ພາຍຫຼັງເຮັດວຽກຢ່າງຮີບເຮັ່ງ ແລະ ມີຄວາມຮັບຜິດຊອບມາເປັນເວລາກວ່າ 1 ເດືອນ, ວັນທີ 27/11, ກອງປະຊຸມສະໄໝສາມັນເທື່ອທີ 10 ສະພາແຫ່ງຊາດຫວຽດນາມຊຸດທີ 13 ໄດ້ອັດລົງ ຊຶ່ງໄດ້ສຳເລັດບັນດາວຽກງານທີ່ສຳຄັນຕາມໂຄງການດຳເນີນງານທີ່ໄດ້ວາງອອກ. ກອງປະຊຸມເທື່ອນີ້ໄດ້ມີການປ່ຽນໃໝ່ດ້ານເນື້ອໃນບາງຢ່າງ, ປະກອບສ່ວນສຳຄັນເຂົ້າໃນການພັດທະນາເສດຖະກິດ-ສັງຄົມຂອງປະເທດຊາດ.
ບັນດາ ສ.ສ.ຊ ໄດ້ກົດປຸ່ມລົງຄະແນນສຽງຮັບຮອງເອົາກົກໝາຍຕ່າງໆ |
ກອງປະຊຸມສະໄໝສາມັນເທື່ອນີ້ຂອງສະພາແຫ່ງຊາດໄດ້ເປັນຂີດໝາຍໃນການປະຕິບັດບັນດາໜ້າທີ່ຂອງສະພາແຫ່ງຊາດຢູ່ທັງ 3 ຂົງເຂດນິຕິບັນຍັດ, ຕິດຕາມກວດກາ ແລະ ຕັດສິນບັນດາບັນຫາສຳຄັນຂອງປະເທດຊາດ. ສະພາແຫ່ງຊາດໄດ້ຮັບຮອງເອົາຮ່າງກົດໝາຍ, ປະມວນກົດໝາຍທີ່ສຳຄັນຫຼາຍສະບັບທີ່ມີຕໍ່ການພັດທະນາເສດຖະກິດ-ສັງຄົມຂອງປະເທດຊາດ ແລະ ຊີວິດການເປັນຢູ່ຂອງປະຊາຊົນ.
ກອງປະຊຸມສະໄໝສາມັນຂອງສະພາແຫ່ງຊາດມີການປ່ຽນໃໝ່ຫຼາຍຢ່າງ
ການປ່ຽນໃໝ່ຢ່າງຈະແຈ້ງທີ່ສຸດໃນກອງປະຊຸມສະໄໝສາມັນເທື່ອນີ້ຂອງສະພາແຫ່ງຊາດແມ່ນຢູ່ໃນວາລະຊັກຖາມ ແລະ ຕອບຄຳຊັກຖາມຂອງບັນດາສະມາຊິກສະພາແຫ່ງຊາດ. ສະພາແຫ່ງຊາດໄດ້ຕີລາຄາການສະຫຼຸບການຊັກຖາມ, ການປະຕິບັດບັນດາຄຳໝັ້ນໝາຍ, ຄຳໝັ້ນສັນຍາຂອງບັນດາສະມາຊິກລັດຖະບານນັບຕົ້ນອາຍຸການມາຮອດປະຈຸບັນ. ສະພາແຫ່ງຊາດບໍ່ເລືອກເຟັ້ນສະມາຊິກລັດຖະບານຕອບຄຳຊັກຖາມໂດຍລະອຽດຕາມໝວດບັນຫາຕາມທຳນຽມກ່ອນນີ້. ທ່ານເຈີນງອກວິງ ຮອງຫົວໜ້າຄະນະສະມາຊິກສະພາແຫ່ງຊາດນະຄອນຫາຍຟ່ອງ ຕີລາຄາວ່າ :
“ ໂດຍມີຄວາມແຕກຕ່າງກັບທຳນຽມກ່ອນນີ້, ຄຳຊັກຖາມແມ່ນມີຂອບເຂດ ກ້ວາງຂວາງ, ທຸກຂົງເຂດ ແລະ ສະເໜີສະມາຊິກລັດຖະບານທຸກທ່ານຕ້ອງຕອບບໍ່ວ່າຄຳຊັກຖາມຂໍ້ໃດ. ມີຄຳຊັກຖາມຫຼາຍຂໍ້ໄດ້ສ່ອງແສງເຖິງຄວາມມຸ່ງມາດປາດຖະໜາຂອງຜູ້ມີສິດເລືອກຕັ້ງ ”
ດ້ວຍການປ່ຽນໃໝ່ທາງດ້ານຮູບການ, ດັ່ງນັ້ນ, ຄຸນນະພາບວາລະຊັກຖາມ ແລະ ຕອບຄຳຊັກຖາມທີ່ກອງປະຊຸມສະໄໝສາມັນຂອງສະພາແຫ່ງຊາດເທື່ອນີ້ ໄດ້ຖືກຍົກສູງຂຶ້ນຢ່າງເຫັນໄດ້ຊັດ. ທ່ານນາງ ບຸຍທິອານ ສະມາຊິກສະພາແຫ່ງຊາດນະຄອນຮ່າໂນ້ຍ ຖືວ່າ :
“ ບັນຍາກາດໂຕ້ວາທີໃນກອງປະຊຸມສະພາແຫ່ງຊາດແມ່ນດີພໍສົມຄວນ. ໃນຄັ້ງນີ້, ມີຄວາມປະທັບໃຈບໍ່ສະເພາະແຕ່ສະມາຊິກສະພາແຫ່ງຊາດເທົ່ານັ້ນ, ຫາກຍັງມີຕໍ່ຜູ້ມີສິດເລືອກຕັ້ງອີກດ້ວຍ , ມັນສະແດງໃຫ້ເຫັນປະສິດທິຜົນການຕິດຕາມກວດກາໂດຍຜ່ານການຊັກຖາມ. ພິເສດໃນຄັ້ງນີ້, ທ່ານປະທານ ສະພາແຫ່ງຊາດໄດ້ ຕອບຄຳຊັກຖາມ, ນີ້ແມ່ນສິ່ງທີ່ບໍ່ເຄີຍມີມາກ່ອນ. ໝາຍຄວາມວ່າ ບັນຍາກາດປະຊາທິປະໄຕສະແດງໃຫ້ເຫັນຢ່າງຈະແຈ້ງກວ່າ ”
ບັນດາການປ່ຽນໃໝ່ໃນວາລະຊັກຖາມ ແລະ ຕອບຄຳຊັກຖາມທີ່ກອງປະຊຸມສະໄໝສາມັນຂອງສະພາແຫ່ງຊາດເທື່ອນີ້ແມ່ນພະຍານຫຼັກຖານຢັ້ງຢືນວ່າ ພາລະບົດບາດຕິດຕາມກວດກາຂອງສະພາແຫ່ງຊາດແມ່ນນັບມື້ນັບມີປະສິດທິຜົນ.
ມີການປ່ຽນໃໝ່ອີກອັນໜຶ່ງທີ່ກອງປະຊຸມສະໄໝສາມັນຂອງສະພາແຫ່ງຊາດເທື່ອນີ້ ແມ່ນສະພາແຫ່ງຊາດໄດ້ເລືອກຕັ້ງບາງຕຳແໜ່ງເຊັ່ນ: ປະທານສະພາເລືອກຕັ້ງແຫ່ງຊາດ, ເລຂາທິການໃຫຍ່ສະພາແຫ່ງຊາດ.ນີ້ແມ່ນລະບອບລະບຽບການໃໝ່, ປະກອບສ່ວນສ້າງການເຄື່ອນໄຫວຂອງສະພາແຫ່ງຊາດໃຫ້ສົມບູນແບບ.
ສືບຕໍ່ສ້າງລະບົບກົດໝາຍໃຫ້ສົມບູນແບບ, ຫັນລັດຖະທຳມະນູນປີ 2013 ເປັນລະບອບກົດໝາຍ
ໂດຍແມ່ນກອງປະຊຸມເກືອບສຸດທ້າຍຂອງອາຍຸການສະພາແຫ່ງຊາດຊຸດທີ 13 , ດັ່ງນັ້ນໃນກອງປະຊຸມເທື່ອນີ້, ສະພາແຫ່ງຊາດໄດ້ວາງໜ້າທີ່ຈຸດສຸມໃສ່ວຽກງານສ້າງກົດໝາຍເພື່ອສຳເລັດໂຄງການສ້າງກົດໝາຍ, ລັດຖະບັນຍັດຂອງອາຍຸການສະພາແຫ່ງຊາດ. ສະພາແຫ່ງຊາດໄດ້ຮັບຮອງເອົາກົດໝາຍ 16 ສະບັບ, ມະຕິ 14 ສະບັບ ແລະ ໃຫ້ຄຳເຫັນຄັ້ງທຳອິດໃສ່ຮ່າງກົດໝາຍອື່ນ 8 ສະບັບ ຊຶ່ງແມ່ນຈຳນວນຫຼາຍກວ່າເມື່ອທຽບໃສ່ກອງປະຊຸມສະໄໝສະພາແຫ່ງຊາດຄັ້ງກ່ອນໆ. ທ່ານ ເຢືອງຈຸງກ໋ວກ ສະມາຊິກສະພາແຫ່ງຊາດແຂວງ ດົງນາຍ ຖືວ່າ :
“ ກອງປະຊຸມສືບຕໍ່ນຳເນື້ອໃນຈິດໃຈຂອງ ລັດຖະທຳມະນູນປີ 2013 ເຂົ້າສູ່ຊີວິດຕົວຈິງ ດ້ວຍການສ້າງລະບົບກົດໝາຍໃຫ້ສົມບູນແບບ. ໃນກອງປະຊຸມສະພາແຫ່ງຊາດເທື່ອນີ້, ໄດ້ຮັບຮອງເອົາບາງປະມວນກົດໝາຍສະບັບປັບປຸງທີ່ເປັນພື້ນຖານ ກ່ຽວຂ້ອງເຖິງສິດພື້ນຖານຂອງມະນຸດເຊັ່ນ: ກົດໝາຍວ່າດ້ວຍການລົງປະຊາມະຕິ, ປະມວນກົດໝາຍອາຍາ, ປະມວນກົດໝາຍແພ່ງ….ຂ້າພະເຈົ້າຖືວ່າ ນີ້ແມ່ນຄວາມປະທັບໃຈເພື່ອສ້າງລະບົບກົດໝາຍໃຫ້ສົມບູນແບບ ”
ຈຸດສຸມໃນການປຶກສາຫາລືບັນດາມາດຕະການພັດທະນາເສດຖະກິດ-ສັງຄົມ
ທີ່ກອງປະຊຸມເທື່ອນີ້, ສະພາແຫ່ງຊາດໄດ້ສະຫງວນເວລາ 12 ວັນເພື່ອປຶກສາຫາລື, ພິຈາລະນາໝາກຜົນແຫ່ງການປະຕິບັດແຜນພັດທະນາເສດຖະກິດ-ສັງຄົມປີ 2015 ແລະ 5 ປີຕໍ່ໆໄປ. ທ່ານເຈີນຮ່ວາງເງິນ ສະມາຊິກສະພາແຫ່ງຊາດນະຄອນໂຮ່ຈິມິນ ໃຫ້ຮູ້ວ່າ :
“ ພວກເຮົາມີຄວາມປະເອີບໃຈຕໍ່ເສດຖະກິດເຕີບໂຕລື່ນກາຍຄາດໝາຍ. ເປັນຄັ້ງທຳອິດໃນ 5 ປີ ທີ່ຜ່ານມາ, GDP ໃນປີ 2015 ຄາດຄະເນວ່າ ເພີ່ມຂຶ້ນ 6,5% ລື່ນກາຍຄາດໝາຍທີ່ໄດ້ວາງອອກແມ່ນ 6,2%. ດ້ານອື່ນ, ວິວັດການສ້າງໂຄງປະກອບເສດຖະກິດຄືນໃໝ່ໄດ້ບັນລຸໝາກຜົນໃດໜຶ່ງ, ແລ້ວກໍຮອດບັນດາກົດໝາຍທີ່ກ່ຽວຂ້ອງເຖິງດ້ານເສດຖະກິດ ກໍໄດ້ເສີມຂະຫຍາຍຄຸນປະໂຫຍດຂອງມັນ ”
ບັນດາສະມາຊິກສະພາແຫ່ງຊາດໄດ້ຊີ້ແຈ້ງວ່າ ບຸລິມະສິດໃນສະເພາະໜ໊າຂອງຫວຽດນາມແມ່ນສ້າງເສດຖະກິດມະຫາພາກເປັນປົກກະຕິ, ຮັກສາທ່າເຕີບໂຕເສດຖະກິດໄວ້ໄດ້. ບັນດາສະມາຊິກສະພາແຫ່ງຊາດໄດ້ນຳສະເໜີບັນດາມາດຕະການປະຕິບັດຢ່າງຄົບຊຸດ, ຂ້ຽວຂາດ ກ່ຽວກັບການສ້າງໂຄງປະກອບເສດຖະກິດຄືນໃໝ່ຕິດພັນກັບການປ່ຽນໃໝ່ຮູບແບບການເຕີບໂຕ; ສ້າງລະບອບເສດຖະກິດຕະຫຼາດໃຫ້ສົມບູນແບບ, ຄົບຊຸດ, ທັນສະໄໝ. ສະພາແຫ່ງຊາດຍັງໄດ້ເປັນເອກະພາບໃນໄລຍະ 5 ປີ 2016-2020, ຫວຽດນາມວາງຄາດໝາຍການເຕີບໂຕ GDP ໃຫ້ບັນລຸແຕ່ 6,5-7%; ດັດຊະນີລາຄາໃຊ້ສອຍ CPI ເພີ່ມໃນລະດັບປະມານ 5%, ຮັບປະກັນຊີວິດສັງຄົມ