ເຕົ້າໂຮມ ແລະ ດຶງດູດຊາວຫວຽດນາມອາໄສຢູ່ຕ່າງປະເທດກັບມາສ້າງສາປະເທດຊາດ, ຍາມໃດກໍແມ່ນໜ້າທີ່ສຳຄັນຂອງແນວໂຮມປະເທດຊາດຫວຽດນາມ ນັບຕັ້ງແຕ່ວັນສ້າງຕັ້ງມາຮອດປະຈຸບັນ. ນີ້ກໍແມ່ນປະກົດການລະອຽດຂອງການກໍ່ສ້າງກຸ່ມກ້ອນມະຫາສາມັກຄີທົ່ວປວງຊົນ, ເສີມຂະຫຍາຍກຳລັງແຮງສາມັກຄີຂອງທັງຊາດໃນລະດັບສູງສຸດ. ທີ່ກອງປະຊຸມໃຫຍ່ຄັ້ງທີ 8 ຂອງແນວໂຮມປະເທດຊາດຫວຽດນາມຊຶ່ງດຳເນີນແຕ່ວັນທີ 25-27/9, ມີເນື້ອໃນຫຼາຍປະການ ຈະຖືກນຳມາປຶກສາຫາລື ແລະ ຮັບຮອງເອົາແນໃສ່ເສີມຂະຫຍາຍແຫຼ່ງກຳລັງ ຊາວຫວຽດນາມອາໄສຢູ່ຕ່າງປະເທດຫຼາຍກ່ວາອີກທີ່ມີຕໍ່ການພັດທະນາຂອງປະເທດຊາດ , ຜູກຮັດຊາວຫວຽດນາມອາໄສຢູ່ຕ່າງປະເທດກັບບ້ານເກີດເມືອງນອນຢ່າງແໜ້ນແຟ້ນ.
(ພາບປະກອບ) |
ປະຈຸບັນ, ຫວຽດນາມ ມີ ຊາວຫວຽດນາມກວ່າ 4,5 ລ້ານຄົນພວມດຳລົງຊີວິດຢູ່ກວ່າ 100 ປະເທດ ແລະ ເຂດແຄ້ວນໃນໂລກ. ດ້ວຍບົດບາດຜູກຮັດປະຊາຊົນທຸກຊັ້ນວັນນະ, ໃນນັ້ນມີປະຊາຄົມຊາວຫວຽດນາມອາໄສຢູ່ຕ່າງປະເທດນັ້ນ, ໃນຊຸມປີທີ່ຜ່ານມາ, ແນວໂຮມປະເທດຊາດຫວຽດນາມໄດ້ຜັນຂະຫຍາຍຫຼາຍໂຄງການ ແນໃສ່ຂົນຂວາຍຊາວຫວຽດນາມອາໄສຢູ່ຕ່າງປະເທດປະກອບສ່ວນສ້າງສາປະເທດຊາດ. ທີ່ກອງປະຊຸມໃຫຍ່ຄັ້ງທີ 8 ຂອງແນວໂຮມປະເທດຊາດຫວຽດນາມຊຶ່ງດຳເນີນແຕ່ວັນທີ 25-27/9, ວຽກງານຂົນຂວາຍຊາວຫວຽດນາມອາໄສຢູ່ຕ່າງປະເທດໃນໂຄງການດຳເນີນງານຂອງແນວໂຮມປະເທດຊາດຫວຽດນາມ ໃນໄລຍະທີ່ຈະມາເຖິງ ຈະໄດ້ຮັບການສ້າງໃຫ້ສົມບູນແບບກວ່າອີກ.
ຊາວຫວຽດນາມອາໄສຢູ່ຕ່າງປະເທດແມ່ນພາກສ່ວນທີ່ສຳຄັນໃນກຸ່ມກ້ອນມະຫາສາມັກຄີທົ່ວປວງຊົນທັງຊາດ.
ໃນໄລຍະທີ່ຜ່ານມາ, ປະຊາຄົມຊາວຫວຽດນາມອາໄສຢູ່ຕ່າງປະເທດໄດ້ມີການປະກອບສ່ວນຢ່າງໃຫຍ່ຫຼວງ, ເສີມຂະຫຍາຍກຳລັງແຮງມະຫາສາມັກຄີທົ່ວປວງຊົນທັງຊາດ, ປະກອບສ່ວນສ້າງສາປະເທດຊາດ. ຊຸມປີມໍ່ມານີ້, ແຕ່ລະປີມີຊາວຫວຽດນາມອາໄສຢູ່ຕ່າງປະເທດປະມານ 5 ແສນເທື່ອຄົນກັບເມືອປະເທດ, ໃນນັ້ນມີຜູ້ຊ່ຽວຊານ, ນັກປັນຍາຊົນກວ່າ 300 ຄົນມາເຮັດວຽກ ແລະ ອີກນັບພັນຄົນກັບເມືອຊອກຮູ້ກາລະໂອກາດລົງທຶນດຳເນີນທຸລະກິດ. ປະຈຸບັນ, ມີກວ່າ 3.500 ວິສາຫະກິດຢູ່ພາຍໃນປະເທດໂດຍແມ່ນຊາວຫວຽດນາມອາໄສຢູ່ຕ່າງປະເທດສ້າງຕັ້ງຫຼືປະກອບທຶນຮອນ ດ້ວຍຍອດຈຳນວນທຶນຈົດທະບຽນປະມານ 8,4 ຕື້ USD . ເງິນທຶນຂອງຊາວຫວຽດນາມອາໄສຢູ່ຕ່າງປະເທດຝາກເມືອປະເທດໄດ້ເພີ່ມຂຶ້ນສະເລຍແຕ່ 10 ຫາ 15%/ປີ. ປະຊາຄົມຊາວຫວຽດນາມອາໄສຢູ່ຕ່າງປະເທດຍາມໃດກໍສາມັກຄີກັນ, ຕັ້ງໜ້າປະກອບສ່ວນສ້າງສາ ແລະ ປົກປັກຮັກສາປະເທດຊາດ; ເປັນຂົວເຊື່ອມຕໍ່ຊຸກຍູ້ວິວັດການເຊື່ອມໂຍງເຂົ້າກັບສາກົນ, ເພີ່ມທະວີສາຍພົວພັນມິດຕະພາບ, ການຮ່ວມມືລະຫວ່າງຫວຽດນາມກັບໂລກ.
ສ່ວນປະກອບຂອງຄະນະກຳມະການສູນກາງແນວໂຮມປະເທດຊາດຫວຽດນາມອາຍຸການທີ 7, ມີຊາວຫວຽດນາມອາໄສຢູ່ຕ່າງປະເທດ 17 ຄົນເຂົ້າຮ່ວມ. ເຂົາເຈົ້າເປັນຕົວແທນແກ່ຖັນແຖວນັກທຸລະກິດ, ປັນຍາຊົນ, ຜູ້ອອກແຮງງານ, ຊາວຫວຽດນາມດຳລົງຊີວິດຢູ່ຕ່າງປະເທດ. ພວກເຂົາເຈົ້າຕ່າງກໍເສີມຂະຫຍາຍບົດບາດຂອງຕົນເປັນຢ່າງດີ, ເປັນຂົວຕໍ່ສື່ຂ່າວລະຫວ່າງພາຍໃນ ແລະ ຕ່າງປະເທດ. ນີ້ກໍແມ່ນຮູບການຜູ້ຮັດພໍ່ແມ່ພີນ້ອງຊາວຫວຽດນາມອາໄສຢູ່ຕ່າງປະເທດກັບ ຄະນະກຳມະການສູນກາງແນວໂຮມປະເທດຊາດຫວຽດນາມ, ດັ່ງທີ່ແຜນນະໂຍບາຍ, ນະໂຍບາຍຂອງພັກ, ລັດ ແລະ ລັດຖະທຳມະນູນຫວຽດນາມນາມໄດ້ລະບຸວ່າ : ແນວໂຮມປະເທດຊາດຫວຽດນາມແມ່ນຕົວແທນ, ປົກປ້ອງສິດ ແລະ ຜົນປະໂຫຍດອັນຊອບທຳ ແລະ ຖືກຕ້ອງຂອງປະຊາຊົນ, ໃນນັ້ນ, ມີຊາວຫວຽດນາມອາໄສຢູ່ຕ່າງປະເທດແມ່ນພາກສ່ວນທີ່ບໍ່ອາດຕັດແຍກອອກຈາກຊາດຫວຽດນາມໄດ້. ຕີລາຄາກ່ຽວກັບການປະກອບສ່ວນຂອງຊາວຫວຽດນາມອາໄສຢູ່ຕ່າງປະເທດ. ທ່ານຫງວຽນທ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດຫວຽດນາມຢືນຢັນວ່າ :
“ ພວກຂ້າພະເຈົ້າເຄົາລົບນັບຖືຕໍ່ການປະກອບສ່ວນຂອງຊາວຫວຽດນາມອາໄສຢູ່ຕ່າງປະເທດທີ່ມີຕໍ່ການພັດທະນາຂອງປະເທດຊາດ, ປົກປັກຮັກສາປະເທດຊາດ, ອະທິປະໄຕ, ປະກອບສ່ວນເຮັດວຽກງານເພື່ອກຸສົນ, ເຂົ້າຮ່ວມການສິດສອນ, ຄົ້ນຄ້ວາວິທະຍາສາດ. ພວກຂ້າພະເຈົ້າຢືນຢັນວ່າ ຢູ່ແຕ່ລະແຫ່ງໃນປະເທດຊາດຫວຽດນາມ, ຢູ່ໄສມີແນວໂຮມປະເທດຊາດນັ້ນ, ຢູ່ແຫ່ງນັ້ນ, ພວກຂ້າພະເຈົ້າກໍພ້ອມແລ້ວທີ່ຈະຮັບຟັງ, ສົມທົບກັບພໍ່ແມ່ພີນ້ອງຊາວຫວຽດນາມອາໄສຢູ່ຕ່າງປະເທດເພື່ອເຮັດໃຫ້ຊີວິດຂອງເຂົາເຈົ້າດີຂຶ້ນ ກໍຄືຊ່ວຍພໍ່ແມ່ພີນ້ອງມີເງື່ອນໄຂປະກອບສ່ວນເຂົ້າໃນການພັດທະນາຂອງປະເທດຊາດໃຫ້ນັບມື້ນັບມີປະສິດທິຜົນກວ່າເກົ່າ”
ຫັນວຽກງານຂົນຂວາຍຊາວຫວຽດນາມອາໄສຢູ່ຕ່າງປະເທດເປັນຫຼາຍຮູບຫຼາຍແບບເພື່ອປັບປຸງກຸ່ມກ້ອນມະຫາສາມັກຄີທົ່ວປວງຊົນທັງຊາດ
ເພື່ອໃຫ້ການເຄື່ອນໄຫວຂອງແນວໂຮມປະເທດຊາດຫວຽດນາມອາຍຸການທີ່ຈະມາເຖິງບັນລຸບັນດາໝາກຜົນທີ່ແທດຈິງນັ້ນ, ໃນອາຍຸການທີ່ຈະມາເຖິງ, ແນວໂຮມປະເທດຊາດຫວຽດນາມປ່ຽນແປງໃໝ່, ຫັນວຽກງານຂົນຂວາຍຊາວຫວຽດນາມອາໄສຢູ່ຕ່າງປະເທດເປັນຫຼາຍຮູບຫຼາຍແບບກວ່າອີກ, ມີຄວາມສະເໝີຕົ້ນສະເໝີປາຍໃນບັນດານະໂຍບາຍຄື ນະໂຍບາຍທີ່ກ່ຽວຂ້ອງເຖິງສັນຊາດ, ກົດໝານທີ່ດິນ, ເຄຫາສະຖານ, ກົດໝາຍວ່າດ້ວຍການລົງທຶນ ແລະ ຕ້ອງຢັ້ງຢືນໄດ້ເຖິງບັນດາເນື້ອໃນຊຶ່ງລັດຖະທຳມະນູນຫວຽດນາມໄດ້ເຕື້ອງເຖິງເພື່ອເສີມຂະຫຍາຍບົດບາດຂອງປະຊາຄົມ ຊາວຫວຽດນາມອາໄສຢູ່ຕ່າງປະເທດເປັນຢ່າງດີ. ທ່ານ ຫງວຽນຮ່ວາຍບັກ ຊາວຫວຽດນາມອາໄສຢູ່ການາດາ ຖືວ່າ :
“ ກົນໄກ ແລະ ນະໂຍບາຍຕ້ອງເອື້ອອຳນວຍຄວາມສະດວກກວ່າອີກ ຈຶ່ງຈະສາມາດດຶງດູດກຳລັງບົ່ມຊ້ອນຂອງ ຊາວຫວຽດນາມອາໄສຢູ່ຕ່າງປະເທດ. ໄລຍະທີ່ຜ່ານມາ, ແນວໂຮມປະເທດຊາດຫວຽດນາມໄດ້ເຮັດຫຼ້ອນໜ້າທີ່ບົດບາດຂອງຕົນທີ່ມີຕໍ່ ກຸ່ມກ້ອນມະຫາສາມັກຄີທົ່ວປວງຊົນ, ເພາະສະນັ້ນ, ຂ້າພະເຈົ້າປາຖະໜາວ່າ ພາຍຫຼັງກອງປະຊຸມໃຫຍ່ຄັ້ງທີ 8, ແນວໂຮມປະເທດຊາດຫວຽດນາມຈະມີບັນດາແຜນຮ່າງລະອຽດເພື່ອໃຫ້ລັດປະກາດໃຊ້ບັນດານະໂຍບາຍສຳລັບຊາວຫວຽດນາມອາໄສຢູ່ຕ່າງປະເທດທີ່ດີກ່ວາ. ”
ເມື່ອເຕື້ອງເຖິງການເຂົ້າຮ່ວມຂອງ ຊາວຫວຽດນາມອາໄສຢູ່ຕ່າງປະເທດໃນ ຄະນະກຳມະການສູນກາງແນວໂຮມປະເທດຊາດຫວຽດນາມອາຍຸການທີ່ຈະເຖິງ, ທ່ານຫງວຽນທ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດຫວຽດນາມຢືນຢັນວ່າ :
“ ໃນບັນດາອົງການຈັດຕັ້ງພາຍໃນປະເທດທັງໝົດ, ຊາວຫວຽດນາມອາໄສຢູ່ຕ່າງປະເທດບໍ່ມີຜູ້ແທນເຂົ້າຮ່ວມ, ແຕ່ສະເພາະຢູ່ແນວໂຮມປະເທດຊາດຫວຽດນາມພັດມີຜູ້ແທນເຂົ້າຮ່ວມ. ສິ່ງນີ້ເປັນການຢັ້ງຢືນວ່າ ຊາວຫວຽດນາມອາໄສຢູ່ຕ່າງປະເທດແມ່ນພາກສ່ວນທີ່ບໍ່ອາດຕັດແຍກອອກຈາກຊາດຫວຽດນາມໄດ້. ແນວໂຮມປະເທດຊາດຫວຽດນາມພ້ອມແລ້ວທີ່ຈະເຮັດທຸກສິ່ງທຸກຢ່າງເພື່ອໜູນຊ່ວຍພໍ່ແມ່ພີນ້ອງຊາວຫວຽດນາມອາໄສຢູ່ຕ່າງປະເທດຜູກຮັດກັບບ້ານເກີດເມືອງນອນປະເທດຊາດ” .
ແລະກໍທີ່ກອງປະຊຸມໃຫຍ່ຄັ້ງທີ 8, ຍັງຈະອອກຄຳຮຽກຮ້ອງໃຫ້ທົ່ວປວງຊົນ, ໃນນັ້ນ, ມີທັງຊາວຫວຽດນາມອາໄສຢູ່ຕ່າງປະເທດ ພ້ອມກັນຮ່ວມແຮງຮ່ວມໃຈສ້າງສາ ແລະ ປົກປັກຮັກສາປະເທດຊາດ. ທ່ານ ຫງວຽນລາມ ຮອງປະທານຄະນະກຳມະການສູນກາງແນວໂຮມປະເທດຊາດຫວຽດນາມໃຫ້ຮູ້ວ່າ :
“ ຄຳຮຽກຮ້ອງແມ່ນເລັ່ງໃສ່ບັນດາວຽກງານທີ່ສຳຄັນເພື່ອສ້າງສາ ແລະ ພັດທະນາປະເທດຊາດ. ບັນດາເນື້ອໃນທີ່ມີຕໍ່ຊາວຫວຽດນາມອາໄສຢູ່ຕ່າງປະເທດ ແມ່ນຈົ່ງຮັກສາສີສັນຊາດ, ອວາຍໜ້າເມືອຫາປະເທດຊາດຊາດ”
ເສີມຂະຫຍາຍບົດບາດຂອງຊາວຫວຽດນາມອາໄສຢູ່ຕ່າງປະເທດ ຍາມໃດກໍແມ່ນໜ້າທີ່ສຳຄັນຂອງແນວໂຮມປະເທດຊາດຫວຽດນາມ. ເລື່ອງແນວໂຮມປະເທດຊາດເອົາໃຈໃສ່ເຖິງໜ້າທີ່ນີ້ຫຼາຍກ່ວາໃນໄລຍະທີ່ຈະມາເຖິງ ຈະຜູກຮັດພໍ່ແມ່ພີນ້ອງຊາວຫວຽດນາມອາໄສຢູ່ຕ່າງປະເທດກັບປະເທດຊາດຍິ່ງກວ່າອີກ, ສະແດງໃຫ້ເຫັນແຈ້ງບົດບາດເປັນຕົວແທນ, ປົກປ້ອງສິດ ແລະ ຜົນປະໂຫຍດອັນຊອບທຳ ແລະ ຖືກຕ້ອງຂອງປະຊາຄົມຊາວຫວຽດນາມອາໄສຢູ່ຕ່າງປະເທດ.