(vovworld)- ສິ້ນສຸດການເຂົ້າຮ່ວມກອງປະຊຸມສົນທິສັນຍາແມ່ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ ຄັ້ງທີ 21 (COP 21) ດຳເນີນໄປຢູ່ ປາຊີ ປະເທດ ຝລັ່ງ, ວັນທີ 2/12 ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ໄປຢ້ຽມຢາມ, ເຮັດວຽກຢູ່ ລາຊະອານາຈັກ ແບນຊິກ ແລະ ສະຫະພາບເອີລົບ. ການຢ້ຽມຢາມ ເພື່ອແນໃສ່ປະກອບສ່ວນເພີ່ມທະວີການພົວພັນມິດຕະພາບ, ການຮ່ວມມືຫລາຍດ້ານ ລະຫວ່າງ ຫວຽດນາມ ກັບ ສະຫະພາບເອີລົບ (ອີຢູ) ເວົ້າລວມ, ລາຊະອານາຈັກ ແບນຊິກ ເວົ້າສະເພາະ.
ທ່ານນາຍົກລັດຖະມົນຕີ ຫງວຽນເຕີນຢູງ ຢູ່ ສະຫນາມບິນ ບຣຸກແຊນ
ພາບ: news.zing.vn |
ສືບທອດບັນດາໝາກຜົນຕັ້ງຫນ້າທີ່ບັນລຸໄດ້ໃນໄລຍະຜ່ານມາ, ບັນດາການເຄື່ອນໄຫວ ແລະ ພົບປະສອງຝ່າຍຂອງທ່ານນາຍົກລັດຖະມົນຕີ ຫງວຽນເຕີນຢູງ ຢູ່ ອີຢູ ແລະ ແບກຊິກ ມີບົດບາດສຳຄັນໃນການຮັກສາການເຈລະຈາຂັ້ນສູງ, ແມ່ນປະຖົມປັດໄຈເພື່ອຊຸກຍູ້ການຮ່ວມມືໃນຂົງເຂດຈຳນວນຫນຶ່ງສຳເລັດຜົນກວ່າອີກ, ເປີດບັນດາຂົງເຂດຮ່ວມມືໃຫມ່ເໝາະສົມກັບຄວາມມຸ່ງມາດປາດຖະຫນາ ແລະ ຄວາມຕ້ອງການຂອງທັງສອງຝ່າຍ. ພິເສດ ການຢ້ຽມຢາມເປັນຂີດໝາຍໄລຍະຮ່ວມມືໃຫມ່ ລະຫວ່າງ ອີຢູ ກັບບັນດາປະເທດສະມາຊິກໃນ ອີຢູ ດ້ວຍເລື່ອງສອງຝ່າຍສຳເລັດການລົງນາມໃນສັນຍາແມ່ກ່ຽວກັບຄູ່ຮ່ວມມື ແລະ ການຮ່ວມມືຮອບດ້ານ (PCA).
ຮັກສາການເຈລະຈາຂັ້ນສູງ
ໃນການຢ້ຽມຢາມ, ເຮັດວຽກ ຢູ່ ອີຢູ ຄັ້ງນີ້, ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ມີການພົບປະຄັ້ງຕ່າງໆກັບການນຳຫລັກແຫລ່ງຂອງອີຢູ ເກືອບທັງໝົດ. ຜ່ານບັນດາການພົບປະນີ້, ສອງຝ່າຍໄດ້ແລກປ່ຽນບັນດາມາດຕະການ ຍູ້ແຮງການຮ່ວມມືໃນບັນດາຂົງເຂດບຸລິມະສິດ ລະຫວ່າງ ຫວຽດນາມ ແລະ ອີຢູຄື: ພະລັງງານ, ການເຕີບໂຕຂຽວ, ສອນວິຊາຊີບ. ເປັນຫນ້າສົນໃຈ, ໃນໂອກາດນີ້, ຫວຽດນາມ ແລະ ອີຢູ ໄດ້ອອກຖະແຫລງການຮ່ວມສິ້ນສຸດການເຈລະຈາ ແລະ ລົງນາມໃນສັນຍາການຄ້າເສລີ ຫວຽດນາມ - ອີຢູ ຢ່າງເປັນທາງການ ພາຍຫລັງເຈລະຈາເປັນ 14 ຄັ້ງ ແລະດຳເນີນໃນໄລຍະກວ່າ 5 ປີ.
ສ່ວນຢູ່ ນະຄອນຫລວງ ບຣຸກແຊນ ປະເທດ ແບນຊິກ, ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ເຈລະຈາກັບ ນາຍົກລັດຖະມົນຕີ ແບນຊິກ Charles Michel. ທີ່ການເຈລະຈາ, ນາຍົກລັດຖະມົນຕີ ທັງສອງທ່ານ ໄດ້ພ້ອມກັນແລກປ່ຽນບັນດາການກຳນົດທິດໃຫຍ່ຢ່າງເລິກເຊິ່ງ, ກວ້າງຂວາງ ແລະ ເປັນເອກະພາບບັນດາມາດຕະການລະອຽດ ເພື່ອສືບຕໍ່ຮັດແຫນ້ນການພົວພັນມິດຕະພາບອັນດີງາມລະຫວ່າງສອງປະເທດ ພ້ອມທັງຍູ້ແຮງການຮ່ວມມືສອງຝ່າຍໃນຫລາຍຂົງເຂດ, ເປັນຕົ້ນ ແມ່ນເສດຖະກິດ, ການຄ້າ, ການລົງທຶນ, ທ່າກຳປັ່ນ, ບໍລິການພະລາທິການ, ຄົມມະນາຄົມຂົນສົ່ງ, ການບິນ ແລະ ການສຶກສາບຳລຸງສ້າງ… ອັນໄດ້ນຳມາເຊິ່ງຜົນປະໂຫຍດອັນແທດຈິງໃຫ້ແກ່ທັງ ຫວຽດນາມ ແລະ ລາຊະອານາຈັກແບນຊິກ.
ກຽມພ້ອມໃຫ້ໄລຍະຮ່ວມມືໃຫມ່ຢູ່ໃນລະດັບສູງກວ່າ
ແບນຊິກແມ່ນປະເທດເອີລົບຕາເວັນຕົກ ມີການພົວພັນທາງການທູດກັບຫວຽດນາມ ແຕ່ຊຸມປີ 1970 ແລະ ການພົວພັນທີ່ເປັນມູນເຊື້ອນີ້ ສອງປະເທດໄດ້ຮັກສາ ແລະ ພັດທະນາໃນຫລາຍປີຜ່ານມາ. ແບນຊິກ ແມ່ນຄູ່ຮ່ວມມືທີ່ຂະຫຍັນຂັນເຄື່ອນ ແລະ ມີປະສິດທິຜົນຂອງຫວຽດນາມ ໃນບັນດາເວທີປາໄສສາກົນ ແລະ ພາກພື້ນ ຄື: ສປຊ, ການຮ່ວມມື ອາຊີ ເອີລົບ. ຄຽງຄູ່ກັນນັ້ນ ແບນຊິກ ແມ່ນຫນຶ່ງໃນບັນດານັກລົງທຶນ ແລະ ຕະຫລາດໃຫຍ່ຂອງຫວຽດນາມ ຢູ່ ເອີລົບ. ນອກນັ້ນ ການຮ່ວມມືໃນບັນດາຂົງເຂດວິຊາສະເພາະກໍພັດທະນາຢ່າງຕັ້ງຫນ້າ ພິເສດ ແມ່ນການຮ່ວມມືທາງດ້ານການສຶກສາ ບຳລຸງສ້າງ, ວິທະຍາສາດເຕັກໂນໂລຊີ, ວັດທະນະທຳ ການທ່ອງທ່ຽວ. ເມື່ອເວົ້າເຖິງຜົນສຳເລັດໃນການພົວພັນຮ່ວມມື ລະຫວ່າງຫວຽດນາມ ແລະແບນຊິກ, ຕ້ອງເວົ້າເຖິງການພົວພັນຮ່ວມມືລະຫວ່າງບັນດາທ້ອງຖິ່ນ. ການຮ່ວມມືລະຫວ່າງບັນດາທ້ອງຖິ່ນ ຂອງຫວຽດນາມ ກັບບັນດາລັດ, ເຂດ ແລະ ປະຊາຄົມ ຂອງແບນຊິກ ໄດ້ກາຍເປັນບັນດາແບບຢ່າງຮ່ວມມືຢ່າງມີປະສິດທິຜົນ ຢູ່ ອາຊີຕາເວັນອອກສ່ຽງໃຕ້. ນອກຈາກບັນດາຂອບເຂດຮ່ວມມືສອງຝ່າຍ, ການພົວພັນລະຫວ່າງ ຫວຽດນາມ ແລະ ແບນຊິກ ຍັງໄດ້ຮັບການຍູ້ແຮງໃນບັນດາຂອບເຂດຫລາຍຝ່າຍ ເພື່ອພ້ອມກັນແກ້ໄຂບັນດາສິ່ງທ້າທາຍທົ່ວໂລກຄື: ຄວາມໝັ້ນຄົງໃນພາກພື້ນ, ການປ່ຽນແປງຂອງດິນຟ້າອາກາດ, ການພັດທະນາແບບຍືນຍົງ.
ໃນຂະນະນັ້ນ, ການຢ້ຽມຢາມ ອີຢູ ຂອງທ່ານນາຍົກລັດຖະມົນຕີ ຫງວຽນເຕີນຢູງ ດຳເນີນໃນສະພາບສອງຝ່າຍພວມສະເຫລີມສະຫລອງ 25 ປີແຫ່ງວັນສ້າງການພົວພັນທາງການທຸດ, ສຳເລັດການໃຫ້ສັດຕະຍາບັນສັນຍາແມ່ກ່ຽວກັບຄູ່ຮ່ວມມື ແລະ ການຮ່ວມມືຮອບດ້ານ, ລົງນາມ ແລະ ໃຫ້ສັດຕະຍາບັນສັນຍາການຄ້າເສລີ ຫວຽດນາມ ແລະ ອີຢູ . PCA ແມ່ນສັນຍາ ກຳນົດບັນດາຫລັກການພື້ນຖານ, ມີເນື້ອໃນ, ຂອບເຂດ ແລະ ຮູບການຮ່ວມມື, ສ້າງຂອບເຂດຮ່ວມມືຮອບດ້ານລະຫວ່າງຫວຽດນາມ ແລະ ອີຢູ ໃນທຸກຂົງເຂດ. ສັນຍາການຄ້າເສລີ ຫວຽດນາມ ແລະ ອີຢູ ແມ່ນເອກະສານດ້ານນິຕິກຳສຳຄັນ ເພື່ອປັບປຸງບັນດາການພົວພັນດ້ານເສດຖະກິດ, ການຄ້າ ແລະການລົງທຶນລະຫວ່າງ ຫວຽດນາມ ແລະ ອີຢູ, ສ້າງສະພາບແວດລ້ອມເສລີ, ສະດວກສະບາຍໃຫ້ບັນດາວິສາຫະກິດ, ນັກລົງທຶນ ນັບທັງຫວຽດນາມ ແລະ ອີຢູ. ສັນຍາການຄ້າເສລີ ຫວຽດນາມ ແລະ ອີຢູ ປະກອບສ່ວນສ້າງກາລະໂອກາດຫລາຍຢ່າງກ່ຽວກັບການລົງທຶນ, ການຄ້າ, ປັບປຸງສະພາບແວດລ້ອມແຫ່ງການດຳເນີນທຸລະກິດ ແລະ ນຳມາເຊິ່ງຜົນປະໂຫຍດຫລາຍສຸດໃຫ້ແກ່ປະຊາຊົນ, ວິສາຫະກິດສອງຝ່າຍ. ສະນັ້ນ ການຢ້ຽມຢາມຄັ້ງນີ້ຂອງທ່ານນາຍົກລັດຖະມົນຕີ ຫງວຽນເຕີນຢູງ ເປັນຂີດໝາຍສຳຄັນ ແມ່ນບາດລ້ຽວໃນການພົວພັນຮ່ວມມືລະຫວ່າງຫວຽດນາມ ແລະ ອີຢູ.
ປະຈຸບັນ ການພົວພັນຮ່ວມມື ລະຫວ່າງຫວຽດນາມ ແລະ ອີຢູ ໄດ້ກຽມພ້ອມຳໄປສູ່ນລະດັບສູງໃຫມ່. ດ້ວຍປະຖົມປັດໄຈທີ່ໄດ້ຮັບການສ້າງຂຶ້ນໃນ 25 ປີຜ່ານມາ, ການຢ້ຽມຢາມ ອີຢູ ຂອງທ່ານນາຍົກລັດຖະມົນຕີ ຫງວຽນເຕີນຢູງ ສືບຕໍ່ຊຸກຍູ້ການພົວພັນຮ່ວມມື ລະຫວ່າງຫວຽດນາມ - ອີຢູ ເຂົ້າສູ່ລວງເລິກ, ຕາມທິດຮອບດ້ານກວ່າ, ມີປະສິດທິຜົນ ແລະ ແທດຈິງກວ່າ, ນຳມາເຊິ່ງຜົນປະໂຫຍດໃຫ້ທັງສອງຝ່າຍຫລາຍກວ່າ, ເປັນຕົ້ນໃນບັນດາຂົງເຂດການຮ່ວມມືບຸລິມະສິດ.