ທ່ານ ເຈິ່ນຮ່ວາງເງິນ, ສສຊ ນະຄອນ ໂຮ່ຈີມິນ (ພາບ: quochoi.vn)

    ກອງປະຊຸມສະໄໝສາມັນເທື່ອທີ 8 ສະພາແຫ່ງຊາດຫວຽດນາມ ຊຸດທີ XV ມີປະລິມານວຽກງານຫຼວງຫຼາຍທີ່ສຸດ ນັບແຕ່ຕົ້ນອາຍຸການມາຮອດປະຈຸບັນ ຊື່ງໄດ້ຮັບຮອງເອົາກົດໝາຍ, ຮ່າງກົດໝາຍສຳຄັນຫຼາຍສະບັບ ແລະ ກໍ່ແມ່ນສະໄໝປະຊຸມທຳອິດ ໄດ້ຫັນມະຕິກອງປະຊຸມສູນກາງຄັ້ງທີ 10 ຊຸດທີ XIII, ເປັນລະອຽດ, ແກ້ໄຂຫຼາຍບັນຫາສຳຄັນ, ສ້າງປະຖົມປັດໄຈ ນຳປະເທດຊາດກ້າວເຂົ້າສູ່ສັງກາດໃໝ່-ສັງກາດບຸກບືນຂອງຊາດ ຫວຽດນາມ.

ຈິດໃຈປ່ຽນແປງໃໝ່ຈີນຕະການການຢ່າງແຮງ

    ໃນມື້ທຳອິດຂອງກອງປະຊຸມ, ສະພາແຫ່ງຊາດໄດ້ດຳເນີນການບູລະນະກົງຈັກລັດທັງໝົດ, ໃນນັ້ນ ແມ່ນການເລືອກຕັ້ງທ່ານ ເລືອງເກື່ອງ ເປັນປະທານປະເທດ ອາຍຸການ 2021-2026.

  ສສຊ ໄດ້ລົງມະຕິຮັບຮອງເອົາຮ່າງກົດໝາຍ, ຮ່າງມະຕິຫຼາຍສະບັບ, ບັນຍາກາດໃນວາລະປຶກສາລືຄັ້ງຕ່າງໆກ່ຽວກັບເສດຖະກິດ ສັງຄົມ ແລະ ບັນດາຮ່າງກົດໝາຍ, ຮ່າງມະຕິ ກໍ່ຄືການຕິດຕາມກວດກາ ໄດ້ດຳເນີນໄປຢ່າງມີປະຊາທິປະໄຕ, ກົງໄປກົງມາ, ສ່ອງແສງຢ່າງທັນການ, ພາວະວິໄສ, ຮອບດ້ານບັນດາບັນຫາຕົວຈິງທີ່ໄດ້ວາງອອກ. ສະເພາະວາລະຊັກຖາມ ແລະ ຕອບຄຳຊັກຖາມ ທີ່ດຳເນີນໃນເວລາ 2 ວັນ ໄດ້ມີນັບຮ້ອຍຄຳເຫັນຊັກຖາມ ແລະ ໂຕ້ວາທີ. ທ່ານ ເຈິ່ນຮ່ວາງເງິນ, ສສຊ ນະຄອນ ໂຮ່ຈີມິນ ຕີລາຄາວ່າ:

 ໃນວາລະຊັກຖາມກໍ່ເຫັນໄດ້ຜົນສຳເລັດ ແລະ ຄວາມຟົດຟື້ນນັບແຕ່ບັນດາຄຳຖາມທຳອິດ, ກໍ່ມີການໂຕ້ວາທີລະຫວ່າງ ສສຊ ແລະ ຜູ້ຕອບ. ນີ້ແມ່ນສັນຍານທີ່ຕັ້ງໜ້າໃນກອງປະຊຸມສະພາແຫ່ງຊາດ ຮັບປະກັນລັກສະນະຈະແຈ້ງ, ຍຸດຕິທຳ, ຍົກອອກບັນດາບັນຫາທີ່ ປຊຊ ມີຄວາມສົນໃຈ.

ທ່ານ ຟານດຶກຮຽວ ກຳມາທິການເສດຖະກິດຂອງສະພາແຫ່ງຊາດ (ພາບ: quochoi.vn)

 ບັນດາລັດຖະນະໂຍບາຍບຸກທະລຸ, ສຸມໃສ່ການພັດທະນາເສດຖະກິດ-ສັງຄົມຢ່າງສູງສຸດ

  ຄຽງຂ້າງເລື່ອງສະພາແຫ່ງຊາດຮັບຮອງເອົາມະຕິ ກ່ຽວກັບແຜນການພັດທະນາເສດຖະກິດສັງຄົມ ປີ 2025 ຢ່າງເປັນທາງການ, ດ້ວຍເປົ້າໝາຍສັງລວມ ປີ 2025 ແມ່ນສູ້ຊົນບັນລຸໝາກຜົນບັນດາເປົ້າໝາຍ, ຄາດໝາຍສູງສຸດຂອງແຜນການພັດທະນາເສດຖະກິດສັງຄົມໄລນຍະ 5 ປີ ຄືແຕ່ປີ 2021 – 2025,  ຊື່ງແມ່ນຂີດໝາຍສຳຄັນທີ່ກອງປະຊຸມຄັ້ງນີ້ ແມ່ນສະພາແຫ່ງຊາດ ໄດ້ຮັບຮອງເອົາມະຕິກ່ຽວກັບແຜນນະໂຍບາຍລົງທຶນກໍ່ສ້າງໂຄງການເສັ້ນທາງລົດໄຟຄວາມໄວສູງ ເໜືອ-ໃຕ້ ຢ່າງເປັນທາງການ. ນີ້ແມ່ນໂຄງການທີ່ມີຄວາມໝາຍຍຸດທະສາດສຳຄັນພິເສດ ສຳລັບການພັດທະນາເສດຖະກິດສັງຄົມ ແລະ ການປ້ອງກັນຊາດ ປ້ອງກັນຄວາມສະຫງົບຂອງປະເທດຊາດ. ທ່ານ ຟານດຶກຮຽວ ກຳມາທິການເສດຖະກິດຂອງສະພາແຫ່ງຊາດ ໃຫ້ຂໍ້ສັງເກດວ່າ ນີ້ແມ່ນຈຸດເວລາດີທີ່ສຸດ ເພື່ອກໍ່ສ້າງກິດຈະກຳທີ່ເປັນສັນຍາລັກໃນສັງກາດບຸກບືນຂອງຊາດ:

  ຕາມຂ້າພະເຈົ້າແລ້ວ, ກອງປະຊຸມຄັ້ງນີ້ແມ່ນເໝາະສົມ ເພື່ອຕັດສິນແຜນນະໂຍບາຍລົງທຶນໂຄງການກໍ່ສ້າງທາງລົດໄຟຄວາມໄວສູງ. ໂຄງການນີ້ແມ່ນຈຳເປັນໃນສະພາບການປະເທດຊາດປະຈຸບັນ ແລະ ເພື່ອຜັນຂະຫຍາຍໂຄງການ ແມ່ນຕ້ອງເສຍເວລາຫຼາຍ. ໃນຈຸດເວລານີ້, ນີ້ແມ່ນໂຄງການທີ່ມີຄວາມເປັນໄປໄດ້.

   ແລະ ກໍ່ໃນກອງປະຊຸມ, ສສຊ ກໍ່ຮັບຮອງເອົາມະຕິກ່ຽວກັບການຊັບຊ້ອນຫົວໜ່ວຍບໍລິຫານຂັ້ນເມືອງ, ຕາແສງ ໄລຍະ 2023-2025 ຂອງ 12 ແຂວງ, ນະຄອນ. ນີ້ແມ່ນແຜນນະໂຍບາຍໃຫ່ຍຂອງມະຕິເລກທີ 18 ຂອງຄະນະບໍລິຫານງານສູນກາງພັກ ກ່ຽວກັບການສືບຕໍ່ປ່ຽນແປງໃໝ່, ຊັບຊ້ອນກົງຈັກການຈັດຕັ້ງຂອງລະບົບການເມືອງຢ່າງກະທັດລັດ, ເຄື່ອນໄຫວບັນລຸປະສິດທິຜົນ, ປະສິດທິພາບ. ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝີ້ນ ຢືນປັນວ່າ:

   ຄຳຮຽກຮ້ອງໄດ້ວາງອອກແມ່ນຮີບດ່ວນ, ລັກສະນະເປັນແບບຢ່າງ, ນຳໜ້າ, ເຂັ້ມງວດແມ່ນຕົ້ນຕໍ. ບໍ່ພຽງແມ່ນຫລຸດຜ່ອນແບບທຳມະດາ, ຕ້ອງຕິດພັນວຽກງານນີ້ກັບບັນດາສ້າງໂຄງປະກອບ, ຊັບຊ້ອນ, ຈັດຕັ້ງກົງຈັກແນວໃດໃຫ້ມີຄວາມກະທັດລັດ, ບັນລຸປະສິດທິຜົນ, ປະສິດທິພາບ, ລຸລ່ວງ. ສ້າງ ແລະ ຈັດຕັ້ງປະຕິບັດຮູບແບບສັງລວມຂອງກົງຈັກລະບົບການເມືອງ ຫວຽດນາມ ຕອບສະໜອງບັນດາຄຳຮຽກຮ້ອງ, ໜ້າທີ່ໃນໄລຍະການປະຕິວັດໃໝ່ໄດ້.

   ກອງປະຊຸມສະໄໝສາມັນເມື່ອທີ 8 ສະພາແຫ່ງຊາດຫວຽດນາມ ຊຸດທີ XV ໄດ້ດຳເນີນໄປ ກົງກັບຈຸດເວລາສຳຄັນ ເມື່ອ ຫວຽດນາມ ພວມສຸມໃສ່ສູ້ຊົນສຳເລັດບັນດາເປົ້າໝາຍ, ຄາດໝາຍ, ໜ້າທີ່ຂອງກອງປະຊຸມຄັ້ງທີ XIII ຂອງພັກເປັນຢ່າງດີທີ່ສຸດ, ສ້າງບາດກ້າວຫັນປ່ຽນຢ່າງແຮງ ເພື່ອພັດທະນາປະເທດຊາດໃນໄລຍະຈະມາເຖິງ. ບັນດາລັດຖະນະໂຍບາຍ ບົນຈິດໃຈປ່ຽນແປງໃໝ່ຢູ່ກອງປະຊຸມ ຈະສ້າງຄວາມເຊື່ອໝັ້ນໃຫ້ຜູ້ມີສິດເລືອກຕັ້ງ ແລະ ປຊຊ ທົ່ວປະເທດ ກ່ຽວກັບໄລຍະພັດທະນາຂອງປະເທດຊາດ./.