ໂດຍຖັດຈາກອາຍຸການເປັນສະມາຊິກສະພາສິດທິມະນຸດແຫ່ງສະຫະປະຊາຊາດ 2014 – 2016, ຫວຽດນາມພວມສືບຕໍ່ສົ່ງຜູ້ຕາງໜ້າອອກສະໝັກຮັບເລືອກຕັ້ງເຂົ້າໜຶ່ງໃນບັນດາ 7 ຕຳແໜ່ງເປັນສະມາຊິກຂອງກຳມາທິການກົດໝາຍສາກົນອາຍຸການ 2017 – 2021 ໃຫ້ແກ່ພາກພື້ນອາຊີ - ປາຊີຟິກ. ສິ່ງນີ້ໄດ້ຢັ້ງຢືນອີກຄັ້ງໜຶ່ງວ່າ ຫວຽດນາມຫວັງສືບຕໍ່ປະກອບສ່ວນສວມບົດບາດ ແລະ ສຽງເວົ້າທີ່ໃຫຍ່ກວ່າໃນເວທີປາໄສຫຼາຍຝ່າຍທີ່ສຳຄັນນີ້.
ວາລະປະຊຸມຄັ້ງໜຶ່ງຂອງມະມັດຊາໃຫຍ່ ສ.ປ.ຊ |
ຜູ້ຕາງໜ້າຂອງຫວຽດນາມທີ່ເຂົ້າຮ່ວມອອກສະໝັກຮັບເລືອກຕັ້ງຄັ້ງນີ້ ແມ່ນຮອງສາດສະດາຈານ, ປ.ອ, ເອກອັກຄະລັດຖະທູດຫວຽດນາມປະຈຳຄູເວດ ຫງວຽນຮົ່ງທາວ. ທ່ານແມ່ນຜູ້ຊ່ຽວຊານດ້ານກົດໝາຍສາກົນ, ເຄີຍດຳລົງຕຳແໜ່ງຮອງປະທານຄະນະກຳມະການຊາຍແດນແຫ່ງຊາດ, ຫົວໜ້າຄະນະເຈລະຈາບັນດາສັນຍາຊາຍແດນກັບບັນດາປະເທດບ້ານໃກ້ເຮືອນຄຽງຂອງຫວຽດນາມ, ທີ່ປຶກສາດ້ານກົດໝາຍໃຫ້ແກ່ຮ່າງກົດໝາຍວ່າດ້ວຍທະເລຫວຽດນາມປີ 2012. ທ່ານໄດ້ມີປະສົບການເຄື່ອນໄຫວໃນຂະແໜງການທູດເປັນເວລາ 40 ປີ.
ຄະນະກຳມາທິການກົດໝາຍສາກົນ ສະຫະປະຊາຊາດ - ເວທີປາໄສກົດໝາຍສາກົນທີ່ອິດທິພົນຊື່ສຽງທີ່ສຸດ
ຄະນະກຳມາທິການກົດໝາຍສາກົນ ສະຫະປະຊາຊາດໄດ້ຮັບການສ້າງຕັ້ງຂຶ້ນແຕ່ປີ 1946 ດ້ວຍໜ້າທີ່ຮວບຮ່ວມນິຕິກຳ ແລະ ພັດທະນາກົດໝາຍສາກົນ. ບົດບາດຂອງ ຄະນະກຳມາທິການກົດໝາຍສາກົນ ສະຫະປະຊາຊາດແມ່ນສຳຄັນທີ່ສຸດໃນການຮຽບຮຽງສົນທິສັນຍາສາກົນ. ຍົກອອກບັນດາຂໍ້ລິເລີ່ມ, ແນະນຳການນຳໃຊ້ກົດໝາຍສາກົນ. ຄະນະກຳມາທິການ ກໍເຄີຍແມ່ນຜູ້ຮຽບຮຽງສົນທິສັນຍາກ່ຽວກັບກົດໝາຍວ່າດ້ວຍທະເລປີ 1958 ແລະ ບັນດາຄວາມສຳນຶກໃນປະຈຸບັນ ຍັງຄົງໄດ້ຮັບການນຳໃຊ້ປະຕິບັດໃນສົນທິສັນຍາກ່ຽວກັບກົດໝາຍວ່າດ້ວຍທະເລປີ 1982 ແລະ ບັນດາສົນທິສັນຍາສາກົນອື່ນໆ.
ບັນດາປະເທດຕ່າງກໍມີສິດແນະນຳຜູ້ອອກສະໝັກຮັບເລືອກຕັ້ງຂອງຕົນ ແຕ່ຈະມີການເລືອກເອົາການເລືອກຕັ້ງທີ່ເຄັ່ງຄັດທີ່ສຸດ, ເລືອກຕັ້ງຕໍ່ໜ້າສະມັດຊາໃຫຍ່ ສະຫະປະຊາຊາດ ແລະ ຕ້ອງບັນລຸຈຳນວນບັດສະໜັບສະໜູນຢ່າງໜ້ອຍສຸດແມ່ນກາຍເຄິ່ງໜຶ່ງ ແລະ ນັບຈາກເທິງລົງລຸ່ມ, ຜູ້ໃດມີຈຳນວນບັດຫຼາຍກ່ວາຫມູ່ແມ່ນຈະໄດ້ໄຊຊະນະໃນການເລືອກຕັ້ງ.
ຫວຽດນາມກະກຽມຢ່າງລະອຽດໃຫ້ແກ່ບັ້ນເຄື່ອນໄຫວສະໝັກເລືອກຕັ້ງ
ບັ້ນຂົນຂວາຍໃຫ້ແກ່ທ່ານ ຮອງສາດສະດາຈານ, ປ.ອ ຫງວຽນຮົ່ງທາວ ອອກສະໝັກຮັບເລືອກຕັ້ງເຂົ້າຕຳແໜ່ງດັ່ງກ່າວ ແມ່ນໄດ້ເລີ່ມປະຕິບັດຢ່າງເປັນທາງການເມືອ່ເດືອນ 2/2016 ພາຍຫຼັງທີ່ຄະນະຜູ້ຕາງໜ້າຫວຽດນາມປະຈຳ ສະຫະປະຊາຊາດ, ອົງການການຄ້າໂລກ ແລະ ອົງການສາກົນອື່ນໆຢູ່ເຊີແນວປະເທດສະວິດ ໄດ້ສົ່ງສານແນະນຳທ່ານເຖິງຄະນະຜູ້ຕາງໜ້າຂອງປະເທດຕ່າງໆ. ຕາມທ່ານ ຮອງສາດສະດາຈານ, ປ.ອ, ເອກອັກຄະລັດຖະທູດຫວຽດນາມປະຈຳຄູເວດ ຫງວຽນຮົ່ງທາວແລ້ວ, ການອອກສະໝັກຮັບເລືອກຕັ້ງເຂົ້າຄະນະກຳມາທິການກົດໝາຍສາກົນ ສະຫະປະຊາຊາດແມ່ນຄວາມເປັນກຽດ ແລະ ຄວາມຮັບຜິດຊອບອັນສູງສົ່ງ. ທ່ານຮອງສາດສະດາຈານ, ປ.ອ ຫງວຽນຮົ່ງທາວ ກ່າວວ່າ :
“ ໃນຈຸດເວລານີ້, ຫວຽດນາມຕົກລົງເຂົ້າຮ່ວມອອກສະໝັກຮັບເລືອກຕັ້ງ, ທີ 1 , ມັນແມ່ນຈຸດເວລາເປີດສາກອາຍຸການໃໝ່, ພ້ອມທັງສອດຄ່ອງກັບແນວທາງການຕ່າງປະເທດຂອງພັກ, ລັດຫວຽດນາມ ແມ່ນດຳເນີນການເຊື່ອມໂຍງຢ່າງຮອບດ້ານ, ບໍ່ພຽງແຕ່ເຊື່ອມໂຍງດ້ານເສດຖະກິດ, ວັດທະນະທຳສັງຄົມເທົ່ານັ້ນ, ຫາກຍັງເຊື່ອມໂຍງດ້ານກົດໝາຍອີກດ້ວຍ. ນີ້ກໍແມ່ນການຕັດສິນທີ່ແຮງກ້າ, ສະຫຼາດສ່ອງໃສຂອງພັກ ແລະ ລັດຫວຽດຍາມ ”
ທ່ານຮອງສາດສະດາຈານ, ປ.ອ ຫງວຽນຮົ່ງທາວ ໃຫ້ຮູ້ວ່າ ທ່ານຈະໃຫ້ບຸລິມະສິດແກ່ບາງຫົວເລື່ອງທີ່ແທດເໝາະໃຫ້ແກ່ພາກພື້ນອາຊີ-ປາຊີຟິກ ກໍຄືບັນດາປະເທດພວມພັດທະນາຢູ່ອາຊີ, ອາຟະລິກາ ແລະ ບັນດາຫົວເລື່ອງອື່ນທີ່ຂຶ້ນກັບຂົງເຂດເຊິ່ງຄະນະກຳມາທິການມີຄວາມສົນໃຈ. ທ່ານຮອງສາດສະດາຈານ, ປ.ອ ຫງວຽນຮົ່ງທາວ ໃຫ້ຮູ້ວ່າ :
“ ສຳລັບທຸກໆອົງການກົດໝາຍ, ອຳນາດສານສາກົນ, ນ້ຳໃຈເຄົາລົບກົດໝາຍແມ່ນເໜືອກ່ວາສິ່ງໃດໝົດ. ໜ້າທີຂອງຄະນະກຳມາທິການກົດໝາຍສາກົນແມ່ນຮວບຮ່ວມນິຕິກຳ ແລະ ພັດທະນາກົດໝາຍສາກົນ ກໍຄືສວມບົດບາດເຊັ່ນນັ້ນ. ເລື່ອງພວກເຮົາມີຜູ້ເຂົ້າຮ່ວມ, ກາຍເປັນສະມາຊິກຂອງຄະນະກຳມາທິການນີ້ຫຼືບໍ່ນັ້ນ, ພວກເຮົາຍາມໃດກໍຫວັງນຳເອົາບັນດາບົດຮຽນຂອງປະເທດຊາດ ແລະ ຄຳເຫັນສັງລວມເພື່ອສ້າງຫຼັກການດ້ານກົດໝາຍ, ແກ້ໄຂບັນດາບັນຫາໃໝ່ທີ່ເກີດຂຶ້ນຂອງກົດໝາຍສາກົນ. ນີ້ແມ່ນການປະກອບສ່ວນມີລະດັບສາກົນ, ສົ່ງຜົນກະທົບເຖິງຫຼາຍປະເທດ, ຫາກບໍ່ແມ່ນສົ່ງເຖິງປະເທດໃດໜຶ່ງ”
ແບກຫາບໜ້າທີ່ຮັບຜິດຊອບ ບໍ່ພຽງແຕ່ສຳລັບປະເທດຊາດເທົ່ານັ້ນ, ຫາກຍັງສຳລັບສາກົນອີກດ້ວຍ
ສະພາບການໂລກພວມມີການປ່ຽນແປງຫຼາຍຢ່າງ, ບັນດາປະເທດພວມຕ້ອງຮັບມືກັບສິ່ງທ້າທາຍທີ່ເຄີຍມີມາ ແລະ ບໍ່ເຄີຍມີມາ. ໃນສະພາບການນັ້ນ, ບັນດາປະເທດຄວນຊອກຫາສຽງເວົ້າລວມໃນການພັດທະນາ ແລະ ຫັນເປັນລະບົບກົດໝາຍສາກົນ ເພາະກົດໝາຍນີ້ເອງ ຕ້ອງຖືກນຳໃຊ້ປຽບເໝືອນເຄື່ອງມືຄຸ້ມຄອງຄວາມເປັນລະບຽບຮຽບຮ້ອຍຂອງໂລກຢ່າງມີປະສິດທິຜົນ.
ເປັນທີ່ຈະແຈ້ງແລ້ວວ່າ ຫວຽດນາມມີບົດຮຽນໃນການຄຸ້ມຄອງບັນດາສິ່ງທ້າທາຍ ແລະ ຫຍຸ້ງຍາກ, ຍ້ອນໄດ້ຜ່ານຜ່າການຕໍ່ສູ້ຫຼາຍຄັ້ງເພື່ອສັນຕິພາບ, ຄວາມໝັ້ນຄົງ, ຫຼຸດຜ່ອນຄວາມທຸກຍາກ ແລະ ພັດທະນາແບບຍືນຍົງ. ພິເສດໃນຊຸມປີທີ່ຜ່ານມາ, ຫວຽດນາມໄດ້ປະຕິບັດບົດບາດເປັນກຳມະການບໍ່ປະຈຳສະພາຄວາມໝັ້ນຄົງສະຫະປະຊາຊາດ ແລະ ດຳລົງຕຳແໜ່ງອື່ນໆທີ່ສຳຄັນຢ່າງສຳເລັດຜົນ. ສິ່ງນີ້ເປັນການຢັ້ງຢືນວ່າ ຫວຽດນາມນັບມື້ນັບກ້າຫານ, ເຊື່ອໝັ້ນຕົນເອງ, ມີຄວາມສາມາດຢ່າງພຽງພໍເພື່ອແບກຫາບໜ້າທີ່ບໍ່ພຽງແຕ່ສຳລັບປະເທດຊາດເທົ່ານັ້ນ, ຫາກຍັງສຳລັບສາກົນອີກດ້ວຍ.