(vovworld) ເຖິງວ່າບໍ່ໄດ້ຮັບການເລືອກເຟັ້ນເປັນຕາແສງປະຕິບັດທົດ ລອງການກໍ່ສ້າງຊົນນະບົດໃໝ່ກໍ່ຕາມ, ແຕ່ມາຮອດປະຈຸບັນ, ຕາແສງຖູ້ຍວັນ, ເມືອງທ້າຍຖູ້ຍ, ແຂວງທ້າຍບິ່ງ ພັດເປັນແບບຢ່າງທີ່ນຳໜ້າໃນຂະບວນການນີ້. ນັ້ນແມ່ນຄວາມເຫັນດີເຫັນພ້ອມລະຫວ່າງອຳນາດການປົກຄອງແລະ ປະຊາຊົນ. ຕ້ອງເວົ້າຄືແນວໃດໃຫ້ປະຊາຊົນເຂົ້າໃຈ ແລະ ເຮັດຄືແນວໃດໃຫ້ປະຊາຊົນໄວ້ເນື້ອເຊື່ອໃຈ ຈຶ່ງສາມາດລະດົມກຳລັງແຮງຈາກປະຊາຊົນໄດ້. ນັ້ນແມ່ນບາດກ້າວບຸກທະລຸຕົ້ນຕໍຂອງຕາແສງຖູ້ຍວັນ ໃນການກໍ່ສ້າງຊົນນະບົດໃໝ່.
ທາງຄົມມະນາຄົມທັງໝົດໃນຕາແສງຖູ້ຍວັນ ລ້ວນແຕ່ໄດ້ຮັບການກໍ່ສ້າງດ້ວຍເບຕົງ
(ພາບ: ອິນເຕີແນດ)
ທາງຄົມມະນາຄົມທັງໝົດໃນຕາແສງຖູ້ຍວັນ ລ້ວນແຕ່ໄດ້ຮັບການກໍ່ສ້າງດ້ວຍເບຕົງ, ລະບົບຄອງເໝືອງ, ເສັ້ນທາງໃນເຂດທົ່ງນາກໍ່ໄດ້ຮັບການກໍ່ສ້າງສຳເລັດແລ້ວ, ອັນໄດ້ສ້າງເງື່ອນໄຂໃຫ້ລົດໂອໂຕ, ຈັກກ່ຽວເຂົ້າ, ລົດໄຖເດີນຕາມໄປມາຢ່າງສະດວກສະບາຍ. ປະຊາຊົນກໍ່ດີໃຈເມື່ອໄດ້ດຳລົງຊີວິດແລະ ເຮັດວຽກໃນສະພາບແວດລ້ອມຄືດັ່ງກ່າວ. ປ້າ ຫງວຽນທິມົ້ວ, ອາຍຸ 65 ປີພວມຫຼົກຫຍ້າໃນທົ່ງນາເວົ້າວ່າ:
”ຂ້າພະເຈົ້າຮູ້ສຶກພາກພູມໃຈຫຼາຍ, ກ່ອນນີ້ແມ່ນທາງດິນ, ການໄປມາຫຍຸ້ງຍາກທີ່ສຸດ, ຍາມຝົນຕົກທາງກໍ່ເປັນຕົມ, ຕ້ອງໃຊ້ໄມ້ເທົ້າຈຶ່ງສາມາດໄປໄດ້. ເມື່ອປຸກລະດົມຂະຂວນການກໍ່ສ້າງຊົນນະບົດໃໝ່, ພວກຂ້າພະເຈົ້າຕ່າງກໍ່ເຂົ້າຮ່ວມ ແລະ ປະຕິບັດວຽກງານທງໝົດທີ່ໄດ້ວາງອອກໃນແຜນນະໂຍບາຍ.”
ປ້າທັງຫົວທັງເວົ້າວ່າ ຂ້າພະເຈົ້າຢາກມີອາຍຸຍືນ ເພື່ອເຫັນປະຈັກຕາການປ່ຽນແປງຢູ່ເຂດຊົນນະບົດ. ສ່ວນເອື້ອຍ ຫງວຽນທິທູ ພວມຫຼົກຫຍ້າຢູ່ທົ່ງນາໃກ້ຄຽງກໍ່ໃຫ້ຮູ້ວ່າ, ເມື່ອເຜີຍແຜ່ນະໂຍບາຍກໍ່ສ້າງຊົນນະບົດໃໝ່, ເອື້ອຍ ແລະ ປະຊາຊົນໃນບ້ານ 2 ຜູ້ໃດກໍ່ສະໜັບສະໜູນ.
”ການກໍ່ສ້າງຊົນນະບົດໃໝ່ແມ່ນເພື່ອຜົນປະໂຫຍດຂອງປະຊາຊົນ, ເສັ້ນ ທາງນີ້ແມ່ນຮັບໃຊ້ໃຫ້ແກ່ການໄປມາຂອງປະຊາຊົນ, ດັ່ງນັ້ນພວກຂ້າພະເຈົ້າ ພ້ອມແລ້ວທີ່ຈະປະກອບກຳລັງເຫື່ອແຮງຂອງຕົນເພື່ອເຮັດ. ລັດຊ່ວຍເຫຼືອອຸປະ ກອນ ສ່ວນພວກຂ້າພະເຈົ້າປະກອບກຳລັງແຮງງານ”.
ທະຫານ ແລະ ປະຊາຊົນໃນຕາແສງຖູ້ຍວັນພ້ອມກັນຄູນຄັນນາໃຫ້ທົ່ງນາຂະໜາດໃຫຍ່
(ພາບ: ອິນເຕີແນດ) ຫັນການຜະລິດກະສີກຳເປັນທັນສະໄໝ, ນຳເຄື່ອງຈັກ, ເຕັກນິກເຂົ້າທົ່ງນາ, ກໍ່ສ້າງທົ່ງນາຂະໜາດໃຫຍ່, ນັ້ນແມ່ນໜ້າທີ່ສຳຄັນໃນການກໍ່ສ້າງຊົນນະບົດໃໝ່. ທັງແມ່ນວຽກງານທີ່ຫຍຸ້ງຍາກ, ສັບສົນ, ຍ້ອນປະຊາຊົນມີຄວາມຊິນເຄີຍກັບປະເພນີປູກຝັງແບບເກົ່າ. ເພື່ອສ້າງການຫັນປ່ຽນໃນການກໍ່ສ້າງຊົນນະບົດໃໝ່, ອຳ ນາດການປົກຄອງຕາແສງໄດ້ລະດົມ, ອະທິບາຍໃຫ້ປະຊາຊົນເຂົ້າໃຈຜົນປະໂຫຍດຂອງການກໍ່ສ້າງທົ່ງນາຂະໜາດໃຫຍ່, ທາງຄົມະນາຄົມຊົນນະບົດ ແລະ ລະບົບຊົນລະປະທານໃນເຂດທົ່ງນາ. ເມື່ອໄດ້ຮັບຄວາມເຫັນດີເຫັນພ້ອມຈາກ ປະຊາຊົນ, ພາຍໃນເວລາພຽງສັ້ນໆເທົ່ານັ້ນ, ຕາແສງໄດ້ກໍ່ສ້າງທົ່ງນາຂະໜາດໃຫຍ່ສຳເລັດ ດ້ວຍເນື້ອທີ່ທັງໝົດເກືອບ 340 ເຮັກຕາ. ທ່ານ ດ່າວຫວຽດໂບ້, ປະທານຄະນະກຳມະການປະຊາຊົນຕາແສງຖູ້ຍວັນ ຖືວ່າ, ຖ້າບໍ່ມີຄວາມເຫັນດີເຫັນພ້ອມລະຫວ່າງອຳນາດການປົກຄອງ ແລະ ປະຊາຊົນ, ຕາແສງຖູ້ຍວັນ ຍາກທີ່ຈະກໍ່ສ້າງຊົນະບົດໃໝ່ໄດ້.
”ຢາກເຮັດໄດ້, ກ່ອນອື່ນໝົດພະນັກງານ ແລະ ປະຊາຊົນຕ້ອງພ້ອມກັນເຂົ້າຮ່ວມ. ສະເພາະການກໍ່ສ້າງທົ່ງນາຂະໜາດໃຫຍ່. ປີ 2011, ພວກຂ້າພະເຈົ້າ ໄດ້ລະດົມແຕ່ລະຄອບຄົວປະກອບທີ່ດິນ 24 ຕາລາງແມັດ ເພື່ອຄູນຄັນນາ, ສ່ວນແຮງງານກວ່າ 100.000 ວັນ ໂດຍປະຊາຊົນປະກອບ, ລວມມູນຄ່າເກືອບ 20 ຕື້ດົ່ງ. ຮອດວັນທີ 20/12/2013, ການກໍ່ສ້າງຊົນນະບົດໃໝ່ຢູ່ຕາແສງໄດ້ສຳເລັດ. ດ້ວຍຄ່າກໍ່ສ້າງທັງໝົດແມ່ນ 72 ຕຶ້ດົ່ງ, ໃນນັ້ນ 76% ແມ່ນການປະກອບຂອງປະຊາຊົນ ແລະ ງົບປະມານຂອງຕາແສງ. ຖ້າຫາກບໍ່ມີການເຂົ້າຮ່ວມຂອງປະຊາຊົນ, ການກໍ່ສ້າງຊົນນະບົດໃໝ່ຈະບໍ່ສາມາດຮັບຜົນສຳເລັດໄດ້ .”
ປະຊາຊົນປະກອບເຫື່ອແຮງກໍ່ສ້າງລະບົບຊົນລະປະທານ
(ພາບ: ອິນເຕີແນດ) ໂດຍຕ່າງກັບທ້ອງຖີ່ນຕ່າງໆໃນແຂວງ, ຕາແສງຖູ້ຍວັນ ມີວິທີເຮັດຢ່າງມີໄຫວພິກ. ທິດນຳຂອງຕາແສງແມ່ນເລີ່ມດຳເນີນ ”ຈາກທົ່ງນາເຂົ້າ, ຈາກເຮືອນຊານອອກສູ່ຮ່ອມບ້ານ, ສຸດທ້າຍຈຶ່ງປັບປຸງສຳນັກງານ”. ຖູ້ຍວັນ ກຳນົດທິດທາງພັດທະນາເສດຖະກິດແມ່ນຖືກະສີກຳເປັນຕົ້ນ, ດັ່ງນັ້ນເພື່ອການກໍ່ສ້າງຊົນນະບົດໃໝ່ຕ້ອງເອົາໃຈໃສ່ເຖິງການປົດປ່ອຍກຳລັງແຮງງານໃຫ້ຊາວກະສີກອນ, ນຳໃຊ້ຄວາມກ້າວໜ້າດ້ານວິທະຍາສາດ, ເຕັກນິກເຂົ້າໃນການຜະລິດ. ຢາກເຮັດໄດ້ຄືແນວນັ້ນແມ່ນຕ້ອງກໍ່ສ້າງທົ່ງນາຂະໜາດໃຫຍ່, ກໍ່ສ້າງທາງຄົມມະນາຄົມ ແລະ ຊົນລະປະທານຢູ່ເຂດທົ່ງນາ.
ຜົນສຳເລັດຂອງຕາແສງຖູ້ຍວັນ ນັ້ນແມ່ນຍາມໃດກໍ່ຮັບປະກັນລັກສະນະປະຊາທິປະໄຕ, ເປີດເຜີຍ, ໂປ່ງໄສ, ລະດົມກຳລັງແຮງສັງລວມຂອງປະຊາຊົນ ແລະ ບັນດາອົງການຈັດຕັ້ງການເມືອງເຂົ້າຮ່ວມ. ສິ່ງສຳຄັນແມ່ນໄດ້ເຮັດໃຫ້ປະຊາຊົນທຸກຄົນເຂົ້າໃຈ ແລະ ເປັນເຈົ້າການກໍ່ສ້າງຊົນນະບົດໃໝ່ຢ່າງແທ້ຈິງ. ນີ້ແມ່ນປັດໃຈຫຼັກແຫຼ່ງ ແລະ ສຳຄັນເພື່ອໄດ້ຮັບຜົນສຳເລັດໃນການກໍ່ສ້າງຊົນນະບົດໃໝ່ຢູ່ຖູ້ຍວັນ.