(vovworld)- ໃນໄລຍະກວ່າ 1 ເດືອນຜ່ານມາ, ໃນຂະນະທີ່ຈີນ ຕັ້ງຮ້ານເຈາະນ້ຳມັນຢ່າງຜິດກົດໝາຍຢູ່ເຂດເສດຖະກິດຈຳເພາະ ແລະ ເຂດໄຫລ່ທະວີບຂອງຫວຽດນາມ, ນຳໃຊ້ກຳປັ່ນຄຸ້ມຊູຫລາຍປະເພດ, ໃນນັ້ນ ມີທັງກຳປັ່ນທະຫານຕັ້ງໃຈຕຳໃສ່ບັນດາກຳປັ່ນພົນລະເຮືອນຂອງຫວຽດນາມພວມປະຕິບັດສິດອະທິປະໄຕ ແລະ ອຳນາດສານຂອງຫວຽດນາມ, ຫວຽດນາມ ຍັງຄົງຢືດໝັ້ນ, ມານະພະຍາຍາມແກ້ໄຂຄວາມເຄັ່ງຕຶງໂດຍສັນຕິວິທີ. ນີ້ແມ່ນແຜນນະໂຍບາຍສະເຫມີຕົ້ນສະເຫມີປາຍຂອງຫວຽດນາມ ຊື່ງໄດ້ຮັບການສະຫນັບສະຫນູນຢ່າງແຮງຈາກປະຊາຄົມໂລກ. ສິ່ງດັ່ງກ່າວໄດ້ສະແດງໃຫ້ເຫັນແນວທາງການຕ່າງປະເທດສັນຕິພາບຂອງຫວຽດນາມເວົ້າລວມ, ໃນນັ້ນມີນະໂຍບາຍປ້ອງກັນຄວາມສະຫງົບທະເລ ແມ່ນສອດຄອ່ງກັບກົດໝາຍສາກົນ, ຍາມໃດກໍມຸ່ງໄປເຖິງສັນຕິພາບ.
ການປ້ອງກັນຄວາມສະຫງົບບົນທະເລ ແມ່ນພາກສ່ວນຫນຶ່ງຂອງການປ້ອງກັນຄວາມສະຫງົບແຫ່ງຊາດ, ພາກພື້ນ ແລະ ສາກົນ. ເນື້ອແທ້ຂອງການປ້ອງກັນຄວາມສະຫງົບທະເລລວມມີ: ບັນຫາອາດຊະຍາກຳແບບເກົ່າ ແລະ ອາດຊະຍາກຳແບບໃຫມ່. ຫວຽດນາມ ມີ 3 ທິດຕິດກັບທະເລ ນັ້ນແມ່ນທິດຕາເວັນອອກ, ທິດໃຕ້ ແລະ ທິດຕາເວັນຕົກສ່ຽງໃຕ້ ແລະ ຫວຽດນາມ ມີຝັ່ງທະເລຍາວເກືອບ 3.260 ກິໂລແມັດ, ມີເຂດທະເລພາຍໃນ, ເຂດນ່ານທະເລ, ເຂດຕິດກັບນ່ານທະເລ, ເຂດເສດຖະກິດຈຳເພາະ ແລະ ເຂດໄຫລ່ທະວີບ; ມີເກາະ, ໝູ່ເກາະໃຫຍ່, ນ້ອຍ ເກືອບ 3000ແຫ່ງ, ໃນນັ້ນ ມີ 2 ໝູ່ເກາະ ຮ່ວາງຊາ ແລະ ເຈື່ອງຊາ. ໃນນັ້ນ ການປ້ອງກັນຄວາມສະຫງົບທະເລ ມີຄວາມສຳຄັນພິເສດສຳລັບຫວຽດນາມ ກ່ຽວກັບດ້ານເສດຖະກິດ, ສັງຄົມ, ການປ້ອງກັນຊາດປ້ອງກັນຄວາມສະຫງົບ ແລະ ສິ່ງແວດລ້ອມ.
ຍາມໃດກໍເຄົາລົບກົດໝາຍສາກົນ
ສະພາແຫ່ງຊາດ ແລະ ລັດຖະບານຫວຽດນາມ ໄດ້ສ້າງນະໂຍບາຍປ້ອງກັນຄວາມສະຫງົບທະເລ ນັບແຕ່ມື້ສະຖາປະນາປະເທດຊາດ, ນອນໃນຍຸດທະສາດປົກປັກຮັກສາປະເທດຊາດ. ພິເສດ ກອງປະຊຸມໃຫຍ່ ຄັ້ງທີ 11 ຂອງພັກກອມມູນິດຫວຽດນາມ, ບັນດາແນວຄວາມຄິດ, ປັດໄຈຍຸດທະສາດກ່ຽວກັບການຮັບປະກັນຄວາມສະຫງົບບົນທະເລ, ເກາະຂອງປະເທດຊາດ ໄດ້ຮັບການສ້າງເປັນສົມບູນແບບ, ສອດຄ່ອງກັບສະພາບການໃຫມ່. ທີ່ກອງປະຊຸມໃຫຍ່ຄັ້ງທີ 11 ຂອງພັກ, ພັກກອມມູນິດຫວຽດນາມ ເອົາໃຈໃສ່ເປັນພິເສດເຖິງການວາງອອກບັນດາບັນຫາລະອຽດໃນການປະສານສົມທົບ ລະຫວ່າງເສດຖະກິດກັບການຮັບປະກັນຄວາມສະຫງົບປອດໄພເຂດທະເລ, ໝູ່ເກາະຂອງຫວຽດນາມ.
ການປ້ອງກັນຄວາມສະຫງົບບົນທະເລ ແມ່ນພາກສ່ວນຫນຶ່ງ
ຂອງການປ້ອງກັນຄວາມສະຫງົບແຫ່ງຊາດ
photo:baodanang.vn
|
ເດືອນ 6/2012, ສະພາແຫ່ງຊາດຫວຽດນາມ ໄດ້ຮັບຮອງເອົາກົດໝາຍວ່າດ້ວຍທະເລ. ກົດໝາຍວ່າດ້ວຍທະເລຂອງຫວຽດນາມ ແມ່ນເໝາະສົມກັບກົດບັດ ສປຊ, ເໝາະສົມກັບສົນທິສັນຍາ ສປຊ.
ໃນພາກຕົວຈິງ, ເພື່ອຮັບປະກັນຄວາມປອດໄພບົນທະເລ, ຫວຽດ ນາມມີກຳລັງໂດຍກົງແມ່ນຕຳຫຼວດທະເລ ແລະ ກຳລັງກວດກາການປະມົງ, ນີ້ແມ່ນສອງກຳລັງທີ່ປະຕິບັດໜ້າທີ່ເປັນປະຈຳ ເພື່ອຮັບປະກັນສິດ ແລະ ຜົນປະໂຫຍອັນສອບທຳຂອງຫວຽດນາມ ບົນທະເລ ຕາມຂໍ້ກຳນົດຂອງສົນທິສັນຍາກ່ຽວກັບກົດໝາຍວ່າດ້ວຍທະເລປີ 1982. ເປັນອັນວ່າບັນດາກຳລັງປະຕິບັດໜ້າທີ່ ຮັກສາຄວາມປອດໄພບົນທະເລຂອງຫວຽດ ນາມ ແມ່ນເໝາະສົມກັບສົນທິສັນຍາກ່ຽວກັບກົດໝາຍວ່າດ້ວຍທະເລປີ 1982. ຮອງສາດສະດາຈານ ເລວັນເກືອງ, ອະດີດຫົວໜ້າສະຖາບັນຍຸດທະສາດກະຊວງຕຳຫຼວດຫວຽດນາມ, ຖືວ່າ:
“ເນື້ອໃນພື້ນຖານທັງໝົດຂອງນະໂຍບາຍປ້ອງກັນຄວາມສະຫງົບບົນທະເລ ຫຼືປົກປັກຮັກສາອະທິປະໄຕຂອງຫວຽດນາມ ບົນທະເລ, ໝູ່ເກາະຂອງຫວຽດນາມ ລ້ວນແຕ່ອີງໃສ່ກົດບັດ ສປຊ ແລະ ສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍທະເລປີ 1982. ບັນດາເນື້ອໃນພື້ນຖານຂອງຍຸດທະສາດປ້ອງກັນຄວາມສະຫງົບບົນທະເລຂອງຫວຽດນາມ ແມ່ນເໝາະສົມກັບເອກະສານຂອງສາກົນໃນປະຈຸບັນ ແລະ ເໝາະສົມກັບທ່າອ່ຽງທີ່ຈຳເປັນຂອງຍຸກປະຈຸບັນ, ນັ້ນແມ່ນຫວຽດນາມເຂົ້າຮ່ວມ, ປະກອບ ສ່ວນຮັກສາສັນຕິພາບ, ສະຖຽນລະພາບ, ການຮ່ວມມືພັດທະນາຢູ່ທະເລຕາເວັນອອກ. ຍ້ອນເຫດນັ້ນ, ນະໂຍບາຍນີ້ໄດ້ຮັບກນຮັບຮູ້ຈາກປະຊາຄົມໂລກຢ່າງຕັ້ງໜ້າ ແລະ ອາດເວົ້າໄດ້ວ່າ ບັນດາປະເທດຢູ່ໂລກຄື: ອາເມລິກາ, ຍີ່ປຸ່ນ, ລັດເຊຍ, ເອີລົບ, ອິນເດຍ ລ້ວນແຕ່ສະໜັບສະໜູນຍຸດທະສາດປ້ອງກັນຄວາມສະຫງົບບົນທະເລຂອງຫວຽດນາມ“
ບົນຈິດໃຈເຄົາລົບກົດໝາຍສາກົນ, ຕໍ່ໜ້າເລື່ອງ ຈີນຕັ້ງຮ້ານເຈາະນ້ຳມັນໄຮຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ, ຍາມໃດຫວຽດນາມ ກໍ່ສະແດງໃຫ້ເຫັນເຈດຕະນາດີ, ຢືດໝັ້ນແກ້ໄຂຄວາມບໍ່ລົງລອຍກັນຢ່າງສົມເຫດສົມຜົນ ຜ່ານການເຈລະຈາ, ໂອ້ລົມສົນທະນາ ແລະ ບັນດາມາດຕະການສັນຕິພາບອື່ນໆ. ສິ່ງດັ່ງກ່າວໂດຍທ່ານລັດຖະມົນຕີກະຊວງປ້ອງກັນປະເທດຫວຽດນາມ ຟຸ່ງກວາງແທງ ຢັ້ງຢືນເມື່ອແລກປ່ຽນກັບສືມວນຊົນຢູ່ນອກກອງປະຊຸມ Sangri La 13, ຢູ່ສິງກະໂປ ຜ່ານມາ.
“ແຜນນະໂຍບາຍຂອງພວກເຮົາແມ່ນສະເໝີຕົ້ນສະເໝີປາຍແກ້ໄຂດ້ວຍການເຈລະຈາ, ດ້ວຍບັນດາມາດຕະການສັນຕິພາບ ແລະ ອີງໃສ່ກົດໝາຍສາກົນ, ສົນທິສັນຍາກ່ຽວກັບກົດໝາຍວ່າດ້ວຍທະເລປີ 1982 ກໍ່ຄື DOC. ພວກເຮົາກໍ່ລະງັບໃຈທີ່ສຸດ, ບໍ່ນຳໃຊ້ກຳລັງອາວຸດ ແລະ ບໍ່ນາບຂູ່ນຳໃຊ້ກຳລັງອາວຸດ. ພວກເຮົານຳໃຊ້ກຳປັ່ນກວດກາການປະມົງ, ກຳປັ່ນຕຳຫຼວດທະເລ ແລະ ກຳປັ່ນຫາປາຂອງຊາວປະມົງ ສົມທົບກັບກຳລັງປະຕິບັດໜ້າທີ່ເພື່ອຕໍ່ສູ້ປົກປັກຮັກສາອະທິປະໄຕເວົ້າລວມ ຫຼັກໝັ້ນຂອງຫວຽດນາມ ໄດ້ຮັບຄວາມຊົມເຊີຍ, ເຫັນດີເຫັນພ້ອມຈາກປະເທດຕ່າງໆ. ເວົ້າລວມແລ້ວແມ່ນຕ້ອງລະງັບໃຈເພື່ອບໍ່ປະໃຫ້ເກີດການປະທະກັນ”.
ຮ່ວມມືຫຼາຍຝ່າຍເພື່ອແກ້ໄຂບັນດາສິ່ງທ້າທາຍໃນອາດຊະຍາກຳແບບໃໝ່ບົນທະເລຕາເວັນອອກ
ຫວຽດນາມ ສະແດງໃຫ້ເຫັນການປະຕິບັດກົດໝາຍສາກົນຜ່ານການຮ່ວມມືເພື່ອແກ້ໄຂບັນດາສິ່ງທ້າທາຍໃນອາດຊະຍາກຳແບບໃໝ່. ດ້ານໜຶ່ງ, ຫວຽດນາມ ມີແຜນນະໂຍບາຍເສີມຂະຫຍາຍກຳລັງພາຍໃນ, ດ້ານອື່ນສືບຕໍ່ເປີດກວ້າງການພົວພັນຮ່ວມມືສາກົນກັບທຸກປະເທດບົນຫຼັກການເຄົາລົບເອກະລາດ, ອະທິປະໄຕ, ເອກະພາບ, ຜືນແຜ່ນດິນອັນຄົບຖວ້ນ, ບໍ່ແຊກແຊງເຂົ້າວຽກງານພາຍໃນຂອງກັນ. ທ່ານຮອງສາດສະດາຈານ ເລວັນເກືອງ ໃຫ້ຮູ້ວ່າ:
“ບັນຫາປ້ອງກັນຄວາມສະຫງົບບົນທະເລຂອງ ຫວຽດນາມ ກໍ່ຕິດພັນກັບ ສາກົນ. ກ່ອນອື່ນໝົດແມ່ນບັນດາປະເທດ ອາຊຽນ. ກົດໝາຍວ່າດ້ວຍທະເລປີ 2012 ໄດ້ຮັບການກຳເນີດໃນສະພາບການບັນດາປະເທດ ອາຊຽນ ພວມມຸ່ງໄປເຖິງການສ້າງປະຊາຄົມເສດຖະກິດ, ວັດທະນະທຳ, ຄວາມໝັ້ນຄົງ. ກົດໝາຍວ່າດ້ວຍທະເລ ແລະ ເລື່ອງຜັນຂະຫຍາຍນະໂຍບາຍປ້ອງກັນຄວາມສະຫງົບບົນທະເລນັ້ນໄດ້ ປະກອບສ່ວນເຂົ້າໃນການສ້າງປະຊາຄົມໝັ້ນຄົງດ້ວຍ 3 ເສົາຄ້ຳທີ່ກ່າວມາຂ້າງເຖິງ, ຍ້ອນເຫດນັ້ນ ພວກເຮົາຈຶ່ງໄດ້ຮັບການສະໜັບສະໜູນຂອງ ບັນດາປະເທດ ອາຊຽນ. ນອກນັ້ນຢູ່ບັນດາເວທີປາໄສ ອາຊຽນ + 1, ອາຊຽນ + 3, ປ້ອງກັນຄວາມສະຫງົບຢູ່ອາຊີ ຕາເວັນອອກ, ອາເປກ, ຫວຽດນາມ ຍັງແນະນຳກົດໝາຍວ່າດ້ວຍທະເລຢ່າງຈະແຈ້ງ ແລະ ຖືວ່າມັນເໝາະສົມກັບສາກົນ...ພວກເຮົາໄດ້ຮັບການສະໜັບສະໜູນຢ່າງສຸດຈິດສຸດໃຈຈາກບັນດາອົງການຈັດຕັ້ງສາກົນ”
ໄປຄຽງຄູ່ກັບການຮ່ວມມືສາກົນ, ຫວຽດນາມ ກໍ່ເພີ່ມທະວີວຽກງານຄົ້ນຄ້ວາ, ຕີລາຄາ, ຄາດຄະເນບັນດາຜົນສະທ້ອນຂອງການປ້ອງກັນຄວາມສະຫງົບແບບໃໝ່ບົນໃນທະເລ, ພິເສດແມ່ນຜົນສະທ້ອນຂອງການປ່ຽນແປງຂອງດິນຟ້າອາກາດ, ອາດຊະຍາກຳຂ້າມຊາດ, ການກໍ່ການຮ້າຍ, ການສ້າງບັນດາຍຸດທະສາດ, ແຜນກຳນົດ, ໂຄງການພັດທະນາເສດຖະກິດ - ສັງຄົມ ບົນທະເລສົມທົບກັບການເອົາໃຈໃສ່ເປັນພິເສດເຖິງການພັດທະນາສະພາບແວດລ້ອມຂຽວ, ໝັ້ນຄົງ, ພ້ອມທັງເພີ່ມທະວີການລົງທຶນບັນດາແຫຼ່ງກຳລັງ ແລະ ວາງແຜນກຳນົດກົນໄກນະໂຍບາຍຫັນເປັນສັງຄົມໃນການປ້ອງກັນ, ຕ້ານໄພພິບັດທຳມະຊາດ, ປົກປັກຮັກສາສິ່ງແວດລ້ອມ.
ຄວາມຈິງສະແດງໃຫ້ເຫັນວ່າ, ນະໂຍບາຍການປ້ອງກັນຄວາມສະຫງົບບົນທະເລຂອງ ຫວຽດນາມ ດ້ວຍຈຸດສຸມແມ່ນການປະຕິບັດກົດໝາຍສາກົນ, ແກ້ໄຂບັນດາຄວາມຂັດແຍ້ງ, ຄວາມບໍ່ລົງລອຍກັນຜ່ານການເຈລະຈາສັນຕິພາບ, ບໍ່ນຳໃຊ້ກຳລັງອາວຸດ ຫຼື ນາບຂູ່ຈະນຳໃຊ້ກຳລັງອາວຸດ, ປະກອບສ່ວນຕັ້ງໜ້າໃນການກໍ່ສ້າງ ທະເລຕາເວັນອອກໃຫ້ເປັນພາກພື້ນສັນຕິພາບ, ສະຖຽນລະພາບ ແລະ ການຮ່ວມມື, ປະກອບສ່ວນສ້າງສະພາບແວດລ້ອມສັນຕິພາບ ແລະ ວັດທະນາຖາວອນຢູ່ ອາຊີ - ປາຊີຟິກ.