(VOVWORLD) - ກອງປະຊຸມໃຫຍ່ຄັ້ງທີ XIII ຂອງພັກກອມມູນິດ ຫວຽດນາມໄດ້ວາງອອກຄາດໝາຍຮອດປີ 2045 ນຳປະເທດ ຫວຽດນາມກາຍເປັນປະເທດພັດທະນາມີລາຍຮັບສູງ. ປະຈຸບັນ ຫວຽດນາມ ຂຶ້ນກັບກຸ່ມປະເທດມີລະດັບລາຍຮັບປານກາງ. ເປົ້າໝາຍໃຫ້ກາຍເປັນປະເທດມີລາຍຮັບສູງໃນປີ 2045 ແມ່ນເສັ້ນທາງທີ່ບໍ່ສະດວກປານໃດ ແຕ່ກໍ່ແມ່ນກຳລັງຫນູນເພື່ອໃຫ້ ຊາວ ຫວຽດນາມ ເປັນຈິດຫນຶ່ງໃຈດຽວເພື່ອປະຕິບັດຄວາມຄາດຫວັງວັດທະນາຖາວອນຈະເລີນຮຸ່ງເຮືອງ.
 ກອງປະຊຸມໃຫຍ່ ຄັ້ງທີ XIII ຂອງພັກກອມມູນິດ ຫວຽດນາມ. ພາບ:VOV |
ປະຈຸບັນ ລາຍຮັບສະເລ່ຍຕໍ່ຫົວຄົນຂອງ ຫວຽດນາມ ແມ່ນບັນລຸກວ່າ 4.500 USD. ຫວຽດນາມ ຕ້ອງມານະພະຍາຍາມກວ່າອີກ, ສ້າງບັນດາກຳລັງຫນູນມີຄວາມແຮງຢ່າງພຽງພໍເພື່ອແນໃສ່ຊຸກຍູ້ພື້ນຖານເສດຖະກິດເຕີບໂຕເປັນປົກກະຕິ, ໝັ້ນຄົງ ແລະສອດຄ່ອງກັບຮູບແບບການເຕີບໂຕໃຫມ່.
ປ່ຽນໃຫມ່ວິທີການຊີ້ນຳນຳພາ
ຕາມ ທ່ານປອ ຫງວຽນວັນດາງ, ພະແນກຄຸ້ມຄອງບໍລິຫານລັດ ແລະນະໂຍບາຍ, ສະຖາບັນການເມືອງແຫ່ງຊາດໂຮ່ຈີມິນ, ກອງປະຊຸມໃຫຍ່ຄັ້ງທີ XIII ໄດ້ວາງອອກ ວິໄສທັດຮອດປີ 2045 ນຳຫວຽດນາມ ກາຍເປັນປະເທດພັດທະນາມີລາຍຮັບສູງ.
“ກ່າວຄຳເຫັນໃນໄລຍະມໍ່ໆມານີ້ຂອງການນຳ ໄດ້ເນັ້ນຫນັກເຖິງສັງກາດໃຫມ່. ໄລຍະຈະມາເຖິງແມ່ນໄລຍະ ຫວຽດນາມຕ້ອງບືນຕົວຂຶ້ນ, ນຳປະເທດຊາດບືນຕົວຂຶ້ນ ໝາຍຄວາມວ່າ ຕ້ອງບຸກທະລຸຂ້າມຜ່ານກັບດັກລາຍໄດ້ປານກາງ ເພື່ອນຳຫວຽດນາມ ເຂົ້າຮ່ວມກຸ່ມປະເທດພັດທະນາໃນໂລກ. ເພື່ອໄດ້ຮັບການຮັບຮູ້ແມ່ນປະເທດພັດທະນາ ຕ້ອງຍົກສູງ GDP ສະເລ່ຍຕໍ່ຫົວຄົນແມ່ນລື່ນ 12.500 USD/ຄົນ/ປີ”
ເພື່ອຮັກສາລະດັບການເຕີບໂຕສູງ ແລະຕໍ່ເນື່ອງໃນ 20 ປີຈະມາເຖິງ, ວິທີເຮັດ, ທິດກ້າວເດີນໃນສະພາບປະຈຸບັນ ຈະສວມບົດບາດຕັດສິນຊີ້ຂາດໃຫ້ແກ່ຜົນສຳເລັດຂອງເປົ້າໝາຍໃນອະນາຄົດ. ຕາມທ່ານ ປອ ຫງວຽນວັນດາງ ດ້ວຍຖານະແມ່ນອົງການຮັບຜິດຊອບບົດບາດນຳພາ ແລະກຳອຳນາດ, ຮຽກຮ້ອງໃຫ້ພັກ ຕ້ອງມີບັນດາການປ່ຽນແປງໃຫມ່ກ່ຽວກັບຮູບການນຳພາ, ຕ້ອງມີບັນດາຈິນຕະນາການໃຫມ່, ວິທີການໃຫມ່, ບັນດາມາດຕະການໃຫມ່ເພື່ອຫັນເປັນກຳລັງຫນູນໃຫ້ແກ່ການພັດທະນາ.
“ທ່ານເລຂາທິການໃຫຍ່ ໂຕເລີມ ເນັ້ນຫນັກກ່ຽວກັບຄວາມຕ້ອງການສືບຕໍ່ປ່ຽນແປງໃຫມ່ຢ່າງແຮງ ໝາຍຄວາມວ່າ ພວກເຮົາຕ້ອງດຳເນີນການປ່ຽນແປງໃຫມ່ຮອບດ້ານ, ບໍ່ພຽງແຕ່ວິທີການນຳພາຂອງພັກ ຫາກນັບທັງໂຄງປະກອບ, ໂຄງຮ່າງຂອງລະບົບການເມືອງ, ອົງການລັດ ກໍຄືການປ່ຽນແປງໃຫມ່ໃນດ້ານຈິນຕະນາການ, ການກຳນົດທິດ ແລະ ການປະຕິບັດນະໂຍບາຍ”
ນະໂຍບາຍເສດຖະກິດຕ້ອງກາຍເປັນການແກ້ງແຍ່ງແຮງກວ່າ
ຕາມບາງການຄົ້ນຄ້ວາ, ເພື່ອໃຫ້ກາຍເປັນປະເທດພັດທະນາມີລາຍຮັບສູງໃນປີ 2045, ລະດັບການເຕີບໂຕ GDP ຂອງຫວຽດນາມ ຕ້ອງບັນລຸລະດັບສະເລ່ຍແມ່ນ 7%/ປີ ແລະຮັກສາໃນຫລາຍປີ. ຫວຽດນາມຄວນສຸມໃສ່ເຂົ້າບັນດານະໂຍບາຍຊຸກຍູ້ຫັນເປັນອຸດສາຫະກຳ, ຫນູນຊ່ວຍບັນດາວິສາຫະກິດຂະຫນາດກາງ ແລະນ້ອຍ (SMEs), ປັບປຸງຕະຫລາດ ປັດໄຈການຜະລິດ, ລົງທຶນເຂົ້າໃນການຄົ້ນຄ້ວາ ແລະ ພັດທະນາ (R&D). ເສດຖະກິດ ຫວຽດນາມຄວນຫັນປ່ຽນຈາກການເຕີບໂຕ ໂດຍອີງໃສ່ “ສົ້ນເຂົ້າ” ໄປຍັງການເຕີບໂຕອີງໃສ່ການນະວັດຕະກຳ,ເນັ້ນເຖິງແຫລ່ງຊັບພະຍາກອນມະນຸດ, ປະສິດທິຜົນຕະຫລາດແຮງງານ ແລະ ດ້ານທຶນຮອນ, ການແກ້ງແຍ່ງ ແລະ ການໝູນໃຊ້ເຕັກໂນໂລຊີ. ຫວຽດນາມກໍ່ປັບປຸງກອບນິຕິກຳ, ຍົກສູງການພັດທະນາແຫລ່ງຊັບພະຍາກອນມະນຸດ ແລະ ປັບປຸງລະບົບປ່ຽນແປງໃຫມ່ແຫ່ງຊາດ.
ຕາມທ່ານສາດສະດາຈານ, ເຈີນວັນເທາະ, ສາດສະດາກິດຕິມະສັກຂອງມະຫາວິທະຍາໄລ Waseda ປະເທດຍີ່ປຸ່ນ ແລ້ວ,ໃນປະມານຫນຶ່ງທົດສະຫວັດຈະມາເຖິງ, ເລື່ອງເປີດກວ້າງການຫັນເປັນອຸດສາຫະກຳ, ຫັນປ່ຽນອົງປະກອບອຸດສາຫະກຳ ແລະປະຕິຮູບລະບອບລະບຽບການ ເພື່ອຈັດແບ່ງປະສິດທິພາບບັນດາແຫລ່ງກຳລັງ ຈະຊ່ວຍເພີ່ມສະມັດຕະພາບ. ພ້ອມກັນນັ້ນ ຫວຽດນາມຄວນກະກຽມຍຸກສະໄຫມເຕີບໂຕໂດຍອີງໃສ່ນະວັດຕະກຳໃຫ້ແກ່ທົດສະວັດທີ 2030 ແລະ ໄກກວ່າ.
ຫວຽດນາມໄດ້ວາງຄາດໝາຍຮອດປີ 2045 ກາຍເປັນປະເທດພັດທະນາມີລາຍຮັບສູງ. ໃນໄລຍະຈະມາເຖິງ ຍັງປະສົບກັບຄວາມຫຍຸ້ງຍາກບໍ່ແມ່ນຫນ້ອຍ ແຕ່ດ້ວຍຄວາມຕັດສິນໃຈຂອງການນຳພັກ, ລັດ, ການສະຫນັບສະຫນູນຂອງປະຊາຊົນ, ຫວຽດນາມ ຈະປ່ຽນແປງທີ່ຕັ້ງບົດບາດຂອງປະເທດຊາດໃນກວ່າສອງທົດສະວັດຈະມາເຖິງ.