(vovworld)- ວັນທີ 2/9/1945 ຢູ່ ນະຄອນຫລວງ ຮ່າໂນ້ຍ, ທ່ານປະທານ ໂຮ່ຈິມີນ ໄດ້ອ່ານບົດຖະແຫລງປະກາດເອກະລາດ, ປະກາດກັບໂລກກ່ຽວກັບການສະຖາປະນາລັດແຫ່ງ ສາທາລະນະລັດປະຊາທິປະໄຕຫວຽດນາມ, ຊື່ງແມ່ນລັດຂອງກຳມະກອນຊາວຜູ້ນາລັດທຳອິດຢູ່ ອາຊີຕາເວັນອອກສ່ຽງໃຕ້. ໃນ 70 ປີຜ່ານມາ, ບົດຖະແຫລງປະກາດເອກະລາດ ໄດ້ຢືນຢັນຄຳຕັດສິນດ້ວຍຕົນເອງ, ສິດໄດ້ມີຊີວິດອັນຊອບທຳຂອງຊາດຫວຽດນາມ ຍັງຄົງມີຄຸນຄ່າປະຫວັດສາດ ແລະ ຍຸກສະໄຫມທີ່ເລິກເຊິ່ງ.
ປະທານໂຮ່ຈິມີນອ່ານບົດຖະແຫລງປະກາດເອກະລາດ
ພາບເອກະສານ
|
ບົດຖະແຫລງປະກາດເອກະລາດທີ່ອະມະຕະໂດຍປະທານໂຮ່ຈິມີນ ຮຽບຮຽງ ແລະ ອ່ານຕໍ່ຫນ້າປະຊາຊົນໃນທົ່ວປະເທດ, ບໍ່ພຽງແຕ່ສະແດງໃຫ້ເຫັນວິໄສທັດຍຸດທະສາດປີຊາສາມາດຂອງພັກກອມມູນິດຫວຽດນາມ ແລະ ປະທານໂຮ່ຈິມີນ ເທົ່ານັ້ນ ຫາກຍັງແມ່ນເອກະສານທີ່ສະຫງ່າອົງອາດປະກາດກັບໂລກວ່າ ລັດຫວຽດນາມ ມີສິດໄດ້ຊົມໃຊ້ເສລີພາບ ແລະ ເອກະລາດຄືດັ່ງບັນດາປະເທດອື່ນ, ນີ້ແມ່ນກົດເກນບໍ່ອາດປ່ຽນແປງໄດ້ຂອງປະຫວັດສາດ ແລະ ມວນມະນຸດທີ່ກ້າວຫນ້າໃນໂລກ. ບົດຖະແຫລງປະກາດເອກະລາດ ບໍ່ພຽງແຕ່ຢືນຢັນສິດເສລີພາບ, ເອກະລາດ, ເປັນເຈົ້າຕົນເອງ, ສິດຕັດສິນດ້ວຍຕົນເອງຂອງຊາດຫວຽດນາມ ເທົ່ານັ້ນ ຫາກຍັງຢືນຢັນເຈດຈຳນົງ, ຄວາມຕັດສິນໃຈທີ່ແຮງກ້າຂອງທັງຊາດ, ຍອມເສຍສະຫລະທຸກສິ່ງທຸກຢ່າງເພື່ອປົກປັກຮັກສາເອກະລາດຂອງຊາດຕົນ.
ເອກະສານນິຕິກຳທັນສະໄຫມ
ບົດຖະແຫລງປະກາດເອກະລາດ ແມ່ນເອກະສານນິຕິກຳເປັນທາງການ ບໍ່ພຽງແຕ່ປະກາດໃຫ້ປະຊາຊົນຫວຽດນາມເທົ່ານັ້ນ ຫາກຍັງປະກາດປະກາດກັບໂລກກ່ຽວກັບພື້ນຖານເອກະລາດແຫ່ງຊາດຂອງລັດຫວຽດນາມ ແມ່ນເລື່ອງຕ້ອງເປັນໄປ, ແມ່ນກົດເກນຄົງຕົວຂອງປະເທດຮັກຫອມສັນຕິພາບ. ທ່ານຮອງສາດສະດາຈານ, ດຣ ຫງວຽນຈ້ອງຟຸກ, ອະດີດຫົວຫນ້າສະຖາບັນປະຫວັດສາດພັກ, ສະຖາບັນການເມືອງ ແຫ່ງຊາດ ໂຮ່ຈິມີນ ຢືນຢັນວ່າ:
“ໃນບົດຖະແຫລງປະກາດເອກະລາດ, ປະທານໂຮ່ຈິມີນ ໄດ້ຢືນຢັນ ການຕໍ່ສູ້ຍາດເອົາເສລີພາບ, ເອກະລາດຂອງຊາດຫວຽດນາມ ແມ່ນຄວາມເປັນທຳ. ບົດຖະແຫລງປະກາດເອກະລາດ ຢືນຢັນ ພຶດຕິກຳບໍ່ອາດປະຕິເສດໄດ້ ນັ້ນແມ່ນການຕໍ່ສູ້ ປະຕິວັດໂດຍພັກກອມມູນິດຫວຽດນາມ ແລະ ປະທານໂຮ່ຈິມີນ ຊີ້ນຳນຳພາ, ແນວໂຮມຫວຽດມີງ ຊີ້ນຳນຳພາຍາດໄດ້ໄຊຊະນະ.”
ພ້ອມກັບການຢັ້ງຢືນທີ່ຕັ້ງດ້ານນິຕິທຳຂອງພື້ນຖານເອກະລາດ ແລະ ອະທິປະໄຕຂອງປະເທດຫນຶ່ງກັບປະຊາຄົມນາໆຊາດໃນໂລກ, ບົດຖະແຫລງປະກາດເອກະລາດຂອງປະທານໂຮ່ຈິມີນ ກໍຢັ້ງຢືນຄວາມຕັດສິນໃຈຂອງທັງຊາດຫວຽດນາມ ແມ່ນຮັກສາສິດເສລີພາບ, ເອກະລາດ.
ການສືບທອດບັນດາຄຸນຄ່າຂອງມວນມະນຸດ
ໃນ ບົດຖະແຫລງປະກາດເອກະລາດເມື່ອວັນທີ 2/9/1945, ປະທານໂຮ່ຈິມີນ ໄດ້ອ້າງຫລັກຖານຖະແຫລງປະກາດເອກະລາດຂອງ ອາເມລິກາ ເມື່ອປີ 1776 ແລະ ຖະແຫລງການກ່ຽວກັບສິດທິມະນຸດ ແລະ ສິດຂອງປະຊາຊົນ ຝລັ່ງ ເມື່ອປີ 1791 ເພື່ອຢັ້ງຢືນບັນດາສິດຂອງຊາວຫວຽດນາມແມ່ນນຳໃຊ້ການຄັດສະເຫນີໃນຂີດໝາຍຂອງພາລະກິດປົດປ່ອຍມະນຸດຂອງມວນມະນຸດ, ປະທານໂຮ່ຈິມີນ ຢັ້ງຢືນ ການປະຕິວັດຫວຽດນາມ ກໍແມ່ນການສືບທອດຂອງເສັ້ນທາງຈະເລີນກ້າວຫນ້າຊື່ງມວນມະນຸດ ໄດ້ ແລະ ຈະກ້າວເດີນ. ຮອງສາດສະດາຈານ, ດຣ ຫງວຽນເທທັງ, ຫົວຫນ້າພະແນກແນວຄິດໂຮ່ຈິມີນ, ສະຖາບັນການເມືອງ ແຫ່ງຊາດ ໂຮ່ຈິມີນ ຊີ້ແຈ້ງວ່າ:
“ໃນບົດຖະແຫລງປະກາດເອກະລາດ, ປະທານໂຮ່ຈິມີນ ໄດ້ຍົກອອກບັນດາສິດພື້ນຖານຂອງມະນຸດ ຊື່ງປະຊາຊົນຫວຽດນາມ ໄດ້ຊົມໃຊ້ ແຕ່ຖືກພວກຈັກກະພັດ, ລ່າເມືອງຂຶ້ນຢຽບຢຳ. ສະນັ້ນ ພວກເຮົາດຳເນີນການປະຕິວັດເພື່ອຍາດເອົາສິດຂອງມະນຸດຄືນໃຫມ່, ນັ້ນແມ່ນສິດໄດ້ມີຊີວິດ, ສິດເສລີພາບ, ຄວາມຜາສຸກ, ຄວາມມຸ້ງຫວັງ, ຄວາມມຸ້ງມາດປາດຖະຫນາໄດ້ມີຊີວິດຂອງຊາວຫວຽດນາມ ກໍຄືຂອງຊາດຫວຽດນາມ.”
ເລື່ອງຍົກລະດັບສິດທິມະນຸດກາຍເປັນສິດຂອງຊາດ ນັ້ນແມ່ນຫົວຄິດປະດິດສ້າງຂອງປະທານໂຮ່ຈິມີນ ບໍ່ພຽງແຕ່ມີຄວາມໝາຍສຳລັບຊາດຫວຽດນາມ ເທົ່ານັ້ນ ຫາກນັບທັງຫລາຍປະເທດຖືກກົດຂີ່ຂຸດຮີດໃນໂລກອີກດ້ວຍ. ນີ້ກໍແມ່ນການອຸທິດສ່ວນກ່ຽວກັບຫລັກການທິດສະດີຂອງປະທານໂຮ່ຈິມີນໃຫ້ແກ່ສາງແນວຄິດສິດທິມະນຸດຂອງມວນມະນຸດ.
ຄຸນຄ່າຄົງຕົວຕະຫລອດການ
ການຮຽບຮຽງ ບົດຖະແຫລງປະກາດເອກະລາດ ກາຍເປັນຂີດໝາຍໃນປະຫວັດສາດຂອງຊາດຫວຽດນາມ. ເອກະສານນີ້ມີຄຸນຄ່າຕະຫລອດການ, ແລະກຳນົດທິດໃຫ້ການພັດທະນາຂອງຊາດຫວຽດນາມ. ຮອງສາດສະດາຈານ, ດຣ ຫງວຽນຈ້ອງຟຸກ, ອະດີດຫົວຫນ້າສະຖາບັນປະຫວັດສາດພັກ, ສະຖານບັນການເມືອງ ແຫ່ງຊາດ ໂຮ່ຈິມີນ ໃຫ້ຮູ້ວ່າ:
“ພວກເຮົາຍາດໄດ້ເອກະລາດ, ທ້ອນໂຮມປະເທດຊາດເປັນເອກະພາບຢ່າງສົມບູນດ້ວຍໄຊຊະນະເມື່ອປີ 1975 ແລະ ປະຈຸບັນ ພວມອອກແຮງສ້າງພື້ນຖານເອກະລາດ, ສິດແຫ່ງຊາດນັ້ນໃຫ້ສົມບູນ ແລະ ຕັດສິນໃຈປະຕິບັດ ເອກະລາດ ອະທິປະໄຕ ເອກະພາບ, ຜືນແຜ່ນດິນອັນຄົບຖ້ວນຂອງຫວຽດນາມ. ນີ້ແມ່ນສິດແຫ່ງຊາດໂດຍພື້ນຖານ, ສັກກະລະບູຊາ. ທີສອງ ພັດທະນາປະເທດຊາດຕາມເສັ້ນທາງສັງຄົມນິຍົມ, ໝາຍຄວາມວ່າ ສ້າງສັງຄົມອັນດີງາມ ເພື່ອມະນຸດ. ນັ້ນແມ່ນການສືບທອດບັນດາຄຸນຄ່າວັດທະນະທຳມະນຸດ, ຄຸນຄ່າສ້າງສາ, ພັດທະນາປະເທດຊາດ ຊື່ງ ບົດຖະແຫລງປະກາດເອກະລາດເມື່ອປີ 1945 ໄດ້ນຳມາໃຫ້.”
ໃນກິດຈະການປ່ຽນແປງໃຫມ່ຂອງປະເທດຊາດປະຈຸບັນ, ສິດໄດ້ມີຊີວິດ, ສິດເສລີພາບ, ສະເຫມີພາບ, ພະດອນພາບ” ຂອງ ບົດຖະແຫລງປະກາດເອກະລາດກ່ອນນີ້ 70 ປີ, ສືບຕໍ່ແມ່ນເຂັມຊີ້ທິດໃຫ້ທົ່ວຊາດຫວຽດນາມ ສືບຕໍ່ຕໍ່ສູ້ສ້າງສາ ແລະ ປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນຂອງປະເທດຊາດ.