ເຂົ້າເໝົ້າບ້ານວ່ອງ ໄດ້ກາຍເປັນອາຫານທີ່ລຶ້ງເຄີຍກັບຜູ້ຟັງ, ຜູ້ອ່ານຜ່ານບົດຂຽນຕ່າງໆຂອງນັກຂ່າວ VOV , ແຕ່ສຳລັບເຍື່ອງອາຫານຢໍເຂົ້າເໝົາຊຶ່ງແມ່ນອາຫານພິເສດຂອງຮ່າໂນ້ຍນັ້ນ, ເບິ່ງຄືວ່າຜູ້ຟັງ, ຜູ້ອ່ານອາດຈະບໍ່ໄດ້ເຫັນ, ໄດ້ຊີມຈັກເທື່ອ. ໃນຍຸກສະໄໝປະຈຸບັນ, ມີຫຼາຍຄອບຄົວເຮັດ ຢໍເຂົ້າເໝົ້າດ້ວຍເຄື່ອງຈັກ, ແຕ່ຄອບຄົວຂອງລຸງຕິ້ງຢູ່ເທດສະບານເມືອງເຈົາກີ, ຢາເລີມ, ຮ່າໂນ້ຍ ຍັງຄົງສາມາດຮັກສາວິທີປຸງແຕ່ງທີ່ມີມາແຕ່ດົນນານ, ນັ້ນແມ່ນໃຊ້ສາກ ແລະ ຄົກເພື່ອຕຳຊີ້ນ, ດັ່ງນັ້ນ ຍັງສາມາດຮັກສາໄດ້ລົດຊາດພິເສດຂອງອາຫານເຍື່ອງນີ້.
ເຍື່ອງອາຫານຢໍເຂົ້າເໝົາ |
ພໍແຕ່ມາຮອດປະຕູເຮືອນຂອງລຸງຕິ້ງ, ກໍໄດ້ຍິນສຽງຕຳຢໍຂອງລາວ ແລະ ລູກຊາຍທີ່ມີອາຍຸບໍ່ຮອດຊາວປີ. ຄອບຄົວຂອງລຸງຍັງຄົງຮັກສາວິທີປຸງແຕ່ງທີ່ມີມາແຕ່ດົນນານດ້ວຍການໃຊ້ສາກ ແລະ ຄົກເພື່ອຕຳຊີ້ນ. ຄອບຄົວຂອງລາວໄດ້ປະກອບອາຊີບນີ້ໄດ້ 15 ປີມາແລ້ວ, ເພາະສະນັ້ນ, ຍາມໃດກໍມີລູກຄ້າມາສັ່ງຊື້ຢໍເຂົ້າເໝົາ. ແຕ່ລະມື້, ຄອບຄົວລຸງຕິ້ງເຮັດຢໍເຂົ້າເໝົ້າໄດ້ປະມານ 30 Kg. ຢໍເຂົ້າເໝົ້າຈະແຊບຫຼືບໍ່ນັ້ນ ແມ່ນເນື່ອງຈາກການເລືອກເອົາຊີ້ນໝູ, ຊີ້ນຕ້ອງແມ່ນຊີ້ນສົດ, ມາຈາກໝູທີ່ຫາກໍຖືກຂ້າ. ສ່ວນເຂົ້າເໝົ້າ ກໍເລືອກເອົາແນວຫອມ ແລະ ຂຽວ ຍາມຕົ້ນລະດູ. ລຸງຕິ້ງເວົ້າວ່າ :
“ຄອບຄົວຂ້າພະເຈົ້າເຄີຍຊື້ເຂົ້າເໝົ້າ ແຕ່ຍາມຕົ້ນລະດູ, ແລ້ວກໍນຳໄປຕາກໃຫ້ແຫ້ງເພື່ອສະສົມໄວ້ ເພາະເຂົ້າເໝົາຍາມຕົ້ນລະດູ ແມ່ນໜຽວ ແລະ ຫອມທີ່ສຸດ. ຕ້ອງຊື້ເຂົ້າເໝົ້າຈາກຜູ້ລຶ້ງເຄີຍ ເພາະວ່າເຮົາສາມາດຮູ້ແຈ້ງຕົ້ນກຳເນີດຂອງຜະລິດຕະພັນ ຈຶ່ງຈະຮັບປະກັນຫຼັກອະນາໄມ, ຄວາມປອດໄພດ້ານສະບຽງອາຫານ. ເມື່ອ ຢໍເຂົ້າເໝົ້າຖືກປຸງແຕ່ງແລ້ວ, ກໍນຳໄປຂາຍສົ່ງຢູ່ຕາມຮ້ານຂາຍເຂົ້າປຸ້ນເຕົາຮູ້ຈືນ ຫຼືບັນດາຮ້ານຂາຍຍ່ອຍຢູ່ຕະຫຼາດຊຸມຊົນ. ບາງຄັ້ງຄາວ, ກໍມີຜູ້ມາສັ່ງຊື້ເພື່ອຝາກໄປຕ່າງປະເທດ, ດັ່ງນັ້ນເຮົາຕ້ອງຮັບປະກັນຄຸນນະພາບຂອງ ຢໍເຂົ້າເໝົາເພື່ອຮັກສາຊື່ສຽງຢໍເຂົ້າເໝົາຂອງຄອບຄົວ ”
ຊີ້ນເພື່ອເຮັດ ຢໍເຂົ້າເໝົາແມ່ນຕ້ອງເລືອກຕອນຢູ່ກົ້ນ ແລະ ຊີ້ນສັນ, ແລ້ວຕັດເປັນຕ່ອນນ້ອຍຊ່ຳເຄິ່ງກຳປັ້ນ, ຫຼັງຈາກນັ້ນເອົາໄປຕຳດ້ວຍສາກ ແລະ ຄົກຫີນ. ຕ້ອງຕຳຈົນກວ່າຊີ້ນມຸ່ນ ຈຶ່ງເອົານ້ຳຕານ ແລະ ນ້ຳປ່າໃສ່ເລັກນ້ອຍເພື່ອເພີ່ມຄວາມໜຽວຂອງຊີ້ນ. ຫຼັງຈາກນັ້ນກໍຕຳອີກບຶດໜຶ່ງ. ສ່ວນຊີ້ນສັນ ແມ່ນຕ້ອງນຳໄປບົດໃຫ້ມຸ່ນເພື່ອປະສົມກັບຊີ້ນທີ່ໄດ້ຕຳແລ້ວ. ຂັ້ນຕອນຕຳຊີ້ນແມ່ນຂັ້ນຕອນຕ້ອງເຮັດລະອຽດທີ່ສຸດໃນການປຸງແຕ່ງຢໍເຂົ້າເໝົາ. ລຸງຕິ້ງ ກໍຕ້ອງຮຽນວິຊາຊີບປຸງແຕ່ງອາຫານເຍື່ອງນີ້ເປັນເວລາ 3 ປີນຳຄອບຄົວພໍ່ເຖົ້າຢູ່ບ້ານເອືອກເລ້ ຊຶ່ງແມ່ນໝູ່ບ້ານເຮັດເຍື່ອງອາຫານຢໍເຂົ້າເໝົ້າທີ່ມີຊື່ສຽງຢູ່ຮ່າໂນ້ຍ. ລຸງຕິ້ງເປີດເຜີຍວ່າ :
“ຖ້າຢາກປຸງແຕ່ງຢໍເຂົ້າເໝົາໃຫ້ແຊບນັ້ນ, ກໍຕ້ອງໃສ່ນ້ຳມັນໝູເລັກຫນ້ອຍເພື່ອບໍ່ໃຫ້ແຫ້ງ ແລະ ແຂງ. ເພາະສະນັ້ນ, ຊີ້ນໝູຕ້ອງຕຳໃຫ້ມຸ່ນ, ແລ້ວປະສົມກັບຊີ້ນບົດ. ຕໍ່ຈາກນັ້ນ ກໍເອົາເຂົ້າເໝົາໃສ່ ພ້ອມກັບເກືອເລກຫນ້ອຍ, ແລ້ວກໍປັ້ນເປັນປັ້ນຊ່ຳເຄິ່ງຝາມື, ຫຼັງຈາກນັ້ນ ເອົາໄປໜຶ້ງ, ແລ້ວກໍນຳໄປຈືນ ”
ຈຳນວນແຂກມາສັ່ງຊື້ ຢໍເຂົ້າເໝົ້າຂອງລຸງຕິ້ງໃນຍາມລະດູໃບໄມ້ຫຼົ່ນນີ້ໄດ້ເພີ່ມຂຶ້ນ ເພາະວ່ານີ້ແມ່ນຊ່ວງເວລາທີ່ເຂົ້າເໝົ້າແຊບກວ່າໝູ່.
ອ້າຍຫາຍ ເຈົ້າຂອງຮ້ານຂາຍເຂົ້າປຸ້ນເຕົາຮູ້ຈືນ ຊຶ່ງແມ່ນລູກຄ້າປະຈຳຂອງລຸງຕິ້ງໃຫ້ຮູ້ວ່າ :
“ ມື້ນີ້, ຮ້ານຂ້າພະເຈົ້າ ມີແຂກມາກິນຫຼາຍ, ດັ່ງນັ້ນຕ້ອງມາຊື້ ຢໍເຂົ້າເໝົ້າ ຕື່ມຈຶ່ງພໍຂາຍ. ພິເສດ ແຂກຫຼາຍຄົນມັກກິນເຂົ້າປຸ້ນກັບ ຢໍເຂົ້າເໝົາ, ດັ່ງນັ້ນກໍຍິ່ງໝົດໄວ, ຕ້ອງມາຊື້ຕື່ມອີກ 2 Kg. ຄອບຄົວລຸງຕິ້ງແມ່ນຄອບຄົວເຮັດຢໍເຂົ້າເໝົ້າມີຊື່ສຽງ, ສຳລັບຢໍຊະນິດຕ່າງໆຂອງລຸງຕິ້ງ ກໍລ້ວນແຕ່ມີຄຸນນະພາບສູງ. ຢໍເຂົ້າເໝົາຂອງລຸງຕິ້ງ ແມ່ນຖືກປຸງແຕ່ງດ້ວຍຊີ້ນສົດ, ຮັບປະກັນຫຼັກອະນາໄມ”
ຖ້າຫາກພວກເພື່ອນມີໂອກາດມາຮ່າໂນ້ຍ, ເປັນຕົ້ນແມ່ນຍາມລະດູໃບໄມ້ຫຼົ່ນນັ້ນ, ຢາລືມຊີມລົດຊາດພິເສດຂອງ ຢໍເຂົ້າເໝົ້າແດ່ເດີ້.
----------------------------------
ທ່ານຜູ້ຟັງທີ່ເຄົາລົບ !
ເພື່ອປຸງແຕ່ງເຍື່ອງອາຫານ ຢໍເຂົ້າເໝົາພວກເພື່ອນກະກຽມວັດຖຸດິບດັ່ງນີ້ :
- ເຂົ້າເໝົາ: 150 g.
- ຊີ້ນໝູບົດ (ຊີ້ນສັນ): 300 g
- ຢໍດິບ : 200 g ພ້ອມກັບນ້ຳປາ, ເກືອ…
. ສຳລັບການປຸງແຕ່ງ, ພວກເຮົາໄດ້ແນະນຳມາຂ້າງເທິງ. ຫວັງວ່າພວກເພື່ອນຈະເຮັດກິນແຊບ.