(vovworld)- ພາຍຫລັງສິ້ນສຸດການຢ້ຽມຢາມ ກູບາ ຢ່າງເປັນທາງການ, ວັນທີ 18/11 ທ່ານປະທານປະເທດຫວຽດນາມ ເຈີນດ໋າຍກວາງ ໄດ້ເຂົ້າຮ່ວມສັບປະດາຂັ້ນສູງຄັ້ງທີ 24 ຂອງເວທີປາໄສການຮ່ວມມືເສດຖະກິດ ອາຊີ ປາຊີຟີກ (APEC -24). ດ້ວຍທິດນຳເປັນເຈົ້າການ ຕັ້ງຫນ້າແລະເຊື່ອມໂຍງເຂົ້າກັບສາກົນ ຢ່າງເລິກເຊິ່ງ ກວ້າງຂວາງ, ການເຂົ້າຮ່ວມ APEC -24 ແມ່ນໂອກາດເພື່ອໃຫ້ຫວຽດນາມ ຢັ້ງຢືນບົດບາດທີ່ຕັ້ງຂອງປະເທດເຈົ້າພາບ ປີແຫ່ງການຈັດຕັ້ງເວທີປາໄສການຮ່ວມມືເສດຖະກິດ ອາຊີ ປາຊີຟີກ 2017 (APEC 2017), ປະກອບສ່ວນຢ່າງຕັ້ງຫນ້າເຂົ້າໃນບັນດາຄວາມເອົາໃຈໃສ່ລວມຂອງເວທີປາໄສ.
(ພາບປະກອບ)
|
ຄາດໝາຍຂອງສັບປະດາຂັ້ນສູງຄັ້ງທີ 24 ຂອງ APEC ຄັ້ງນີ້ ແມ່ນເພື່ອແນໃສ່ຜັນຂະຫຍາຍບັນດາການກຳນົດທິດຮ່ວມມືໂດຍໄດ້ຮັບການຮັບຮອງເອົາເມື່ອປີ 2014- 2015 ກໍຄືມຸ່ງໄປເຖິງການເຊັນສັນຍາການຄ້າເສລີ ອາຊີ ປາຊີຟີກ. APEC -24 ໄດ້ເຫັນດີເປັນເອກະພາບ 4 ບຸລິມະສິດຕົ້ນຕໍໃນປີ 2016 ນັ້ນແມ່ນ ການຮ່ວມສຳພັນດ້ານເສດຖະກິດພາກພື້ນ ແລະ ເພີ່ມທະວີຄຸນນະພາບ; ຕະຫລາດສະບຽງອາຫານຂອງພາກພື້ນ, ຫັນວິສາຫະກິດຂະຫນາດນ້ອຍສຸດ, ຂະຫນາດນ້ອຍ ແລະ ຂະຫນາດກາງເຊື່ອມໂຍງເຂົ້າກັບສາກົນ, ພັດທະນາແຫລ່ງຊັບພະຍາກອນມະນຸດ.
ເປັນເຈົ້າການໃນການເຊື່ອມໂຍງເຂົ້າກັບສາກົນຢ່າງເລິກເຊິ່ງ, ກວ້າງຂວາງ, ຍົກການພົວພັນການຕ່າງປະເທດຫລາຍຝ່າຍຂຶ້ນສູ່ລະດັບສູງ
ເລື່ອງຫວຽດນາມເຂົ້າຮ່ວມ APEC ເມື່ອປີ 1998, ເປັນຂີດໝາຍສຳຄັນໃນການຜັນຂະຫຍາຍນະໂຍບາຍການຕ່າງປະເທດເປີດກວ້າງ, ຫລາຍຮູບຫລາຍແບບ, ຫລາຍຝ່າຍ ແລະ ເຊື່ອມໂຍງເຂົ້າກັບເສດຖະກິດສາກົນຂອງຫວຽດນາມ. ໃນ 18 ປີຜ່ານມາ, ຫວຽດນາມ ໄດ້ເຂົ້າຮ່ວມຢ່າງຕັ້ງຫນ້າ ແລະ ປະກອບສ່ວນເຂົ້າໃນການຮ່ວມມື APEC. ພົ້ນເດັ່ນແມ່ນສຳເລັດບົດບາດເປັນເຈົ້າພາບຈັດຕັ້ງປີ APEC 2006 ດ້ວຍການຈັດຕັ້ງກອງປະຊຸມສຸດຍອດ APEC 14 ສຳເລັດຜົນ, ວາງອອກແງ່ຫວັງຍາວນານກ່ຽວກັບການມຸ່ງໄປເຖິງການສ້າງເຂດການຄ້າເສລີ ອາຊີ ປາຊີຟີກ, ຮັບຮອງເອົາໂຄງການດຳເນີນງານ ຮ່າໂນ້ຍ ກ່ຽວກັບການປະຕິບັດ ເປົ້າໝາຍ Bogor ແລະ ບັນດາມາດຕະການປະຕິຮູບເພື່ອຍົກສູງປະສິດທິຜົນການຮ່ວມມື APEC. ປີ 2014, ຫວຽດນາມ ເປັນເຈົ້າພາບຈັດຕັ້ງກອງປະຊຸມລັດຖະມົນຕີ APEC ຄັ້ງທີ 6 ກ່ຽວກັບການພັດທະນາແຫລ່ງຊັບພະຍາກອນມະນຸດ ຢູ່ ຮ່າໂນ້ຍ ສຳເລັດຜົນ.
ໃນຊຸມປີຜ່ານມາ, ຍາມໃດຫວຽດນາມ ກໍແມ່ນຫນຶ່ງໃນບັນດາສະມາຊິກເປັນເຈົ້າການໃນການສະເຫນີ ແລະ ປະກອບຂໍ້ລິເລີ່ມໃຫມ່ຫລາຍຢ່າງ, ສະເຫນີ ແລະ ຜັນຂະຫຍາຍກວ່າ 100 ໂຄງການໃນຫລາຍຂົງເຂດຄື: ການຄ້າ, ການລົງທຶນ, ການຮ່ວມມືເສດຖະກິດ -ເຕັກນິກ, ວິສາຫະກິດຂະຫນາດກາງ ແລະ ນ້ອຍ, ຮັບມືກັບສະພາວະສຸກເສີນ, ສາທາລະນະສຸກ, ສະບຽງອາຫານ, ຕ້ານກໍ່ການຮ້າຍ. ຫວຽດນາມ ກໍຮັບຜິດຊອບຫນ້າທີ່ສຳຄັນໃນກົນໄກຮ່ວມມືຂອງ APEC.
ຢັ້ງຢືນບົດບາດທີ່ຕັ້ງຂອງປະເທດເຈົ້າພາບ APEC 2017
ດ້ວຍທິດນຳເປັນເຈົ້າການ, ຕັ້ງຫນ້າເຊື່ອມໂຍງເຂົ້າກັບສາກົນຢ່າງເລິກເຊິ່ງ, ກວ້າງຂວາງ, ເລື່ອງເຂົ້າຮ່ວມ APEC – 24 ໄດ້ຊ່ວຍໃຫ້ຫວຽດນາມ ຍົກລະດັບການພົວພັນການຕ່າງປະເທດເປີດກວ້າງ ແລະ ນີ້ແມ່ນໂອກາດເພື່ອໃຫ້ ຫວຽດນາມ ຢືນຢັນບົດບາດທີ່ຕັ້ງເປັນເຈົ້າພາບປີແຫ່ງເວທີປາໄສການຮ່ວມມືເສດຖະກິດ ອາຊີ ປາຊີຟີກ 2017 (APEC 2017). ນີ້ແມ່ນການເຄື່ອນໄຫວການຕ່າງປະເທດໃນຂອບຂະຫນາດໃຫຍ່ສຸດ ແລະ ຂັ້ນສູງສຸດ ຊື່ງຫວຽດນາມ ຈັດຕັ້ງໃນໄລຍະແຕ່ນີ້ຮອດປີ 2025, ມີຄວາມໝາຍໃຫຍ່ ສຳລັບຫວຽດນາມ. ໂດຍຮັບຮູ້ໄດ້ສິ່ງດັ່ງກ່າວ, ຫວຽດນາມ ມີຄວາມຮັບຜິດຊອບໃນວຽກງານກະກຽມ. ທ່ານນາງ ຫງວຽນຫງວຽດງາ, ເອກອັກຄະລັດຖະທູດ, ຜູ້ໃຫ້ຄຳປຶກສາຂັ້ນສູງ ຄະນະເລຂາ APEC 2017 ໃຫ້ຮູ້ວ່າ:
“ໂດຍຮັບຮູ້ໄດ້ຄວາມສຳຄັນດັ່ງກ່າວ ສະນັ້ນ ພວກເຮົາໄດ້ຜັນຂະຫຍາຍວຽກງານກະກຽມໂດຍໄວ, ເລີ່ມປະຕິບັດນັບແຕ່ປີ 2013, ກອງປະຊຸມຂັ້ນສູງຢູ່ ອິນໂດເນເຊຍ, ຮັບຮອງເອົາເລື່ອງຫວຽດນາມ ເປັນເຈົ້າພາບຈັດຕັ້ງຢ່າງເປັນທາງການ. ແຕ່ທ້າຍປີ 2013- 2014, ພວກເຮົາໄດ້ສ້າງຕັ້ງກຸ່ມປະຕິບັດວຽກງານລະຫວ່າງຂະແຫນງ ແລະ ແຕ່ເດືອນ 7/2015 ພວກເຮົາໄດ້ສ້າງຕັ້ງ ຄະນະກຳມະການແຫ່ງຊາດໂດຍກົງຊີ້ນຳວຽກງານກະກຽມໃຫ້ແກ່ປີ APEC 2017. ໃນກວ່າ 1 ປີຜ່ານມາ, ມາຮອດປະຈຸບັນ ພວກເຮົາໄດ້ກະກຽມທຸກຂົງເຂດວຽກງານຢ່າງລອບຄອບຖີ່ຖ້ວນ.”
ໃນຖານະເປັນປະເທດເຈົ້າພາບ, APEC 2017 ຍັງນຳເອົາກາລະໂອກາດໃຫ້ ຫວຽດນາມ ໄດ້ແນະນຳເຖິງເພື່ອນມິດໃນພາກພື້ນກ່ຽວກັບປະເທດປ່ຽນໃໝ່, ຂະຫຍັນຂັນເຄື່ອນ, ມີຄວາມສາມາດບົ່ມຊ້ອນພັດທະນາຫຼາຍຢ່າງ, ພວມຢູ່ໃນເສັ້ນທາງເຊື່ອມໂຍງຮອບດ້ານດ້ວຍທີ່ຕັ້ງໃໝ່. ທ່ານນາງ ຫງວຽນງວຽດງາ ຢັ້ງຢືນວ່າ: