ວັນທີ 27/11, ທ່ານ ປະທານປະເທດ ເຈີ່ນດ້າຍກວາງ ສີ້ນສຸດການຢ້ຽມຢາມກູບາ, ເຂົ້າຮ່ວມກອງປະຊຸມຂັ້ນສູງເວທີປາໄສ ການຮ່ວມມືດ້ານເສດຖະກິດ ອາຊີ-ປາຊີຟິກ (APEC), ຢ້ຽມຢາມທາງລັດຖະກິດຢູ່ອີຕາລີ, ຢ້ຽມຢາມສຳນັກວາຕິກັງ ແລະ ເຂົ້າຮ່ວມກອງປະຊຸມສຸດຍອດ ບັນດາປະເທດນຳໃຊ້ພາສາຝຣັ່ງ ຄັ້ງທີ 16 ຢູ່ Madagascar ຢ່າງຈົບງາມ. ການເດີນທາງຢ້ຽມຢາມ ຂອງ ທ່ານ ປະທານປະເທດ ເຈີ່ນດ້າຍກວາງ ແມ່ນການເຄື່ອນໄຫວພົວພັນຕ່າງປະເທດ ທີ່ສຳຄັນຂອງຫວຽດນາມ ໃນ ປີ 2016, ເປັນບາດກ້າວຫັນນະໂຍບາຍເຊື່ອມໂຍງເຂົ້າກັບສາກົນ ຂອງຫວຽດນາມເປັນລະອຽດ ຕາມເນື້ອໃນຈິດໃຈເອກະສານກອງປະຊຸມໃຫຍ່ ຄັ້ງທີ 12 ຂອງພັກກອມມູນິດຫວຽດນາມ.
ເພີ່ມທະວີການພົວພັນ ຢ່າງສະໜິດແໜ້ນ ແລະ ຄວາມໄວ້ເນື້ອເຊື່ອໃຈພິເສດຫວຽດນາມ-ກູບາ
ທ່ານປະທານປະເທດ ເຈີ່ນດ້າຍກວາງ ກ່າວຄຳເຫັນ
ທີ່ກອງປະຊຸມຂັ້ນສູງ Antananarivo
ການຢ້ຽມຢາມກູບລາຢ່າງເປັນທາງການ ໃນລະຫວ່າງ ວັນທີ 15-17/11/2016 ຂອງ ທ່ານ ປະທານປະເທດ ເຈີ່ນດ້າຍກວາງ ດຳເນີນໃນສະພາບການທີ່ຫວຽດນາມ ແລະ ກູບາ ໄດ້ຈັດຕັ້ງກອງປະຊຸມໃຫຍ່ຜູ້ແທນທົ່ວປະເທດ ຂອງພັກ ຢູ່ແຕ່ລະປະເທດ ຢ່າງສຳເລັດຜົນ, ຜ່ານແນວທາງນະໂຍບາຍ, ຍຸດທະສາດການກໍ່ສ້າງ ແລະ ປົກປັກຮັກສາປະເທດຊາດ ຢູ່ແຕ່ລະປະເທດ ໃນສະພາບການໃໝ່. ກູບາກໍ່ແມ່ນປະເທດທຳອິດ ຢູ່ຂົ້ວໂລກຕາເວັນຕົກ ທີ່ ທ່ານ ປະທານປະເທດ ເຈີ່ນດ້າຍກວາງ ໄປຢ້ຽມຢາມຢ່າງເປັນທາງການ ໃນຖານະຕຳແໜ່ງປະຈຸບັນ, ຖືກການນຳ, ອະດິດການນຳ, ປະຊາຊົນກູບາ ຕ້ອນຮັບຢ່າງສົມກຽດ ແລະ ອົບອຸ່ນ ທີ່ສຸດ. ສິ່ງນີ້ສະແດງໃຫ້ເຫັນມູນເຊື້ອອັນດີງາມ ກໍ່ຄືຄວາມປາດຖະໜາ ແລະ ການຕັດສິນໃຈ ຂອງສອງຝ່າຍ ໃນການສືບຕໍ່ປະຕິບັດການພົວພັນສາມັກຄີຖານອ້າຍນ້ອງ ແລະ ການຮ່ວມມືຮອບດ້ານ ລະຫວ່າງ 2 ພັກ, 2 ລັດ ແລະ ປະຊາຊົນສອງປະເທດ ຢ່າງເລິກເຊິ່ງກ່ວາອີກ. ໃນການຢ້ຽມຢາມຄັ້ງນີ້, ທ່ານ ປະທານປະເທດ ເຈີ່ນດ້າຍກວາງ ພ້ອມກັບບັນດາການນຳກູບາ ໄດ້ເຫັນດີເປັນເອກະພາບບັນດາທິດທາງໃຫຍ່ ເພື່ອຊຸກຍູ້ການພົວພັນລະຫວ່າງ 2 ປະເທດ ໃນໄລຍະຈະມາເຖິງ, ພິເສດສ້າງພະລັງແຮງໃໝ່ ໃຫ້ແກ່ການຮ່ວມມືດ້ານເສດຖະກິດ-ການຄ້າ ແລະ ການລົງທຶນສອງຝ່າຍ, ໃນສະພາບການທີ່ກູບາ ມີສະພາບແວດລ້ອມແຫ່ງການພົວພັນຕ່າງປະເທດທີ່ສະດວກ ແລະ ພວມແກ້ໄຂຄວາມຫຍຸ້ງຍາກເທື່ອລະກ້າວ, ສ້າງສະພາບແວດລ້ອມແຫ່ງການຜະລິດ, ດຳເນີນທຸລະກິດທີ່ນັບມື້ນັບເອື້ອອຳນວຍຄວາມສະດວກ.
ທ່ານປະທານປະເທດ ເຈີ່ນດ້າຍກວາງ ພົບປະ
ກັບທ່ານນາຍົກລັດຖະມົນຕີ ອີຕາລີ Matteo Renzi
ນຳການພົວພັນຄູ່ຮ່ວມມືຍຸດທະສາດ ຫວຽດນາມ - ອີຕາລີ ເຂົ້າສູ່ລວງເລິກ
ປະເທດທີ 2 ໃນການເດີນທາງຢ້ຽມຢາມຂອງທ່ານປະທານປະເທດ ເຈີ່ນດ້າຍກວາງ ແມ່ນ ອີຕາລີ ເຊິ່ງດຳເນີນແຕ່ວັນທີ 21 – 24/11/2016.
ໃນການພົບປະເຈລະຈາທຸກຄັ້ງລະຫວ່າງປະທານປະເທດ ເຈີ່ນດ້າຍກວາງ ກັບການນຳຂັ້ນສູງ ແລະ ການນຳທ້ອງຖິ່ນ, ຜູ້ຕ່າງໜ້າບັນດາພັກຝ່າຍຊ້າຍຂອງ ອີຕາລີ ນັ້ນ, 2 ຝ່າຍລ້ວນແຕ່ຢືນຢັນ ຈະສຶບຕໍ່ຊຸກຍູ້ບັນດາກົນໄກຮ່ວມມື ທີ່ມີຢູ່ ແລ້ວ, ພິເສດ ແມ່ນວາງຄາດໝາຍສູ້ຊົນນຳວົງເງິນແລກປ່ຽນການຄ້າຈາກລະດັບ 4.3 ຕື້ USD ໃນປະຈຸບັນຂຶ້ນເຖິງ 6 ຕື້ USD ໃນປີ 2017 – 2018. 2 ຝ່າຍຢືນຢັນສືບຕໍ່ສະໜັບສະໜູນເຊິ່ງກັນ ແລະ ກັນ, ສົມທົບກັນຢ່າງແໜ້ນແຟ້ນໃນບັນດາກົນໄກ ແລະ ເວທີປາໄສຫລາຍຝ່າຍ, ອີຕາລີ ສະໜັບສະໜູນ ຫວຽດນາມ ໃນການພົວພັນກັບ ອີຢູ, ຊຸກຍູ້ການລົງນາມໃນສັນຍາການຄ້າເສລີລະຫວ່າງ ຫວຽດນາມ - ອີຢູ ໂດຍໄວ.
ໃນເວລາຢູ່ຢ້ຽມຢາມ ອີຕາລີ, ທ່ານປະທານປະເທດ ເຈີ່ນດ້າຍກວາງ ກໍ່ໄດ້ໄປຢ້ຽມຢາມສຳນັກ ວາຕີກັງ, ພົບປະກັບສັນທະປະປາ Francis ແລະ ນາຍົກລັດຖະມົນຕີ Pietro Parolin ສັນທະປະປາ Francis ແລະ ນາຍົກລັດຖະມົນຕີ Pietro Parolin ໄດ້ຕີລາຄາສູງບັນດາຜົນງານແຫ່ງການພັດທະນາເສດຖະກິດສັງຄົມຂອງ ຫວຽດນາມ, ຊົມເຊີຍເລື່ອງ ຫວຽດນາມ ສ້າງນະໂຍບາຍ ເສລີພາບໃນການເຫຼື້ອມໃສສະສາໜາໃຫ້ສົມບຸນແບບ, ເຫັນດີຊຸກຍູ້ການເພີ່ມທະວີການຮ່ວມມື, ເຈລະຈາລະຫວ່າງ ຫວຽດນາມ ແລະ ສຳນັກ ວາຕາວັງ ໃນໄລຍະທີ່ຈະມາເຖິງ.
ຢັ້ງຢືນບົດບາດເປັນປະເທດເຈົ້າພາບຈັດຕັ້ງປີ APEC 2017.
ການເຄື່ອນໄຫວພົວພັນຕ່າງປະເທດຫລາຍຝ່າຍທີ່ສຳຄັນໃນການເດີນທາງຢ້ຽມຢາມຄັ້ງນີ້ຂອງທ່ານປະທານປະເທດເຈີ່ນດ້າຍກວາງ ແມ່ນການເຂົ້າຮ່ວມກອງປະຊຸມສຸດຍອດເວທີປາໄສຮ່ວມມີເສດຖະກິດ ອາຊີ - ປາຊີຟິກ ຄັ້ງທີ 24 (APEC 24) ຢູ່ ເປຣູ ແຕ່ວັນທີ 17 – 20/11. ດ້ວຍບົດບາດເປັນປະເທດເຈົ້າພາບຈັດຕັ້ງ APEC 2017, ທີ່ເວທີປາໄສນີ້, ທ່ານປະທານປະເຈີ່ນດ້າຍກວາງ ອີກເທື່ອໜຶ່ງໄດ້ຢືນຢັນເຖິງຄວາມມີກຽດ ແລະ ໜ້າທີ່ຮັບຜິດຊອບອັນສູງສົ່ງຂອງ ຫວຽດນາມໃນເລື່ອງ ພ້ອມກັບບັນດາພື້ນຖານເສດຖະກິດ ປະເທດພາຄີໄດ້ມານະພະຍາຍາມສ້າງຂີດໝາຍແຫ່ງວິວັດທະນາການພັດທະນາຢ່າງບໍ່ຢຸດຢັ້ງຂອງເວທີປາໄສ APEC ໃຫ້ແກ່ປີ APEC 2017, ຊຸກຍູ້ທ່າອຽງສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຂອງພາກພື້ນ ແລະ ໂລກ. ທ່ານປະທານປະເທດ ເຈີ່ນດ້າຍກວາງ ຫວັງວ່າ: ປີ APEC 2017 ທີ່ຈັດຂຶນຢູ່ ຫວຽດນາມ ຈະແມ່ນໂອກາດ ເພື່ອໃຫ້ບັນດາປະເທດສະມາຊິກ APEC ແລະ ເພື່ອນມິດສາກົນຮັບຮູ້ຢ່າງເລິກເຊິ່ງກ່ຽວກັບປະເທດ ຫວຽດນາມ ແຫ່ງສັນຕິພາບ, ສະຖຽນລະພາບ ແລະ ພັດທະນາທີ່ຂະຫຍັນຂັນເຄື່ອນ, ຊາວ ຫວຽດນາມ ເຕັມໄປດ້ວຍມິດຈິດມິດໃຈ, ມີວັດທະນະທຳມະນຸດ ແລະ ຮັກແພງແຂກ.
ປະຊາຄົມບັນດາປະເທດໃຊ້ພາສາ ຝະລັ່ງ ຖືເປັນສຳຄັນ ແລະ ຕີລາຄາສູງບົດບາດຂອງ ຫວຽດນາມ
ການເຄື່ອນໄຫວສຸດທ້າຍຂອງທ່ານປະທານປະເທດ ເຈີ່ນດ້າຍກວາງ ໃນການເດີນທາງ
ຢ້ຽມຢາມຄັ້ງນີ້ ແມ່ນການເຂົ້າຮ່ວມກອງປະຊຸມສຸດຍອດບັນດາປະເທດໃຊ້ພາສາ ຝະລັ່ງ ຄັ້ງທີ 16 ທີ່ດຳເນີນເປັນເວລາ 2 ວັນ ຄືວັນທີ 26 – 27 /11. ທີ່ກອງປະຊຸມຄັ້ງນີ້ ເລື່ອງທ່ານປະທານປະເທດ ເຈີ່ນດ້າຍກວາງ ແມ່ນຜູ້ຕາງໜ້າພຽງຄົນດຽວມາຈາກພາກພື້ນ ອາຊີ - ປາຊີຟິກ ຂຶ້ນກ່າວປາໄສທີ່ພິທີໄຂ ແມ່ນການສະແດງໃຫ້ເຫັນການຕີລາຄາສູງຂອງປະຊາຄົມບັນດາປະເທດໃຊ້ພາສາ ຝະລັ່ງ ທີ່ມີຕໍ່ ຫວຽດນາມ. ໃນບົດປາໄສ, ທ່ານປະທານປະເທດ ເຈີ່ນດ້າຍກວາງ ໄດ້ຊີ້ແຈ້ງເຖິງສານທີ່ວ່າ: “ຄວນຊຸກຍູ້ການຮ່ວມມື, ເພີ່ມທະວີຄວາມສາມັກຄີ ເພື່ອສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງ” ຮຽກຮ້ອງໃຫ້ປະຊາຄົມບັນດາປະເທດໃຊ້ພາສາ ຝະລັ່ງ ເພີ່ມທະວີການປະກອບສ່ວນສ້າງຄວາມເປັນລະບຽບຮຽບຮ້ອຍໃນໂລກແຫ່ງຍຸຕິທຳ, ສະເໝີພາບກ່ວາເກົ່າ. ທ່ານປະທານປະເທດ ເຈີ່ນດ້າຍກວາງ ຍັງແບ່ງປັນຮູບແບບສຳເລັດຜົນຂອງ ຫວຽດນາມ ໃນພາລະກິດປ່ຽນແປງໃໝ່ຢ່າງຮອບດ້ານ, ຮັກສາສະຖຽນລະພາບທາງດ້ານການເມືອງ ແລະ ການພັດທະນາເສດຖະກິດສັງຄົມ.
ບັນດາການຢ້ຽມຢາມໃນຂອບເຂດ 2 ຝ່າຍ ແລະ ເຂົ້າຮ່ວມເວທີປາໄສຫລາຍຝ່າຍຄັ້ງຕ່າງໆຂອງທ່ານປະທານປະເທດ ເຈີ່ນດ້າຍກວາງ ໃນຄັ້ງນີ້ ໄດ້ປະສົບຜົນສຳເລັດຢ່າງຈົບງາມ. ໝາກຜົນນີ້ ບໍ່ພຽງແຕ່ ນຳການພົວພັນລະຫວ່າງ ຫວຽດນາມ ກັບບັນດາປະເທດຄູ່ຮ່ວມມືເຂົ້າສູ່ລວງເລິກ, ຕິດແທດຕົວຈິງເທົ່ານັ້ນ ຫາກຍັງສືບຕໍ່ສະແດງໃຫ້ເຫັນບົດບາດຕັ້ງໜ້າ ແລະ ການເຈົ້າການຂອງ ຫວຽດນາມ ເຂົ້າຮ່ວມຢ່າງກ້ວາງເລິກເຂົ້າໃນການແກ້ໄຂບັນດາບັນຫາທ້າທາຍໃນທົ່ວໂລກ.