(vovworld)- ຖືເສດຖະກິດພາກເອກະຊົນເປັນສຳຄັນ ແມ່ນເນື້ອໃນໃຫມ່ໃນຮ່າງເອກະສານກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກກອມມູນິດຫວຽດນາມ. ປະກອບຄຳເຫັນກ່ຽວກັບບັນຫານີ້, ມີວິສາຫະກິດຫລາຍແຫ່ງ ແລະ ຜູ້ຊ່ຽວຊານຫລາຍທ່ານຖືວ່າ: ວິສາຫະກິດພາກເອກະຊົນຕ້ອງການສະພາບແວດລ້ອມສະເຫມີພາບ ເພື່ອມີກຳລັງຫນູນປະກອບສ່ວນໃຫ້ແກ່ປະເທດຊາດ. ບົດຂຽນຂອງນັກຂ່າວ ຫງວຽນຮັ່ງ.
ພາບປະກອບ:internet
|
ກຸ່ມວິສາຫະກິດພາກເອກະຊົນ ດ້ວຍກຳລັງແຮງງານກວມ 51% ຈຳນວນຄົນງານຂອງທົ່ວປະເທດ ແລະ ໄດ້ຮັບຖືວ່າ ແມ່ນຫນຶ່ງໃນບັນດາກຳລັງຫນູນສຳຄັນເພື່ອຊຸກຍູ້ການເຕີບໂຕເສດຖະກິດໃນຊຸມປີມໍ່ໆມານີ້. ແຕ່ລະປີ, ເສດຖະກິດພາກເອກະຊົນ ປະກອບສ່ວນສຳຄັນເຂົ້າໃນ ງົບປະມານ, ເພີ່ມວົງເງິນສົ່ງອອກ, ແກ້ໄຂບັນດາບັນຫາສັງຄົມຄື: ສ້າງວຽກເຮັດງານທຳ, ລົບລ້າງຄວາມອຶດຫິວຫລຸດຜ່ອນຄວາມທຸກຍາກ ຢ່າງມີປະສິດທິຜົນ.
ປະກອບສ່ວນອັນໃຫຍ່ຫລວງເຂົ້າໃນພາລະກິດສ້າງສາແລະພັດທະນາປະເທດຊາດ
ມີວິສາຫະກິດພາກເອກະຊົນປະມານ 500.000 ແຫ່ງຂອງຫວຽດນາມ ປະຈຸບັນ ພວມສ້າງວຽກເຮັດງານທຳໃຫ້ຄົນງານ 1,2 ລ້ານຄົນ, ປະກອບສ່ວນກວ່າ 40% GDP ໃນແຕ່ລະປີ. ທ່ານ ຮີ່ງເຫງ໋ຍທ້ຽນ, ຮອງຜູ້ອຳນວຍການໃຫຍ່ ບໍລິສັດຫຸ້ນສ່ວນເຫລັກກ້າ Vina one ແຂວງ ລອງອານ ຖືວ່າ: ເລື່ອງຖືເສດຖະກິດພາກເອກະຊົນເປັນສຳຄັນ ເພື່ອພັດທະນາເສດຖະກິດຄືໃນຮ່າງເອກະສານກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຫວຽດນາມຄັ້ງທີ 12 ແມ່ນສະແດງໃຫ້ເຫັນວ່າ: ພັກ ແລະ ລັດ ຮັບຮູ້ບັນດາການປະກອບສ່ວນຂອງເສດຖະກິດພາກເອກະຊົນຢ່າງລຽນຕິດເຂົ້າໃນພາລະກິດສ້າງສາ ແລະ ພັດທະນາປະເທດຊາດ.
“ພັກ ແລະ ລັດ ໄດ້ມີນະໂຍບາຍຫລາຍຢ່າງ ເພື່ອຊຸກຍູ້ການພັດທະນາຂອງເສດຖະກິດພາກເອກະຊົນ. ບັນດາວິສາຫະກິດພາກເອກະຊົນພາຍໃນປະເທດນັບມື້ນັບຂະຫຍັນຂັນເຄື່ອນ, ມີຫົວຄິດປະດິດສ້າງ ພ້ອມກັນສາມັກຄີ ພາຍໃຕ້ການຊີ້ນຳນຳພາຂອງພັກ, ລັດຖະບານ, ລັດ. ສະນັ້ນ ວິສາຫະກິດສ້າງ ໄດ້ສ້າງບັນດາຜະລິດຕະພັນມີຄຸນນະພາບດີ, ຮັບໃຊ້ໃຫ້ການເຕີບໂຕເສດຖະກິດກໍຄືການສົ່ງອອກສິນຄ້າຫລາຍປະເພດໄປຍັງບັນດາປະເທດໃນໂລກ.”
ເຫັນດີເຫັນພ້ອມກັບຮ່າງເອກະສານກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກ ໂດຍຖືເສດຖະກິດພາກເອກະຊົນເປັນສຳຄັນ ແມ່ນກຳລັງຫນູນ, ຊຸກຍູ້ພາລະກິດປ່ຽນແປງໃຫມ່, ທ່ານ ເຈີນແອງເວືອງ, ຮອງປະທານສະມາຄົມນັກທຸລະກິດຫນຸ່ມຫວຽດນາມ ເນັ້ນຫນັກວ່າ: ຄວນມີນະໂຍບາຍເໝາະສົມເພື່ອສ້າງບາດກ້າວບຸກທະລຸໃຫ້ກຸ່ມວິສາຫະກິດພາກເອກະຊົນໃນກິດຈະການສ້າງສາປະເທດຊາດ.
“ກ່ອນນີ້ ກອງປະຊຸມໃຫຍ່ຫລາຍຄັ້ງໄດ້ເຕື້ອງເຖິງເສດຖະກິດພາກເອກະຊົນ ແລະ ອາດຈະເວົ້າໄດ້ວ່າ ເສດຖະກິດພາກເອກະຊົນໄດ້ຢືນຢັນວ່ານັ້ນແມ່ນຫນຶ່ງໃນບັນດາກຳລັງຫນູນ. ເພາະ ຢູ່ປະເທດໃດກໍເຊັ່ນເກັນ, ທຸກພື້ນຖານເສດຖະກິດການຕະຫລາດໄດ້ພິສູດໃຫ້ເຫັນວ່າ ພຽງແຕ່ການພັດທະນາເສດຖະກິດພາກເອກະຊົນ ເສດຖະກິດລວມຂອງປະເທດຊາດຈຶ່ງພັດທະນາໄດ້, ເສດຖະກິດພາກເອກະຊົນບໍ່ແມ່ນກຳລັງຫນູນ, ບໍ່ແມ່ນສຽງເວົ້າລວມ ຫາກແມ່ນສິ່ງສຳຄັນທີ່ສຸດເພື່ອພັດທະນາເສດຖະກິດ.”
ເສດຖະກິດພາກເອກະຊົນ ມີບົດບາດແມ່ນກຳລັງຫນູນ
ເຖິງວ່າ ກວມຈຳນວນຄົນງານເປັນຈຳນວນຫລວງຫລາຍ, ແຕ່ບັນດາວິສາຫະກິດຂຶ້ນກັບ ເສດຖະກິດພາກເອກະຊົນ ສ່ວນຫລາຍແມ່ນວິສາຫະກິດຂະຫນາດກາງ ແລະ ນ້ອຍ, ກຳລັງແກ້ງແຍ້ງຕ່ຳ, ຄຸນນະພາບຜະລິດຕະພັນບໍ່ທັນສູງ, ກຳລັງຄວາມສາມາດການຄຸ້ມຄອງຍັງຈຳກັດຫລາຍ. ເພື່ອສ້າງເງື່ອນໄຂໃຫ້ ເສດຖະກິດພາກເອກະຊົນພັດທະນາກວ່າອີກ, ທ່ານ ຫງວຽນວັນເດ້, ປະທານສະຫະສະມາຄົມວິສາຫະກິດແຂວງ ແທງຮວາ ຖືວ່າ:
“ຂ້າພະເຈົ້າສະເຫນີຮ່າງເອກະສານກອງປະຊຸມຫຍ່ຜູ້ແທນທົ່ວປະເທດຄັ້ງທີ 12 ຂອງພັກ ຄວນກຳນົດຢ່າງຈະແຈ້ງຄວາມສຳຄັນຂອງບັນດາແຜນນະໂຍບາຍ, ນະໂຍບາຍສຳລັບ ເສດຖະກິດ, ພາກເອກະຊົນ ໃນພື້ນຖານເສດຖະກິດການຕະຫລາດ. ເມື່ອສ້າງນະໂຍບາຍບໍ່ກຳນົດສະເພາະໃນກະຊວງ, ຂະແຫນງການໃດ ແລະ ຄວນມີການເຂົ້າຮ່ວມຂອງບັນດາອົງການ ສະຫະສະມາຄົມກ່ຽວຂ້ອງ ແລະ ວິສາຫະກິດ, ເຮັດໄດ້ຄືແນວນັ້ນ ນະໂຍບາຍຈຶ່ງໃກ້ຊິດ ແລະ ເຂົ້າສູ່ຊີວິດຕົວຈິງໄດ້.”
ຕາງຫນ້າໃຫ້ປະຊາຄົມວິສາຫະກິດ, ທ່ານ ຫວູຕຽນລົກ, ປະທານຫ້ອງການການຄ້າ ແລະ ອຸດສາຫະກຳ ຫວຽດນາມ ຖືວ່າ: ເລື່ອງພັກກອມມູນິດຫວຽດນາມ ເສດຖະກິດພາກເອກະຊົນເປັນສຳຄັນ ແມ່ນກຳລັງຫນູນຂອງພາລະກິດພັດທະນາປະເທດຊາດ ແມ່ນຖືກຕ້ອງ.
“ຄວນຢັ້ງຢືນບົດບາດກຳລັງຫນູນຂອງ ເສດຖະກິດພາກເອກະຊົນ, ເພາະ ເສດຖະກິດພາກເອກະຊົນ ແມ່ນເຂດຂອງທົ່ວປວງຊົນ. ຈົ່ງເຊື່ອໝັ້ນປະຊາຊົນ, ເຊື່ອໝັ້ນພາລະກິດເຮັດເສດຖະກິດຂອງປະຊາຊົນ. ລັດ ຈົ່ງສວມບົດບາດ ແມ່ນຜູ້ກໍ່ຕັ້ງ, ຫນູນຊ່ວຍ ແລະ ແມ່ນແນວຫລັງອັນໝັ້ນແກ່ນຂອງປະຊາຊົນ, ເພື່ອພາລະກິດທຳມາຫາກິນ ເຮັດເສດຖະກິດຂອງທົ່ວປວງຊົນ.”
ວິສາຫະກິດແມ່ນກຳລັງຫນູນຕົ້ນຕໍໃນພາລະກິດພັດທະນາປະເທດຊາດ. ພັກ ແລະ ລັດ ໄດ້ມານະພະຍາຍາມຢ່າງບໍ່ຢຸດຢັ້ງເພື່ອປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດ ເພື່ອໃຫ້ວິສາຫະກິດເວົ້າລວມ, ເສດຖະກິດພາກເອກະຊົນເວົ້າສະເພາະ ພັດທະນາ. ສືບຕໍ່ຖືບົດບາດຂອງ ເສດຖະກິດພາກເອກະຊົນ ເປັນສຳຄັນ ຄືດັ່ງລະບຸໃນຮ່າງເອກະສານກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຈະສ້າງ ກຳລັງຫນູນຕື່ມອີກເພື່ອໃຫ້ ເສດຖະກິດພາກເອກະຊົນ ສືບຕໍ່ພັດທະນາ.