ນັກຮຽນ ນັກສຶກສາ ໄດ້ຮັບການໂຄສະນາ, ການສຶກສາ ກ່ຽວກັບສິດທິມະນຸດ. (ພາບ: Báo Đảng Cộng sản Việt Nam)

ສິດທິມະນຸດ ແລະ ການສຶກສາສິດທິມະນຸດ ແມ່ນມີຄວາມໝາຍສຳຄັນພິເສດ, ຊ່ວຍໃຫ້ທຸກຄົນເຂົ້າໃຈກ່ຽວກັບສິດທິມະນຸດ; ມີສະຕິໃນການປົກປ້ອງບັນດາສິດຂອງຕົວເອງ ແລະ ເຄົາລົບກຽດສັກສີ, ບັນດາສິດ ແລະ ຄວາມເສລີຂອງຜູ້ອື່ນ. ການປົກປ້ອງສິດທິມະນຸດ ແລະ ການສຶກສາມະນຸດແມ່ນບັນຫາມີລັກສະນະທົ່ວປວງຊົນ, ຮອບດ້ານຂອງທົ່ວປະເທດ.

ບັນດາໝາກຜົນທີ່ພົ້ນເດັ່ນໃນການສຶກສາສິດທິມະນຸດ

ເລື່ອງຮັບປະກັນສິດທິມະນຸດ, ຜັນຂະຫຍາຍການສຶກສາກ່ຽວກັບສິດທິມະນຸດຢູ່ ຫວຽດນາມ ບັນລຸໄດ້ຫລາຍໝາກຜົນສຳຄັນ. ພາຍຫລັງ 40 ປີແຫ່ງການປ່ຽນແປງໃຫມ່ (1986), ຫວຽດນາມ ໄດ້ກາຍເປັນປະເທດເປັນແບບຢ່າງໃນການປະຕິບັດບັນດາເປົ້າໝາຍສະຫັດສະວັດຂອງ ສະຫະປະຊາຊາດ ນັ້ນແມ່ນແບບຢ່າງກ່ຽວກັບການຮຳບາດແຜ ແລະ ຟື້ນຟູ ພາຍຫລັງສົງຄາມ.

  ອັດຕາສ່ວນຄອບຄົວທຸກຍາກຫລາຍຂົ້້ວຕາມມາດຖານໃຫມ່ປີ 2024 ຍັງເຫລືອພຽງປະມານ 1%. ຕາມບົດລາຍງານການພັດທະນາມະນຸດຂອງ UNDP, ດັດຊະນີການພັດທະນາມະນຸດ (HDI) ຂອງຫວຽດນາມ ປີ 2024 ໄດ້ຫຍັບຂຶ້ນ 8 ຂັ້້ນເມື່ອທຽບໃສ່ໄລຍະດຽວກັນຂອງປີກາຍ ຈາກອັນດັບ 115 ຂຶ້ນເປັນອັນດັບ 107/193 ປະເທດ.

ເດັກນ້ອຍໄດ້ຮັບການລ້ຽງດູ, ສ້າງທຸກເງື່ອນໄຂໃຫ້ໄດ້ໄປໂຮງຮຽນ, ປະຊາຊົນທຸກຄົນ ລ້ວນແຕ່ໄດ້ຮັບການສົ່ງເສີມການຮຽນໃນພື້ນຖານການສຶກສາແຫ່ງຊາດ ນັບມື້ນັບພັດທະນາ ແລະ ສັງຄົມຮຳ່ຮຽນ. ຊາວຫນຸ່ມ ຜູ້ໃນເກນອາຍຸອອກແຮງງານ ມີຫລາຍກາລະໂອກາດໄດ້ເຮັດວຽກ. ໄລ່ຮອດໄຕມາດ III ປີນີ້, ຫວຽດນາມ ມີ 51,6 ລ້ານຄົນມີວຽກເຮັດງານທຳ, ກວມເອົາ 98% ກຳລັງແຮງງານ.      

ໃນຂະນະນັ້ນ ອາຍຸຍືນສະເລ່ຍຂອງຊາວຫວຽດນາມ ປີ 2023 ແມ່ນ 74,5ປີສູງກວ່າລະດັບສະເລ່ຍຂອງໂລກ (73 ປີ). ປະຈຸບັນ ລັດຈ່າຍອຸດຫນູນເປັນປະຈຳໃຫ້ແກ່ ຜູ້ມີຄຸນງາມຄວາມດີ ກວ່າ 1,13 ລ້ານຄົນ ດ້ວຍງົບປະມານແມ່ນ 29.000 ຕື້ດົ່ງ/ປີ (1,2 ຕຶ໊ຶ USD).  ຜູ້ດ້ອຍໂອກາດ, ຜູ້ປະສົບກັບຄວາມຫຍຸ້ງຍາກ, ປະສົບກັບໄພທຳມະຊາດ, ພາຍຸ ໄດ້ຮັບການຫນູນຊ່ວຍ, ຜູ້ທຸກຍາກ ໄດ້ເອື້ອອຳນວຍຄວາມສະດວກເພືອເຂົ້າເຖິງບັນດາການບໍລິການສັງຄົມພື້ນຖານ ແລະ ຫລຸດພົ້ນອອກຈາກຄວາມທຸກຍາກແບບຍືນຍົງ. ຫວຽດນາມ ພວມປະຕິບັດເປົ້າໝາຍລົບລ້າງເຮືອນຢູ່ຊົ່ວຄາວ, ເຮືອນຊຸດໂຊມຢູ່ໃນທົ່ວປະເທດໃນປີ 2025.       

ຢູ່ ຫວຽດນາມ, ປະຊາຊົນທຸກຄົນ ລ້ວນແຕ່ໄດ້ດຳລົງຊີວິດໃນສັນຕິພາບ, ໄດ້ຊົມໃຊ້ສິດເສລີປະຊາທິປະໄຕ, ເສລີດ້ານສາສະຫນາ, ການເຊື່ອຖືເຫລື້ອມໃສສາສະຫນາ, ສິດເສລີດ້ານສື່ມວນຊົນ, ໄດ້ເຂົ້າເຖິງຂໍ້ມູນຂ່າວ, ສິດເສລີໃນການປະດິດຄິດສ້າງ ແລະ ຄວາມຍຸຕິທຳຕໍ່ກົດໝາຍ. ຕາມການຈັດອັດດັບຂອງ ສະຫະປະຊາຊາດແລ້ວ, ດັດຊະນີຄວາມຜາສຸກປີ 2024 ຂອງຫວຽດນາມ ຫຍັບຂຶ້ນ 11 ຂັ້ນ, ຈັດອັນດັບທີ 54/143. ປະຈຸບັນ ຫວຽດນາມ ແມ່ນສະມາຊິກຕັ້ງຫນ້າເຂົ້າຮ່ວມບັນດາການເຄື່ອນໄຫວຂອງສະພາສິດທິມະນຸດ ສະຫະປະຊາຊາດ ອາຍຸການ 2023 -2025.       

“ສຳລັບ ຫວຽດນາມ ການປົກປ້ອງສິດທິມະນຸດ ແລະ ການສຶກສາສິດທິມະນຸດ ແມ່ນຫນ້າທີ່ມີລັກສະນະທົ່ວປວງຊົນ, ຮອບດ້ານ, ກວມລວມ. ການປົກປ້ອງສິດທິມະນຸດ ແລະ ການສຶກສາສິດທິມະນຸດ ພາຍໃຕ້ການຊີ້ນຳຂອງພັກ, ການຄຸ້ມຄອງຂອງລັດ ແລະ ມີການເຂົ້າຮ່ວມຂອງປະຊາຊົນ. ການປົກປ້ອງສິດທິມະນຸດ ແລະ ການສຶກສາສິດທິມະນຸດ ແມ່ນໂຄງການຢ່າງເປັນທາງການ, ໂດຍໄດ້ຕັ້ງໃນພື້ນຖານການສຶກສາສັງລວມ ຖືນັກຮຽນ ແມ່ນໃຈກາງ, ຄູອາຈານແມ່ນກຳລັງຫນູນ, ໂຮງຮຽນແມ່ນພື້ນຖານ ແລະ ປະຕິບັດການຮ່ຳຮຽນຕະຫລອດຊີວິດ ແລະ ສັງຄົມຮ່ຳຮຽນ.”

        ຫລັກການເຂົ້າເຖິງສິດທິມະນຸດ ແມ່ນມາດຖານແບບບັງຄັບໃນການສ້າງ, ປະຕິບັດນະໂຍບາຍ

ໄລຍະຈະມາເຖິງ, ເພື່ອສືບຕໍ່ຜັນຂະຫຍາຍປະສິດທິຜົນແຜນນະໂຍບາຍ, ແນວທາງຂອງພັກ, ກົນໄກ, ນະໂຍບາຍກົດໝາຍຂອງລັດ ກ່ຽວກັບການປົກປ້ອງສິດທິມະນຸດ, ຫວຽດນາມ ຈະນຳເອົາຫລັກການເຂົ້າເຖິງໂດຍອີງໃສ່ສິດທິມະນຸດກາຍເປັນຄວາມຮຽກຮ້ອງຕ້ອງການ ແລະ ມາດຖານຕີລາຄາແບບບັງຄັບໃນບັນດາການເຄື່ອນໄຫວສ້າງ ແລະ ປະຕິບັດນະໂຍບາຍ, ກົດໝາຍຢູ່ທຸກລະດັບ.

ຫວຽດນາມ ກໍ່ສືບຕໍ່ເຂົ້າຮ່ວມຢ່າງມີຄວາມຮັບຜິດຊອບ, ຊຸກຍູ້ການພົບປະສົນທະນາ, ການຮ່ວມມືໃນຂອບເຂດສະພາສິດທິມະນຸດລະຫວ່າງບັນດາປະເທດກ່ຽວຂ້ອງ, ບັນດາອົງການຈັດຕັ້ງໃນພາກພື້ນ ແລະ ບັນດາກົນໄກຂອງສະຫະປະຊາຊາດກ່ຽວກັບສິດທິມະນຸດ ເພື່ອແກ້ໄຂບັນດາຄວາມສົນໃຈລວມກ່ຽວກັບບັນດາບັນຫາກ່ຽວຂ້ອງເຖິງສິດທິມະນຸດ, ມະນຸດສະທຳ.

ບັນຫາສິດທິມະນຸດ ແລະ ການສຶກສາສິດທິມະນຸດແມ່ນຫນຶ່ງໃນບັນດາເນື້ອໃນຫລັກໃນແນວຄິດໂຮ່ຈີມິນ, ແມ່ນທັດສະນະລຸລ່ວງໃນທຸກແນວທາງ, ແຜນນະໂຍບາຍຂອງພັກ, ນະໂຍບາຍກົດໝາຍຂອງລັດ ຫວຽດນາມ. ໃນສັງກາດໃຫມ່, ດ້ວຍຄວາມຕັດສິນໃຈປົກປ້ອງສິດທິມະນຸດ, ການສຶກສາສິດທິມະນຸດ ຈະປະກອບສ່ວນຊ່ວຍ ຫວຽດນາມ ປະຕິບັດການຫັນຄວາມຄາດຫວັງໃນການສ້າງສາປະເທດ ຫວຽດນາມ ສັງຄົມນິຍົມ ໃຫ້ຮັ່ງມີເຂັ້ມແຂງ ວັດທະນາຖາວອນໃຫ້ປະກົດຜົນເປັນຈິງ.