(vovworld)- ພາຍຫລັງການເລືອກຕັ້ງຢູ່ ອົດສະຕາລີ 5 ວັນ, ໝາກຜົນຕົ້ນຕໍຍັງບໍ່ທັນໄດ້ຮັບການປະກາດ. ແຕ່ດ້ວຍ ຈຳນວນບັດສະຫນັບສະຫນູນກວ່າ 90% ທີ່ໄດ້ຮັບການນັບບັດ ສະແດງໃຫ້ເຫັນວ່າບໍ່ມີພັກໃດຍາດໄດ້ຈຳນວນບັດສະຫນັບສະຫນູນທີ່ຈຳເປັນເພື່ອຍາດເອົາສິດສ້າງຕັ້ງລັດຖະບານ. ນີ້ແມ່ນສິ່ງທີ່ກົງກັນຂ້າມກັບການຄາດຄະເນຂອງ ສະຫະພັນ ພັກເສລີ ແລະ ພັກແຫ່ງຊາດກຳອຳນາດ. ໝາກຜົນການເລືອກຕັ້ງໃນເບື້ອງຕົ້ນສະແດງໃຫ້ເຫັນການແບ່ງແຍກບົນເວທີການເມືອງຢູ່ອົດສະຕາລີ.
ການນຳຝ່າຍຄ້ານ ທ່ານ Bill Shorten
ພາບ:AAP
|
ວັນທີ 2/5, ຜູ້ມີສິດເລືອກຕັ້ງ ອົດສະຕາລີ ໄດ້ໄປປ່ອນບັດເລືອກຕັ້ງ 150 ທີ່ນັ່ງໃນສະພາຕ່ຳ ແລະ 76 ທີ່ນັ່ງໃນສະພາສູງ ເພື່ອສ້າງຕັ້ງລັດຖະບານໃຫມ່ໃຫ້ແກ່ອາຍຸການ 3 ປີຈະມາເຖິງ. ໝາກຜົນການນັບບັດໃນເບື້ອງຕົ້ນໄລ່ຮອດວັນທີ 6/7 ໃຫ້ເຫັນວ່າ ສະຫະພັນ ພັກເສລີ ແລະ ພັກແຫ່ງຊາດ ກຳອຳນາດຂອງນາຍົກລັດຖະມົນຕີ Malcolm Turnbull ຍາດໄດ້ 70 ທີ່ນັ່ງ. ພັກຝ່າຍຄ້ານຍາດໄດ້ 67 ທີ່ນັ່ງ. ບັນດາພັກນ້ອຍ ແລະ ຜູ້ສະໝັກຮັບເລືອກຕັ້ງເອກະລາດຍາດໄດ້ 5 ທີ່ນັ່ງ. ປະຈຸບັນ ຍັງມີ 8 ທີ່ນັ່ງບໍ່ທັນໄດ້ກຳນົດ ຍ້ອນຍັງລໍຖ້າໝາກຜົນການນັບບັດຂອງຜູ້ມີສິດເລືອກຕັ້ງໄປປ່ອນບັດກ່ອນກຳນົດເວລາ ແລະ ສົ່ງມາທາງໄປສະນີ.
ຕາມການກຳນົດຂອງກົດໝາຍອົດສະຕາລີແລ້ວ, ເພື່ອສ້າງຕັ້ງລັດຖະບານໃຫມ່, ພັກຫນຶ່ງຕ້ອງຍາດໄດ້ຢ່າງຫນ້ອຍສຸດແມ່ນ 70 ທີ່ນັ່ງໃນຍອດຈຳນວນ 150 ທີ່ນັ່ງ ໃນສະພາຕ່ຳ ອົດສະຕາລີ.
ການຄິດໄລ່ແບບພະຈົນໄພຂອງທ່ານນາຍົກລັດຖະມົນຕີ Malcolm Turnbull
ກ່າວຄຳເຫັນກ່ອນການເລືອກຕັ້ງ, ທ່ານນາຍົກລັດຖະມົນຕີ Malcolm Turnbull ໄດ້ເນັ້ນຫນັກຢ່າງແຮງວ່າ ທ່ານເອງຢາກສຸມກຳລັງເພື່ອຍາດໄຊຊະນະຢ່າງແນ່ນອນໃຫ້ແກ່ຈຳນວນທີ່ນັ່ງ ຊື່ງ ສະຫະພັນ ພັກເສລີ - ພັກແຫ່ງຊາດ ກຳອຳນາດ ຊື່ງປະຈຸບັນ ພວມຮັກສາທີ່ນັ່ງສ່ວນຫລາຍຢູ່ສະພາຕ່ຳ ແລະ ສະພາສູງ ແລະ ອາດຈະຍາດໄດ້ທີ່ນັ່ງຕື່ມອີກ. ຕາມທ່ານ Malcolm Turnbull ແລ້ວ, ສິ່ງທີ່ ສະຫະພັນ ສອງພັກດັ່ງກ່າວຕ້ອງການ ນັ້ນແມ່ນຮັບປະກັນການສືບຕໍ່ຮັກສາລັດຖະບານເປັນສ່ວນຫລາຍ ເພື່ອຊຸກຍູ້ການຜັນຂະຫຍາຍແຜນການເສດຖະກິດ, ຊ່ວຍໃຫ້ອົດສະຕາລີ ພັດທະນາຢ່າງໝັ້ນຄົງໃນອະນາຄົດ. ສະນັ້ນ ໃນການຂົນຂວາຍຫາສຽງເລືອກຕັ້ງມາເປັນເວລາ 8 ອາທິດ ຊື່ງແມ່ນເວລາຫາສຽງເລືອກຕັ້ງຍາວກວ່າໝູ່ໃນປະຫວັດສາດ ອົດສະຕາລີ, ທ່ານ Malcolm Turnbull ໄດ້ສຸມໃສ່ທ່າແຮງທີ່ເປັນມູນເຊື້ອຂອງພັກເສລີ ນັ້ນແມ່ນການຄຸ້ມຄອງເສດຖະກິດ ດ້ວຍຈຸດຕົ້ນຕໍແມ່ນສະເຫນີ ຫລຸດຜ່ອນພາສີອາກອນໃນໄລຍະ 10 ປີຈະມາເຖິງ ເພື່ອຊຸກຍູ້ການເຕີບໂຕ ແລະ ສ້າງວຽກເຮັດງານທຳ. ທ່ານ ນາຍົກລັດຖະມົນຕີ Malcolm Turnbull ໄດ້ຖະແຫລງວ່າ ພາຍໃຕ້ການຊີ້ນຳນຳພາຂອງພັກເສລີ, ລັດຖະບານ ອົດສະຕາລີ ໃຫມ່ຈະມີກຳລັງແຮງພຽງພໍເພື່ອຮັບມືກັບວິກິດການເສດຖະກິດຫລັງເຫດການ Brexit.
ເຖິງຢ່າງໃດກໍຕາມ, ສິ່ງນັ້ນເບິ່ງຄືວ່າຍັງບໍ່ທັນມີກຳລັງແຮງພຽງພໍເພື່ອເກ້ຍກ່ອມຜູ້ມີສິດເລືອກຕັ້ງ. ໝາກຜົນການເລືອກຕັ້ງໃນເບື້ອງຕົ້ນໄລ່ຮອດຈຸດເວລານີ້ໃຫ້ເຫັນວ່າ ພັນທະມິດພັກເສລີ ແລະ ພັກແຫ່ງຊາດກຳອຳນາດບໍ່ບັນລຸໄດ້ຄາດໝາຍເມື່ອຖືກເສຍຫລາຍທີ່ນັ່ງໃນສະພາແຫ່ງຊາດເມື່ອທຽບໃສ່ກັບ 90 ທີ່ນັ່ງທີ່ມີຢູ່ແລ້ວໃນປະຈຸບັນ. ທ່ານ Ben Oquist ຜູ້ອຳນວຍການສະຖາບັນຄົ້ນຄ້ວາຂອງ ອົດສະຕາລີ ຖືວ່າ: ໃນຕະຫລອດບັ້ນໂຄສະນາຫາສຽງເລືອກຕັ້ງ, ສະຫະພັນ ພັກກຳອຳນາດ ແລະ ພັກແຮງງານຝ່າຍຄ້ານ ມີຄວາມເຊື່ອໝັ້ນເອງຕໍ່ໄຊຊະນະຫລາຍເກີນໄປ, ແຕ່ບໍ່ຄິດໄລ່ເຖິງ ຄວາມອາດຈະຕ້ອງປືກສາຫາລືກັບບັນດາພັກນ້ອຍ ແລະ ຜູ້ສະໝັກຮັບເລືອກຕັ້ງເອກະລາດ. ທ່ານນາຍົກລັດຖະມົນຕີ Malcolm Turnbull ໄດ້ພະຈົຍໄພເມື່ອຕົກລົງຍຸບເລີກສະພາຕ່ຳ ແລະ ສະພາສູງ ເພື່ອດຳເນີນການເລືອກຕັ້ງລັດຖະສະພາກ່ອນກຳນົດເວລາ, ໃນຄວາມມານະພະຍາຍາມຊອກຫາການສະຫນັບສະຫນູນສະຫງວນໃຫ້ ສະຫະພັນ ກຳອຳນາດ. ໃນຈຸດເວລາທີ່ທ່ານ Malcolm Turnbull ຍົກອອກຂໍ້ຕົກລົງດັ່ງກ່າວ, ລັດຖະບານ ອົດສະຕາລີ ຖືກຄັດຄ້ານຢ່າງແຮງຈາກລັດຖະສະພາສຳລັບແຜນການຍົກເວັ້ນພາສີອາກອນໃຫ້ແກ່ວິສາຫະກິດ. ເລື່ອງດຳເນີນການເລືອກຕັ້ງກ່ອນກຳນົດເວລາ ໄດ້ຮັບຖືວ່າແມ່ນແຜນການການເມືອງຊື່ງທ່ານ Malcolm Turnbull ໄດ້ວາງອອກ. ເຖິງຢ່າງໃດກໍຕາມ, ເບິ່ງຄືວ່າ ການຄິດໄລ່ຂອງທ່ານແມ່ນຜິດແລ້ວໃນສະພາບທີ່ອັດຕາສ່ວນສະຫນັບສະຫນູນຂອງຜູ້ມີສິດເລືອກຕັ້ງສຳລັບ ສະຫະພັນ ກຳອຳນາດແມ່ນຫລຸດລົງຢ່າງແຮງ ເກືອບເທົ່າທຽມກັບອັດຕາສ່ວນການສະຫນັບສະຫນູນສະຫງວນໃຫ້ແກ່ພັກແຮງງານຝ່າຍຄ້ານ.
ການຮ່ວມສຳພັນເພື່ອສ້າງຕັ້ງລັດຖະບານ
ໃນການເລືອກຕັ້ງຜ່ານມາ, ບັນດາຜູ້ສະໝັກຮັບເລືອກຕັ້ງເອກະລາດ ແລະ ບັນດາພັກນ້ອຍຍາດໄດ້ 26% ຈຳນວນບັດສະຫນັບສະຫນູນ, ຊື່ງແມ່ນໝາກຜົນສູງສຸດຊື່ງເຂົາເຈົ້າຍາດມາໄດ້ໃນບັນດາການເລືອກຕັ້ງສະຫະພັນ. ເຖິງວ່າ ບັນດາພັກນີ້ກວມຈຳນວນທີ່ນັ່ງເປັນຈຳນວນບໍ່ຫລາຍ ແຕ່ຕໍ່ຫນ້າສະພາບການປະຈຸບັນ, ເຂົາເຈົ້າໄດ້ກັບຄືນກາຍເປັນຜູ້ຕັດສິນຊາຕາກຳຂອງປະເທດຊາດ.
ກ່ຽວດັບດ້ານທິດສະດີ, ນັບທັງ ສະຫະພັນ ພັກເສລີ ແລະ ພັກແຫ່ງຊາດກຳອຳນາດ ແລະ ພັກແຮງງານຝ່າຍຄ້ານລ້ວນແຕ່ສາມາດສ້າງຕັ້ງລັດຖະບານສ່ວນຫນ້ອຍ ແຕ່ດ້ວຍເງື່ອນໄຂຕ້ອງຍາດໄດ້ການສະຫນັບສະຫນູນຂອງບັນດາຜູ້ສະໝັກຮັບເລືອກຕັ້ງເອກະລາດ ເພື່ອເຕົ້າໂຮມຈຳນວນທີ່ນັ່ງຢ່າງພຽງພໍ 76 ທີ່ນັ່ງໃນສະພາຕ່ຳ. ສະນັ້ນ ເມື່ອໝາກຜົນການນັບບັດໃນເບື້ອງຕົ້ນໃຫ້ເຫັນວ່າ ຍັງບໍ່ທັນມີພັກໃດໃນ 2 ພັກການເມືອງໃຫຍ່ຍາດໄດ້ໄຊຊະນະ, ວັນທີ 4/7 ການນຳທັງສອງພັກໄດ້ເລີ່ມຕົ້ນການປຶກສາຫາລືກັບບັນດາສະມາຊິກສະພາແຫ່ງຊາດເອກະລາດ ເພື່ອເຕົ້າໂຮມຈຳນວນທີ່ນັ່ງທີ່ຈຳເປັນເພື່ອສ້າງຕັ້ງລັດຖະບານໃຫມ່. ສະມາຊິກສະພາສູງ ທ່ານ Arthur Sinodinis ຂຶ້ນກັບພັກເສລີ ຂອງທ່ານນາຍົກລັດຖະມົນຕີ Malcolm Turnbull ຮັບຮູ້ວ່າ ທ່ານ Malcolm Turnbull ໄດ້ເລີ່ມຕົ້ນການປຶກສາຫາລືກັບສະມາຊິກສະພາແຫ່ງຊາດເອກະລາດເພື່ອຍາດເອົາການສະຫນັບສະຫນູນຂອງເຂົາເຈົ້າ ແນໃສ່ສ້າງຕັ້ງລັດຖະບານໃຫມ່. ໃນຂະນະນັ້ນ, ການນຳຝ່າຍຄ້ານ ທ່ານ Bill Shorten ກໍເລີ່ມຕົ້ນພົບປະກັບບັນດາສະມາຊິກສະພາແຫ່ງຊາດເອກະລາດເພື່ອປຶກສາຫາລື. ສະມາຊິກສະພາສູງ Arthur Sinodinis ຖືວ່າ ສິ່ງນີ້ແມ່ນສຳຄັນທີ່ສຸດໃນສະພາບທີ່ສັບສົນ ປະຈຸບັນ“ບໍ່ທັນຮູ້ໄດ້ແມ່ນພັກໃດຊະນະ” ເພາະປະຊາຊົນ ອົດສະຕາລີ ຍາມໃດກໍປາດຖະຫນາຢາກມີລັດຖະບານສະຖຽນລະພາບ, ທຸກພັກຝ່າຍ, ສະມາຊິກສະພາແຫ່ງຊາດມີການຮ່ວມມືໃນສະພາແຫ່ງຊາດ.
ໃນຂະນະນັ້ນ ນັກໄຈ້ແຍກຈຳນວນຫນຶ່ງຕີລາຄາວ່າ ສອງຝ່າຍອາດຈະຍາດໄດ້ທີ່ນັ່ງເທົ່າທຽມກັນ ແລະ ໃນກໍລະນີ ພັກຂຽວ ຫລືບັນດາສະມາຊິກສະພາແຫ່ງຊາດເອກະລາດ, ຊື່ງແມ່ນຜູ້ກຳອຳນາດບໍ່ສະຫນັບສະຫນູນພັກ ສະຫະພັນ 2 ພັກ ຫລື ພັກແຮງງານ, ອົດສະຕາລີ ຕ້ອງດຳເນີນການເລືອກຕັ້ງຄືນໃຫມ່ໃນຮອບເວລາ 12 ເດືອນ ຫລັງຈາກນັ້ນ. ມີຫລາຍຄົນກໍຄິດໄລ່ເຖິງແຜນການ ອົດສະຕາລີ ຈະຕ້ອງປ່ຽນແທນນາຍົກລັດຖະມົນຕີ ຄັ້ງທີ 5 ພຽງໃນໄລຍະ 3 ປີຜ່ານມາ.
ຄິດວ່າການເລືອກຕັ້ງກ່ອນກຳນົດເວລາຢູ່ ອົດສະຕາລີຈະນຳມາເຊິ່ງບົນເວທີການເມືອງຂອງປະເທດນີ້ມີສະຖຽນລະພາບ ແຕ່ໝາກຜົນພັດສະແດງໃຫ້ເຫັນຄວາມສັບສົນບົນເວທີການເມືອງຂອງປະເທດນີ້. ສິ່ງດັ່ງກ່າວກໍໝາຍຄວາມວ່າ ຄວາມປາດຖະຫນາຂອງປະຊາຊົນແມ່ນຢາກມີລັດຖະບານເປັນສ່ວນຫລາຍ, ເອກະພາບ, ສະຖຽນລະພາບ ບໍ່ແມ່ນເລື່ອງງ່າຍດາຍ.