(VOVWORLD) - ກອງປະຊຸມໃຫຍ່ຜູ້ແທນທົ່ວປະເທດສະຫະພັນຊາວຫນຸ່ມ ຫວຽດນາມ ຄັ້ງທີ IX ອັດລົງໃນວັນທີ 18 ທັນວາ ຢູ່ ຮ່າໂນ້ຍ ໄດ້ແຜ່ຂະຫຍາຍສານກ່ຽວກັບຄວາມຄາດຫວັງອຸທິດສ່ວນ, ປະດິດຄິດສ້າງ ແລະ ສາມັກຄີຂອງຊາວຫນຸ່ມ ຫວຽດນາມ ໃນວິວັດການສ້າງສາ, ພັດທະນາປະເທດຊາດຢ່າງເຂັ້ມແຂງ. ກອງປະຊຸມໃຫຍ່ ໄດ້ຢັ້້ງຢືນພາລະກຳຂອງຊາວຫນຸ່ມ ຍາມໃດກໍ່ແມ່ນກຳລັງນຳຫນ້າໃນການປະຕິບັດບັນດາຫນ້າທີ່ການປະຕິວັດ.
 ທ່ານເລຂາທິການໃຫຍ່ ໂຕເລິມ ຊີ້ນຳກອງປະຊຸມ. (ພາບ:VOV) |
ປະຈຸບັນ ຊາວຫນຸ່ມ ຫວຽດນາມ ມີປະມານ 22 ລ້ານຄົນ, ກວມເອົາເກືອບ 21% ຈຳນວນປະຊາກອນ. ນີ້ກໍ່ແມ່ນກຳລັງສຳຄັນໃນພາລະກິດແຫ່ງການພັດທະນາປະເທດຊາດ.
ຢັ້່ງຢືນບົດບາດນຳຫນ້າຂອງຊາວຫນຸ່ມ
ປີ 1930, ພັກກອມມູນິດ ຫວຽດນາມ ໄດ້ຮັບການສ້າງຕັ້ງຂຶ້ນໂດຍເລີ່ມມາຈາກອົງການຈັດຕັ້ງສະມາຄົມຊາວຫນຸ່ມປະຕິວັດ ຫວຽດນາມ. ມີພະນັກງານ, ການນຳດີເລີດຂອງພັກ ຜ່ານບັນດາໄລຍະ ດ້ວຍອາຍຸພຽງ 20 ປາຍປີຄື: ທ່ານ ເຈີນຟູ, ຫງວຽນວັນກື່, ເລຮົ່ງຟອງ, ຫງວຽນທິມິງຄາຍ. ຊາວຫນຸ່ມຍາມໃດກໍ່ແມ່ນກຳລັງປະຈັນບານນຳຫນ້າໃນບັນດາການຕໍ່ຕ້ານຍາດເອົາເອກະລາດຊົນຊາດກໍ່ຄືໃນພາລະກິດແຫ່ງການປ່ຽນແປງໃຫມ່, ພັດທະນາວິທະຍາສາດ, ເຕັກນິກ.
ບັນດາຜົນງານອັນຍິ່ງໃຫຍ່ພາຍຫລັງເກືອບ 80 ປີແຫ່ງການສ້າງສາປະເທດຊາດ ແລະ ເກືອບ 40 ປີແຫ່ງການປະຕິບັດພາລະກິດປ່ຽນແປງໃຫມ່ ໄດ້ມີຂີດໝາຍຈະແຈ້ງຂອງກຳລັງຊາວຫນຸ່ມ.
ຕໍ່ຫນ້າກາລະໂອກາດ, ພາລະກຳໃຫມ່, ໃນຄວາມຄາດຫວັງນຳປະເທດຊາດກ້າວເຂົ້າສູ່ສັງກາດພັດທະນາ, ສັງກາດຮັ່ງມີເຂັ້ມແຂງ ພາຍໃຕ້ການຊີ້ນຳນຳພາຂອງພັກ, ມີບົດບາດທີ່ສຳຄັນຂອງຊາວຫນຸ່ມ. ກ່າວຄຳເຫັນທີ່ກອງປະຊຸມໃຫຍ່ຜູ້ແທນທົ່ວປະເທດ ສະຫະພັນຊາວຫນຸ່ມ ຫວຽດນາມ ຄັ້ງທີ IX, ທ່ານເລຂາທິການໃຫຍ່ ໂຕເລິມ ຖືວ່າ:
“ພາລະກິດນັ້ນປະສົບຜົນສຳເລັດຫລືບໍ່, ປະເທດຊາດມີບາດກ້າວເດີນທີ່ໝັ້ນແກ່ນກ້າວເຂົ້າສູ່ສັງກາດໃຫມ່, ສັງກາດບືນຕົວຂຶ້ນຫລືບໍ່, ຮອດປີ 2025 ທັດທຽມກັບບັນດາປະເທດມະຫາອຳນາດຢູ່ 5 ທະວີບຄືດັ່ງຄວາມມຸ່ງມາດປາດຖະຫນາຂອງປະທານໂຮ່ຈີມີນ ແລະ ຄວາມມຸ່ງຫວັງຂອງທົ່ວປວງຊົນທັງຊາດຫລືບໍ່ ແມ່ນອີງໃສ່ການປະກອບສ່ວນອັນໃຫຍ່ຫລວງຂອງກຳລັງຊາວຫນຸ່ມ- ລຸ້ນອະນາຄົດຂອງປະເທດຊາດ, ແມ່ນບັນດາຜູ້ຄົນທີ່ສືບທອດຄົນລຸ້ນກ່ອນແບກຫາບຫນ້າທີ່ສ້າງສາ, ປົກປັກຮັກສາປະເທດຊາດ”.
ຈັດຊາວຫນຸ່ມຢູ່ທີ່ຕັ້ງໃຈກາງຫລາຍບັນຫາໃຫຍ່ຂອງປະເທດຊາດ
ຫວຽດນາມ ພວມຢືນຢູ່ຕໍ່ຫນ້າກາລະໂອກາດ ແລະ ພາລະກຳຫລາຍຢ່າງ ແຕ່ຍັງປະສົບກັບຄວາມຫຍຸ້ງຍາກ, ສິ່ງທ້າທາຍບໍ່ແມ່ນຫນ້ອຍຄື: ໄພຖອຍຫລັງດ້ານເສດຖະກິດ, ລະດັບເພີ່ມສະມັດຕະພາບແຮງງານພວມຄ່ອຍໆຫລຸດລົງ.. ໃນຂະນະນັ້ນ ວິວັດການຍູ້ໄວເຕັກໂນໂລຊີຍຸດທະສາດ, ການຫັນເປັນດິຈີຕອນ, ຫັນປ່ຽນສີຂຽວ ຖືວິທະຍາສາດເຕັກໂນໂລຊີ, ນະວັດຕະກຳເປັນກຳລັງຫນູນ ພວມວາງອອກຫລາຍຄຳຮຽກຮ້ອງໃຫມ່ ດ້ວຍການລະດົມ, ເສີມຂະຫຍາຍບົດບາດປະຈັນບານຂອງຊາວຫນຸ່ມ.
 ທ່ານເລຂາທິການໃຫຍ່ ໂຕເລິມ ຖ່າຍຮູບກັບບັນດາຜູ້ແທນ.(ພາບ:VOV) |
ທ່ານເລຂາທິການໃຫຍ່ ຮຽກຮ້ອງບັນດາອົງການກ່ຽວຂ້ອງ ຄວນເປັນເອກະພາບຄວາມຮັບຮູ້ກ່ຽວກັບລະດັບຄວາມສຳຄັນພິເສດຂອງວຽກງານຊາວຫນຸ່ມໃນໄລຍະການປະຕິວັດໃຫມ່ຂອງພັກ, ຂອງຊາດ. ທ່ານເລຂາທິການໃຫຍ່ ໃສ່ໃຈວ່າ:
“ປ່ຽນແປງໃຫມ່ຢ່າງແຮງວິທີການຮ່ວມເດີນທາງ, ຫນູນຊ່ວຍ, ເຂົ້າເຖິງຂອງສະມາຄົມ, ຮັບປະກັນການໃກ້ຊິດຕິດແທດກັບຊາວຫນຸ່ມ, ເຕົ້າໂຮມ, ສາມັກຄີຢ່າງກວ້າງຂວາງໃນຊາວຫນຸ່ມ ຫວຽດນາມ ຢູ່ພາຍໃນ ແລະ ຕ່າງປະເທດ, ນັບທັງໃນສະພາບແວດລ້ອມດ້ານເຄືອຂ່າຍອິນເຕີເນັດ, ປະຕິບັດບັນດາແຜນນະໂຍບາຍຂອງພັກ, ນະໂຍບາຍກົດໝາຍຂອງລັດຢ່າງມີປະສິດທິຜົນ, ນຳຫນ້າເພື່ອສ້າງບັນດາຂະບວນການປະຕິວັດຊາວຫນຸ່ມ ປະຕິບັດແຜນນະໂຍບາຍຂອງພັກ ກ່ຽວກັບການປ້ອງກັນ, ຕ້ານການຟຸມເຟືອຍ, ມົນລະພິດສິ່ງແວດລ້ອມ, ກ່ຽວກັບການຫັນເປັນດິຈິຕອນ”.
ທ່ານເລຂາທິການໃຫຍ່ ສະເຫນີ ບັນດາຝ່າຍທີ່ກ່ຽວຂ້ອງຍູ້ແຮງການສົມທົບໃນການແກ້ໄຂຂໍ້ຂາດຕົກບົກຜ່ອງຂອງກົນໄກນະໂຍບາຍ, ພັດທະນາ, ເຕົ້າໂຮມ, ຝືກຝົນຫລໍ່ຫລອມ ແລະ ສົ່ງເສີມ, ສ້າງເງື່ອນໄຂເພື່ອໃຫ້ຊາວຫນຸ່ມມີຄວາມເກັ່ງກ້າສາມາດເສີມຂະຫຍາຍໄດ້ກຳລັງຄວາມສາມາດ, ອຸທິດສ່ວນໃຫ້ແກ່ປະເທດຊາດ.
ທ່ານເລຂາທິການໃຫຍ່ ຢືນຢັນ ການກໍ່ສ້າງສັງຄົມນິຍົມແມ່ນວຽກງານທີ່ຫຍຸ້ງຍາກ, ຍາວນານ, ສັບສົນ. ດ້ວຍທ່າແຮງຮ່ຳຮຽນ, ດັດປັບໃຫ້ແທດເໝາະກັບນະວັດຕະກຳ, ການຫັນເປັນດິຈີຕອນ ແລະ ຮັບເອົາວິທະຍາສາດເຕັກໂນໂລຊີ, ຊາວຫນຸ່ມ ຫວຽດນາມ ສາມາດເປັນເຈົ້າອະນາຄົດຂອງປະເທດຊາດ.
“ຫນ້າທີ່ສຳລັບຊາວຫນຸ່ມໃນໄລຍະການປະຕິວັດໃຫມ່ ແມ່ນສະຫງ່າລາສີ, ຍິ່ງກວ່າໃດໝົດຮຽກຮ້ອງລຸ້ນຫນຸ່ມຕ້ອງສະແດງໃຫ້ເຫັນຢ່າງຈະແຈ້ງບົດບາດໃນທຸກການເຄື່ອນໄຫວຂອງຊີວິດສັງຄົມ, ມີສະຕິຕໍ່ຄວາມຮັບຜິດຊອບ ແລະ ຫນ້າທີ່ຂອງຕົນ. ຊາວຫນຸ່ມ ຕ້ອງແມ່ນກຳລັງນຳຫນ້າໃນການຮ່ຳຮຽນ, ຝືກຝົນຫລໍ່ຫລອມ, ສູ້ຊົນບືນຕົວຂຶ້ນຢ່າງບໍ່ຢຸດຢັ້ງ, ເປັນເຈົ້າດ້ານວິທະຍາສາດເຕັກໂນໂລຊີ”.
ພັກ, ລັດ ຫວຽດນາມ ຍາມໃດກໍ່ມີຄວາມເຊື່ອໝັ້ນຕໍ່ກຳລັງຊາວຫນຸ່ມ, ຍາມໃດກໍ່ຕ້ອງຈັດໃຫ້ຊາວຫນຸ່ມຢູ່ທີ່ຕັ້ງໃຈກາງໃນຫລາຍບັນຫາໃຫຍ່ຂອງປະເທດຊາດ; ຕີລາຄາຊາວຫນຸ່ມແມ່ນປັດໄຈຫລັກແຫລ່ງແກ່ນສານໃນການກໍ່ຕັ້ງໂຄງສ້າງ ແລະ ພັດທະນາອະນາຄົດຂອງປະເທດຊາດ. ການເຕີບໃຫຍ່ຂອງໄວຫນຸ່ມ ນັ້ນແມ່ນຜົນສຳເລັດຂອງພັກ, ແມ່ນໄຊຊະນະຂອງພາລະກິດແຫ່ງການປະຕິວັດ, ແມ່ນຄວາມຍືນຍົງຄົງຕົວຕະຫລອດການຂອງຊາດ.