(vovworld)- ບົດລາຍງານຕໍ່ສະພາແຫ່ງຊາດກ່ຽວກັບສະພາບການເສດຖະກິດສັງຄົມປີ 2014 ແລະ ຫນ້າທີ່ປີ 2015 ທີ່ວາລະໄຂກອງປະຊຸມສະໄຫມສາມັນເທື່ອທີ 8 ສະພາແຫ່ງຊາດຫວຽດນາມ ຊຸດທີ 13 ໃນຕອນເຊົ້າວັນທີ 20/10, ທ່ານນາຍົກລັດຖະມົນຕີ ຫງວຽນເຕີນຢູງ ຢືນຢັນ: ໃນສະພາບເສດຖະກິດໂລກຜັນແປໄປຢ່າງສັບສົນ, ຫວຽດນາມ ຍັງຄົງບັນລຸບັນດາໝາກຜົນດີພໍສົມຄວນກ່ຽວກັບເສດຖະກິດ. ດ້ວຍທ່ວງທ່ານີ້, ລັດຖະບານ ສືບຕໍ່ວາງອອກບັນດາຄາດໝາຍຈະເລີນເຕີບໂຕເສດຖະກິດສູງກວ່າໃຫ້ແກ່ປີ 2015. ຕໍ່ໄປນີ້ ບັນນາທິການວິທະຍຸກະຈາຍສຽງຫວຽດນາມ ຄັດສະເຫນີເນື້ອໃນຕົ້ນຕໍໃນບົດກ່າວປາໄສຂອງທ່ານນາຍົກລັດຖະມົນຕີ ຫງວຽນເຕີນຢູງ.
ທ່ານນາຍົກລັດຖະມົນຕີ ຫງວຽນເຕີນຢູງລາຍງານ
ກ່ຽວກັບສະພາບເສດຖະກິດສັງຄົມໃນປີ 2014
photo:vov
|
ປີ 2014, ຫວຽດນາມ ປະຕິບັດຫນ້າທີ່ໃນສະພາບປະສົບກັບຄວາມຫຍຸ້ງຍາກ ແລະ ສິ່ງທ້າທາຍຫລາຍຢ່າງ. ເສດຖະກິດໂລກຟື້ນຕົວຊັກຊ້າກວ່າການຄາດຄະເນ. ການປະທະກັນເກີດຂຶ້ນຢູ່ຫລາຍປະເທດ, ຄວາມເຄັັ່ງຕຶງຢູ່ທະເລຮວາຕູງ ແລະ ທະເລຕາເວັນອອກ. ເຖິງຢ່າງໃດກໍຕາມ, ພາຍໃຕ້ການຊີ້ນຳນຳພາຂອງສູນກາງພັກ, ລັດຖະບານຜັນຂະຫຍາຍບັນດາມາດຕະການປະຕິບັດຫນ້າທີ່ແຜນການປີ 2014 ຕາມມະຕິຂອງສະພາແຫ່ງຊາດຢ່າງຂ້ຽວຂາດ, ຄົບຊຸດ, ມີຈຸດສຸມ. ແຕ່ລະເດືອນ ລ້ວນແຕ່ມີການສຳຫລວດກວດກາ, ຕີລາຄາ ແລະ ປັບປຸງ, ເພີ່ມເຕີມ.
ປີ 2014, ເສດຖະກິດມະຫາພາກ, ສະພາບແວດລ້ອມແຫ່ງການລົງທຶນດຳເນີນທຸລະກິດ, ການສ້າງໂຄງປະກອບເສດຖະກິດຄືນໃຫມ່ມີບາດກ້າວຫັນປ່ຽນຢ່າງຕັ້ງຫນ້າ
ທ່ານນາຍົກລັດຖະມົນຕີຮັບຮູ້ວ່າ: ປະຈຸບັນ ສະພາບການພາຍໃນປະເທດ ແລະ ສາກົນພວມຢູ່ໃນໄລຍະສັບສົນ, ເພື່ອປະຕິບັດບັນດາຄາດໝາຍເສດຖະກິດສັງຄົມທີ່ວາງອອກໃຫ້ທັງປີ, ຍາມໃດລັດຖະບານກໍຕິດຕາມຢ່າງໃກ້ຊິດບັນດາມາດຕະການທີ່ວາງອອກ. ສະນັ້ນ ສະພາບການເສດຖະກິດສັງຄົມໃນ 9 ເດືອນຕົ້ນປີ ມີການຫັນປ່ຽນຢ່າງຕັ້ງຫນ້າ, ໄພເງິນເຟີ້ໄດ້ຮັບການຄວບຄຸມ, ເສດຖະກິດມະຫາພາກໝັັ້ນທ່ຽງ.
“ເບິ່ງລວມແລ້ວ, ໃນສະພາບການຍັງມີສິ່ງທ້າທາຍຫລາຍຢ່າງ, ຫວຽດນາມ ບັນລຸໄດ້ບັນດາໝາກຜົນຢ່າງຕັ້ງຫນ້າ. ບັນດາຄາດໝາຍຊື່ງສະພາແຫ່ງຊາດໄດ້ວາງອອກກ່ຽວກັບເສດຖະກິດສັງຄົມບັນລຸເກືອບທັງໝົດ.ນີ້ແມ່ນຄວາມມານະພະຍາຍາມອັນໃຫຍ່ຫລວງຂອງທົ່ວພັກ, ທົ່ວປວງຊົນ. ໄພເງິນເຟີ້ໄດ້ຮັບການຄວບຄຸມ, ເສດຖະກິດມະຫາພາກໝັັ້ນທ່ຽງກວ່າ. ລະດັບເພີ່ມຂຶ້ນຂອງລາຄາໃຊ້ສອຍຫລຸດລົງຢ່າງແຮງ, ໃນ 9 ເດືອນ ເພີ່ມຂຶ້ນ 2,25%, ຊື່ງແມ່ນລະດັບຕ່ຳສຸດໃນ 10 ປີຜ່ານມາ, ຄາດວ່າ ທັງປີ ເພີ່ມຂຶ້ນຕ່ຳກວ່າ 5%. ອັດຕາດອກເບ້ຍຫລຸດລົງ 2% ເມື່ອທຽບໃສ່ປີ 2013. ມາຮອດປະຈຸບັນ ການເຕີບໂຕສິນເຊື່ອບັນລຸ 7,26% ແລະ ຄາດວ່າທັງປີ ບັນລຸ 12-14% . ການສະສົມເງິນຕາຕ່າງປະເທດຂອງຫວຽດນາມ ກໍເພີ່ມຂຶ້ນສູງສຸດນັບແຕ່ກອ່ນມາຮອດປະຈຸບັນ. ການຊຳລະ ແລະ ການຄ້າລ້ວນແຕ່ເກີນດຸ່ນ.”
ທ່ານນາຍົກລັດຖະມົນຕີ ຫງວຽນເຕີນຢູງ ຢືນຢັນ: ປະຈຸບັນ ອັດຕາຫນີ້ສິນຂອງລັດ, ລັດຖະບານ, ຫນີ້ຕ່າງປະເທດຂອງຫວຽດນາມ ລ້ວນແຕ່ໃນລະດັບກຳນົດ. ເຖິງຢ່າງໃດກໍຕາມ, ທ່ານນາຍົກລັດຖະມົນຕີ ຫງວຽນເຕີນຢູງ ກໍໃຫ້ຂໍ້ສັງເກດວ່າ: ຫນີ້ສິນຂອງລັດ ພວມເພີ່ມຂຶ້ນຢ່າງວ່ອງໄວໃນໄລຍະມໍ່ໆມານີ້.
ທ່ານນາຍົກລັດຖະມົນຕີ ຫງວຽນເຕີນຢູງ ຖືວ່າ ສະພາບແວດລ້ອມແຫ່ງການດຳເນີນທຸລະກິດ ແລະ ສະມັດຕະພາບ, ປະສິດທິຜົນ, ກຳລັງແກ້ງແຍ້ງຂອງພື້ນຖານເສດຖະກິດຍັງຕ່ຳ ໃນຂະນະນັັ້ນ ຄຳຮຽກຮ້ອງຕ້ອງການເຊື່ອມໂຍງເຂົ້າກັບໂລກນັບມື້ນັບສູງ. ຄວາມຕ້ອງການໃນການພັດທະນາເສດຖະກິດສັງຄົມ ແລະ ຮັບປະກັນການປ້ອງກັນຊາດ ປ້ອງກັນຄວາມສະຫງົບແມ່ນໃຫຍ່ຫລວງ ແຕ່ແຫລ່ງກຳລັງຍັງຈຳກັດຢູ່.
ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ຊີ້ໃຫ້ເຫັນບັນດາຂໍ້ຈຳກັດ, ຄວາມອ່ອນດ້ອຍຂອງພື້ນຖານເສດຖະກິດຄື: ເສດຖະກິດມະຫາພາກ ແລະ ບັນດາຄວາມສົນດຸ່ນຂອງພື້ນຖານເສດຖະກິດບໍ່ທັນໝັ້ນທ່ຽງ. ລາຍຈ່າຍງົບປະມານເກີນດຸນສູງ. ລະດັບຄວາມຕ້ອງການເພີ່ມຂຶ້ນຢ່າງຊັກຊ້າ. ໃນຊຸມເດືອນຕົ້ນປີ ຫນີ້ເສຍຍັງສູງງ ແລະ ການແກ້ໄຂຍັງຊັກຊ້າຢຢູ່. ການລະດົມບັນດາແຫລ່ງກຳລັງໃຫ້ແກ່ການລົງທຶນພັດທະນາບໍ່ທັນຕອບສະຫນອງຄວາມຮຽກຮ້ອງຕ້ອງການ. ຕະຫລາດຫລັກຊັບພັດທະນາບໍ່ໝັັ້ນທ່ຽງ. ຕະຫລາດອະສັງຫາລິມະຊັບຟື້ນຕົວຢ່າງຊັກຊ້າ. ອັດຕາສ່ວນການສົ່ງອອກຂອງພື້ນຖານເສດຖະກິດພາຍໃນປະເທດ ໃນຍອດວົງເງິນສົ່ງອອກຍັງຕ່ຳ.
ປີ 2015, ສູ້ຊົນບັນລຸການເຕີບໂຕເສດຖະກິດສູງກວ່າ ແລະ ໝັັ້ນທ່ຽງກວ່າໃນປີ 2014
ທ່ານນາຍົກລັດຖະມົນຕີ ຫງວຽນເຕີນຢູງ ຢືນຢັນ: ຫວຽດນາມ ສູ້ຊົນບັນລຸ GDP ເພີ່ມຂຶ້ນປະມານ 6,2%. ລາຄາໃຊ້ສອຍເພີ່ມຂຶ້ນ ປະມານ 5%. ອັດຕາການນຳເຂົ້າເກີນດຸ່ນເມື່ອທຽບໃສ່ຍອດວົງເງິນສົ່ງອອກຢູ່ໃນລະດັບ 5%. ເພື່ອບັນລຸໄດ້ບັນດາຄາດໝາຍດັ່ງກ່າວ, ຕາມ ທ່ານນາຍົກລັດຖະມົນຕີ ຫງວຽນເຕີນຢູງ ແລ້ວ ເສດຖະກິດມະຫາພາກຈະສືບຕໍ່ເຕີບໂຕຢ່າງໝັ້ນທ່ຽງ.
“ປະຕິບັດນະໂຍບາຍເງິນຕາຢ່າງມີໄຫວພິບ, ສົມທົບ ກັບນະໂຍບາຍງົບປະມານ ຢ່າງແຫນ້ນແຟ້ນ, ຄົບຊຸດ, ຄວບຄຸມໄພເງິນເຟີ້ເປັນຢ່າງດີ. ການບໍລິຫານອັດຕາດອກເບ້ຍຢ່າງເໝາະສົມກັບການຜັນແປຂອງໄພເງິນເຟີ້. ເພີ່ມເຫລືອຫນີ້ສິນເຊື່ອໃຫ້ເໝາະສົມກັບຄວາມຮຽກຮ້ອງຕ້ອງການການເຕີບໂຕ ຕິດພັນກັບການຮັບບປະກັນຄຸນນະພາບສິນເຊື່ອ. ຮັກສາອັດຕາແລກປ່ຽນເງິນຕາຕ່າງປະເທດ, ຕະຫລາດເງິນຕາຕ່າງປະເທດໃຫ້ໝັ້ັ້ນທ່ຽງ, ເພີ່ມການສະສົມເງິນຕາຕ່າງປະເທດ ແລະ ຮັບປະກັນຄ່າເງິນດົງ. ຊຸກຍູ້ຕະຫລາດອະສັງຫາລິມະຊັບພັດທະນາຢ່າງໂປ່ງໃສ. ຕ້ອງປະຢັດໃນລາຍຈ່າຍງົບປະມານ.”
ລັດຖະບານຈະຍູ້ແຮງການສ້າງໂຄງປະກອບເສດຖະກິດຄືນໃຫມ່ຕິດພັນກັບການຫັນປ່ຽນຮູບແບບການຈະເລີນເຕີບໂຕ.ກ ຕາມນັັັ້ນແລ້ວ ສືບຕໍ່ປະຕິບັດແຜນຮ່າງສັງລວມກ່ຽວກັບການສ້າງໂຄງປະກອບເສດຖະກິດ ແລະ ສ້າງງໂຄງປະກອບຂະແຫນງ, ຂົງເຂດຄືນໃຫມ່.
“ປະຕິບັດການສ້າງໂຄງປະກອບລັດວິສາຫະກິດຄືນໃຫມ່ ຢ່າງຮີບເຮັ່ງ, ແຫນ້ນແຟ້ນ. ສຳເລັດແຜນການຫັນເປັນຫຸ້ນສ່ວນ ແລະ ຖອນເງິນລົງທຶນນອກຂະແຫນງ. ສືບຕໍ່ສ້າງໂຄງປະກອບບັນດາອົງການສິນເຊື່ອຄືນໃຫມ່. ຍູ້ແຮງການແກ້ໄຂຫນີ້ເສຍ, ພັດທະນາຕະຫລາດຊື້ຂາຍຫນີ້. ລະດົມບັນດາແຫລ່ງກຳລັງລົງທຶນສ້າງໂຄງປະກອບກະສິກຳຄືນໃຫມ່ ຕິດພັນກັບການກໍ່ສ້າງຊົນນະບົດໃຫມ່. ສຸມໃສ່ຫັນປ່ຽນໂຄງປະກອບ, ປ່ຽນໃຫມ່ການຈັດຕັ້ງຜະລິດ ແລະ ເພີ່ມທະວີການໝູນໃຊ້ຄວາມກ້າວຫນ້າເຕັກນິກ.”
ໄປຄຽງຄູ່ກັນນັັ້ນ ລັດຖະບານສືບຕໍ່ປັບປຸງກົນໄກ, ນະໂຍບາຍ, ປະຕິບັດບັນດາກົດເກນຂອງເສດຖະກິດການຕະຫລາດຢ່າງຄົບຖ້ວນ, ເປັນຕົ້ນໃນການຄວບຄຸມລາຄາ, ຈັດແບ່ງແຫລ່ງກຳລັງ, ການແກ້ງແຍ້ງຢ່າງສະເຫມີພາບ, ໂປ່ງໃສ ແລະ ບັນດາຕະຫລາດຕ້ອງເຄື່ອນໄຫວຢ່າງມີປະສິດທິຜົນ.
ຫວຽດນາມ ພວມມານະພະຍາຍາມສູ້ຊົນເພື່ອບັນລຸ ຜົນງານສູງສຸດໃນການປະຕິບັດຫນ້າທີ່ຂອງປີ 2014 . ປີ 2015, ຫນ້າທີ່ວາງອອກແມ່ນຫນັກຫນ່ວງ. ທ່ານນາຍົກລັດຖະມົນຕີ ຫງວຽນເຕີນຢູງ ປາດຖະຫນາຢາກທົ່ວພັກ, ທົ່ວປວງຊົນ, ທົ່ວກອງທັບ ແລະ ທັງລະບບົບການເມືອງ ສາມັກຄີເປັນເອກະພາບ, ຕັດສິນໃຈສຳເລັດຫນ້າທີ່ແຜນການຂອງປີ 2015 ຢ່າງມີໄຊ.