(vovworld)- ສະພາບການຢູ່ແຫລມເກົາຫລີ ນັບມື້ນັບຮ້ອນເຮັ່ງ ດ້ວຍການຈັດວາງບັນດາມາດຕະການລົງໂທດຢ່າງລຽນຕິດໃສ່ ສປປ ເກົາຫລີ ພາຍຫລັງປະເທດນີ້ດຳເນີນເຫດທົດລອງນິວເຄຼຍ ແລະ ຍິງລູກສອນໄຟໄລຍະໄກສົ່ງດາວທຽມຂຶ້ນວົງໂຄຈອນຫວ່າງແລ້ວນີ້. ການກະທຳນີ້ ພ້ອມດ້ວຍບັນດາຄຳສັ່ງລົງໂທດຂອງ ສປຊ ໃນອາທິດຜ່ານມາ ອີກຄັ້ງຫນຶ່ງໄດ້ເຮັດໃຫ້ ສປປ ເກົາຫລີ ຕົກເຂົ້າສູ່ສະພາບຖືກລົງໂທດຢ່າງເຂັ້ມງວດທີ່ສຸດນັບແຕ່ກອ່ນມາຮອດປະຈຸບັນ. ບັນດາມາດຕະການລົງໂທດໃຫມ່ ມີຄຸນປະໂຫຍດແນວໃດ ແລະ ປັດໄຈໃດສາມາດຊ່ວຍແກ້ໄຂສະພາບຄວາມເຄັ່ງຕຶງປະຈຸບັນ ນັ້ນພວມແມ່ນບັນດາຄຳຖາມທີ່ພວມໄດ້ຮັບຄວາມສົນໃຈເປັນພິເສດຈາກຫາງສຽງ.
|
ໃນການຜັນແປຫລ້າສຸດ, ວັນທີ 8/3, ສເກົາຫລີ ປະກາດຫລາຍມາດຕະການລົງໂທດຂອງສະເພາະ ເຊີອູນ ຕ້ານພຽງຢາງ. ຕາມນັ້ນແລ້ວ, ຫ້າມເຮືອກຳປັ່ນທີ່ເຂົ້າທຽບທ່າກຳປັ່ນ ສປປ ເກົາຫລີ ໃນເວລາ 180 ວັນ ຜ່ານມາເຂົ້າເຂດນ່ານທະເລຂອງ ສເກົາຫລີ, ນຳເຂົ້າບັນຊີລາຍຊື່ “ດຳ” ເຈົ້າຫນ້າທີ່ ສປປ ເກົາຫລີ 38 ຄົນ ແລະ ຊາວຕ່າງປະເທດ 2 ຄົນ ພ້ອມກັບ 30 ອົງການຈັດຕັ້ງເຂົ້າຮ່ວມບັນດາໂຄງການນິວເຄຼຍ ແລະ ລູກສອນໄຟ ຂອງ ສປປ ເກົາຫລີ . ສເກົາຫລີ ກໍກ່າວເຕືອນພົນລະເມືອງຂອງຕົນຢູ່ຕ່າງປະເທດບໍ່ຄວນໄປເຖິງບັນດາຮ້ານອາຫານຂອງ ສປປ ເກົາຫລີ. ກ່ອນຫນ້ານັ້ນ ລັດຖະບານ ສເກົາຫລີ ກໍຢຸດຕິບັນດາໂຄງການຮ່ວມມືສາມຝ່າຍ “Nanjin- Khasan” ກັບລັດເຊຍ ແລະ ສປປ ເກົາຫລີ ຢ່າງເປັນທາງການ.
ປະຕິກິລິຍາຢ່າງຫຍໍ້ທໍ້
ປະຕິກິລິຍາຕໍ່ບັນດາມາດຕະການລົງໂທດຢ່າງລຽນຕິດ, ໃນສະພາບ ອາເມລິກາ ແລະ ສເກົາຫລີ ເລີ່ມຕົ້ນການຊ້ອມຮົບ ດ້ວຍການເຂົ້າຮ່ວມຂອງພົນທະຫານເປັນຈຳນວນຫລາຍ ແລະ ອາວຸດທັນສະໄຫມທີ່ສຸດ ນັບແຕ່ກອ່ນມາຮອດປະຈຸບັນ, ພຽງຢາງ ສືບຕໍ່ຍົກອອກບັນດາຄຳກ່າວເຕືອນກ່ຽວກັບຄວາມສາມາດນຳໃຊ້ອາວຸດເຄມີ. ສປປ ເກົາຫລີ ດ້ານຫນຶ່ງໄດ້ອອກຖະແຫລງປະຕິເສດຄຳສັ່ງລົງໂທດຂອງ ສປຊ, ດ້ານອື່ນ ຍູ້ແຮງການປັບປຸງສາງອາວຸດນິວເຄຼຍຂອງຕົນ ແລະ ໃຫ້ຮູ້ວ່າ: ປະເທດນີ້ ກຽມພ້ອມນຳໃຊ້ອາວຸດນິວເຄຼຍ ໃນບໍ່ວ່າເວລາໃດ ແລະ ຍາມໃດກໍໃນທ່າ “ບຸກໂຕມຕີ” ຖ້າຫາກຖືກສັດຕູນາບຂູ່.
ວົງການນັກສັງເກດການຖືວ່າ:ປະຕິກິລິຍາຂອງ ສປປ ເກົາຫລີ ບໍ່ມີຫຍັງໃຫມ່ອ່ຽມ ແລະ ນີ້ບໍ່ແມ່ນເປັນຄັ້ງທຳທີ່ອິດປະເທດນີ້ມີປະຕິກິລິຍາຢ່າງຫຍໍ້ທໍ້ຕໍ່ຄຳສັ່ງຂວ້ຳບາດຂອງ ສະພາຄວາມໝັ້ນຄົງ ສປຊ. ສະພາຄວາມໝັ້ນຄົງ ສປຊ ເຄີຍຈັດວາງ 3 ຄຳສັ່ງຂວ້ຳບາດ ຕໍ່ ສປປ ເກົາຫລີ ໃນປີ 2006, 2009 ແລະ 2013. ເຖິງຢ່າງໃດກໍຕາມ, ທ່າທີ່ໃນຄັ້ງນີ້ຂອງ ພຽງຢາງ ແມ່ນຂ້ຽວຂາດກວ່າ, ເພາະວ່າ ສປຊ ເພີ່ມເຕີມຫລາຍມາດຕະການໃຫມ່ໄດ້ຮັບຖືວ່າແມ່ນແຂງກະດ້າງທີ່ສຸດນັບແຕ່ກ່ອນມາຮອດປະຈຸບັນ. ຕາມນັ້ນແລ້ວ, ເປັນຄັ້ງທຳອິດໃນປະຫວັດສາດ, ການສົ່ງສິນຄ້າໄປ ແລະ ມາ ສປປ ເກົາຫລີ ລ້ວນແຕ່ຈະຖືກກວດກາ, ຫ້າມສົ່ງອອກຖ່ານຫີນ, ໂລຫະ, ຄຳ, ຕີຕານ ແລະ ທີ່ດິນຫາຍາກ ພ້ອມທັງຫ້າມບັນດາປະເທດສະຫນອງເຊື້ອເພີງ ນຳໃຊ້ໃນຂະແຫນງການບິນ ໃຫ້ປະເທດນີ້. ບັນດາມາດຕະການລົງໂທດນີ້ ໄດ້ຮັບຖືວ່າແມ່ນຜົນສະທ້ອນເຖິງແຫລ່ງອຸປະຖຳທີ່ຈຳເປັນເພື່ອຊຸກຍູ້ໂຄງການລູກສອນໄຟທີ່ສາມາດນຳຫົວລູກປືນນິວເຄຼຍ.
ປັດໄຈໃດສາມາດເຮັດໃຫ້ ສປປ ເກົາຫລີ ກັບຄືນໂຕະເຈລະຈາ
ຄວາມຈິງແຕ່ກອ່ນມາຮອດປະຈຸບັນ, ຫາງສຽງຍັງຄິດລະແວງສົງໃສຕໍ່ລັກສະນະປະສິດທິຜົນຂອງບັນດາຄຳສັ່ງລົງໂທດຂອງ ສະພາຄວາມໝັ້ນຄົງ ສປຊ ຈັດວາງຕໍ່ ສປປ ເກົາຫລີ. ມະຕິ 4 ສະບັບ ດ້ວຍບັນດາມາດຕະການລົງໂທດ ສປປ ເກົາຫລີ ນັບມື້ນັບແຮງກວ່າ ນັບແຕ່ປີ 2006 ບໍ່ຊ່ວຍຫລຸດຜ່ອນຄວາມເຄັ່ງຕຶງໃນແຫລມເກົາຫລີ, ບໍ່ສາມາດເກ້ຍກອມພຽງຢາງ ປະລະໂຄງການນິວເຄຼຍ ແລະ ລູກສອນໄຟນຳວິຖີໄດ້.
ເຖິງຢ່າງໃດກໍຕາມ, ຄຳສັ່ງລົງໂທດຄັ້ງນີ້ ຂອງ ສປຊ ໄດ້ປະກົດອອກບັນດາສັນຍານຕັ້ງຫນ້າໃຫມ່, ອາດຈະຊ່ວຍໃຫ້ ສປປ ເກົາຫລີ ກັບຄືນສູ່ໂຕະເຈລະຈາ, ຊອກເສັ້ນທາງເຈລະຈາສັນຕິພາບໃນແຫລມເກົາຫລີ. ນັ້ນແມ່ນ ປັດໄຈ ປັກກີງ. ອາດຈະເຫັນໄດ້ ວ່າ, ຈີນ ເຄີຍ ປະຕິເສດການປ່ອນບັດໃນບັນດາກອງປະຊຸມກ່ຽວກັບມະຕິລົງໂທດ ສປປ ເກົາຫລີ ກ່ອນຫນ້ານັ້ນ ຍ້ອນບັນດາຜົນປະໂຫຍດທີ່ກ່ຽວຂ້ອງ, ແຕ່ຄັ້ງນີ້ ປັກກີງ ພັດແມ່ນປັດໄຈຕັ້ງຫນ້າ ພ້ອມກັບ ອາເມລິກາ ຊຸກຍູ້ມະຕິລົງໂທດສະບັບຫນຶ່ງ. ທັງ ວໍຊິງຕັນ ແລະ ປັກກີງ ລ້ວນແຕ່ເປັນເອກະພາບວ່າ ພຽງຢາງ ບໍ່ໄດ້ອະນຸຍາດພັດທະນາ ອາວຸດນິວເຄຼຍ ແລະ ຕ້ອງກັບຄືນໂຕະເຈລະຈາ 6 ຝ່າຍ ພ້ອມທັງປາດຖະຫນາ ມະຕິລົງໂທດ ຈະແມ່ນຈຸດເລີ່ມຕົ້ນໃຫມ່, ຕັ້ງພື້ນຖານໃຫ້ບັນດາມາດຕະການດ້ານການເມືອງສຳລັບບັນຫານິວເຄຼຍ ຂອງສປປ ເກົາຫລີ. ບໍ່ພຽງແຕ່ດ້ວຍຄຳເວົ້າເທົ່ານັ້ນ, ປັກກີງ ກໍເພີ່ມທະວີການຈັດວາງບັນດາຄຳສັ່ງຂວ້ຳບາດໃຫມ່ຢ່າງເຂັ້ມງວດຕໍ່ພຽງຢາງ ຄື: ຮຽກຮ້ອງເຈົ້າຫນ້າທີ່ການເດີນທະເລຂອງປະເທດນີ້ ຈັດກຳປັ່ນ ເຮືອຫລາຍປະເພດຂອງ ສປປ ເກົາຫລີ ເຂົ້າບັນຊີລາຍຊື່ດຳ. ຈີນ ກໍຢືນຢັນ ຈະຕັ້ງຫນ້າແລກປ່ຽນກັບ ພຽງຢາງ ເພື່ອເຊື່ອມຕໍ່ການເຈລະຈາ 6 ຝ່າຍ.
ເລື່ອງຈີນ ລົງນາມໃນມະຕິລົງໂທດ ສປປ ເກົາຫລີ ສະບັບໃຫມ່ ນັ້ນແມ່ນສັນຍານຕັ້ງຫນ້າໃນການແກ້ໄຂບັນຫານິວເຄຼຍໃນແຫລມເກົາຫລີ, ເປີດຄວາມຫວັງໃຫມ່ໃຫ້ການເຈລະຈາ 6 ຝ່າຍ. ເປັນທີ່ຈະແຈ້ງແລ້ວວ່າ, ດ້ວຍບັນດາຜົນປະໂຫຍດທີ່ສະຫນິດຕິດພັນຢ່າງແຫນ້ນແຟ້ນນັ້ນ, ປັກກີງ ມີບົດບາດ ແລະ ຜົນສະທ້ອນອັນໃຫຍ່ຫລວງຕໍ່ພຽງຢາງ ພິເສດແມ່ນໃນບັນດາຂົງເຂດເສດຖະກິດຖືກຂວ້ຳບາດ. ວົງການນັກໄຈ້ແຍກຖືວ່າ ປັກກີງ ຈະສວມບົດບາດໃຫຍ່ກວ່າໃນວິວັດການປອດນິວເຄຼຍຢູ່ແຫລມເກົາຫລີ ຄືຄຳຖະແຫຼງຂອງປະເທດນີ້ວ່າ: ຈຸດປະສົງສຸດທ້າຍຂອງການລົງໂທດບໍ່ແມ່ນເຮັດໃຫ້ສະພາບສູ້ຢັນກັນຊົ່ວຮ້າຍລົງເທົ່ານັ້ນ ຫາກຍັງແມ່ນເກ້ຍກອ່ມເຊື່ອມຕໍ່ການເຈລະຈາກ່ຽວກັບການຢຸດຕິໂຄງການນິວເຄຼຍຄືນໃຫມ່ ແລະ ເຮັດໃຫ້ ສປປ ເກົາຫລີ ກັບຄືນສູ່ກັບປະຊາຄົມໂລກ.