ບັນດຸກແມ່ນອາຫານເຍື່ອງໜຶ່ງທີ່ໄດ້ປຸງແຕ່ງຈາກເຂົ້າສານ. ເມື່ອກ່ອນນີ້, ຊາວຫວຽດນາມເຄີຍເຮັດບັນດຸກກັບຖົ່ວດິນເປັນກ້ອນໃຫຍ່ ໂດຍປະໃຫ້ເຢັນ, ເມື່ອກິນຈຶ່ງຕັດເປັນຕ່ອນນ້ອຍໆ ແລະ ຈ້ຳກັບນ້ຳແຈວໝາກຖົ່ວເຫຼືອງ. ມາຮອດປະຈຸບັນ, ເຂົາເຈົ້າຍັງຄົງເຮັດບັນດຸກດ້ວຍການປຸງແຕ່ງຄືເກົ່າ ແຕ່ກິນເວລາມັນຮ້ອນ, ອັນໄດ້ເຮັດໃຫ້ບັນດຸກມີລົດຊາດພິເສດ ແລະ ແຊບກວ່າ.
ເຍື່ອງອາຫານບັນດຸກຮ້ອນ
|
ຮ້ານຂາຍບັນດຸກຂອງນາງຮວາ ແມ່ນຕັ້ງຢູ່ມໍ່ກັບປະຕູໂຂງສະຖາບັນກະສີກຳຫວຽດນາມທີ່ເມືອງຢາເລີມ, ຮ່າໂນ້ຍ ຫ່າງຈາກໃຈກາງນະຄອນຫຼວງຮ່າໂນ້ຍປະມານ 15 ກິໂລແມັດ. ຮ້ານຂອງນາງມີເນື້ອທີ່ປະມານ 60 ຕາແມັດ, ມີໂຕະຕັ່ງປະມານ 5 ຊຸດ. ຮ້ານຂອງນາງຮວາ ຫາກໍເປີດໄດ້ 5 ປີແລ້ວ, ນັບຕັ້ງແຕ່ນາງອອກພັກກິນເບ້ຍບຳນານ. ກ່ອນນີ້, ນາງຮວາກໍເປັນພະນັກງານເຮັດວຽກໃນ ສະຖາບັນກະສີກຳຫວຽດນາມ. ນາງຮວາເປີດເຜີຍວ່າ:(ເທບ)
“ ຮ້ານຂ້າພະເຈົ້າເປີດປະຕູນັບແຕ່ 16 ໂມງຫາ 19 ໂມງ, ແຕ່ຮອດເວລາ 18 ໂມງແຕ່ລະມື້, ກໍຂາຍໝົດແລ້ວ. ຍາມລະດູຮ້ອນ, ຂ້າພະເຈົ້າຂາຍນ້ຳຫວານ. ຮອດຍາມລະດູໃບໄມ້ຫຼົ່ນ ແລະ ລະດູໜາວ, ຂ້າພະເຈົ້າຈຶ່ງຫັນມາຂາຍ ບັນດຸກຮ້ອນ. ຢູ່ແຖວນີ້, ຮ້ານຂາຍບັນດຸກ ແມ່ນມີພຽງຮ້ານຂອງຂ້າພະເຈົ້າເທົ່ານັ້ນ, ດັ່ງນັ້ນ ຂ້າພະເຈົ້າຂາຍດີ້ ຂາຍດີ ”
(ເທບບັນທຶກສຽງ)
ເມື່ອມີແຂກມາສັ່ງກິນ, ນາງຮວາໄດ້ຂ້ຽວຕັກເອົາບັນດຸກບ່ວງໃຫຍ່ບ່ວງໜຶ່ງໃສ່ຖ້ວຍ ແລະ ກໍໃສ່ຕື່ມນ້ຳປາ. ບັນດຸກຂຸ້ນໜຽວ, ຂາວ ແລະ ຮ້ອນ, ມີລົດຫອມຂອງເຂົ້າສານປະສົມກັບຊີ້ນໝູຟັກຂົ້ວພ້ອມກັບເຫັດຫອມ, ເຫັດຊະນຸ່ນ, ຫົວຜັກຫອມບົວແຫ້ງ ແລະ ໃສ່ຕື່ມຜັກຫອມປ້ອມໜ້ອຍໜຶ່ງ ກໍເປັນການດຶງດູດໃຈຜູ້ບໍລິໂພກທີ່ສຸດ. ຕາມນາງຮວາແລ້ວ, ການປຸງແຕ່ງບັນດຸກ ແມ່ນບໍ່ຍາກແຕ່ຕ້ອງການເຮັດລະອຽດ. ນາງຮວາ ເວົ້າວ່າ :
“ ສິ່ງທີ່ຈຳເປັນ ແລະ ເປັນການຕັດສິນເມື່ອປຸງແຕ່ງເຍື່ອງອາຫານນີ້ ແມ່ນຕ້ອງປຸງແຕ່ງບັນດຸກແນວໃດໃຫ້ພໍດີ, ບໍ່ຂຸ້ນໜຽວ ແລະ ອ່ອນເກີນໄປ. ຕ້ອງໝ່າເຂົ້າໃຫ້ໄນ ແລະ ກໍບົດເຂົ້າກັບນ້ຳປູນໃສ ແລ້ວກໍນຳໄປຕົ້ມດ້ວຍໄຟປັບຄ່ອຍໆ ຈົນກວ່າແປ້ງເຂົ້າສຸກຈົນຂຸ້ນໜຽວ ແມ່ນສຳເລັດ”
ເມື່ອຟັງແຕ່ຄຳແນະນຳຂອງນາງຮວາ, ເບິ່ງຄືວ່າຈະເຮັດບັນດຸກໄດ້ຢ່າງງ່າຍດາຍ, ແຕ່ເມື່ອເບິ່ງນາງຮວາໃຊ້ໄມ້ຖູ່ຄົນແປ້ງເຮັດບັນດຸກໃນຕົວຈິງ ຈຶ່ງເຫັນວ່າມັນບໍ່ງ່າຍດາຍແຕ່ຢ່າງໃດ. ນາງຮວາຕ້ອງຄົນແປ້ງຢ່າງຕໍ່ເນື່ອງ ແລະ ຕ້ອງຄົນຄ່ອຍໆ. ນາງຮວາເວົ້າວ່າ :
“ ສຳລັບການປຸງແຕ່ງບັນດຸກຮ້ອນນີ້, ພຽງແຕ່ຕ້ອງຄົນແປ້ງໃຫ້ສຸກ, ແລ້ວໃສ່ເກືອຕື່ມເລກໜ້ອຍ. ຫຼັງຈາກນັ້ນ ກໍຕັກໃສ່ຖ້ວຍ, ໃສ່ນ້ຳປາໂດຍປະສົມກັບນ້ຳບໍລິສຸດ, ນ້ຳສົ້ມ, ນ້ຳຕານ, ແລ້ວກໍໃສ່ຊີ້ນໝູຟັກຂົ້ວພ້ອມກັບເຫັດຫອມ, ເຫັດຊະນຸ່ນ, ຫົວຜັກຫອມບົວແຫ້ງ, ໝາກເຜັດໂດຍຕາມໃຈ. ວັດຖຸດິບເພື່ອປຸງແຕ່ງບັນດຸກ ກໍລ້ວນແຕ່ໂດຍແມ່ນນາງຮວາເຮັດເອງ, ນັບທັງຂົ້ວຫົວຜັກຫອມບົວແຫ້ງ, ນາງກໍເຮັດເອງໃຫ້ຫອມ ”
ແຕ່ລະມື້, ນາງຮວາສາມາດຂາຍບັນດຸກໄດ້ແຕ່ 120 ຫາ 150 ຖ້ວຍ, ດ້ວຍລາຄາ 10.000 ດົງ ເທົ່າກັບ 4000 ກີບຕໍ່ຖ້ວຍ. ນາງອານ ນັກສຶກສາປີທີ 2 ສັງກັດພະແນກສັດຕະວະແພດ, ສະຖາບັນກະສີກຳຫວຽດນາມ ເຄີຍມາກິນບັນດຸກຢູ່ຮ້ານນາງຮວາໃຫ້ຮູ້ວ່າ :
“ ນ້ອງກິນ 2 ຖ້ວຍກໍອີ່ມແລ້ວ. ອາທິດໜຶ່ງນ້ອງມາກິນ 3 ເທື່ອ, ນ້ອງແມ່ນລູກຄ້າມາກິນປະຈຳຢູ່ ຮ້ານນາງຮວາ. ບັນດຸກຂອງຮ້ານນາງຮວາແມ່ນແຊບຫຼາຍ, ລາຄາກໍເໝາະສົມ. ນ້ອງຮູ້ສຶກສາກິນບັນດຸກຮ້ອນ ກໍຄ້າຍຄືກັບບັນກວນ, ແຕ່ມີລົດຊາດພິເສດກວ່າ ”
_________________________
ທ່ານຜູ້ຟັງທີ່ເຄົາລົບ!
ຖ້າຫາກພວກເພື່ອນຢາກເຮັດບັນດຸກຮ້ອນຄືຮ້ານຂອງນາງຮວາ, ພວກເພື່ອນຕ້ອງກະກຽມວັດຖຸດິບດັ່ງນີ້ :
- ແປ້ງເຂົ້າສານ: 200 ກະຣາມ
- ຊີ້ນໝູບົດ: 200 ກະຣາມ
- ປູນຂາວ : 50 ກະຣາມ
- ເຫັດຫອມ: 20 ກະຣາມ
- ນ້ຳບໍລິສຸດ: 1,2 ລິດ
- ນ້ຳຕານ 60 ກະຣາມ ພ້ອມກັບຫົວຜັກທຽມ, ຫົວຜັກຫອມບົວ, ນ້ຳສົ້ມ ແລະ ນ້ຳມັນພືດ.
ໃຫ້ປູນປະສົມກັບນ້ຳບໍລິສຸດ 500 ມີລີລິດ, ແລ້ວຄົນສະໝ່ຳສະເໝີ. ຫຼັງຈາກນັ້ນປະໄວ້ປະມານ 30 ນາທີ ເພື່ອຕັກເອົານ້ຳປູນໃສຢູ່ເທິ່ງ. ຕ້ອງໝ່າເຫັດຫອມໃຫ້ອ່ອນ, ແລ້ວກໍຕັດໃຫ້ມຸ່ນ. ນຳເອົາຊີ້ນໝູບົດຄັ້ນກັບເກືອປະມານ 3 ກະຣາມ, ນ້ຳຕານ 10 ກະຣາມ, ແປ້ງນົວເລກໜ້ອຍ ພ້ອມກັບເຫັດຫອມ, ຫົວຜັກທຽມ, ຫົວຜັກຫອມບົວ, ແລ້ວປະໄວ້ປະມານ 30 ນາທີ. ຫຼັງຈາກນັ້ນ ນຳໄປຂົ້ວຈົນສຸກ. ນຳເອົາແປ້ງເຂົ້າສານ 200 ກະຣາມ, ນ້ຳບໍລິສຸດ 500 ມີລີລິດ, ນ້ຳປູນໃສ 100 ມີລີລິດ ແລະ ເກືອ 3 ກະຣາມເຂົ້າໃສ່ໝໍ້, ແລ້ວຄົນລະລາຍເຂົ້າກັນ. ຫຼັງຈາກນັ້ນ ເອົາໄປຂ້ຽວ ແລະ ເຮັດໄຟຄ່ອຍໆ. ຕ້ອງຄົນໃຫ້ສະໝ່ຳສະເໝີ ຈົນກວ່າແປ້ງຂຸ້ນໜຽວ ແລະ ໃສ, ແລ້ວກໍປົງໝໍ້ລົງ .
ກ່ຽວກັບການປຸງແຕ່ງນ້ຳປາ: ຕ້ອງເອົາໝໍ້ຂຶ້ນຄ້າງເຕົາໄຟ ແລະ ປັບໄຟຄ່ອຍໆ, ແລ້ວເອົານ້ຳບໍລິສຸດ 200 ມີລີລິດ, ນ້ຳປາ 40 ມີລີລິດ, ນ້ຳຕານ 50 ກະຣາມ ແລະ ນ້ຳສົ້ມ 5 ມີລີລິດ ເຂົ້າໃສ່ໝໍ້, ແລ້ວຄົນສະໝ່ຳສະເໝີຈົນກວ່ານ້ຳຕານລະລາຍ, ຈຶ່ງປົງໝໍ້ລົງ. ສຸດທ້າຍ ພວກເພື່ອນຕັກບັນດຸກໃສ່ຖ້ວຍ, ເອົາຊີ້ນຟັກ ແລະ ນ້ຳປາໃສ່ຕື່ມ. ພວກເພື່ອນອາດຈະກິນໝາກເຜັດຕື່ມອີກໂດຍຕາມໃຈ. ຫວັງວ່າພວກເພື່ອນຈະເຮັດກິນແຊບ .