(vovworld)- ຫວຽດນາມ ຫາກໍ່ສິ້ນສຸດປີທຳອິດໃນອາຍຸການ ເປັນສະມາຊິກຂອງສະພາສິດທິມະນຸດ ສະຫະປະຊາຊາດ (ສປຊ) ໄລຍະ 2014-2016. ເຖິງວ່າເປັນສະມາຊິກໃຫມ່ກໍຕາມ ແຕ່ຍາມໃດ ຫວຽດນາມ ກໍສະແດງຈິດໃຈຄວາມຮັບຜິດຊອບສູງໃນບັນດາວຽກງານລວມຂອງສະພາສິດທິມະນຸດ, ປະກອບສ່ວນຢ່າງຕັ້ງຫນ້າເຂົ້າໃນການຮັບປະກັນສິດຂອງບັນດາກຸ່ມຄົນຖືກສ່ຽງໄພສູງກວ່າເພື່ອນ, ບັນຫາສະບຽງອາຫານ, ສຸຂະພາບ, ນ້ຳສະອາດ.. ເຄີຍແມ່ນບັນດາບັນຫາຂອງບັນດາປະເທດພວມພັດທະນາ. ເດືອນ 3/2014, ຄະນະຜູ້ແທນ ຫວຽດນາມ ໂດຍທ່ານ ຟ້າມບີງມີງ, ຮອງນາຍົກລັດຖະມົນຕີ, ທັງເປັນລັດຖະມົນຕີວ່າການກະຊວງການຕ່າງປະເທດ ຫວຽດນາມ ນຳຫນ້າ, ເປັນຄັ້ງທຳອິດເຂົ້າຮ່ວມວາລະປະຊຸມຂັ້ນສູງຂອງສະພາສິດທິມະນຸດ ສປຊ, ເປີດສາກໃຫ້ປີເຄື່ອນໄຫວຢ່າງຕັ້ງຫນ້າຂອງ ຫວຽດນາມໃນຖານະເປັນສະມາຊິກຂອງອົງການນີ້. ພຽງໃນໄລຍະ 1 ປີ, ຫວຽດນາມ ໄດ້ເຂົ້າຮ່ວມກອງປະຊຸມຢ່າງເປັນທາງການນັບຮ້ອຍຄັ້ງ ແລະ ບັນດາການທາບທາມຄຳເຫັນຢູ່ ສະພາສິດທິມະນຸດ, ປຶກສາຫາລື, ປ່ອນບັດເກືອບ 200 ມະຕິ, ຂໍ້ຕົກລົງກ່ຽວຂ້ອງເຖິງແງ່ມູມແຕກຕ່າງກັນຂອງສິດທິມະນຸດ.
ວາລະປະຊຸມຂອງສະພາສິດທິມະນຸດ ສປຊ
ພາບ:dantri.com.vn
|
ເຂັ້ມງວດ, ເປັນເຈົ້າການໃນການປະຕິບັດບັນດາກົນໄກຫລາຍຝ່າຍ, ສອງຝ່າຍກ່ຽວກັບສິດທິມະນຸດ
ຈຸດເວລາເລີ່ມອາຍຸການເປັນສະມາຊິກ ສະພາສິດທິມະນຸດ ກໍແມ່ນຈຸດເວລາທີ່ຫວຽດນາມ ກະກຽມລາຍງານກ່ຽວກັບກົນໄກທົບທວນຄືນປະຈຳໄລຍະດ້ານສິດທິມະນຸດ(UPR) ຄັ້ງທີ 2. ດ້ວຍເຫດການນີ້, ຫວຽດນາມ ໄດ້ສະແດງໃຫ້ເຫັນແມ່ນປະເທດຫນຶ່ງຍາມໃດກໍ ປະຕິບັດບັນດາຄຳໝັ້ນສັນຍາສາກົນກ່ຽວກັບສິດທິມະນຸດຢ່າງເຂັ້ມງວດ, ຍາມໃດກໍຮັບຟັງ, ຮັບເອົາການປະກອບຄຳເຫັນຈາກເພື່ອນມິດສາກົນ ແລະ ຍາມໃດກໍພະຍາຍາມຈົນສຸດຄວາມສາມາດຂອງຕົນເພື່ອໃຫ້ປະຊາຊົນໄດ້ຊົມໃຊ້ບັນດາແງ່ມູມຂອງສິດທິມະນຸດນັບມື້ນັບດີກວ່າ. ຫວຽດນາມ ຍັງເປັນເຈົ້າການເຂົ້າຮ່ວມຢ່າງຕັ້ງຫນ້າບັນດາເວທີປາໄສຫລາຍຝ່າຍ ກ່ຽວຂ້ອງເຖິງສິດທິມະນຸດຄື: ກອງປະຊຸມສະມັດຊາໃຫຍ່ ສປຊ, ຄະນະກຳມະການພັດທະນາສັງຄົມ ແລະ ຄະນະກຳມະການຕຳແຫນ່ງແມ່ຍິງ(ຂຶ້ນກັບສະພາເສດຖະກິດສັງຄົມຂອງສປຊ), ອົງການແຮງງານສາກົນ… ຢູ່ລະດັບພາກພື້ນ, ຫວຽດນາມ ກໍສະແດງໃຫ້ເຫັນບົດບາດຕັ້ງຫນ້າໃນອົງການສິດທິມະນຸດແຫ່ງຊາດ ອາຊຽນ(AICHR) ເມື່ອເປັນປະທານຈັດຕັ້ງກອງປະຊຸມສຳມະນາຂອງ AICHR ຢູ່ ຮ່າໂນ້ຍ. ໃນຂອບເຂດເວທີປາໄສຮ່ວມມື ອາຊີ - ເອີລົບ (ASEM), ເປັນຄັ້ງທຳອິດ, ຫວຽດນາມ ເປັນເຈົ້າພາບຈັດຕັ້ງກອງປະຊຸມສຳມະນາບໍ່ເປັນທາງການກ່ຽວກັບສິດທິມະນຸດ ດ້ວຍຫົວຂໍ້ວ່າ: “ວິສາຫະກິດ ແລະ ສິດທິມະນຸດ”.
ພ້ອມກັບບັນດາກົນໄກຫລາຍຝ່າຍ, ໃນປີຜ່ານມາ ຫວຽດນາມ ສືບຕໍ່ຜັນຂະຫຍາຍກົນໄກເຈລະຈາສອງຝ່າຍກ່ຽວກັບສິດທິມະນຸດ, ໃນນັ້ນ ພົ້ບເດັ່ນແມ່ນການໂອ້ລົມສົນທະນາກັບອາເມລິກາ, ອົດສະຕາລີ, ສະວິດ. ເຖິງວ່າຍັງມີຈຸດທີ່ແຕກຕ່າງກັນ, ແຕ່ບັນດາການເຈລະຈາລ້ວນແຕ່ດຳເນີນໄປບົນຈິດໃຈເປີດເຜີຍ, ກົງໄປກົງມາ, ສ້າງສັນ, ຊ່ວຍເພີ່ມທະວີຄວາມເຂົ້າໃຈ ແລະ ຫນູນຊ່ວຍວິວັດການສ້າງຄວາມໄວ້ເນື້ອເຊື່ອໃຈລະຫວ່າງ ຫວຽດນາມ ແລະ ບັນດາປະເທດຕ່າງທີ່ມີຄວາມສົນໃຈ.
ຮັບປະກັນສິດທິມະນຸດໃນທຸກແງ່ມູມ
ໄປຄຽງຄູ່ກັບເລື່ອງຕັ້ງຫນ້າປະຕິບັດຄວາມຮັບຜິດຊອບເປັນສະມາຊິກຂອງສະພາສິດທິມະນຸດ ສປຊ, ຫວຽດນາມ ສືບຕໍ່ບັນລຸບັນດາໝາກຜົນຢ່າງຈະແຈ້ງໃນການສ້າງລະບົບກົດໝາຍ, ນະໂຍບາຍກ່ຽວກັບສິດທິມະນຸດໃຫ້ສົມບູນແບບ ກໍຄືການປະຕິບັດສິດທິມະນຸດໃນຕົວຈິງ. ປີ 2014, ຫວຽດນາມ ເປັນຄັ້ງທຳອິດຜັນຂະຫຍາຍລັດຖະທຳມະນູນປີ 2013 ດ້ວຍລາຍການສະເພາະກ່ຽວກັບສິດທິມະນຸດ. ປີ 2014 ກໍເປັນຂີດໝາຍສຳຄັນກ່ຽວກັບການເຂົ້າຮ່ວມ, ປະຕິບັດບັນດາຄຳໝັ້ນສັນຍາສາກົນກ່ຽວກັບສິດທິມະນຸດ, ເມື່ອສະພາແຫ່ງຊາດຊຸດທີ 13 ໃຫ້ສັດຕະຍາບັນເລື່ອງເຂົ້າຮ່ວມສົນທິສັນຍາຕ້ານການທໍລະມານ ແລະ ສົນທິສັນຍາກ່ຽວກັບສິດຂອງຄົນພິການ ແລະ ຫວຽດນາມ ປ້ອງກັນບົດລາຍງານແຫ່ງຊາດກ່ຽວກັບການປະຕິບັດສົນທິສັນຍາກ່ຽວກັບບັນດາສິດເສດຖະກິດ, ວັດທະນະທຳ ແລະ ສັງຄົມເມື່ອເດືອນ 11/2014 ສຳເລັດຜົນ. ເປັນຫນ້າສົນໃຈແມ່ນບໍ່ຫົວຊາຕໍ່ບັນດາຄວາມຫຍຸ້ງຍາກພາວະວິໄສດ້ານເສດຖະກິດ ສັງຄົມ, ຫວຽດນາມ ຍັງຄົງບັນລຸໄດ້ບັນດາຜົນງານສຳຄັນກ່ຽວກັບການຮັບປະກັນສິດທິມະນຸດໃນທຸກແງ່ມູມ, ຈາກການລົບລ້າງຄວາມອຶດຫິວຫລຸດຜ່ອນຄວາມທຸກຍາກ, ສ້າງວຽກເຮັດງານທຳ, ຮັບປະກັນຊີວິດສັງຄົມຕະຫລອດຮອດການຍົກສູງຊີວິດທາງດ້ານວັດທະນະທຳ, ຈິດໃຈໃຫ້ແກ່ປະຊາຊົນ. ຕາມນັ້ນແລ້ວ, ການດຳເນີນຊີວິດດ້ານວັດທະນະທຳ, ສາສະຫນາ, ການເຫລື້ອມໃສຂອງປະຊາຊົນໄດ້ຮັບການຕອບສະຫນອງຢ່າງຟົດຟື້ນ ແລະ ເປັນຫລາຍຮູບຫລາຍແບບ ຜ່ານບັນດາເຫດການຄື: ວັນບຸນວິສາຂະບູຊາສາກົນ- Vesak ສປຊ, ວັນບຸນ ຄຼິດສະມາດ ກໍຄືບັນດາງານບຸນທີ່ເປັນມູນເຊື້ອໃນທົ່ວເຂດພາກຂອງທັງປະເທດ. ນອກນັ້ນ ການພັດທະນາຢ່າງແຮງຂອງອິນເຕີແນັດ ຢູ່ຫວຽດນາມ ໄດ້ສ້າງເງື່ອນໄຂເພື່ອໃຫ້ປະຊາຊົນນັບມື້ນັບຕັ້ງຫນ້າເຂົ້າຮ່ວມການໄຈ້ແຍກຕີລາຄາໃນວິວັດການສ້າງແຜນນະໂຍບາຍ, ນະໂຍບາຍພັດທະນາເສດຖະກິດສັງຄົມຂອງອຳນາດການປົກຄອງທຸກຂັ້ນ.
ຜ່ານບັນດາການເຄື່ອນໄຫວ ແລະ ປະກອບສ່ວນຢ່າງແທດຈິງທີ່ບັນດາເວທີປາໄສຫລາຍຝ່າຍ, ສອງຝ່າຍທີ່ກ່ຽວຂ້ອງເຖິງສິດທິມະນຸດໃນປີ 2014, ຫວຽດນາມ ໄດ້ສະແດງໃຫ້ເຫັນແມ່ນສະມາຊິກຕັ້ງຫນ້າ, ເປັນເຈົ້າການ ແລະ ມີຄວາມຮັບຜິດຊອບຂອງສະພາສິດທິມະນຸດ ສປຊ. ໝາກຜົນພົ້ນເດັ່ນໃນການປະຕິບັດສິດທິມະນຸດຂອງຫວຽດນາມ ໃນຕົວຈິງກໍ່ໄດ້ຮັບການຕີລາຄາສູງຈາກປະຊາຄົມໂລກ. ບັນດາໝາກຜົນດັ່ງກ່າວ ໄດ້ປະກອບສ່ວນຍົກສູງທີ່ຕັ້ງບົດບາດຂອງຫວຽດນາມ ໃນເວທີສາກົນ, ຊ່ວຍໃຫ້ຫວຽດນາມ ສ້າງພາບພົດອັນດີງາມກ່ຽວກັບປະເທດທີ່ສຳເລັດຜົນໃນການປະຕິບັດບັນດາເປົ້າໝາຍສະຫັດສະວັດຂອງ ສປຊ ກ່ຽວກັບສິດທິມະນຸດ, ໃນນັ້ນ ມີບັນຫາສຶກສາ, ສາທາລະນະສຸກ, ຄວາມສະເຫມີພາບລະຫວ່າງຍິງຊາຍ, ແຮງງານ, ການຫນູນຊ່ວຍຊາວຊົນເຜົ່າສ່ວນຫນ້ອຍ, ລົບລ້າງຄວາມອຶດຫິວຫລຸດຜ່ອນຄວາມທຸກຍາກ.