(vovworld)- ທ່ານນາຍົກລັດຖະມົນຕີ ຫງວຽນຊວນຟຸກ ຈະໄປຢ້ຽມຢາມ ແລະ ເຮັດວຽກຢູ່ ຍີ່ປຸ່ນ ແລະ ເຂົ້າຮ່ວມກອງປະຊຸມສຸດຍອດ ກຸ່ມ 7 ປະເທດ ອຸດສາຫະກຳພັດທະນາ (G7) ເປີດກວ້າງ ຢູ່ Mie, ຍີ່ປຸ່ນ ແຕ່ວັນທີ 26 -28/5. ໂດຍແມ່ນຫນຶ່ງໃນຈຳນວນ 7 ປະເທດ ຢູ່ ນອກກຸ່ມ G7 ໄດ້ຮັບຄຳເຊີນເຂົ້າຮ່ວມກອງປະຊຸມເປີດກວ້າງ, ຫວຽດນາມ ໄດ້ຮັບຖືວ່າແມ່ນປະເທດຕັ້ງຫນ້າ, ເຂົ້າຮ່ວມການປະກອບສ່ວນເຂົ້າໃນບັນດາບັນຫາທົ່ວໂລກ.
ນີ້ບໍ່ແມ່ນຄັ້ງທຳອິດ ກອງປະຊຸມ G7 ເຊື້ອເຊີນບັນດາປະເທດບໍ່ ສັງກັດກຸ່ມ G7 ພ້ອມກັນເຂົ້າຮ່ວມກອງປະຊຸມ. ປະເທດພວມສວມບົດບາດເປັນປະທານ ມີສິດຕັດສິນເຊື້ອເຊີນ ບັນດາປະເທດເໝາະສົມກັບເນື້ອໃນກອງປະຊຸມຄັ້ງນີ້. ເລື່ອງປະເທດເຈົ້າພາບເຊື້ອເຊີນບັນດາປະເທດນອກກຸ່ມ ດ້ວຍຖານະເປັນແຂກຖືກເຊີນແມ່ນອີງໃສ່ຫົວຂໍ້, ເນື້ອໃນບຸລິມະສິດຂອງໂຄງການດຳເນີນງານ ແລະ ຫວຽດນາມ ແມ່ນການເລືອກເຟັ້ນຂອງປະເທດເຈົ້າພາບ ຍີ່ປຸ່ນ.
ນີ້ກໍແມ່ນຄັ້ງທຳອິດ ຫວຽດນາມ ຖືກເຊີນເຂົ້າຮ່ວມກອງປະຊຸມສຸດຍອດ G7, ສະແດງໃຫ້ເຫັນວ່າ ຄວາມຖືເປັນສຳຄັນຂອງຍີ່ປຸ່ນ ເວົ້າສະເພາະ ແລະ ກຸ່ມ G7 ເວົ້າລວມ ສຳລັບອິດທິພົນຊື່ສຽງ ແລະ ບົດບາດຂອງຫວຽດນາມ ໃນພາກພື້ນ.
ສະແດງໃຫ້ເຫັນຄວາມຮັບຜິດຊອບຕໍ່ຫນ້າບັນດາສິ່ງທ້າທາຍທົ່ວໂລກ
ກອງປະຊຸມສຸດຍອດ G7 ເປີດກວ້າງຖືກຈັດຂຶ້ນໃນວັນທີ 27/5 ໂດຍມີການເຂົ້າຮ່ວມຂອງບັນດາປະເທດ G7, ສະຫະພາບເອີລົບ ແລະ ບັນດາປະເທດແມ່ນແຂກຖືກເຊີນ ລວມມີ: ຫວຽດນາມ, ອິນໂດເນເຊຍ, ລາວ, ບັງກະລາເທດ, ສີລັງກາ, ປາປົວ ນິວກີເນ, ບັນດາອົງການສາກົນຄື: ສປຊ, ທະນາຄານໂລກ, ກອງທຶນເງິນຕາສາກົນ, ອົງການຮ່ວມມື ແລະ ພັດທະນາເສດຖະກິດ ແລະ ທະນາຄານພັດທະນາອາຊີ. ກອງປະຊຸມສຸດຍອດ G7 ເປີດກວ້າງ ລວມມີ: ວາລະປະຊຸມ 2 ຄັ້ງ ແລະ ສຸມໃສ່ປຶກສາຫາລືກ່ຽວກັບພື້ນຖານໂຄງລ່າງທີ່ມີຄຸນນະພາບສູງ, ຄວາມໝັ້ນຄົງພາກພື້ນ, ຊຸກຍູ້ສິດຂອງແມ່ຍິງ, ສາທາລະນະສຸກ, ເພີ່ມທະວີການຮ່ວມມືຜັນຂະຫຍາຍໂຄງການດຳເນີນງານພັດທະນາປີ 2030.
ປີນີ້ ຍີ່ປຸ່ນ ສວມບົດບາດເປັນປະທານກອງປະຊຸມ G7 ໃນສະພາບທີ່ປະຊາຄົມໂລກ ພວມປະເຊີນຫນ້າກັບສິ່ງທ້າທາຍຫລາຍຢ່າງ. ການພັດທະນາເສດຖະກິດທົ່ວໂລກຊຸດໂຊມ, ລັດທິກໍ່ການຮ້າຍໄດ້ນາບຂູ່ເຖິງຊີວິດອີນຊີຂອງປະຊາຊົນ, ກະແສຊາວອົບພະຍົບ ແລະ ບັນດາການກະທຳຕາມລຳພັງຝ່າຍດຽວເຮັດໃຫ້ປ່ຽນແປງສະພາບເດີມຢູ່ທະເລ ແມ່ນບັນດາສິ່ງທ້າທາຍບໍ່ແມ່ນຫນ້ອຍ, ສົ່ງຜົນສະທ້ອນເຖິງສັນຕິພາບ, ວັດທະນາຖາວອນລວມ. ຕາມທັດສະນະຂອງປະເທດເຈົ້າພາບ ຍີ່ປຸ່ນ, ບັນດາປະເທດ G7, ເຄີຍແບ່ງປັນບັນດາຄຸນຄ່າພື້ນຖານຄື: ຄວາມເສລີ, ປະຊາທິປະໄຕ, ອຳນາດແຫ່ງກົດໝາຍ ແລະ ສິດທິມະນຸດ, ຕ້ອງມີທັດສະນະທົ່ວໂລກເພື່ອນຳມາເຊິ່ງວິວັດການເໝາະສົມທີ່ສຸດ ແນໃສ່ແກ້ໄຂບັນດາສິ່ງທ້າທາຍດັ່ງກ່າວ ດ້ວຍວິໄສທັດຈະແຈ້ງ.
.jpg)
ທ່ານນາຍົກລັດຖະມົນຕີ ຫງວຽນຊວນຟຸກຕ້ອນຮັບທ່ານລັດຖະມົນຕີການຕ່າງປະເທດຍີ່ປຸ່ນ Fumio Kishida
(ພາບ: VGP) |
ທີ່ການພົບປະກັບເອກອັກຄະລັດຖະທູດຍີ່ປຸ່ນ ໃນເດືອນຜ່ານມາ, ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ: ຫວຽດນາມ ແລະ ຍີ່ປຸ່ນ ອາດຈະແລກປ່ຽນບັນດາເນື້ອໃນຢ່າງເລິກເຊິ່ງ ແລະ ກວ້າງຂວາງ ເພື່ອແນໃສ່ເພີ່ມທະວີການພົວພັນຄູ່ຮ່ວມມືຍຸດທະສາດຜ່ານການພົບປະສອງຝ່າຍຄັ້ງຕ່າງໆ ຢູ່ນອກກອງປະຊຸມ ໃນການຢ້ຽມຢາມ ຍີ່ປຸ່ນ ຄັ້ງນີ້. ທ່ານນາຍົກລັດຖະມົນຕີ ກໍໃຫ້ຄຳໝັ້ນສັນຍາວ່າ ຫວຽດນາມ ຈະມານະພະຍາຍາມຈົນສຸດຄວາມສາມາດຂອງຕົນເພື່ອພ້ອມກັບຍີ່ປຸ່ນ ສືບຕໍ່ນຳການພົວພັນຮ່ວມມືໃນບັນດາຂົງເຂດໃຫ້ນັບມື້ນັບພັດທະນາຢ່າງແຮງ ແລະ ເລິກເຊິ່ງກວ້າງຂວາງ. ບໍ່ພຽງແຕ່ເທົ່ານັ້ນ, ພ້ອມກັບປະເທດເຈົ້າພາບ ແລະ ບັນດາປະເທດເຂົ້າຮ່ວມ, ຫວຽດນາມ ຈະສືບຕໍ່ປະກອບຄຳເຫັນ, ປຶກສາຫາລືບັນດາເນື້ອໃນຕົ້ນຕໍຂອງໂຄງການດຳເນີນງານ, ໃນນັ້ນ ມີບັນຫາຄວາມໝັ້ນຄົງຂອງພາກພື້ນ, ຄວາມປອດໄພ, ຄວາມເສລີໃນການເດີນເຮືອຢູ່ທະເລຕາເວັນອອກ. ທີ່ກອງປະຊຸມສຸດຍອດ G7 ເປີດກວ້າງ, ທ່ານນາຍົກລັດຖະມົນຕີ ຫງວຽນຊວນຟຸກ ຄາດວ່າ ຈະມີບົດກ່າວປາໄສສຳຄັນ.
ຫວຽດນາມຢືນຢັນທີ່ຕັ້ງບົດບາດເປັນສະມາຊິກທີ່ມີອິດທິພົນຊື່ສຽງຂອງປະຊາຄົມສາກົນ.
ປະຈຸບັນ, ຫວຽດນາມ ໄດ້ກາຍເປັນຄູ່ຮ່ວມມືທີ່ໄວ້ເນື້ອເຊື່ອໃຈ ແລະ ເປັນສະມາຊິກມີຄວາມຮັບຜິດຊອບຂອງປະຊາຄົມສາກົນ. ສິ່ງດັ່ງກ່າວບໍ່ພຽງແຕ່ໄດ້ຮັບການສະຫລຸບໃນຜົນງານການຕ່າງປະເທດຂອງຫວຽດນາມ ເທົ່ານັ້ນ ຫາກໄດ້ຮັບການຮັບຮູ້, ຕີລາຄາສູງຈາກປະຊາຄົມສາກົນອີກດ້ວຍ. ສປຊ ໄດ້ເຊີດຊູຫວຽດນາມ ຫລາຍຄັ້ງແລ້ວ ດ້ວຍຖານະແມ່ນຫນຶ່ງໃນປະເທດສ່ວນຫນ້ອຍນຳຫນ້າໃນຜົນງານລົບລ້າງຄວາມອຶດຫິວຫລຸດຜ່ອນຄວາມທຸກຍາກ, ປະຕິບັດບັນດາເປົ້າໝາຍພັດທະນາສະຫັດສະວັດ ແລະ ຂໍ້ລິເລີ່ມ “ອົງການສປຊດຽວ”. ຫວຽດນາມ ກໍໄດ້ປະກອບສ່ວນຢ່າງຕັ້ງຫນ້າເຂົ້າໃນບັນດາໂຄງການດຳເນີນງານເພື່ອການພັດທະນາທົ່ວໂລກ, ແມ່ນປະເທດສະມາຊິກມີຄວາມຮັບຜິດຊອບ, ປະກອບສ່ວນສຳຄັນເຂົ້າໃນບົດບາດຮັກສາສັນຕິພາບຂອງ ສປຊ. ທ່ານ ເອກອັກຄະລັດຖະທູດ ອາເມລິກາ ປະຈຳຫວຽດນາມ Ted Osius ເນັ້ນຫນັກວ່າ: 3 ຫລັກການພື້ນຖານຂອງພື້ນຖານການທູດຫວຽດນາມ ໃນການຮ່ວມມືຢູ່ພາກພື້ນ ແລະ ໂລກ, ລວມມີ: ເຄົາລົບ ແລະ ຮັກສາບັນດາຫລັກການ ແລະ ກົດໝາຍສາກົນ, ເຄົາລົບຜົນປະໂຫຍດຂອງຫວຽດນາມ ແລະ ຂອງຄູ່ຮ່ວມມື, ມານະພະຍາຍາມ ພ້ອມກັບບັນດາປະເທດປະກອບສ່ວນເຂົ້າໃນການຮັກສາສັນຕິພາບ, ສະຖຽນລະພາບໃນພາກພື້ນ ແລະ ໃນໂລກ. ບັນດາເຫດການຕົ້ນຕໍໃນເສັ້ນທາງເຊື່ອມໂຍງ ແລະ ແບກຫາບຫນ້າທີ່ກັບປະຊາຄົມໂລກຂອງຫວຽດນາມ ແມ່ນສະແດງອອກຜ່ານເລື່ອງ ຫວຽດນາມ ເຂົ້າຮ່ວມບັນດາກົນໄກຮ່ວມມືພາກພື້ນ ແລະ ລະຫວ່າງພາກພື້ນ, ບັນດາຄຳໝັ້ນສັນຍາສາກົນ ຫລື ສວມບົດບາດນັບມື້ນັບສຳຄັນໃນສະພາຄວາມໝັ້ນຄົງ ສປຊ. ຫວຽດນາມ ກໍໄດ້ເຂົ້າຮ່ວມຂໍ້ລິເລີ່ມສະກັດກັ້ນການແຜ່ຂະຫຍາຍອາວຸດນິວເຄຼຍ.
ພາຍໃນກຸ່ມ ອາຊຽນ, ຫວຽດນາມ ໄດ້ຮັບຖືວ່າ ແມ່ນ “ຜູ້ຮັກສາ” ບັນດາຫລັກການພື້ນຖານໃນການແກ້ໄຂບັນດາການຂັດແຍ້ງໂດຍສັນຕິ ແລະ ເຄົາລົບກົດໝາຍສາກົນໃນການແກ້ໄຂຄວາມເຄັ່ງຕຶງຢູ່ທະເລຕາເວັນອອກ. ພິເສດ ຍາມໃດເປັນສະມາຊິກມານະພະຍາຍາມຂອງກຸ່ມໃນການຊອກຫາມາດຕະການສັນຕິພາບ, ສອດຄ່ອງກັບກົດໝາຍສາກົນທີ່ມີຕໍ່ບັນຫານີ້.
ດ້ວຍບັນດາການປະກອບສ່ວນຕັ້ງຫນ້າ ແລະ ມີຄວາມຮັບຜິດຊອບຄືແນວນັ້ນ, ເລື່ອງຫວຽດນາມ ແມ່ນຫນຶ່ງໃນ 7 ປະເທດນອກກຸ່ມ G7 ເຂົ້າຮ່ວມກອງປະຊຸມ G7 ດ້ວຍຖານະແມ່ນແຂກຖືກເຊີນຄັ້ງນີ້ ບໍ່ແມ່ນເລື່ອງບັງເອີນ. ອາດຈະເຫັນຢ່າງຈະແຈ້ງວ່າ ປະເທດເຈົ້າພາບ ຍີ່ປຸ່ນ ເວົ້າສະເພາະ, ປະຊາຄົມສາກົນ ເວົ້າລວມ ລ້ວນແຕ່ປາດຖະຫນາວ່າ ນີ້ແມ່ນໂອກາດເພື່ອໃຫ້ຫວຽດນາມ ປະກອບສ່ວນຫລາຍກວ່າເຂົ້າໃນການແກ້ໄຂບັນດາບັນຫາມີຄວາມສົນໃຈລວມຂອງພາກພື້ນ ແລະ ໃນໂລກ.