ຢູ່ຮ່າໂນ້ຍໃນຍາມອາກາດໜາວຈັດ, ເມື່ອຖືກນັ່ງຮັບປະທານອາຫານໃນຮ້ານອາຫານ “ ຈາກາ້ທັງລອງ” , ຜູ້ຄົນທັງຫຼາຍຈະຮູ້ສຶກປະທັບໃຈທີ່ສຸດ. ໃນຍຸກເສດຖະກິດທີ່ນັບມື້ນັບຂະຫຍາຍຕົວ, ປະຊາຊົນສ່ວນຫຼວງຫຼາຍກໍພໍກິນພໍຢູ່ນັ້ນ, ເຂົາເຈົ້າພັດມຸ່ງໄປສູ່ສິ່ງດີງາມກ່ວາ, ນັ້ນແມ່ນ “ກິນແຊບ, ນຸ່ງງາມ”. ແລະ ເຍືອງອາຫານທີ່ປຸ່ງແຕ່ງຈາກປາ ແມ່ນໄດ້ຮັບການເລືອກເຟັ້ນຈາກຫຼາຍຄົນ. ດັ່ງນັ້ນ, ຮ້ານອາຫານ“ ຈາກາ້ທັງລອງ” ແມ່ນນັບມື້ນັບມີຄົນມາກິນຢ່າງຫຼວງຫຼາຍ.
ຈາກາ້ ຊຶ່ງແມ່ນເຍື່ອງອາຫານບຳລຸງສຸຂະພາບ |
“ ຈາກາ້ທັງລອງ” ໝາຍເຖິງອາຫານເຍື່ອງໜຶ່ງຊຶ່ງປະກອບດ້ວຍປາ, ເຂົ້າປຸ້ນ, ກະປິ, ໝາກຖົ່ວດິນ, ໝາກເຜັດ ພ້ອມດ້ວຍຜັກຫອມຊະນິດຕ່າງໆຄື : ຫົວປົວ, ຜັກຊີ….
ເມື່ອແຂກເຂົ້າມາກິນໃນຮ້ານ ແມ່ນເຄີຍກິນຕາມຊຸດ, ມີເທົ່າໃດຄົນກໍກິນຈຳນວນຊຸດເທົ່ານັ້ນ. ເຍືອງອາຫານຈາກາ້ທີ່ນຳມາໃຫ້ແຂກນັ້ນ, ລວມມີປາຈານໜຶ່ງ, ຊຶ່ງຖືກຕັດເປັນຕອນມີຮູບ 4 ລຽມ ປະມານ 3-4 cm , ຖືກຈືນຊົ່ວຄາວດ້ວຍນ້ຳມັນພືດ. ນອກຈາກນັ້ນ ກໍຍັງມີເຂົ້າປຸ້ນຈານໜຶ່ງ ພ້ອມດ້ວຍຜັກຫອມບົວ, ໝາກຖົ່ວດິນ ແລະ ຜັກຊີ. ອີກສິ່ງໜຶ່ງທີ່ຂາດບໍ່ໄດ້ແມ່ນນ້ຳຈິ້ມຖືກເຮັດດ້ວຍກະປິໂດຍໃສ່ນ້ຳຕານ, ໝາກນາວ ແລະ ໝາກເຜັດຕາມໃຈມັກ. ສຳລັບປາທີ່ ຮ້ານອາຫານ“ ຈາກາ້ທັງລອງ” ເຄີຍນຳໃຊ້, ນັ້ນແມ່ນປາລັງຊຶ່ງແມ່ນປາໜັງຊະນິດໜຶ່ງຖືກລ້ຽງຫຼາຍຢູ່ພາກເໜືອຫວຽດນາມ. ທ້າວເຈີນຮຸ່ງ ພໍ່ຄົວຂອງ ຮ້ານອາຫານ“ ຈາກາ້ທັງລອງ” ໃຫ້ຮູ້ເຫດຜົນທີ່ຮ້ານອາຫານໄດ້ເລືອກເອົາປາຊະນິດນີ້ເພື່ອປຸ່ງແຕ່ງເຍືອ່ງອາຫານນີ້ວ່າ :
“ ປາລັງແມ່ນປາປະເພດນ້ຳຈືດ, ປະຈຸບັນ ປະຊາຊົນລ້ຽງຫຼາຍທີ່ສຸດ ຊຶ່ງໄດ້ໃຫ້ສະມັດຕະພາບສູງ, ລາຄາກໍເໝາະສົມ. ສຳຄັນທີ່ສຸດ ແມ່ນປາຊະນິດນີ້, ກະດູກບໍ່ຫຼາຍ ”
ເມື່ອຄົນຮັບໃຊ້ຂອງຮ້ານນຳປາດິບມານັ້ນ, ກໍຈະຖືກຈືນຄືນໃສ່ໝໍ້ຂາງທີ່ມີນ້ຳມັນພືດພວມຟົດເທິ່ງເຕົາໄຟ. ດັ່ງນັ້ນ ປາຈະຖືກຮັບປະກັນມີກິນຫອມ, ສຸກດີ. ພ້ອມກັນນັ້ນກໍເອົາຜັກຫອມບົວ ແລະ ຜັກຊີໃສ່ຕື່ມ ແລະ ຕ້ອງການເວລາພຽງ 1 ນາທີ ກໍຈະສຸກພ້ອມດ້ວຍ. ກິນຫອມຂອງປາ, ຜັກຫອມ ພ້ອມດ້ວຍໝາກຖົ່ວດິນປະສົມປະສານກັບກະປິ ກໍເຮັດໃຫ້ແຂກທັງຫຼາຍເມື່ອກິນແລ້ວ ກໍຢາກກິນອີກຫຼາຍເທື່ອ. ທ້າວເຈີນຮຸ່ງ ພໍ່ຄົວຂອງ ຮ້ານອາຫານ“ ຈາກາ້ທັງລອງ” ໃຫ້ຮູ້ວ່າ ມີແຂກມານີ້ຮັບປະທານເປັນປະຈຳ, ເຂົາເຈົ້າຍາມໃດກໍພໍໃຈກັບຄຸນນະພາບອາຫານຂອງຮ້ານ. ທ້າວເຈີນຮຸ່ງ ເວົ້າວ່າ :
“ ຈຳນວນແຂກມາກິນຢູ່ຮ້ານ ແມ່ນຂຶ້ນກັບແຕ່ລະວັນ. ຍົກຕົວຢ່າງຄື ໃນມື້ພັກການຫຼືວັນບຸນ ແຂກກໍມາຫຼາຍທີ່ສຸດ ຮອດຮ້ອຍເທື່ອຄົນ, ສວ່ນມື້ທຳມະດາແມ່ນແຕ່ 40 ຫາ 50 ເທື່ອຄົນ. ຮ້ານອາຫານ“ ຈາກາ້ທັງລອງ” ໝັ້ນໝາຍວ່າຍາມໃດກໍໃຊ້ວັດຖຸດິບສະອາດ, ຮັບປະກັນຫຼັກອະນາໄມ. ແຂກມາຮັບປະທານຢູ່ ຮ້ານອາຫານ“ ຈາກາ້ທັງລອງ” ຍາມໃດກໍໄດ້ຮັບຄວາມເຄົາລົບນັບຖື ”
ສ່ວນນາງ ແຄ້ງຈີ ຜູ້ທີ່ໄດ້ເຄີຍໄປກິນຈາກ້າຢູ່ຫຼາຍຮ້ານແລ້ວ, ແຕ່ສຳລັບ ຮ້ານອາຫານ“ ຈາກາ້ທັງລອງ” , ນາງມີຄວາມປະທັບໃຈທີ່ສຸດ. ນາງ ແຄ້ງຈີ ເວົ້າວ່າ :
“ ປາຂອງຮ້ານນີ້ແຊບຫຼາຍ, ມີກິນຫອມ. ຢູ່ບາງຮ້ານອື່ນທີ່ຂ້າພະເຈົ້າໄດ້ໄປນັ້ນ ແມ່ນໃຊ້ປາຄໍ່ ແລະ ປາຊະນິດອື່ນ ແມ່ນບໍ່ແຊບຄືຮ້ານນີ້. ແນ່ນອນວ່າ ຂ້າພະເຈົ້າຈະມານີ້ຕະຫຼອດ ”
~~~~~~~~~~~~~~~~~~~~~~~~~~~~~~~~~~
ທ່ານຜູ້ຟັງທີ່ເຄົາລົບ !
ຖ້າທ່ານຢາກປຸ່ງແຕ່ງ ເຍືອງອາຫານນີ້ (ເພື່ອໃຫ້ 5 ຄົນກິນ), ພວກທ່ານກະກຽມວັດຖຸດິບດັ່ງລຸມນີ້ :
ປາລັງ ໂລໜຶ່ງ , ເຂົ້າປຸ້ນໂລໜຶ່ງ, ຖົ່ວດິນຖ້ວຍໜຶ່ງ, ຫອມບົວມັດໜຶ່ງ, ຜັກຊີມັດໜຶ່ງ, ໝາກເຜັດ , ຫົວຂ່າ, ກະປິ, ໝາກນາວພ້ອມດ້ວຍຜັກຫອມອື່ນໆອີກກໍຍິ່ງດີ.
ພວກເຮົາເລີ່ມເຂົ້າສູ່ການປຸ່ງແຕ່ງດັ່ງນີ້:
ປາພາຍຫຼັງຖືກປາດ ແລະ ລ້າງໃຫ້ສະອາດນັ້ນ, ແມ່ນຕ້ອງຕັດເອົາຊີ້ນເປັນຮູບ 4 ລຽມພໍກິນ ແລ້ວກໍເອືືອບດ້ວຍນ້ຳຫົວຂ່າ,ຂີ້ໝິນ, ກະປິ, ນ້ຳຕານປະມານ 1 ຊົວໂມງ.
ຫຼັງຈາກນັ້ນ ພວມເຮົາຈະແຕ່ງນ້ຳຈິ້ມ: ພວກເພື່ອນອາດຈະໃຊ້ກະປິຫຼືນ້ຳປາຕາມໃຈມັກ. ນອກຈາກນັ້ນກໍຄວນໃສ່ນ້ຳຕານ, ໝາກເຜັດ, ໝາກນາວອີກດ້ວຍ. ສຳລັບຜັກຫອມພວກເພື່ອນຕ້ອງລ້າງໃຫ້ສະອາດ ແລະ ປະໃຫ້ແຫ້ງ. ຖັດຈາກນັ້ນ, ພວກເຮົາຈະປິ້ງປາຊົ່ວຄາວ, ສຳຄັນແມ່ນຕ້ອງທານ້ຳມັນພືດໜ້ອຍໜຶ່ງໃສ່ປາເພື່ອໃຫ້ປາອ່ອນ ແລະ ບໍ່ແຫ້ງ. ແລ້ວພວກເຮົາປົນໃສ່ກັນຄ່ອຍກິນ. ຫວັງວ່າພວກທ່ານຈະກິນແຊບ.