(vovworld)- ຢູ່ນອກກອງປະຊຸມສາມັນຄັ້ງທີ 32 ສະພາສິດທິມະນຸດ ສປຊ ຊື່ງດຳເນີນໄປຢູ່ ເຊີແນວ ປະເທດສະວິດ ຫວ່າງແລ້ວນີ້, ຫວຽດນາມ ພອ້ມກັບ 3 ປະເທດ ໃນກຸ່ມຫລັກແຫລ່ງຂອງຂໍ້ລິເລີ່ມຊຸກຍູ້ການປຶກສາຫາລືກ່ຽວກັບການກະທົບຈາກ ການປ່ຽນແປງຂອງດິນຟ້າອາກາດຕໍ່ສິດທິມະນຸດໄດ້ ເຂົ້າຮ່ວມການໂອ້ລົມສົນທະນາສາກົນ ໂດຍແນະນຳບົດລາຍງານການຄົ້ນຄ້ວາກ່ຽວກັບການກະທົບຂອງ ການປ່ຽນແປງຂອງດິນຟ້າອາກາດຕໍ່ສິດທິມະນຸດ. ການເຄື່ອນໄຫວນີ້ສືບຕໍ່ຢັ້ງຢືນນະໂຍບາຍຂອງຫວຽດນາມໃນການຮັບປະກັນບັນດາສິດຂອງມະນຸດ, ພິເສດແມ່ນບັນດາກຸ່ມຄົນເຄີຍຖືກສ່ຽງໄພສູງກວ່າເພີ່ນໃນສັງຄົມ.
ທ່ານຫງວຽນຈູງແທ່ງ, ຫົວຫນ້າຄະນະຜູ້ຕາງຫນ້າຂອງຫວຽດນາມຢູ່ ສປຊ
ກ່າວຄຳເຫັນທີ່ການໂອ້ລົມສົນທະນາ
(ພາບ: TTXVN)
|
ໂດຍນອນໃນກຸ່ມ 5 ປະເທດ ຈະຖືກຜົນສະທ້ອນຢ່າງຫນັກຫນ່ວງຈາກ ການປ່ຽນແປງຂອງດິນຟ້າອາກາດ ສະນັ້ນ ຫວຽດນາມ ມີຄວາມຮັບຮູ້ໄດ້ເຖິງຄວາມສຳຄັນຂອງການຮັບມື, ໃນນັ້ນ ເອົາໃຈໃສ່ເປັນພິເສດເຖິງການປະສານສົມທົບບັນດາມາດຕະການຮັກສາສຸຂະພາບວົງຄະນາຍາດ, ບັນດາກຸ່ມຄົນເຄີຍຖືກສ່ຽງໄພສູງກວ່າເພີ່ນໃນສັງຄົມ, ຄ້ຳປະກັນດ້ານສະບຽງອາຫານ, ເຮືອນຢູ່, ການສຶກສາໃນບັນດາໂຄງການ ແລະ ນະໂຍບາຍແຫ່ງຊາດກ່ຽວກັບການຮັບມືກັບການປ່ຽນແປງຂອງດິນຟ້າອາກາດ.
ມີຄວາມຮັບຮູ້ ແລະການກະທຳໂດຍໄວ
ຕາມການຄິດໄລ່ແລ້ວ, ນັບແຕ່ນີ້ຮອດທ້າຍສັດຕະວັດທີ 21, ລະດັບອຸນຫະພູມເພີ່ມຂຶ້ນສະເລ່ຍໃນແຕ່ລະປີຢູ່ຫວຽດນາມ ຄາດວ່າແຕ່ 2-3 ອົງສາ C, ເຮັດໃຫ້ລະດັບນ້ຳທະເລເພີ່ມຂຶ້ນ, ສົ່ງຜົນກະທົບໂດຍກົງເຖິງ 10-12% ຈຳນວນພົນລະເມືອງຫວຽດນາມ ແລະ ກໍ່ຄວາມເສຍຫາຍປະມານ 10% GDP.
ການກະທົບນັບມື້ນັບຮ້າຍແຮງຈາກ ການປ່ຽນແປງຂອງດິນຟ້າອາກາດຕໍ່ສຸຂະພາບຂອງມະນຸດນັບມື້ນັບເຫັນໄດ້ຊັດ. ການປ່ຽນແປງຂອງດິນຟ້າອາກາດໄດ້ ແລະ ພວມກໍ່ໃຫ້ເກີດສະພາບການອາກາດທີ່ຮ້າຍແຮງ, ໄພທຳມະຊາດນັບມື້ນັບເພີ່ມຂຶ້ນຄື: ໄພນ້ຳຖ້ວມ, ໄພແຫ້ງແລ້ງແກ່ຍາວຫລາຍມື້, ອາກາດຮ້ອນເອົ້າ, ຈາກນັ້ນສົ່ງຜົນສະທ້ອນໂດຍກົງຫລືທາງອ້ອມເຖິງສຸຂະພາບຂອງມະນຸດ ຜ່ານບັນດາການກະທົບກໍ່ມົນລະພິດເຖິງອາກາດ, ຂາດແຄນນ້ຳ, ຂາດແຄນສະບຽງອາຫານ, ທາດບຳລຸງ ກໍຄືເຮັດໃຫ້ພະຍາດເຂດຮ້ອນ, ພະຍາດຕິດແປດ, ພະຍາດກ່ຽວກັບດ້ານຈິດໃຈເພີ່ມຂຶ້ນ. ບັນດາການກະທົບຢ່າງຫຍໍ້ທໍ້ນີ້ສະແດງໃຫ້ເຫັນຢ່າງຈະແຈ້ງທີ່ສຸດຢູ່ບັນດາກຸ່ມຄົນເຄີຍຖືກສ່ຽງໄພສູງກວ່າເພີ່ນຄື: ແມ່ຍິງ, ຜູ້ອາຍຸສູງ, ເດັກນ້ອຍ ແລະ ຄົນພິການ. ສະເພາະໃນຂົງເຂດການຜະລິດກະສິກຳ, ຜົນສະທ້ອນຢ່າງຈະແຈ້ງທີ່ສຸດຈາກ ການປ່ຽນແປງຂອງດິນຟ້າອາກາດ ໄດ້ເຮັດໃຫ້ລະດູການຜະລິດບໍ່ໄດ້ຮັບຜົນ ສະນັ້ນ ຄວາມສາມາດການລົງທຶນຄືນໃຫມ່, ການຜະລິດຂອງເປົ້າໝາຍນີ້ແມ່ນຫຍຸ້ງຍາກທີ່ສຸດ ເພາະວ່າ ເຂົາເຈົ້າຂາດທຶນຮອນ, ສະນັ້ນ ສະພາບອຶດຫິວທຸກຍາກຂອງຄົນທຸກຍາກຈະນັບມື້ນັບຮ້າຍແຮງກວ່າ ຍ້ອນການກະທົບຈາກ ການປ່ຽນແປງຂອງດິນຟ້າອາກາດ. ສຳລັບບັນດາຄອບຄົວທຸກຍາກ, ເຂົາເຈົ້າດຳລົງຊີວິດໃນເຮືອນຢູ່ຊົ່ວຄາວ ສະນັ້ນຄວາມສ່ຽງຖືກຜົນສະທ້ອນໃຫຍ່ຈາກການເສາະເຈືອນຂອງຝັ່ງແມ່ນ້ຳ, ໄພນ້ຳຖ້ວມ, ຝົນຕົກແຮງ, ພາຍຸ, ອາກາດຮ້ອນເອົ້າ, ເປັນຕົ້ນແມ່ນບັນດາຄອບຄົວອົບພະຍົບ, ແຫລ່ງນ້ຳຖືກມົນລະພິດ, ບໍ່ຮັບປະກັນໃຫ້ເງື່ອນໄຂດຳລົງຊີວິດ, ພິເສດເມື່ອໄພທຳມະຊາດເກີດຂຶ້ນ ແລະ ອາກາດຮ້າຍແຮງ, ພື້ນຖານໂຄງລ່າງສະຫງວນໃຫ້ບັນດາເປົ້າໝາຍດັ່ງກ່າວ ໄດ້ກໍ່ຄວາມຫຍຸ້ງຍາກຕໍ່ການໄປມາ ແລະ ການຫນູນຊ່ວຍເຂົາເຈົ້າ.
ໂດຍແມ່ນປະເທດພວມພັດທະນາ ສະນັ້ນ ບັນດາການກະທົບນີ້ສຳລັບຫວຽດນາມ ແມ່ນໃຫຍ່ຫລວງທີ່ສຸດ. ຕໍ່ຫນ້າບັນດາສິ່ງທ້າທາຍດັ່ງກ່າວ, ຫວຽດນາມ ໄດ້ຜັນຂະຫຍາຍຫລາຍມາດຕະການຢ່າງຂ້ຽວຂາດ ເພື່ອຮັບມືກັບຜົນຮ້າຍໂດຍການປ່ຽນແປງຂອງດິນຟ້າອາກາດກໍ່ຂຶ້ນ.
ຄວາມມານະພະຍາຍາມຊຸກຍູ້ການຮ່ວມມືສາກົນ
ຄຽງຄູ່ກັບການສຸມແຫລ່ງກຳລັງ, ການກະທຳຢ່າງແທດຈິງຜ່ານລະບົບນະໂຍບາຍຂອງລັດ, ການລະດົມຈາກພາກເອກະຊົນ, ບຸລິມະສິດບັນດາເປົ້າໝາຍເຄີຍຖືກສ່ຽງໄພສູງກວ່າເພີ່ນ, ຫວຽດນາມ ໄດ້ຕັ້ງຫນ້າຊຸກຍູ້ການຮ່ວມມືສາກົນໃນຂົງເຂດນີ້, ຜັນຂະຫຍາຍປະສິດທິຜົນຄຳໝັ້ນສັນຍາສາກົນທີ່ກ່ຽວຂ້ອງ. ຢູ່ນອກກອງປະຊຸມສາມັນຄັ້ງທີ 32 ສະພາສິດທິມະນຸດ ສປຊ, ຫວຽດນາມ ຢັ້ງຢືນຄືນຄຳໝັ້ນສັນຍາສືບຕໍ່ພ້ອມກັບບັນດາປະເທດໃນກຸ່ມຫລັກແຫລ່ງຊຸກຍູ້ການປຶກສາຫາລືກ່ຽວກັບການກະທົບຈາກ ການປ່ຽນແປງຂອງດິນຟ້າອາກາດຕໍ່ສິດທິມະນຸດ ທີ່ກອງປະຊຸມສະພາສິດທິມະນຸດ, ກ່ອນອື່ນໝົດ ແມ່ນແນະນຳຮ່າງມະຕິກ່ຽວກັບການກະທົບຈາກ ການປ່ຽນແປງຂອງດິນຟ້າອາກາດ ຮອດການຊົມໃຊ້ບັນດາສິດຂອງເດັກນ້ອຍ, ທາບທາມຄຳເຫັນບັນດາປະເທດສະມາຊິກກ່ອນທີ່ຍື່ນສະເຫນີຕໍ່ ກອງປະຊຸມຄັ້ງທີ 32 ສະພາສິດທິມະນຸດ ສປຊ ຮັບຮອງເອົາ. ຫວຽດນາມ ເນັ້ນຫນັກເຖິງຄວາມສຳຄັນຂອງການຊຸກຍູ້ບັນດາສິດເສດຖະກິດ, ສັງຄົມ ແລະ ວັດທະນະທຳສຳລັບວິວັດການລົບລ້າງຄວາມອຶດຫິວ ຫລຸດຜ່ອນຄວາມທຸກຍາກ, ຮຽກຮ້ອງປະຊາຄົມສາກົນ ມີການກະທຳຢ່າງແທດຈິງກວ່າ ເພື່ອແນໃສ່ຮັບປະກັນ ຜູ້ທຸກຍາກໄດ້ຊົມໃຊ້ບັນດາຜົນງານແຫ່ງການພັດທະນາເສດຖະກິດສັງຄົມ. ພ້ອມກັນນັ້ນ ຫວຽດນາມ ກໍຢັ້ງຢືນ ສືບຕໍ່ມານະພະຍາຍາມສຳເລັດບັນດາເປົ້າໝາຍພັດທະນາສະຫັດສະວັດ ທີ່ຍັງບໍ່ທັນບັນລຸໄດ້ ແລະ ມຸ່ງໄປເຖິງການປະຕິບັດເປົ້າໝາຍພັດທະນາແບບຍືນຍົງ, ພ້ອມແລ້ວຮ່ວມມື ແລະ ຫນູນຊ່ວຍບັນດາປະເທດໃນບັນຫາລົບລ້າງຄວາມອຶດຫິວຫລຸດຜ່ອນຄວາມທຸກຍາກ.
ຜົນສະທ້ອນຈາກ ການປ່ຽນແປງຂອງດິນຟ້າອາກາດ ອາດຈະເຮັດໃຫ້ບັນດາຜົນງານພັດທະນາຂອງຫວຽດນາມໃນໄລຍະຜ່ານມາຫລຸດລົງ, ເປັນຕົ້ນແມ່ນນາບຂູ່ເຖິງສິດພື້ນຖານຂອງມະນຸດ. ສະນັ້ນ ລັດຖະບານ ຫວຽດນາມ ໄດ້ ແລະ ພວມມານະພະຍາຍາມຮັບມືກັບການໄພທຳມະຊາດຜ່ານການຫລຸດຜ່ອນຄວາມສ່ຽງ, ຍູ້ແຮງວຽກງານກະກຽມ ແລະ ສ້າງແຜນການທີ່ແຕກຕ່າງກັນກ່ຽວກັບການກະທົບຈາກ ການປ່ຽນແປງຂອງດິນຟ້າອາກາດ. ຄຽງຄູ່ກັບຄວາມເອົາໃຈໃສ່ປະສານສົມທົບບັນດາມາດຕະການຮັກສາສຸຂະພາບຂອງວົງຄະນາຍາດ, ຄ້ຳປະກັນສະບຽງອາຫານ, ເຮືອນຢູ່, ການສຶກສາໃນບັນດາໂຄງການ ແລະ ນະໂຍບາຍແຫ່ງຊາດກ່ຽວກັບການຮັບມືກັບ ການປ່ຽນແປງຂອງດິນຟ້າອາກາດ, ຫວຽດນາມ ມີຄວາມເອົາໃຈໃສ່ເປັນພິເສດເຖິງການຮັບປະກັນສິດຜົນປະໂຫຍດຂອງກຸ່ມຄົນເຄີຍຖືກສ່ຽງໄພສູງກວ່າເພີ່ນຄື: ແມ່ຍິງ, ເດັກນ້ອຍ, ຜູ້ເຖົ້າຜູ້ແກ່, ຄົນພິການ.