງທັບ ກັບປະຊາຊົນ, ປັບປຸງ “ທ່າຮົບຈິດໃຈປະຊາຊົນ”, ເພີ່ມຄວາມໄວ້ເນື້ອເຊື່ອໃຈຂອງປະຊາຊົນສຳລັບພັກ, ລັດ ແລະ ກອງທັບ.
ມ້ວນທ້າຍບົດຂຽນ, ທ່ານເລຂາທິການໃຫຍ່ ຫງວຽນຟູຈ້ອງ ຢືນຢັນ: ມີຄວາມເອກອ້າງທະນົງໃຈຕໍ່ມູນເຊື້ອອັນສະຫງ່າລາສີ ຂອງກອງທັບປະຊາຊົນຫວຽດນາມ ວິລະຊົນ ໃນ 70 ປີຜ່ານມາ, ພັກ, ລັດ ແລະ ປະຊາຊົນ ຫວຽດນາມ ຍາມໃດກໍເຊື່ອໝັ້ນ ແລະປາດຖະຫນາວ່າ ກອງທັບຫວຽດນາມ ຈະສືບຕໍ່ເສີມຂະຫຍາຍຄຸນນະທາດອັນດີງາມຂອງ “ທະຫານລຸງໂຮ່”, ສູ້ຊົນ, ຝືກຝົນຫລໍ່ຫລອມ, ກໍ່ສ້າງກອງທັບປະຊາຊົນຫວຽດນາມ “ປະຕິວັດ, ແບບແຜນ, ຍອດຢ້ຽມ, ທັນສະໄຫມເທື່ອລະກ້າວ”, ປະກອບສ່ວນປະຕິບັດພາລະກິດສ້າງສາ ແລະ ປົກປັກຮັກສາປະເທດຊາດຫວຽດນາມ ສັງຄົມນິຍົມຢ່າງມີໄຊ, ສົມເປັນບ່ອນອີງທີ່ໄວ້ເນື້ອເຊື່ອໃຈຂອງພັກ, ລັດ ແລະ ປະຊາຊົນ.