(vovworld) - ໂດຍແມ່ນໜຶ່ງໃນບັນດາຕາແສງເຂດຊາຍແດນຂອງເມືອງຊົງມ້າ, ແຂວງ ເຊີນລາ, ໃນຊຸມປີມໍ່ໆມານີ້, ຍ້ອນມີການຫັນປ່ຽນແບບວິທີປູກຝັງ ແລະ ນຳໃຊ້ບັນດາຄວາມກ້າວໜ້າດ້ານວິທະຍາສາດເຕັກນິກໃນການປູກຝັງ, ລ້ຽງສັດ, ຊີວິດຂອງປະຊາຊົນຕາແສງ ເມື່ອງຮຸງ ນັບມື້ນັບພັດທະນາ. ຢູ່ ເມື່ອງຮຸງ ນັບມື້ນັບມີຫຼາຍຮູບແບບປູກຝັງ, ລ້ຽງສັດທີ່ໃຫ້ສະມັດຕະພາບສູງ, ອັນໄດ້ເຮັດໃຫ້ໂສມໜ້າຊົນນະບົດຢູ່ເຂດຊາຍແດນແຫ່ງນີ້ຈະເລີນເຕີບໂຕເທື່ອລະກ້າວ.
ກ່ອນນີ້ຫຼາຍປີ, ຄອບຄົວທ່ານ ຫຼໍ່ວັນເຫຼດ ແມ່ນໜຶ່ງໃນບັນດາຄອບຄົວທຸກຍາກຂອງບ້ານພຽງແປນ, ຕາແສງ ເມື່ອງຮຸງ, ເມືອງ ຊົງມ້າ. ເພື່ອພັດທະນາເສດຖະກິດ, ຄອບຄົວທ່ານໄດ້ກູ້ຢືມທຶນຈາກທະນາຄານນະໂຍບາຍສັງຄົມເພື່ອປູກຕົ້ນລຳໃຍແນວພັນປະສົມ ແລະ ເປີດກວ້າງສະລ້ຽງປາ, ລ້ຽງສັດຕື່ມອີກ. ເມື່ອມີປະສົບການໃນການປູກຝັງ, ລ້ຽງສັດ ແລະ ມີທຶນເກືອບ 300 ລ້ານດົ່ງ, ທ່ານ ຫຼໍ່ວັນເຫຼດ ກໍ່ຊື້ໂອງ 15 ໂຕມາລ້ຽງ. ທັງລ້ຽງສັດ, ທັງເປີດກວ້າງຂະໜາດຜະລິດ, ມາຮອດປະຈຸບັນ, ຄອບຄົວທ່ານ ເຫຼດ ສາມາດກໍ່ສ້າງເຮືອນຢູ່ໄດ້ 2 ຫຼັງທີ່ມີມູນຄ່າເກືອບ 2 ຕື້ດົ່ງ. ທ່ານ ຫຼໍ່ວັນເຫຼດ ໃຫ້ຮູ້ວ່າ:
“ກ່ອນນີ້ຄອບຄົວຂ້າພະເຈົ້າພຽງແຕ່ປູກເຂົານາທາມເປັນຕົ້ນ, ບໍ່ມີເຄື່ອງກິນຂອງເພື່ອ. ແຕ່ປະຈຸບັນ, ຊີວິດການເປັນຢູ່ຂອງຄອບຄົວຂ້າພະເຈົ້າໄດ້ດີກວ່າແລ້ວ, ຂ້າພະເຈົ້າເຫັນວ່າລ້ຽງໂອງຈະໃຫ້ສະມັດຕະພາບສູງ, ດັ່ງນ້ັນທັງຄອບຄົວຈຶ່ງເຫັນດີຈະລ້ຽງໂອງຕື່ມອີກ 15 ໂຕເພື່ອສ້າງລາຍຮັບຕື່ມອີກ“.
ທ່ານຫຼໍາວັນເຫຼດໃຫ້ສັດກິນ
ໂດຍແມ່ນໜຶ່ງໃນບັນດາຄອບຄົວທີ່ຖືກຍົກຍ້າຍຈາກກິດຈະກຳເຂື່ອນໄຟຟ້ານຳ້ຕົກ ເຊີນລາ ມາດຳລົງຊີວິດຢູ່ຕາແສງ ເມື່ອງຮຸງ ແຕ່ປີ 2010, ໃນໄລຍະທຳອິດ, ຄອບຄົວອ້າຍ ເລື່ອງວັນທຶກ, ຢູ່ໜ່ວຍ 6, ຕາແສງ ເມື່ອງຮຸງ ພົບປະກັບຄວາມຫຍຸ້ງຍາກຫຼາຍຢ່າງ. ຜ່ານວຽກງານໂຄສະນາ, ຊ່ວຍເຫຼືອຂອງອຳນາດການປົກຄອງທ້ອງຖີ່ນ ພ້ອມກັບທຶນໜູນຊ່ວຍການຜະລິດຂອງລັດ, ອ້າຍທຶກ ໄດ້ລົງທຶນເປີດກວ້າງສວນ, ສະ, ຄອກ... ນຳໃຊ້ເຕັກນິກລ້ຽງສັດເຂົ້າໃນການລ້ຽງໄກ່, ເປັດ 800 ກວ່າໂຕ, ໝູ 60 ໂຕ ແລະ ມີສະລ້ຽງປາກວ້າງເກືອບ 1 ເຮັກຕາ, ສາມາດສ້າງລາຍຮັບໄດ້ 150 ລ້ານດົ່ງ/ປີໃຫ້ຄອບຄົວ. ອ້າຍ ເລື່ອງວັນທຶກ, ແບ່ງປັນວ່າ:
“ໃນໄລຍະຈະມາເຖິງ, ຄອບຄົວຂ້າພະເຈົ້າຈະສືບຕໍ່ເປີດກວ້າງຮູບແບບລ້ຽງສັດນີ້ເພື່ອຫຼຸດຜ່ອນລາຍຈ່າຍ. ຄອບຄົວຂ້າພະເຈົ້າກໍ່ສືບຕໍ່ໂຄສະນາເຜີຍແຜ່ບັນດາຮູບແບບຜະລິດຂອງຄອບຄົວຂ້າພະເຈົ້າ ໃຫ້ປະຊາຊົນໃນສະມາຄົມຊາວກະສິກອນ, ອົງການຈັດຕັ້ງມະຫາຊົນຮຳ່ຮຽນ ແລະ ປະຕິບັດຕາມ ແນໃສ່ຫຼຸດຜ່ອນຄວາມທຸກຍາກ, ອຶດຫີວໃຫ້ແກ່ປະຊາຊົນ“.
ສິ້ນສຸດວັນເຮັດວຽກ, ອ້າຍທຶກກໍ່ບົວລະບັດຝູງສັດຂອງຕົນ
ໃນຊຸມປີຜ່ານມາ, ຍ້ອນມີການຫັນປ່ຽນໂຄງປະກອບຜົນລະປູກ ແລະ ສັດລ້ຽງ, ໂສມໜ້າຊົນນະບົດຢູ່ແຫ່ງນີ້ໄດ້ມີການປ່ຽນແປງຢ່າງແຮງ, ປະລິມານການຜະລິດທັນຍາຫານປີ 2014 ບັນລຸໄດ້ກວ່າ 8.000 ໂຕນ, ລາຍຮັບສະເລ່ຍໃສ່ຫົວຄົນບັນລຸ 9,5 ລ້ານດົ່ງ/ຄົນ/ປີ... ທ່ານ ບູ່ຍວັນຖູຍ, ຜູ້ນຳຕາແສງ ເມື່ອງຮຸງ, ໃຫ້ຮູ້ວ່າ: ປະຊາຊົນໃນຕາແສງໄດ້ເປັນເຈົ້າການໃນການຜະລິດ, ລ້ຽງສັດເພື່ອຍົກປະສິດທິຜົນດ້ານເສດຖະກິດຂຶ້ນຕື່ມ. ທາງທ້ອງຖີ່ນກໍ່ມີຫຼາຍຮູບແບບເສດຖະກິດທີ່ສາມາດສ້າງລາຍຮັບໄດ້ແຕ່ 80-120 ລ້ານດົ່ງ/ປີ.
“ໃນໄລຍະຈະມາເຖິງ, ອຳນາດການປົກຄອງຕາແສງສືບຕໍ່ຊີ້ນຳບັນດາພາກສ່ວນວິຊາສະເພາະຍູ້ແຮງວຽກງານພັດທະນາເສດຖະກິດ - ສັງຄົມ, ປ້ອງກັນຊາດ, ປ້ອງກັນຄວາມສະຫງົບ. ພິເສດແມ່ນຍູ້ແຮງວຽກງານຄວບຄຸມໄພສັງຄົມ ເພື່ອໃຫ້ປະຊາຊົນອຸ່ມອ່ຽນໃຈທຳການຜະລິດ, ພັດທະນາ, ຮັບປະກັນໃຫ້ຊີວິດການເປັນຢູ່ຂອງປະຊາຊົນມີສະຖຽນລະພາບ“.
ຕາແສງເມື່ອງຮຸງມີຄວາມເບີກບານມ່ວນຊື່ນກວ່າເກົ່າ
ໄລຍະຈະມາເຖິງ, ຕາແສງ ເມື່ອງຮຸງ ຈະຂະຫຍາຍບັນດາຮູບແບບປູກຝັງ, ລ້ຽງສັດທີ່ນຳມາເຊິ່ງປະສິດທິຜົນດ້ານເສດຖະກິດ, ເພື່ອໃຫ້ປະຊາຊົນໃນຕາແສງຮຳ່ຮຽນເອົາ. ທັງຫັນປ່ຽນອົງປະກອບການຜະລິດກະສິກຳ ແລະ ເສດຖະກິດຊົນນະບົດຕາມທິດຜະລິດເປັນສິນຄ້າ, ຍົກສູງມູນຄ່າການຜະລິດໃນເນື້ອທີ່ປູກຝັງຂຶ້ນຕື່ມ. ທາງທ້ອງຖີ່ນໄດ້ກໍ່ສ້າງເປັນເຂດປູກຕົ້ນໄມ້ໃຫ້ໝາກແບບລວມສູນ, ທີ່ມີຂະໜາດໃຫຍ່ ຕິດພັນກັບຮາກຖານປູງແຕ່ງເພື່ອຮັບປະກັນສົ້ນອອກໃຫ້ຜະລິດຕະພັນກະເສດ.
ໃນແຕ່ລະທົ່ງນາ, ໄຮ່, ຊາວ ເມື່ອງຮຸງ ນັບມື້ນັບເປີດກວ້າງການຜະລິດ, ປູກຝັງ, ເພີ່ມລະດູການຜະລິດເພືອຍົກສູງຊີວິດການເປັນຢູ່ໃຫ້ປະຊາຊົນ. ຊາວກະສິກອນພວມສູ້ຊົນບືນຕົວຂຶ້ນໃນການກໍ່ສ້າງຊີວິດໃໝ່, ໂດຍຜ່ານການປະຕິບັດ ບັນດາຂະບວນການລົບລ້າງຄວາມທຸກຍາກ, ອຶດຫີວຢ່າງມີປະສິດທິຜົນ, ຊ່ວຍເຫຼືອກັນພັດທະນາ ເສດຖະກິດ, ພ້ອມກັນກໍ່ສ້າງເຂດຊາຍແດນໃຫ້ນັບມື້ນັບ ຮັ່ງມີເຂັ້ມແຂງ.