(vovworld)- 4 ທົດສະວັດຜ່ານມາ ນັບແຕ່ເມື່ອວັນທີ 30/4/1975, ຊື່ງແມ່ນມື້ປະຫວັດສາດສິ້ນສຸດສົງຄາມຂອງອາເມລິກາ ຢູ່ ຫວຽດນາມ. ຫລັງຈາກນັ້ນ 20 ປີ, ຫວຽດນາມ ແລະ ອາເມລິກາ ໄດ້ສ້າງການພົວພັນເປັນປົກກະຕິຄືນໃຫມ່. 20 ປີອີກ, ສາຍພົວພັນລະຫວ່າງ ຫວຽດນາມ ແລະ ອາເມລິກາ ໄດ້ພັດທະນາກ່ຽວກັບທຸກດ້ານຢ່າງວ່ອງໄວ, ພິເສດ ແມ່ນເສດຖະກິດ ແລະ ສັງຄົມ. ໄລຍະທາງນັ້ນ, ການຮ່ວມມືທາງດ້ານວັດທະນະທຳ, ວິທະຍາສາດ ແລະ ການສຶກສາ ໄດ້ຮັບການຜັນຂະຫຍາຍກ່ອນ, ສິ່ງດັ່ງກ່າວໄດ້ສ້າງອາລົມຈິດອັນດີງາມລະຫວ່າງ ປະຊາຊົນສອງປະເທດ.
ທ່ານ Phil Rognier ພ້ອມກັບພວກນ້ອງນ້ອຍຢູ່ຮ່າໂນ້ຍ
ພາບ:bongchay.vn
|
ການຮ່ວມມືທາງດ້ານວັດທະນະທຳ, ວິທະຍາສາດ ແລະ ການສຶກສາ ລະຫວ່າງຫວຽດນາມ ແລະ ອາເມລິກາ ປະຈຸບັນ ສືບຕໍ່ແມ່ນຫນຶ່ງໃນບັນດາເສົາຄ້ຳຂອງການພົວພັນສອງຝ່າຍ, ເພີ່ມພູນຄູນສ້າງຈິດໃຈ ແລະ ພູມປັນຍາໃຫ້ແກ່ລຸ້ນຕ່າງໆໃນອະນາຄົດຂອງສອງຊາດ. ການຮ່ວມມືນີ້ແມ່ນສານແຫ່ງການປ່ອງດອງ, ສັນຕິພາບ ແລະ ພັດທະນາ.
ການພົວພັນແລກປ່ຽນຜ່ານການແຂ່ງຂັນ baseball
ທ່ານ Phil Rognier ທະຫານຜ່ານເສີກ ອາເມລິກາ ແບ່ງປັນດ້ວຍຄວາມຈິງໃຈວ່າ: ເພື່ອສາມາດລົບລ້າງຄວາມອາຄາດບາດໝາງໃນອະດີດຕະການ ວິທີດີສຸດ ແມ່ນພົວພັນດ້ານວັດທະນະທຳນຳກັນ. ດ້ວຍຄວາມຄິດນັ້ນ, ທ່ານ Phil Rognier, ທັງແມ່ນຜູ້ອຳນວຍການຝ່າຍບໍລິຫານ ກອງທຶນ First Swing, ຊື່ງແມ່ນອົງການບໍ່ຂຶ້ນກັບລັດຖະບານ ກ່ຽວກັບກິລາປະເພດ baseball ໄດ້ນຳເອົາປະເພດກິລາ ນີ້ມາແນະນຳຢູ່ຫວຽດນາມ. ສິ່ງທີ່ເຮັດໃຫ້ທ່ານຮູ້ສຶກແປກປະຫລາດເມື່ອຄັ້ງທຳອິດ ມາຫວຽດນາມ ໃນປີ 2009 ແມ່ນໄດ້ຮັບການຕ້ອນຮັບຢ່າງອົບອຸ່ນ ແລະ ສະຫນິດສະຫນົມ ຈາກ ຊາວຫວຽດນາມ ບໍ່ພຽງແຕ່ສຳລັບກິລາປະເພດນີ້. ສິ່ງດັ່ງກ່າວໄດ້ເລັ່ງລັດທ່ານ ພັດທະນາກິລາປະເພດ baseball ນີ້ຢູ່ ຫວຽດນາມ. ປະຈຸບັນ First Swing ໄດ້ຫນູນຊ່ວຍກໍ່ສ້າງສະໂມສອນ baseball ກວ່າ 10 ແຫ່ງຢູ່ ຫວຽດນາມ. ເມື່ອນັກຮຽນ ອາເມລິກາ ພັກຜ່ອນໃນລະດູບານໃຫມ່, First Swing ຂອງທ່ານ Phil ໄດ້ສົ່ງສະໂມສອນ Seattle Klouters ມາຫວຽດນາມ ເພື່ອພົວພັນແລກປ່ຽນກັບບັນດາໂຮງຮຽນປະຖົມ ແລະ ມັດທະຍົມຕອນຕົ້ນ. ຄູຝຶກ Phil Rognier ແບ່ງປັນວ່າ:
“ພວກຂ້າພະເຈົ້າບໍ່ອຸປະຖຳເງິນ ຫາກນຳເອົາກິລາປະເພດ baseball ມາຫວຽດນາມເພື່ອຊ່ວຍໃຫ້ພວກນ້ອງມີເວລາຢ່ອນອາລົມນຳກັນ. ເດັກນ້ອຍ ອາເມລິກາ ປີໃດກໍມາຫວຽດນາມ ແລະ ເດັກນ້ອຍ ຫວຽດນາມ ກໍໄດ້ໄປຍັງອາເມລິກາໃນໂອກາດລະດູແລ້ງ ເພື່ອຝຶກອົບຮົມ ແລະ ແຂ່ງຂັນ. ລາຍການນີ້ເພື່ອໃຫ້ພວກນ້ອງສາມາດຮ່ຳຮຽນເຊິ່ງກັນ ແລະ ກັນໃນສະພາບແວດລ້ອມແຫ່ງການສຶກສາທີ່ປອດໄພ, ເບີກບານມ່ວນຊື່ນ ແລະ ມີລັກສະນະແກ້ງແຍ້ງ.”
ສຳລັບນັກຮຽນ ອາເມລິກາ, ພວກນ້ອງກໍເຊັ່ນດຽວກັນກັບທ່ານ Phil Rognier ເມື່ອມາຫວຽດນາມເປັນຄັ້ງທຳອິດ ໃນປີ 2009, ພວກນ້ອງກໍຮູ້ສຶກແປກປະຫລາດຕໍ່ການຕ້ອນຮັບຢ່າງອົບອຸ່ນຈາກພວກເພື່ອນຫວຽດນາມ ກໍນິຍົມກິລາປະເພດ baseball ທີ່ສຸດ. ບັນດາລາຍການພົວພັນແລກປ່ຽນຢູ່ ຫວຽດນາມ ແມ່ນໂອກາດທີ່ດີເພື່ອໃຫ້ພວກນ້ອງເຂົ້າໃຈກ່ຽວກັບປະເທດຫວຽດນາມກວ່າ. ເພື່ອນ Ryan Yong ອາຍຸ 18 ປີ ຊື່ງແມ່ນສະມາຊິກຂອງ ສະໂມສອນ Siato Claoto ໃຫ້ຮູ້ວ່າ:
“ເມື່ອຂ້າພະເຈົ້າໂອ້ລົມກັບທຸກຄົນກ່ຽວກັບການຢ້ຽມຢາມຫວຽດນາມ ເຂົາເຈົ້າລ້ວນແຕ່ຮູ້ສຶກເສຍດາຍບໍ່ທັນມີໂອກາດມາຫວຽດນາມ. ກ່ອນຫນ້ານັ້ນ ທຸກສິ່ງທຸກຢ່າງທີ່ພວກຂ້າພະເຈົ້າຮູ້ຈັກເຖິງຫວຽດນາມ ນັ້ນແມ່ນສົງຄາມເທົ່ານັ້ນ. ອາຈານຂອງຂ້າພະເຈົ້າເຄີຍເລົ່າໃຫ້ຟັງວ່າ ນ້ອງຊາຍຂອງເພີ່ນໄດ້ມາຫວຽດນາມ ແລະ ຊາວຫວຽດນາມ ທຸກຄົນຕ່າງກໍສະຫນິດສະຫນົມ, ຮັກແພງແຂກທີ່ສຸດ. ເມື່ອມານີ້ ຂ້າພະເຈົ້າຮູ້ສຶກໄດ້ສິ່ງດັ່ງກ່າວ.”
ບໍ່ພຽງແຕ່ສົ່ງນັກຮຽນ ອາເມລິກາ ມາຫວຽດນາມ ເທົ່ານັ້ນ First Swing ກໍໄດ້ຈັດສົ່ງນັກຮຽນ ຫວຽດນາມ ໄປຍັງ ອາເມລິກາ ເພື່ອແຂ່ງຂັນ baseball. ສຳລັບນັກຮຽນ ຫວຽດນາມ, ຝືກອົບຮົມ baseball ສາມາດຊ່ວຍໃຫ້ພວກນ້ອງເຂົ້າໃຈກ່ຽວກັບວັດທະນະທຳ ອາເມລິກາ ກວ່າ.
ເພີ່ມທະວີການຮ່ວມມືດ້ານການສຶກສາ
ໃນຊຸມປີຜ່ານມາ, ລາຍການພົວພັນແລກ່ປຽນວັດທະນະທຳ ສຶກສາ ລະຫວ່າງຫວຽດນາມ ແລະ ອາເມລິກາ ໄດ້ພັດທະນາຢ່າງບໍ່ຢຸດຢັ້ງ. ຈຳນວນນັກສຶກສາຫວຽດນາມ ຮ່ຳຮຽນຢູ່ບັນດາມະຫາວິທະຍາໄລ ແລະ ວິທະຍາໄລຂອງ ອາເມລິກາ ນັບມື້ນັບເພີ່ມຂຶ້ນ. ຄາດວ່າ ໃນປີ 2014, ມີນັກຮຽນ ນັກສຶກສາຫວຽດນາມ 20.000 ຄົນໄດ້ຮ່ຳຮຽນຢູ່ ອາເມລິກາ. ແລະ ນັບມື້ນັບມີຫລາຍລາຍການແລກປ່ຽນການສຶກສາ ຫລື ຮ່ວມສຳພັນລະຫວ່າງບັນດາໂຮງຮຽນ ຫວຽດນາມ ແລະ ອາເມລິກາ, ນັບທັງຊັ້ນປະຖົມ. ພົ້ນເດັ່ນ ປີ 2013, ໂຮງຮຽນມັດທະຍົມສາກົນ ຫວຽດນາມ ຢູ່ ຮ່າໂນ້ຍ ໄດ້ສົ່ງບັນດານັກຮຽນຊຸດທຳອິດໄປຍັງ ອາເມລິກາ ໃນລາຍການພົວພັນແລກປ່ຽນນັກຮຽນ ກັບໂຮງຮຽນມັດທະຍົມ George Washington. ແບ່ງປັນກ່ຽວກັບຄວາມໝາຍຂອງລາຍການແລກປ່ຽນສຶກສາ, ທ່ານ ຫງວຽນວີງເຕີມ, ປະທານສະພາບໍລິຫານໂຮງຮຽນມັດທະຍົມສາກົນ ຫວຽດນາມ ໃຫ້ຮູ້ວ່າ:
“ລາຍການໄດ້ສ້າງປະຖົມປັດໄຈທີ່ດີໃຫ້ນັກຮຽນຫວຽດນາມ ກໍຄື ນັກຮຽນ ອາເມລິກາ ມີຄວາມເຂົ້າໃຈ, ສາມັກຄີ ແລະ ສະຫນິດຕິດພັນນຳກັນກວ່າ. ຕາມທັດສະນະຂອງຂ້າພະເຈົ້າແລ້ວ, ພວກເຮົາຄວນປິດອະດີດຕະການ, ມຸ່ງໄປເຖິງອະນາຄົດ.”
ປີ 2000, ເມື່ອມາຢ້ຽມຢາມ ຫວຽດນາມ, ອະດີດປະທານາທິບໍດີ ອາເມລິກາ Bill Clinton ມີຂໍ້ລິເລິ່ມສ້າງຕັ້ງກອງທຶນສຶກສາຫວຽດນາມ (VEF) ເພື່ອສະຫງວນທຶນສຶກສາ 5 ລ້ານ USD/ປີ ໃຫ້ແກ່ນັກຮຽນ ຫວຽດນາມ ຮຽນປະລິຍາໂທໃນຂະແຫນງວິທະຍາສາດ ແລະ ຫລັງຈາກນັ້ນ ເປີດກວ້າງ ລວມທັງ ການແພດວົງຄະນາຍາດ ແລະ ວິທະຍາສາດສິ່ງແວດລ້ອມ. 15 ປີ ພາຍຫລັງໄດ້ຮັບການຜັນຂະຫຍາຍ, ກອງທຶນສຶກສາ ຫວຽດນາມໄດ້ສ້າງກຸ່ມຫນຶ່ງ ລວມມີ ມະຫາວິທະຍາໄລ 100 ແຫ່ງ ຢູ່ ອາເມລິກາ ໝັ້ນໝາຍຍູ້ແຮງການຮ່ວມມືກັບຫວຽດນາມ. ທ່ານນາງ ບູ່ຍເຟືອງລານ, ຜູ້ຊ່ຽວຊານຄົ້ນຄ້ວາກ່ຽວກັບ ອາເມລິກາເຫນືອ, ອະດີດທີ່ປຶກສາຂັ້ນສູງຂອງກອງທຶນສຶກສາຫວຽດນາມ ຖືວ່າ: ເລື່ອງນັກສຶກສາສອງປະເທດພົບປະແລກປ່ຽນດ້ານສຶກສາ ໄດ້, ພວມ ແລະ ຈະເປີດປະຕູໃຫ້ການຮ່ວມມືອັນໃຫຍ່ຫລວງລະຫວ່າງ ຫວຽດນາມ ແລະ ອາເມລິກາ ໃນອະນາຄົດ.
“ໃນໄລຍະຜ່ານມາ, ການພົວພັນແລກປ່ຽນ ແລະ ການຮ່ຳຮຽນ ກໍຄືເຮັດວຽກ, ໄດ້ສ້າງກາລະໂອກາດໃຫ້ຊາວ ອາເມລິກາ ເຂົ້າໃຈກ່ຽວກັບຫວຽດນາມ ກວ່າ, ຂ້າພະເຈົ້າຄິດວ່າ ນີ້ກໍແມ່ນວິວັດການ ປະກອບສ່ວນຊ່ວຍໃຫ້ພວກເຮົາສ້າງກຳລັງແຮງລະຫວ່າງສອງປະເທດນຳກັນ ແລະ ສ້າງຄວາມໄວ້ເນື້ອເຊືີ່ອໃຈນຳກັນ.”
ສົງຄາມໄດ້ຜ່ານພົ້ນໄປ 40 ປີແລ້ວ, ປະຈຸບັນ ຫວຽດນາມ ແລະ ອາເມລິກາ ພວມມີຄົນລຸ້ນໃຫມ່, ບໍ່ຖືຫນັກອະດີດຕະການ. ເພາະສະນັ້ນ ການຮ່ວມມືດ້ານວັດທະນະທຳຂອງຄົນລຸ້ນຫນຸ່ມ ຍິ່ງເຮັດໃຫ້ການພົວພັນເປັນປົກກະຕິລະຫວ່າງສອງປະເທດ ເລິກເຊິ່ງ ແລະ ແທດຈິງກວ່າ.