(vovworld)-ໃນສະພາບຄວາມຫຍຸ້ງຍາກກ່ຽວກັບເສດຖະກິດ, ທຸກຂັ້ນ, ຂະແຫນງການຕ່າງໆຢູ່ ຫວຽດນາມ ພວມມານະພະຍາຍາມຜັນຂະຫຍາຍການປະຕິບັດບັນດາແຜນນະໂຍບາຍ, ນະໂຍບາຍຂອງພັກ,ອຳນາດການປົກຄອງກ່ຽວກັບກະສິກຳ, ຊົນນະບົດ ແລະ ຊາວກະສິກອນເປັນຢ່າງດີ. ສິ່ງດັ່ງກ່າວສະແດງໃຫ້ເຫັນຜ່ານກອງປະຊຸມຫລາຍຄັ້ງ ກ່ຽວກັບກະສິກຳ ແລະ ພັດທະນາຊົນນະບົດກໍຄື ການເຮັດວຽກ ຂອງທ່ານຮອງນາຍົກລັດຖະມົນຕີ ຫວູວັນນີງ ກັບບັນດາຄະນະ, ຂະແຫນງການ, ທ້ອງຖິ່ນຕ່າງໆກ່ຽວກັບໂຄງການ, ຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃຫມ່ໃນໄລຍະມໍ່ໆມານີ້.
ພາບປະກອບ:hanoimoi.com.vn
|
ເພີ່ມທະວີກົນໄກ ແລະ ແຫລ່ງກຳລັງພັດທະນາກະສິກຳ, ຊົນນະບົດ ແມ່ນເນື້ອໃນຕົ້ນຕໍຂອງກອງປະຊຸມທົ່ວປະເທດ ສະຫລຸບ 5 ປີແຫ່ງການປະຕິບັດບົດສະຫລຸບເລກທີ 61 ກ່ຽວກັບແຜນຮ່າງ “ຍົກສູງບົດບາດ, ຄວາມຮັບຜິດຊອບຂອງສະມາຄົມຊາວກະສິກອນ ຫວຽດນາມ ໃນການພັດທະນາກະສິກຳ, ກໍ່ສ້າງຊົນນະບົດໃຫມ່ ແລະ ກໍ່ສ້າງຊົນຊັ້ນຊາວກະສິກອນ ຫວຽດນາມ ໄລຍະ 2010-2020 ຊື່ງຖືກຈັດຂຶ້ນເມື່ອວັນທີ 3/7/2015. ຫລັງຈາກນັ້ນບໍ່ດົນ ຄືວັນທີ 20/8/2015, ຄະນະເສດຖະກິດສູນກາງ ໄດ້ສົມທົບກັບກະຊວງກະສິກຳ ແລະ ພັດທະນາຊົນນະບົດ, ວາລະສານກົ້ງສານ(ກອມມູນິດ) ຈັດຕັ້ງກອງປະຊຸມສຳມະນາ “ຍູ້ແຮງການຫັນກະສິກຳ, ຊົນນະບົດເປັນອຸດສາຫະກຳ ແລະ ທັນສະໄຫມ ຕິດພັນກັບການກໍ່ສ້າງຊົນນະບົດໃຫມ່.” ໃນໄລຍະດຳເນີນ 2 ເຫດການນີ້, ທ່ານຮອງນາຍົກລັດຖະມົນຕີ ຫວູວັນນີງ, ຫົວຫນ້າຄະນະຊີ້ນຳໂຄງການຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃຫມ່ ໄດ້ມີການເຮັດວຽກກັບຫລາຍຂະແຫນງ, ນະຄອນ, ທ້ອງຖິ່ນຕ່າງໆ ຢ່າງລຽນຕິດ ກ່ຽວກັບບັນດາບັນຫາກ່ຽວຂ້ອງເຖິງການກໍ່ສ້າງຊົນນະບົດໃຫມ່.
ເກືອບ10% ຈຳນວນຕາແສງບັນລຸມາດຖານຊົນນະບົດໃຫມ່
ປະຈຸບັນທົ່ວປະເທດ ມີ 889 ຕາແສງ ແລະ 5 ເມືອງ ບັນລຸມາດຖານຊົນນະບົດໃຫມ່. ຕົວເລກດັ່ງກ່າວແມ່ນການຢັ້ງຢືນໝາກຜົນທີ່ບັນລຸໄດ້ຂອງໂຄງການຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃຫມ່ ແມ່ນຖືກກັບຄວາມມຸ່ງຫວັງຂອງປະຊາຊົນ. ບັນດາທ້ອງຖິ່ນທີ່ ບັນລຸ 19 ມາດຖານກ່ຽວກັບຊົນນະບົດໃຫມ່ນັ້ນ ມີເສດຖະກິດພັດທະນາຢ່າງມີປະສິດທິຜົນ, ຍືນຍົງ, ລະບົບພື້ນຖານໂຄງລ່າງດ້ານເສດຖະກິດສັງຄົມແມ່ນຄົບຊຸດ, ທັນສະໄຫມ, ຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງປະຊາຊົນໄດ້ຮັບການປັບປຸງ, ສິ່ງແວດລ້ອມແຫ່ງການດຳລົງຊີວິດແມ່ນຂຽວ- ສະອາດ - ສວຍງາມ, ກຸ່ມກ້ອນມະຫາສາມັກຄີທົ່ວປວງຊົນທັງຊາດ ແລະ ລະບົບການເມື້ອງເຂັ້ມແຂງ. ບັນດາມາດຖານນີ້ໄດ້ປະກອບສ່ວນຫັນຈຸດໝາຍປະຊາຊົນຮັ່ງມີ, ປະເທດຊາດເຂັ້ມແຂງ, ສັງຄົມປະຊາທິປະໄຕ, ຍຸຕິທຳ, ສີວິໄລຢູ່ບໍລິເວນຊົນນະບົດ ແລະ ວິວັດການຫັນປະເທດຊາດເປັນປະເທດອຸດສາຫະກຳ ແລະ ທັນສະໄຫມເປັນລະອຽດ, ສ້າງໂຄງປະກອບເສດຖະກິດຄືນໃຫມ່, ສ້າງໂຄງປະກອບກະສິກຳຢູ່ບໍລິເວນຊົນນະບົດຄືນໃຫມ່.
ຫນ້າທີ່ຈຸດສຸມໃນຕໍ່ຫນ້າແລະເປັນປະຈຳ
ຫນ້າທີ່ຈຸດສຸມໃນຕໍ່ຫນ້າຂອງໂຄງການຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃຫມ່ ນັ້ນແມ່ນຄະນະພັກ, ອຳນາດການປົກຄອງ, ແນວໂຮມປະເທດຊາດ, ອົງການຈັດຕັ້ງມະຫາຊົນທຸກຂັ້ນຄວນຮັບຮູ້ຢ່າງເລິກເຊິ່ງຄວາມໝາຍກໍ່ສ້າງຊົນນະບົດໃຫມ່ ແລະ ຖືວ່າ ນີ້ແມ່ນຫນ້າທີ່ການເມືອງຈຸດສຸມ, ເປັນປະຈຳ, ພ້ອມທັງມີແຜນການ, ໂຄງການດຳເນີນງານ, ກວດກາ, ເລັ່ງລັດລະອຽດ ແລະ ແບ່ງງານ, ຊັບຊ້ອນພະນັກງານຢ່າງມີປະສິດທິຜົນ ຕິດພັນກັບການເພີ່ມທະວີການຂົນຂວາຍປະຊາຊົນທຸກຊັ້ນວັນນະເຂົ້າຮ່ວມຢ່າງຕັ້ງຫນ້າ ດ້ວຍຖານະແມ່ນເຈົ້າຂອງໂຄງການຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃຫມ່. ທ່ານ ເວືອງດີງເຫ້ວ, ຫົວຫນ້າຄະນະເສດຖະກິດສູນກາງຖືວ່າ:
“ປະຕິບັດການກໍ່ສ້າງຊົນນະບົດໃຫມ່ສຳເລັດຜົນ ຫລືບໍ່ ສິ່ງສຳຄັນແມ່ນບັນຫາຄວາມຮັບຮູ້. ທີສອງ ແມ່ນບົດບາດຂອງທຸກຂັ້ນ, ຂະແຫນງການ ໃນການຈັດຕັ້ງປະຕິບັດ ແລະ ສຳຄັນກວ່ານັ້ນບົດບາດຂອງຄະນະພັກ, ອຳນາດການປົກຄອງທຸກຂັ້ນ. ທີສາມ ແມ່ນການປ່ຽນໃຫມ່, ພັດທະນາ ຍົກສູງປະສິດທິຜົນຂອງເສດຖະກິດການຮ່ວມມື, ພິເສດ ແມ່ນເສດຖະກິດຂອງສະຫະກອນກະເສດແບບໃຫມ່ ໃນການຜະລິດກະສິກຳ, ຕິດພັນກັບໂຄງການກໍ່ສ້າງຊົນນະບົດໃຫມ່ ດ້ວຍບົດບາດເຈົ້າຂອງ ຂອງຊາວກະສິກອນ, ຂອງຖັນແຖວວິສາຫະກິດ ແລະ ນັກທຸລະກິດ.”
ໄລຍະຈະມາເຖິງ, ໃນສະພາບການເຊື່ອມໂຍງຢ່າງເລິກເຊິ່ງ, ກວ້າງຂວາງ, ການແກ້ງແຍ້ງຢ່າງແຮງ ຮຽກຮ້ອງ ຕ້ອງຍົກສູງຄຸນນະພາບ, ປະສິດທິຜົນ ການຜະລິດກະສິກຳ, ລັດຖະບານຫວຽດນາມ ບຸລິມະສິດເພີ່ມທະວີທຸກແຫລ່ງກຳລັງເພື່ອພັດທະນາກະສິກຳ. ໂຄງການຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃຫມ່ ໄດ້ເອົາໃຈໃສ່ເປັນພິເສດເຖິງການບຳລຸງສ້າງໃຫ້ຊາວກະສິກອນ ເພື່ອໃຫ້ເຂົາເຈົ້າກາຍເປັນຊາວກະສິກອນແບບໃຫມ່, ມີລະດັບຄວາມຮູ້, ກຳລັງຄວາມສາມາດຈັດຕັ້ງຕາມຮູບແບບການຜະລິດກະສິກຳ ຫວຽດນາມ ຕາມຂອບຂະຫນາດໃຫຍ່, ທັນສະໄຫມ. ກ່ຽວກັບສິ່ງດັ່ງກ່າວ, ທ່ານຮອງນາຍົກລັດຖະມົນຕີ ຫວູວີງນີງ ຊີ້ແຈ້ງວ່າ:
“ປະຈຸບັນ ພວກເຮົາຜະລິດຕາມຮູບແບບເອກະຊົນ, ຂະຫນາດນ້ອຍ ສະນັ້ນບໍ່ສາມາດແກ້ງແຍ້ງໄດ້. ບົດບາດຂອງເສດຖະກິດຄອບຄົວ ຍັງໃຫຍ່ຫລວງຢູ່ ຕ້ອງມີການຮ່ວມສຳພັນໃນການຜະລິດກະສິກຳ. ທີສອງ ແມ່ນຂົນຂວາຍຊາວກະສິກອນເປັນເຈົ້າການ ຍູ້ແຮງການສ້າງໂຄງປະກອບການຜະລິດກະສິກຳຄືນໃຫມ່, ຮ່ວມສຳພັນໃນການຜະລິດຕາມລະບົບມູນຄ່າ, ເຂົ້າຮ່ວມຈັດຕັ້ງການຮ່ວມມື, ສະຫະກອນແບບໃຫມ່ເພື່ອຮ່ວມສຳພັນກັບວິສາຫະກິດໃນການຜະລິດ, ປຸງແຕ່ງ, ຈຳຫນ່າຍ ເຮັດຄືແນວນັ້ນ ການພັດທະນາກະສິກຳຈຶ່ງໝັ້ນຄົງໄດ້.”
ພ້ອມກັບບັນດາຫນ້າທີ່ໃນຕໍ່ຫນ້າ ແລະ ເປັນປະຈຳ, ພັກ ແລະ ລັດຫວຽດນາມ ກໍເອົາໃຈໃສ່ຢ່າງເລິກເຊິ່ງເຖິງບັນຫາຫັນກະສິກຳເປັນອຸດສາຫະກຳ ແລະ ທັນສະໄຫມ, ກວດກາຄືນ, ເພີ່ມເຕີມບາງມາດຖານແຫ່ງຊາດກ່ຽວກັບການກໍ່ສ້າງຊົນນະບົດໃຫມ່ໄລຍະ 1(2011-2015) ແລະ ມຸ່ງໄປເຖິງການຜັນຂະຫຍາຍໂຄງການຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃຫມ່ໄລຍະ 2 (2016-2020).